Public Health Unit of Jose R. Reyes Memorial Medical Center

02/02/2026

Many cancers can be prevented.

🚭 Avoid to***co
🍺 Avoid alcohol
🥗 Eat a healthy diet
🏃‍♀️ Stay physically active
🤱 Breastfeeding reduces the mother’s cancer risk
💉 Vaccinate against Hepatitis B and HPV
🩺 Take part in cancer screening
🌫️ Reduce exposure to air pollution

Prevention saves lives.

01/02/2026

30/01/2026

30/01/2026

🧡 LIVER CANCER & VIRAL HEPATITIS AWARENESS
Speaker: Dr. Landicho (Internal Medicine Department)
Date: January 28, 2026

Alam mo ba na ang Viral Hepatitis (Hepatitis B at C) ay isa sa pangunahing sanhi ng Liver Cancer (Kanser sa Atay)? Kadalasan, tahimik ang mga sakit na ito—walang sintomas sa simula, pero maaaring magdulot ng malubhang pinsala sa atay kapag hindi naagapan.

🦠 Ano ang Viral Hepatitis?

Ito ay impeksyon sa atay na dulot ng virus.
• Hepatitis B – maaaring maiwasan sa pamamagitan ng bakuna
• Hepatitis C – maaaring magamot kung maagang matuklasan

🚨 Mga Sintomas na Dapat Bantayan
• Paninilaw ng balat at mata (jaundice)
• Pananakit ng tiyan (kanang bahagi)
• Pagbaba ng timbang at gana sa pagkain
• Madaling pagkapagod
• Pamamaga ng tiyan

✅ Paano Maiiwasan ang Liver Cancer at Hepatitis?

✔ Magpabakuna laban sa Hepatitis B
✔ Magpa-test para sa Hepatitis B at C
✔ Iwasan ang labis na pag-inom ng alak
✔ Panatilihin ang healthy lifestyle at tamang timbang
✔ Magpa-check up kung may sakit sa atay o risk factors

📣 Protektahan ang iyong atay—protektahan ang iyong buhay. Maagang pagsusuri at tamang kaalaman ang susi sa pag-iwas sa liver cancer at viral hepatitis.

30/01/2026

🌴🦟 TROPICAL DISEASE AWARENESS LAYFORUM
Date: January 28, 2026

Nagbigay kaalaman si Dr. Gamboa mula sa Internal Medicine Department ukol mga sakit na karaniwan sa tropikal na bansa tulad ng Pilipinas kasama rito ang Dengue, Leptospirosis, Chikungunya, Malaria, at Diarrheal diseases—mga sakit na mas laganap lalo na tuwing tag-ulan at mainit na panahon.

❓ Madalas Itanong (FAQs)

1. Ano ang tropical diseases?
Ito ay mga sakit na karaniwang nangyayari sa maiinit at mahalumigmig na lugar, tulad ng Pilipinas.

2. Paano kumakalat ang mga ito?
• Sa kagat ng lamok (hal. Dengue, Malaria, Chikungunya)
• Sa kontaminadong tubig at pagkain (hal. Diarrhea, Typhoid)
• Sa ihi ng hayop lalo na sa baha (Leptospirosis)

3. Ano ang mga karaniwang sintomas?
Lagnat, pananakit ng ulo at katawan, pagsusuka, pagtatae, rashes sa balat, at panghihina. Kapag may matinding sintomas, agad kumonsulta sa doktor.

4. Paano ito maiiwasan?
✔ Maglinis ng paligid at tanggalin ang mga stagnant water
✔ Gumamit ng kulambo at insect repellent
✔ Uminom ng malinis na tubig at kumain ng lutong pagkain
✔ Magsuot ng bota at iwas lumusong sa baha kung maaari

5. Kailan dapat magpatingin sa doktor?
Kapag may tuloy-tuloy na lagnat, matinding sakit ng ulo, pagdurugo, o dehydration, agad magpatingin sa health facility.

👉 Maging alerto, maging handa, at maging ligtas!

27/01/2026

Autism Consciousness Week!

🤝 Ibinahagi ni Ms. Geronimo mula sa Occupational Therapy Section ng Rehabilitation Department ang kaalaman ukol sa Autism.

Magkaisa tayo sa pagpapalaganap ng kamalayan, pagtanggap at Ipakita ang pagmamalasakit at respeto para sa mga may autism at kanilang mga pamilya. 🌟💖

Ano ang maaari mong gawin?

✅ Dumalo sa mga forum, seminar, at workshop tungkol sa autism.

✅ Magbahagi ng tamang impormasyon sa inyong mga kaibigan at pamilya.

✅ Suportahan ang mga inisyatibo at organisasyong tumutulong sa autism community.

✅ Gamitin ang social media upang ipahayag ang iyong suporta gamit ang hashtag: 📲

Tayo na’t magkaisa para sa isang inklusibong lipunan! 💙 Dahil sa Bagong Pilipinas, bawat buhay mahalaga! 🌏✨

Isulong ang lipunang walang naiiwan

26/01/2026

‼️1.7 MILYON NA BATA, KAILANGAN PANG BAKUNAHAN PARA MAKUHA ANG PROTEKSYON LABAN SA TIGDAS AT TIGDAS HANGIN‼️

Sa unang linggo ng Ligtas Tigdas, higit 1 milyong bata sa Mindanao ang nabakunahan upang maiwasan ang pagka-ospital at kamatayan mula sa Tigdas at Tigdas-hangin.

Patuloy ang pagbabakuna ngayong linggo para maabot ang ibang batang wala pang proteksyon sa Tigdas! Makipagugnayan sa nurse o midwife sa barangay para sa iskedyul ng pagbabakuna.

Muling ilalabas ng DOH ang resulta ng bakunahan sa isang linggo.

‼️1.7 MILYON NA BATA SA MINDANAO, MABIBIGYAN PA NG BAKUNA PARA PROTEKSYON SA TIGDAS‼️

Sa unang linggo ng Ligtas Tigdas vaccination, higit 1 milyong bata sa Mindanao ang nabakunahan na at protektado na kontra Tigdas at Tigdas-Hangin.

Para maiwasan ang pagkaka-ospital at kamatayan ng mga bata dahil sa Tigdas, patuloy ang pagbabakuna ngayong linggo para maabot ang nasa 1.7 million na batang 6-59 months old o wala pang 5 taong gulang.

Makipagugnayan sa nurse o midwife sa inyong barangay para sa schedule ng pagbabakuna.

Muling ilalabas ng DOH ang resulta ng bakunahan sa Sabado.

26/01/2026

Sa pangalawang pagkakataon, nais ilunsad ng JRRMMC Department of Dermatology Infectious Disease Unit ang THE FACES OF LEPROSY, isang online photo exhibit bilang pakikiisa sa paggunita ng World Leprosy Day 2026.

Sa kabila ng matagal nang stigma at diskriminasyong bumabalot sa leprosy, buong tapang na ibinahagi ng ilan sa aming mga pasyente at miyembro ng JRRMMC HD Club ang kanilang mga litrato at kwento mula sa kanilang pang-araw-araw na buhay. Sa trabaho, paaralan, tahanan, at sa mga simpleng sandali kasama ang pamilya at mga kaibigan, ipinapakita ng mga larawang ito ang katotohanan na ang taong may leprosy ay namumuhay din nang normal — may pangarap, may pag-asa, at may dignidad.

Ang kanilang lakas ng loob na magpakita ng kanilang tunay na sarili ay isang makapangyarihang hakbang laban sa takot, maling paniniwala, at panghuhusga. Sa pamamagitan ng kanilang mga mukha at kwento, binabasag natin ang katahimikan at binibigyang-tinig ang mga karanasang matagal nang naisasantabi.

Ang proyektong ito ay naging posible sa pamumuno ng Infectious Disease Unit core team — sina Dr. Katherine Joy Sayo-Aguiling, Dr. Ma. Luisa Abad-Venida, at Dr. Andrea Marie Bernales-Mendoza — kasama ang mga dedikadong dermatology residents na araw-araw na kaagapay ng ating mga pasyente. Taos-pusong pasasalamat din kina Dr. Ma. Cricelda Rescober-Valencia, Chairperson ng Department of Dermatology, at Dr. Ma. Flordeliz Abad-Casintahan, Immediate Past Chairperson, sa kanilang patuloy na suporta sa mga proyektong nagsusulong ng malasakit at inklusyon.

Sa pamamagitan ng proyektong ito, hangad naming hamunin ang stigma, itama ang maling akala, at palaganapin ang mas malalim na pag-unawa at respeto. Sapagkat ang leprosy ay isang sakit na nagagamot — at ang mga taong apektado nito ay karapat-dapat makita, marinig, at igalang.

25/01/2026

📢 PAUNAWA SA LAHAT

Ang QR Code ay tanging para lamang sa mga Health Care Provider (hal. doktor, nurse, authorized hospital personnel o Patient Navigator). 🏥

Ito ay ginagamit upang ma-facilitate nang maayos at mabilis ang referral o transfer ng pasyente sa tamang ospital o serbisyo.

Sa pamamagitan nito, masisiguro na kompleto, tama, at ligtas ang mga impormasyong ipinapasa mula sa isang health facility patungo sa iba.

👉 PAALALA: Iwasang sagutan ang QR Code kung ikaw ay HINDI health care provider upang maiwasan ang pagkaantala sa proseso ng referral. Ang NUMERONG nakasaad ay para lamang sa COORDINATED REFERRAL, sa ibang katanungan, tumawag sa hotline na eto: 02-87119491 to 98.

Salamat sa inyong pang-unawa at pakikiisa! 💙

📢 PAANO MAG-REFER SA JRRMMC HCPN?

Narito ang mga hakbang! 👇

✅ Hakbang 1: Ang PHU Staff, Patient Navigator, o Health Care Worker ng referring facility ang dapat magsagawa ng HCPN Referral Form o mag-scan ng QR code.
✅ Hakbang 2: Punan ang lahat ng kinakailangang detalye at hintayin ang tawag o mensahe mula sa JRRMMC PHU Navigator sa pamamagitan ng Viber.
✅ Hakbang 3: Kung kinakailangan, maaaring humiling ang PHU Navigator ng karagdagang dokumento o impormasyon.
✅ Hakbang 4: Kapag tinanggap na para sa transfer:
🔹 Ihanda at kumpletuhin ang HCPN Two-Way Referral Form, signed waiver, at iba pang kinakailangang dokumento.
🔹 Ipadala ito sa JRRMMC PHU sa pamamagitan ng Viber at maghintay ng karagdagang tagubilin.

📞 Para sa mga emergency cases at referrals lampas sa office hours, weekends, at holidays, tumawag sa (02) 8711-9491 hanggang 98.
🕒 Oras ng Operasyon: Lunes–Biyernes, 8:00 AM–5:00 PM

📱 Makipag-ugnayan sa amin: +63 945 664 1100
📧 Email: phu.navigation@jrrmmc.gov.ph

💚 Sama-sama nating palakasin ang referral coordination para sa maagap, episyente, at pasyenteng-sentro na pangangalaga sa loob ng HCPN network. 💚

25/01/2026

𝐇𝐚𝐥𝐢𝐧𝐚'𝐭 𝐚𝐭𝐢𝐧𝐠 𝐢𝐩𝐚𝐠𝐝𝐢𝐰𝐚𝐧𝐠 𝐚𝐧𝐠 𝐖𝐨𝐫𝐥𝐝 𝐋𝐞𝐩𝐫𝐨𝐬𝐲 𝐃𝐚𝐲 💜

Halina’t ipakita ang ating suporta at tumulong sa pagpapataas ng kamalayan tungkol sa leprosy sa pamamagitan ng pagpapalit ng Facebook frame. Gamitin ang World Leprosy Day frame mula sa link na ito: https://twb.nz/worldleprosyday2026
—
𝑳𝒆𝒑𝒓𝒐𝒔𝒚 𝒊𝒔 𝒄𝒖𝒓𝒂𝒃𝒍𝒆, 𝒕𝒉𝒆 𝒓𝒆𝒂𝒍 𝒄𝒉𝒂𝒍𝒍𝒆𝒏𝒈𝒆 𝒊𝒔 𝒔𝒕𝒊𝒈𝒎𝒂 🤝

Ang leprosy ay nagagamot at hindi dapat kinatatakutan. Mahalagang maaga itong matuklasan upang maiwasan ang komplikasyon at disabilidad. Higit sa lahat, ang ating mga kababayan na may leprosy ay walang pinag-iba sa atin na karapat-dapat sa paggalang, pag-unawa, at tamang serbisyong pangkalusugan.

Lahat tayo ay may mahalagang papel sa pagwawakas ng diskriminasyon at pagtama sa mga maling paniniwala tungkol sa leprosy. Sama-sama nating ipalaganap ang tamang impormasyon, suportahan ang ating mga kababayan, at tiyaking may sapat, ligtas, at inklusibong serbisyong pangkalusugan.

Hindi lamang gamot ang sagot, kaalaman at pag-unawa ang susi upang tuluyang wakasan ang stigma. Magpakonsulta sa pinakamalapit na health center, kumilos nang may malasakit, at tumulong sa pagkamit ng 𝗭𝗲𝗿𝗼 𝗟𝗲𝗽𝗿𝗼𝘀𝘆 𝗡𝗖𝗥! 💜🤗