Municipal Health Office - Angono, Rizal

12/03/2026

𝙅𝙊𝙄𝙉 𝙉𝘼 𝙈𝙂𝘼 𝙈𝙊𝙈𝙈𝙄𝙀𝙎 𝙎𝘼 𝘽𝙐𝙉𝙏𝙄𝙎 𝘾𝙊𝙉𝙂𝙍𝙀𝙎𝙎 𝟐𝟎𝟐𝟔

Inaanyayahan ang mga kababayan nating buntis na makilahok sa Buntis Congress 2026, isang taunang programa ng Pamahalaang Bayan ng Angono sa pangunguna ng Municipal Health Office.

Simula bukas, Marso 13, 2026, maaari na makakuha ng stubs sa kani-kaniyang barangay health centers ang mga nais maging bahagi ng programa. Ito ay may 𝐋𝐈𝐌𝐈𝐓𝐄𝐃 𝐒𝐋𝐎𝐓𝐒, 𝐅𝐈𝐑𝐒𝐓 𝟏𝟎𝟎 𝐁𝐔𝐍𝐓𝐈𝐒.

Para masiguro na HEALTHY si Mommy at si Baby, magkakaroon ng LIBRENG:

- Laboratory
- Vitamins, at
- Nutrition kits

Ito ay gaganapin sa Marso 27, 2026 (Biyernes) simula alas-8 ng umaga sa Municipal Conference Room.

12/03/2026

𝓡𝓮𝓼𝓹𝓸𝓷𝓼𝓲𝓫𝓵𝓮 𝓟𝓪𝓻𝓮𝓷𝓽𝓱𝓸𝓸𝓭 𝓪𝓷𝓭 𝓕𝓪𝓶𝓲𝓵𝔂 𝓟𝓵𝓪𝓷𝓷𝓲𝓷𝓰 𝓐𝓬𝓽𝓲𝓿𝓲𝓽𝔂: “𝓚𝓾𝓷𝓰 𝓜𝓪𝓵𝓲𝓲𝓽 𝓪𝓷𝓰 𝓟𝓪𝓶𝓲𝓵𝔂𝓪, 𝓚𝓪𝔂𝓪𝓷𝓰-𝓚𝓪𝔂𝓪”

Isinagawa ang Responsible Parenthood and Family Planning Activity bilang bahagi ng pagdiriwang ng National Women’s Month ngayong Marso 12 sa atas ng punong bayan, Mayor Gerry Calderon katuwang ang Municipal Health Office.

Layunin ng programang ito na magbigay ng kaalaman sa mga mamamayan tungkol sa kahalagahan ng tamang pagpaplano ng pamilya upang masigurong mabibigyan ng sapat na pangangalaga at magandang kinabukasan ang bawat miyembro ng pamilya.
Bilang bahagi ng aktibidad, nagkaroon din ng libreng Subdermal Implant Insertion at Removal para sa mga kababaihan bilang suporta sa kanilang family planning choices.

Sa pamamagitan ng mga ganitong programa, patuloy na itinataguyod ang mensaheng “Kung Maliit ang Pamilya, Kayang-kaya.” Patunay ito ng patuloy na suporta ng Pamahalaang Bayan ng Angono sa kalusugan at kapakanan ng bawat pamilya sa komunidad.

10/03/2026

10/03/2026

𝗞𝗔𝗠𝗔𝗟𝗔𝗬𝗔𝗡 𝗣𝗔𝗥𝗔 𝗦𝗔 𝗞𝗔𝗕𝗔𝗕𝗔𝗜𝗛𝗔𝗡 (𝗣𝗔𝗥𝗧 𝟮)
Nagsagawa ngayong ika-24 ng Pebrero sa MHO Extension ng makabuluhang seminar at awareness program tungkol sa breast cancer at cervical cancer para sa mga kababaihan sa komunidad. Prayoridad ng programmang ito ang 4PS member ng Barangay Kalayaan, San Roque at San Isidro.
Layunin ng programa na palawakin ang kaalaman ng mga kababaihan hinggil sa kahalagahan ng maagang pagtuklas at pag-iwas sa dalawang uri ng kanser na karaniwang nakakaapekto sa kababaihan.
Sa unang bahagi ng programa, dumalo muna ang mga kalahok sa isang seminar na pinangunahan ni Andrea C. Rodriguez, RN ng MHO na isa ring propesyunal sa kalusugan. Tinalakay dito ang mga sanhi, sintomas, at risk factors ng breast cancer at cervical cancer.
Ipinaliwanag din ang kahalagahan ng regular na self-breast examination, clinical breast examination, Papsmear, at iba pang screening procedures. Nagkaroon din ng open forum kung saan malayang nakapagtanong ang mga kababaihan tungkol sa kanilang mga alalahanin at karanasan.
Binigyang-diin sa talakayan ang datos mula sa World Health Organization na nagsasabing ang maagang pagsusuri at tamang kaalaman ay malaking hakbang upang maiwasan ang paglala ng sakit. Tinalakay rin ang suporta at mga programang pangkalusugan na maaaring lapitan ng mga kababaihan para sa libreng konsultasyon at screening.
Matapos ang seminar, agad na isinagawa ang libreng check-up at screening para sa mga dumalong kababaihan. Isinagawa ang clinical breast examination at cervical screening ng mga lisensyadong health workers upang matiyak ang maayos at ligtas na proseso.
Layunin nitong mabigyan ng agarang aksyon ang anumang posibleng matuklasang sintomas at mabigyan ng tamang payo ang mga kalahok.
Ang pangunahing layunin ng programang ito ay:
- [ ] Mapataas ang kamalayan ng mga kababaihan tungkol sa breast at cervical cancer.
- [ ] Hikayatin ang regular na pagpapasuri para sa maagang pagtuklas.
- [ ] Mabawasan ang bilang ng mga kaso sa pamamagitan ng tamang impormasyon at preventive care.
- [ ] Palakasin ang kumpiyansa ng mga kababaihan na pangalagaan ang kanilang sariling kalusugan.
Sa kabuuan, naging matagumpay ang isinagawang seminar at check-up dahil sa aktibong pakikilahok ng mga kababaihan at suporta ng mga health professionals. Ang programang ito ay patunay na sa pamamagitan ng tamang kaalaman at maagap na aksyon, maaaring maiwasan at malabanan ang banta ng kanser sa komunidad.
🖋️📸 Frances Tabaque
Kiersten Neowmie Reman

10/03/2026

𝗙𝗲𝗯𝗿𝘂𝗮𝗿𝘆 𝗶𝘀 𝗣𝗵𝗶𝗹𝗶𝗽𝗽𝗶𝗻𝗲 𝗛𝗲𝗮𝗿𝘁 𝗠𝗼𝗻𝘁𝗵 𝗖𝗲𝗹𝗲𝗯𝗿𝗮𝘁𝗶𝗼𝗻: 𝗣𝘂𝘀𝗼𝗻𝗴 𝗠𝗮𝗹𝗮𝗸𝗮𝘀 𝗦𝗮 𝗚𝗶𝗻𝘁𝗼𝗻𝗴 𝗬𝘂𝗴𝘁𝗼 𝗻𝗴 𝗕𝘂𝗵𝗮𝘆
Matagumpay ang isinagawa ng Pamahalaan Bayan ng Angono sa pamamagitan ng Municipal Health Office na programang Pusong Malakas sa Gintong Yugto ng Buhay para sa mga senior citizens ngayong Biyernes, ika-27 ng Pebrero sa Lote Events Place sa Brgy. Kalayaan Angono, Rizal.
Layunin ng programa na magkaroon ng kamalayan ang ating mga senior citizens patungkol sa kalusugan ng pangangatawan, mahalagang nutrisyon, pangangalaga sa ngipin at tamang posture ng katawan kapag nakaupo upang mas maging kumportable at makaiwas sa sakit ng likod.
Maliban dito, nagkaroon ng libreng serbisyong medikal katulad ng bone screening, dental assessment, at iba pang serbisyo na nauukol dito. Namahagi rin ang nasabing tangggapan ng libreng oral hygiene kit para sa mga seniors.
Sa atas ng punong bayan, Mayor Gerry Calderon, binigyang diin ng MHO ang kahalagahan ng pagkakaroon ng sapat na kaalaman sa kalusugan. Matatandaan na ipinagdiriwang rin ngayong buwan ng Pebrero ang National Oral Health Month kasabay ng Philippine Heart Month.
✒️MJ Magistrado
📸Christian Lagarto

10/03/2026

𝗣𝘂𝗯𝗹𝗶𝗰 𝗔𝗻𝗻𝗼𝘂𝗻𝗰𝗲𝗺𝗲𝗻𝘁 𝗺𝘂𝗹𝗮 𝘀𝗮 𝗠𝘂𝗻𝗶𝗰𝗶𝗽𝗮𝗹 𝗛𝗲𝗮𝗹𝘁𝗵 𝗢𝗳𝗳𝗶𝗰𝗲👨‍⚕️

What: 𝘒𝘶𝘯𝘨 𝘔𝘢𝘭𝘪𝘪𝘵 𝘢𝘯𝘨 𝘗𝘢𝘮𝘪𝘭𝘺𝘢 𝘒𝘢𝘺𝘢𝘯𝘨-𝘬𝘢𝘺𝘢 𝘊𝘢𝘳𝘢𝘷𝘢𝘯 𝗟𝗜𝗕𝗥𝗘𝗡𝗚 Progestin Subdermal Implant insertion and removal 🩺💉
Who: Women of Reproductive Age 👩‍❤️‍👨
When: March 12, 2026 at 8:00AM to 12:00PM
Where: MHO Extension Building

Sa mga nais mag-avail, mangyaring magpunta sa kanilang barangay health center nasasakupan para sa assessment at pagpapalista sa midwife upang maendorso sa pamahalaan.

Para sa ilang katanungan, maaaring tawagan ang numero ng MHO sa 8650-6792 o magmessage sa kanilang page na Municipal Health Office - Angono, Rizal (https://www.facebook.com/MunicipalHealthOffice.AngonoRizal).

Ang programang ito ay isa sa mga Responsible Parenthood and Family Planning Activities ng Pamahalaang Bayan ng Angono sa pamumuno ni Mayor Gerry Calderon at Vice Mayor Jeri Mae Calderon.

Layunin nito na isulong ang importansya ng Responsible Parenthood and Family Planning upang masiguro ang kaligtasan at kalusugan ni mommy at ni baby gayundin ng buong pamilya para sa tamang pag aagwat o birth spacing ng mag asawa.

09/03/2026

𝗔𝗡𝗚𝗢𝗡𝗢, 𝗥𝗜𝗭𝗔𝗟 𝗞𝗜𝗡𝗜𝗟𝗔𝗟𝗔 𝗕𝗜𝗟𝗔𝗡𝗚 𝗕𝗘𝗦𝗧 𝗢𝗥𝗔𝗟 𝗛𝗘𝗔𝗟𝗧𝗛 𝗜𝗠𝗣𝗟𝗘𝗠𝗘𝗡𝗧𝗢𝗥 𝗦𝗔 𝗟𝗨𝗭𝗢𝗡

Muling nakatanggap ng pagkilala ang Municipality of Angono, Rizal sa matagumpay na pagtatapuad ng mga programa, best practices at inobasyon para sa oral health matapos gawaran bilang Best Oral Health Implementor sa Luzon ang MHO- Dental Section.

Ang Parangal ng Tatlong Bituin ay iginawad ng Department of Health – National Association of Dentists sa ginanap na 61st DHNAD Convention noong Marso 3-5, 2026 sa Alaminos, Pangasinan. Ang pagkilala ay personal na tinanggap ni Dr. Paul Angelo Maralit bilang kinatawan ng punong bayan, Mayor Gerry Calderon.

Samantala, nagpahayag ng pasasalamat ang MHO-Dental Section sa pamunuan at buong organisasyon ng DHNAD sa pagkilalang ibinigay at sa kanilang patuloy na pagtataguyod ng mga programang naglalayong mapabuti ang kalusugan ng ngipin ng mga Pilipino.

Nagpaabot din ng pasasalamat ang Municipal Health Office sa patuloy na suporta at pagsusumikap ng punong bayan, Mayor Gerry Calderon at Vice Mayor Jeri Mae Calderon, sa pagsusulong ng mga programang pangkalusugan para sa komunidad lalo na ang mga programang nakatuon sa oral health.

🖋️Mj Magistrado

06/03/2026

Ngayong araw March 6,2026 ginanap ang 1st Quarter Local Health Board ng ating Pamahalaang Bayan dumalo ang mga opisyales ng Barangay para talakayin ang mga paksang pangkalusugan para mas mapaunlad ang serbisyo sa ating mga kababayan.
Sa nasabing programa kinilala ang mga bagong BHW na nakapasang maacredit at maregistered mula sa ibat ibang barangay.
Tinalakay ang mga paksa tungkol sa HIV,AIDS ,Immunization,Nutrition .Philhealth YAKAP program at iba pang serbisyo ng Municipal Health Office - Angono, Rizal
Dumalo at nagbigay din ng kanyang Lecture on Responsible Pet Ownership at nga Programang iniimplement ng Agriculture Office lalo na ngayong Marso na Rabies Awareness Month ang ating Municipal Veterinary at head ng Agrivet Doc Joel Tuplano at sir Janpi Hernandez .
Sa huli nagkaroon ng Open Forum at malayang talakayan sa mga issues and concerns patungkol sa mga health programs at BHW concerns.
Salamat sa ating Magamang magkasama sa Programa Mayor Gerry Calderon,Mayorvice Jeri Mae Calderon at Sanguniang Bayan sa pagsuporta sa lahat ng ating gawaing may kinalaman sa kalusugan ,Salamat sa aking mga kasamahan sa Health Office mga Nurses,Midwives ,DOH Nurses,BHW ,BNS Budget Officer Mam Marita Pinon ,DOH Representative Mam Belinda Alcantara at lahat ng nakasama at tumulong nakasamahan sa MHO para maisakatuparan ang matagumpay na Local Health Board talagang kayang kaya pagsama sama .

Muli mula sa aming MHO Dokbuboy Narciso salamat sa lahat ng Barangay Officials na naglaan ng oras para makinig ,Makilahok at maging bahagi ng ating First Local Health Board
See you po uli sa June para sa ating Second Local Health Board.