RHU BALER

04/03/2026

Alamin 😊

04/03/2026

04/03/2026

📢 ANUNSYO! 🏥💙

Inaanyayahan po namin ang lahat na alamin ang updated na listahan ng mga available health services at diagnostic services ng ating Rural Health Unit (RHU) para sa Taong 2026, kasama ang kani-kanilang presyo.

Layunin ng update na ito na maging mas malinaw, organisado, at transparent ang impormasyon tungkol sa mga serbisyong maaari ninyong ma-avail sa ating pasilidad — mula sa konsultasyon, laboratory at iba pang diagnostic procedures.

📌 Ang kumpletong listahan at pricelist ay naka-post sa loob ng RHU at maaari ring makita sa aming opisyal na social media page.

Patuloy po kaming nagsusumikap na maghatid ng de-kalidad, abot-kaya, at maaasahang serbisyong pangkalusugan para sa bawat mamamayan.

Para sa karagdagang katanungan, maaari po kayong mag-message sa aming page o bumisita mismo sa ating RHU.

💙 Serbisyong Tapat, Serbisyong Pangkalusugan para sa Lahat!

04/03/2026

Noon nakaraang buwan ng Pebrero, matagumpay nating naisakatuparan ang mga aktibidad kaugnay ng pagdiriwang ng Oral Health Month sa ating bayan! 🦷✨

Sinimulan natin ito sa isang makabuluhang Kick-Off Ceremony sa Capitol Grounds, na dinaluhan ng iba’t ibang sektor ng ating bayan bilang pagpapakita ng suporta sa adbokasiyang ng oral health.

Bilang bahagi ng selebrasyon, nagsagawa tayo ng:
🪥 Lecture on Oral Health at tooth brushing drill upang turuan ang mga bata at matatanda ng tamang paraan ng pagsisipilyo at pangangalaga sa ngipin.
🦷 Fluoride Varnish Application para sa proteksyon laban sa dental caries.
😁 Oral Prophylaxis upang mapanatili ang kalinisan at kalusugan ng ngipin.
💙 Dental Mission para mabigyan ng serbisyong dental ang mga kababayan nating nangangailangan.

Lubos ang aming pasasalamat sa lahat ng nakiisa at sumuporta sa ating mga aktibidad—mga kawani ng kalusugan, partner agencies, volunteers, at sa ating komunidad.

Patuloy nating isabuhay ang tamang pangangalaga sa ating mga ngipin, dahil ang malusog na bibig ay susi sa malusog na pangangatawan. 🦷💙

27/02/2026

📢 Pagdiriwang ng National Rare Disease Week: "Bawat Buhay ay Mahalaga, Bawat Kwento ay May Halaga" 🧬

Ngayong linggo, kaisa ang inyong Baler Rural Health Unit (RHU) sa paggunita ng National Rare Disease Week.

Alam niyo ba na bagama't "bihira" o rare ang mga sakit na ito, ang mga pasyenteng dumaranas nito ay nangangailangan ng higit na pang-unawa, tamang kalinga, at suporta mula sa atin. Layunin natin na magkaroon ng isang lipunan kung saan walang pasyente ang naiiwan—gaano man kabihira ang kanilang kondisyon.

Ano ang maaari nating gawin?
✅ Maging Maalam: Alamin ang tungkol sa iba't ibang kondisyon upang maiwasan ang stigma at diskriminasyon.
✅ Suporta at Pagmamahal: Iparamdam sa ating mga kababayan na may rare diseases na sila ay bahagi ng ating komunidad.
✅ Maagang Konsultasyon: Kung may napapansing kakaibang sintomas sa inyong mga anak o kapamilya, huwag mag-atubiling lumapit sa ating RHU para sa tamang payo at referral.

Ang ating pagmamalasakit ay malaking tulong upang gumaan ang pasan ng ating mga "Rare Disease Warriors." Sama-sama nating itaguyod ang isang inklusibo at malusog na komunidad para sa lahat!

13/02/2026

Lubos po kaming nagpapasalamat sa DOH Central Luzon Regulation, Licensing, and Enforcement Division (RLED) sa isinagawang validation visit sa aming pasilidad kaugnay ng aming aplikasyon para sa Primary Care Facility (PCF) Accreditation.

Malaki po ang naitulong ng inyong gabay, teknikal na kaalaman, at masusing pagsusuri upang mas mapabuti pa namin ang aming mga serbisyo at matiyak na nasusunod ang mga pamantayan para sa de-kalidad at ligtas na serbisyong pangkalusugan.

Ang mga rekomendasyon at obserbasyong ibinahagi ninyo ay magsisilbing gabay namin sa patuloy na pagpapalakas ng aming sistema at pagsunod sa mga itinakdang requirements. Makakaasa po kayo na ang lahat ng mga kakulangan na natukoy ay agad naming tutugunan at aayusin upang makamit ang akreditasyon.

Maraming salamat po sa patuloy ninyong suporta at dedikasyon sa pagpapataas ng kalidad ng serbisyong pangkalusugan para sa aming komunidad.

06/01/2026

📢 ABISO SA LAHAT! 📢
Mayroon na pong BAGONG HOTLINE NUMBER ang RHU Baler para sa inyong mga katanungan, konsultasyon, at agarang pangangailangang pangkalusugan.

📞 0912-554-6191

Huwag mag-atubiling tumawag. Nandito ang RHU Baler upang maglingkod para sa kalusugan ng bawat Balereño. 💙

I-save na ang numero at i-share para mas maraming makaalam!

24/12/2025

🎄✨ Warm Holiday Greetings from the RHU Baler! ✨🎄

We would like to extend our heartfelt wishes for a safe, joyful, and meaningful holiday season to everyone. As we celebrate, let us also remember to take care of our health—
🥗 eat in moderation and choose healthy foods,
💧 stay well-hydrated,
😴 get enough rest, and
🚶‍♂️ make time for light physical activity.

A healthy body allows us to fully enjoy the holidays with our family and loved ones.

From your Rural Health Unit Baler, we remain committed to serving you. 💚
Happy Holidays and a Prosperous New Year! 🎁🎉

24/11/2025

📣 PAALALA SA PUBLIKO
Ang Baler Rural Health Unit ay pansamantalang magsasara sa Disyembre 2–5, 2025 dahil ang lahat ng aming kawani ay sasailalim sa Basic Life Support at Standard First Aid Training, bilang bahagi ng pagpapahusay ng aming serbisyong pangkalusugan at requirements para sa renewal ng Birthing Facility.

Magbabalik-operasyon kami sa Disyembre 9, 2025.
Maraming salamat sa inyong pang-unawa at patuloy na suporta. 💙🏥

09/11/2025

In moments like this 😊

09/11/2025

🌧️ RHU Baler on Duty, Kahit sa Gitna ng Bagyo! 💪🇵🇭

Kabilang sa aming tungkulin ang pagtiyak na ligtas at maalagaan ang kalusugan ng bawat mamamayan — kahit sa gitna ng Super Typhoon Uwan. 🌪️

Ngayong araw, bumisita ang RHU Baler Team sa evacuation center upang masuri at matugunan ang pangangailangang medikal ng mga evacuees. 🩺
👉 43 katao ang nabigyan ng medical commodities tulad ng antihypertensive, antidiabetic, at paracetamol.
👩‍🍼 Isang postpartum patient na nakaranas ng pagkahilo ay agad ding nabigyan ng atensyong medikal.

Ang RHU Baler ay patuloy na naglilingkod, handang umagapay sa bawat mamamayan — sa kahit anong panahon, sa gitna man ng unos. 💚🌧️

21/10/2025

💉 Mag-ingat sa Influenza-Like Illness (ILI)! 🤧

Panahon na naman ng ubo’t sipon! Ang Influenza-Like Illness ay karaniwang may sintomas na lagnat, ubo, pananakit ng lalamunan, katawan, at minsan ay sipon o pananakit ng ulo.

🧼 Mga paalala para makaiwas:
✅ Ugaliing maghugas ng kamay gamit ang sabon at tubig.
😷 Takpan ang bibig at ilong kapag umuubo o bumabahin.
🏠 Iwasan muna ang matataong lugar kung may nararamdamang sintomas.
💪 Magpabakuna laban sa trangkaso kung available sa inyong mga Barangay Health Center.

Tandaan: Ang kalusugan ay kayamanan!
Kung may sintomas, magpatingin agad sa pinakamalapit na health center para sa tamang payo at lunas. 🏥