Municipal Health Office - Angono, Rizal

16/04/2026

16/04/2026

Sa pakikipagtulungan ng Pamahalaang Bayan ng Angono sa pamamagitan ng Angono Municipal Health Office sa Angono PNP ay ginanap ang Tuberculosis Active Case Finding o libreng Chest Xray para sa Persons Deprived of Liberty (PDL) na ginanap sa Angono PNP Lock Up Jail noong April 10, 2026, Biyernes.

Ang nasabing programa ay nakapagbigay ng serbisyo sa 124 PDL / inmates na naglalayong mabigyan ng kahalagahan, maagang deteksyon at tamang lunas sa sakit na Tuberculosis at mabigyan ng pantay na karapatan sa serbisyong pangkalusugan ang bawat sektor ng mamamayan sa Bayan ng Angono.

Ito ay naging matagumpay sa pamamagitan ng pakikipag-ugnayan ng Angono TB Prevention and Control Program Manager na si Ma. Ruby Villar, RN sa Philippine Business for Social Progress (PBSP), Provincial Health Office, DOH at iba pang kagawarang/organisasyong naglalayon na mapalakas ang programa sa pagkontrol sa Tuberculosis.

10/04/2026

📢 𝐌𝐚𝐬 𝐩𝐢𝐧𝐚𝐢𝐠𝐭𝐢𝐧𝐠 𝐧𝐚 𝐒𝐚𝐟𝐞𝐫 𝐂𝐢𝐭𝐢𝐞𝐬 𝐈𝐧𝐢𝐭𝐢𝐚𝐭𝐢𝐯𝐞 𝐬𝐚 𝐀𝐧𝐠𝐨𝐧𝐨! 🚨

Upang masiguro ang kaligtasan, kaayusan, at disiplina sa komunidad, patuloy na pinaiigting ng Lokal na Pamahalaan ng Angono, katuwang ang Philippine National Police ng Angono Municipal Police Station, ang mahigpit at sabayang pagpapatupad ng mga umiiral na lokal na ordinansa. Ito ay alinsunod sa direktiba ni Sec. Junvic Remulla na naglalayong gawing mas ligtas at maayos ang bawat lungsod at bayan.

Sa ilalim ng programang ito, mahigpit na ipinatutupad ang mga sumusunod:

🚫 Ipinagbabawal na ang pag-inom ng alak sa kalsada
🚫 Ipinagbabawal ang pagala-galang ng mga kabataan sa dis-oras ng gabi
🚫 Hindi pinapayagan ang paglabas sa pampublikong lugar nang walang sapat na kasuotan
🚫 Ipinagbabawal ang paggamit ng videoke o malalakas na sound system lampas alas-10 ng gabi

Ang mga hakbang na ito ay bahagi ng mas malawak na layunin ng pamahalaan na mapanatili ang kapayapaan, maiwasan ang gulo at krimen, at maprotektahan ang kapakanan ng bawat mamamayan—lalo na ang kabataan.

👮‍♂️Sa tulong ng pinaigting na presensya ng kapulisan at aktibong pakikiisa ng komunidad, inaasahang mas magiging maayos at disiplinado ang ating kapaligiran.

💬 Paalala sa lahat ng Angonoeño: Ang kaligtasan ay responsibilidad ng bawat isa. Sumunod sa mga ordinansa, makiisa sa mga programa ng pamahalaan, at maging bahagi ng pagbabago tungo sa isang ligtas, maayos, at maunlad na bayan.

09/04/2026

07/04/2026

𝐋𝐈𝐁𝐑𝐄𝐍𝐆 𝐕𝐈𝐓𝐀𝐌𝐈𝐍𝐒 𝐏𝐀𝐑𝐀 𝐒𝐀 𝐌𝐆𝐀 𝐁𝐔𝐍𝐓𝐈𝐒 𝐀𝐓 𝐁𝐑𝐄𝐀𝐒𝐓𝐅𝐄𝐄𝐃𝐈𝐍𝐆 𝐌𝐎𝐌𝐒! 🤰🏻🤱🏻

Simula Abril 16, 2026, maaari na pong kumuha ng LIBRENG vitamins ang mga buntis (sa simula ng kanilang pagbubuntis hanggang manganak) at mga nagpapasusong ina. Maaari magpunta sa inyong mga barangay health center para kumuha nito.

Paalala lamang po na tuwing THURSDAY ang Buntis Day para sa pagkuha ng libreng vitamins.

27/03/2026

𝐈𝐊𝐀-𝟏𝟐 𝐁𝐔𝐍𝐓𝐈𝐒 𝐂𝐎𝐍𝐆𝐑𝐄𝐒𝐒, 𝐈𝐒𝐈𝐍𝐀𝐆𝐀𝐖𝐀 𝐍𝐆𝐀𝐘𝐎𝐍𝐆 𝐁𝐔𝐖𝐀𝐍 𝐍𝐆 𝐊𝐀𝐁𝐀𝐁𝐀𝐈𝐇𝐀𝐍

Bilang bahagi ng pagdiriwang ng Buwan ng Kababaihan na may temang “Walang Nanay ang Dapat Mamatay sa Pagbibigay Buhay,” isinagawa ngayong Biyernes, Marso 27, 2026 ang ika-12 na Buntis Congress.

Layunin ng programa na bigyan ng sapat na kaalaman ang mga buntis tungkol sa prenatal care, tamang nutrisyon, family planning, at regular na pagpapatingin sa health center. Pinangunahan ito ng Municipal Health Office sa atas na rin ng punong bayan, Mayor Gerry Calderon katuwang ang mga barangay health workers.

Nagkaroon din ng libreng serbisyong medikal, pamamahagi ng bitamina at health kits, at pagbibigay ng mga paalala mula sa health professionals para sa kalusugan ng ina at sanggol.

Patunay ang programang ito ng patuloy na pagsisikap ng pamahalaan na pangalagaan ang kalusugan ng mga ina at ng susunod na henerasyon.

📸✒️
Marga Florendo
MJ Magistrado

25/03/2026

Sa patuloy na adhikain na mawakasan ang pagdami ng kaso ng HIV, AIDS at STI ay tinalakay sa pagpupulong ng Komite ng Kalusugan sa Sangguniang Bayan kahapon March 24, 2026 ang mga panukalang otdinansa at polisiya na isinusulong ng Angono May Puso Social Hygiene Clinic ng Angono Municipal Health Office upang makontrol ang pagdami ng nakahahawang sakit.

Kasama ang ilang mga kinatawan ng mga barangay at mga kaugnay na tanggapan ay ipinaliwanag ni Municipal HIV Program Manager Ma. Ma Cristina Trinidad ang mga sanhi at paano maiiwasan ang sakit, gayundin ang lagay ng kaso dito sa ating bayan.

Ang pagpupulong ay pinangunahan ni SB Health Committee Chair Councilor Jonathan Hernandez kasama sina Kon. Richard Bryan Cruz, Kon. Edsel Reyes, Kon. Arvin Doc-Doc Lipio Villamayor at Kon. Carina Watanabe Dela Cru.

23/03/2026

𝑷𝒊𝒏𝒂𝒍𝒂𝒌𝒂𝒔 𝒏𝒂 𝒂𝒌𝒔𝒚𝒐𝒏 𝒑𝒂𝒓𝒂 𝒔𝒂 𝒎𝒂𝒔 𝒎𝒂𝒍𝒖𝒔𝒐𝒈 𝒏𝒂 𝒃𝒂𝒚𝒂𝒏

Isinagawa nitong hapon sa Municipal Conference Room ang isang pagpupulong na dinaluhan ng mga miyembro ng Municipal Nutrition Council Committee upang talakayin ang estado ng nutisyon sa bawat barangay sa Angono, Rizal.

Ipinakita sa ulat na may mga batang nakararanas ng malnutrisyon sa ilang lugar, habang may naitatala rin ng kaso ng overweight at obesity sa ibang barangay.

Dahil dito, binigyang-diin ng DOH ang kahalagahan ng balanseng nutrisyon, wastong kaalaman sa pagkain, at mas pinaigting na mga programang pangkalusugan sa komunidad.

Nagbahagi rin ang mga Barangay Chairperson ng kani-kanilang mga hakbang at programa upang tugunan ang nasabing suliranin, kabilang ang feeding programs at nutrition education.

Sa parehong okasyon, iginawad ni Mayor Gerry V. Calderon ang mga parangal sa ilang institusyon at barangay bilang pagkilala sa kanilang mahalagang kontribusyon sa larangan ng kalusugan.

Kabilang sa mga pinarangalan ang University of Rizal System-Angono Campus, ang Angono Human Milk Hub, at ang mga Barangay Health Station. Ang mga parangal na ito ay sumasalamin sa kanilang dedikasyon sa pagsusulong ng nutrisyon, maternal care, at serbisyong pangkalusugan para sa mga mamamayan.

Tinalakay rin ang patuloy na hamon ng teenage pregnancy sa komunidad. Naglatag ang DOH at mga lokal na opisyal ng mga konkretong hakbang tulad ng pagpapalawak ng reproductive health education, pagbibigay ng counseling services, at pagpapatibay ng ugnayan ng paaralan, pamilya, at barangay upang maprotektahan ang kapakanan ng kabataan.

Sa kabuuan, ipinakita ng pagpupulong ang matibay na kooperasyon ng iba’t ibang sektor sa Angono upang tugunan ang mga suliraning pangkalusugan at matiyak ang mas maayos na kinabukasan para sa susunod na henerasyon.

🖋️Donita Ace Evangelista

22/03/2026

Para po sa lahat ng gustong magdonate on going po ang ating Blood Donation Activity sa San Roque Covered Court
Salamat po

20/03/2026

https://www.facebook.com/share/p/1axoucrC2M/?mibextid=wwXIfr

𝐌𝐀𝐒𝐒 𝐋𝐈𝐆𝐓𝐀𝐒 𝐧𝐠𝐚𝐲𝐨𝐧𝐠 𝐒𝐄𝐌𝐀𝐍𝐀 𝐒𝐀𝐍𝐓𝐀

Ngayong nalalapit na muli ang ating pagbisita sa mga simbahan at pilgrimage sites, sundin ang mga sumusunod na HEALTHY at SAFETY TIPS para sa mas malusog at ligtas na paggunita ng Semana Santa.

19/03/2026