23/07/2025
A friendly reminder to our dear customers 🫶🏼
PWEDE BA DUKDUKON LANG ANG ANTIBIOTIC UNYA IBUTANG SA SAMAD? 🧐 (kay maoy tambag sa mga katigulangan)
Short Answer: DILI JUD PWEDE ❌
📝Ang ANTIBIOTIC na tableta gihimo na siya sa pharmaceutical manufacturers arun IMNON, especially kay naay uban na preparations na kailangan mahumol sa acid sa tiyan arun ma-ACTIVATE ug mahimong epektibo. Kailangan pud ni siya na ipaagi sa tiyan arun muadto sa dugo para madistribute siya ug tarong.
Kung ibutang lang nimo ni siya sa samad lang, dili kini siya epektibo kay dili niya mahurot ug patay tanan na kagaw. Dili pud sakto ang dosage mao nang dili mamatay tanan na kagaw - ug dili gyud maayo ang infection.
✅ Unsay PINAKAKUYAW na mahitabo kung dili sakto ang paggamit sa antibiotic?
Dako kaayo na posibilidad na magka-ANTIBIOTIC RESISTANCE ka sa antibiotic na imong gigamit.
✅ UNSA NA ANG ANTIBIOTIC RESISTANCE?
Kung naa kay antibiotic resistance ana na tambala (for example: Amoxicillin), dili na epektibo ang antibiotic sa imoha. Meaning, dili na ka maayo sa imong infection gamit kana na tambala. Tungod kay wala namatay tanang kagaw sa parte sa lawas na naay infection, mukusgan silag taman kay naadjust nila ilang abilidad para musurvive ug nakahimo ug mga pamaagi na murag shield laban sa antibiotic. Sa kanta pa ni Kelly Clarkson - What doesn't kill you makes you stronger!
Mao ni siyay rason nganong kailangan jud imnon ang antibiotic sa SAKTO NA ORAS ug SAKTO NA DOSE. 💊
📍Dili pwede jud na magpataka-taka ra ug pamalit ug antibiotic sa tindahan kay pwede na na-underdose.
📍Dapat hutdon ug tiwason ang reseta ni doc kay pwede ka muaksyon ug kaayo pero naa pa diay nabilin na kagaw. Kung dili nimo tiwason ug tumar, pwede na mudaghan balik ang kagaw ug magka antibiotic resistance na ka.
📍Inom ra jud ug antibiotic KUNG gireseta sa doctor. Kay lain-lain na kagaw, lain-lain pud na antibiotic ang epektibo. Naay ubang antibiotic na dili epektibo ani na type sa kagaw - ug kung magpataka ra kag inom, dako kaayo ang risgo sa imon kinabuhi.
✅ KUNG RESISTANT KO SA USA NA ANTIBIOTIC DOC, NAA PA BAY LAING ANTIBIOTIC NA PWEDE IPULI?
Yes, dili pa ulahi ang tanan. Pero kung resistant ka sa usa ka antibiotic, dapat ka resetahan ug MAS KUSGAN ug MAS ISOG na antibiotic. Ug sad to say, kani na mga tambal, since specialized ug mas isog, MAS MAHAL. Ang uban libo libo ang usa ka vial. Kung kailangan ka matambalan ani na mas isog na antibiotic, for example, 3X A DAY for 7 DAYS, mahal jud kaayo ang hospital bill! 😨 Daghan kaayo ming mga pasyente na kung wala man sila namatay sa infection, napurdoy pud intawon sa kamahal sa pagpahospital para lang mabuhi.
📝 CONCLUSION: Ang antibiotic resistance maoy rason sa daghan kaayong kamatay rung mga panahona ug maoy rason nganong sa simple na PNEUMONIA pwede ka mamatay. Mao nang please ayaw gyud ug inom ug antibiotic kung wala gihatag sa doctor.
Hinaot na maminaw mo sa among tambag kay ang among tambag, dili para sa inyong ikadaot, pero para dili kamo mapareha sa ubang mga pasyente na wala nainform sa unsa ang sakto ug nakabsan ug kinabuhi tungod sa antibiotic resistance.
Stay safe! Stay healthy. 😊
