Barangay Lote Pto. Rivas

21/09/2025

21/09/2025

21/09/2025

ALAM NIYO BA?
Ang obesity o ang pagkakaroon ng sobra sa normal na taba sa katawan ay walang pinipiling edad. Isang salik kung bakit nagiging obese ang isang tao ay unhealthy lifestyle.

Kung kaya't ngayong Obesity Awareness and Prevention Week ay ipinapayo ng Provincial Health Office ang 'Move More, Eat Right' healthy habit. Bigyan ang sarili ng oras para gumalaw, maglakad, mag-ehersisyo o sumayaw; at sundin ang 10 Kumainments:

I. Kumain ng iba't-ibang pagkain.
II. Sa unang 6 months ni baby, breastfeeding lamang; mula 6months, bigyan din siya ng ibang angkop na pagkain.
III. Kumain ng gulay at prutas araw-araw.
IV. Kumain ng isda, karne, at ibang pagkaing may protina.
V. Uminom ng gatas; kumain ng pagkaing mayaman sa calcium.
VI. Tiyaking malinis at ligtas ang ating pagkain at inumin.
VII. Gumamit ng iodized salt.
VIII. Hinay-hinay sa maaalat, mamantika at matatamis.
IX. Panatilihin ang tamang timbang.
X. Maging aktibo. Iwasan ang alak; huwag manigarilyo.

Tandaan, hindi lamang timbang at hubog ng katawan ang apektado kung ikaw ay obese, malaki rin ang tyansa na makaranas o magkaroon ng 'noncommunicable disease' gaya ng sakit sa puso, type 2 diabetes, hypertension, stroke, cancer, at osteoarthritis.

Alagaan ang katawan, bigyan pansin ang timbang. Sama-sama tayo sa pagkamit ng isang malusog na komunidad para sa mas matatag na pamilyang Bataeño.

21/09/2025

21/09/2025

ALAM NIYO BA?
Ipinagdiriwang ngayong araw, ika-10 ng Setyembre, ang Su***de Prevention Day. Dahil dito, ipinapayo ng Bataan Provincial Health Office na maging bahagi ng isang komunidad na nagdadamayan. Alamin ang mga babala; magtatanong at makikinig; at humingi agad ng propesyonal na tulong.

Tandaan, may kabuluhan ang nararamdaman ng bawat isa. Ang pakiramdam mo ay singhalaga ng pakiramdam ko. Maging mapagmatyag, magbigay ng oras upang makinig.

Sama-sama tayo sa pagkamit ng isang ligtas at masayang komunidad para sa mas matatag na pamilyang Bataeño.

06/09/2025

PAANYAYA: Nais ipabatid ng Bataan Provincial Health Office na EXTENDED ngayong buwan ng Setyembre ang malawakang School-Based Immunization o ang ating "BakunaEskwela 2025".

Hinihikayat ang lahat ng magulang ng mga estudyanteng nasa Grade 1, Grade 4, at Grade 7, na hindi pa nababakunahan, na kunin ang pagkakataong ito upang mabigyan ng karagdagang proteksyon ang inyong mga anak.

Ang mga bakunang ipamamahagi ay mga bakuna laban sa Measles, Rubella, Tetanus, at Diphtheria para sa mga estudyanteng nasa Grade 1 at Grade 7; habang ang mga babaeng nasa Grade 4 naman ay maaaring pabakunahan laban sa HPV. Ito ay libre, ligtas, at epektibo bilang proteksyon ng inyong mga anak laban sa mga nabanggit na sakit.

Tandaan, ang batang bakunado, protektado!

Para sa mas detalyadong impormasyon, makipag-ugnayan sa paaralang pinapasukan ng inyong mga anak o sa pinakamalapit na health center sa inyong lugar.

06/09/2025

06/09/2025

06/09/2025

ALAM NIYO BA?
Ang Epilepsy ay isang sakit na nakaaapekto sa central nervous system na siyang nagiging dahilan ng paggulo ng electrical activity sa utak at nagdudulot ng paulit-ulit na seizure. Mayroon din namang mga pagkakataon na maaaring makaranas ng seizure ang isang tao kahit walang epilepsy, halimbawa ay sa pagkakataong mayroon itong sobrang taas na lagnat. Narito ang mga sintomas ng pagkakaroon ng sakit na epilepsy:

-Pagkawala ng malay o pagkalito
-Panginginig o pagko-kombulsyon
-Pagkakaroon ng tingling sensation sa mga braso o binti
-Pag-iba o pagkagulo sa sensation ng pandinig, panlasa, o pagtingin, paggalaw, mood, at iba pang cognitive functions.

Ngayong National Epilepsy Awareness Week, nais ipaalala ng Bataan Provincial Health Office na ang epilepsy ay hindi nakahahawa at ito rin ay maaaring maagapan at magamot. Sakali namang may isang taong makararanas ng seizure, narito ang mga dapat isaalang-alang:

-Ilayo sila sa matutulis o matitigas na bagay
-Ipatagilid ang katawan para hindi mabulunan
-Alalayan ang ulo at binti sa pagtagilid
-Itala kung kailan nagsimula at natapos ang seizure, at kung gaano ito kadalas.
-Dalhin agad sa pinakamalapit na ospital kung lumagpas sa 5 minuto ang seizure.

Maging mapagmatyag, maging maalam, Sama-sama tayo sa pagkamit ng isang nagtutulungang komunidad para sa mas matatag na pamilyang Bataeño.