What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/115278708333665/

One Cainta Sunset Retreat

Home
Philippines
Cainta
One Cainta Sunset Retreat

Home for the Aged ng Bayan ng Cainta na pangangalagaan ang mga Senior Citizens.

31/12/2025

Isang taos pusong pasasalamat po sa Spice Moms at sa Concentrix sa napakagandang regalong handog ninyo para sa aming mga masisipag at pusong alagang staff ng One Cainta Sunset Retreat. 💖🎁

Malaki po ang naging kahulugan ng inyong pag alala. Sa araw araw na pag aalaga ng aming mga staff sa mga nanay at tatay, bihira silang mapansin at mapasalamatan. Dahil sa inyo, naramdaman po nila na sila rin ay mahalaga, sila rin ay inaalagaan. 🫶✨

Ang simpleng regalong ito ay naging paalala na ang kabutihan ay bumabalik at ang malasakit ay nakakahawa. Nagbigay po kayo hindi lang ng regalo, kundi lakas ng loob, inspirasyon, at ngiti na dadalhin ng aming staff sa bawat araw ng kanilang serbisyo. 😊🌷

Maraming salamat po, Spice Moms at Concentrix, sa pag pili na magbahagi at magmahal. Mananatili po itong isang alaalang hindi malilimutan ng aming buong pamilya dito sa One Cainta Sunset Retreat. 💕🙏

30/12/2025

Isang araw na puno ng tawa, saya, at wagas na pagmamahal ang hatid ng outreach program nina Allen Macalalad, Nila Macalalad, at Judith Maralit. 🌸💖

Sila ay taga Batangas at kasalukuyang nagtatrabaho sa Maynila. Sa isang simpleng pagkakataon nagsimula ang lahat. Habang nasa eroplano si Nila papuntang Iloilo, nagbabasa siya ng diyaryo at doon niya nakita ang balita tungkol sa One Cainta Sunset Retreat. 📰✈️ Isang kuwento na tumimo sa kanyang puso kaya agad niya itong hinanap online. Dahil dito, napagdesisyunan niyang bumisita at isama ang kanyang kapatid at mga kaibigan upang personal na magbahagi ng oras at malasakit.

Sa kanilang pagdating, napuno ng saya ang aming tahanan. Sa bawat laro tulad ng animal sounds, don’t touch the color, at salad games, muling nabuhay ang sigla at pagiging bata ng ating mga nanay at tatay. 🐾🎨🥗 Ang kantahan at sayawan ay nagbigay liwanag sa kanilang mga ngiti, at ang simpleng merienda ay naging sandaling puno ng kuwentuhan at tawanan. 🎶💃🕺

Ang pagbibigay ng mga bulaklak ay naging simbolo ng kanilang pag alala at pagmamahal, isang paalala na ang ating mga elders ay mahalaga at hindi nakakalimutan. 🌹👵👴

Maraming salamat sa inyo sa pagsunod sa tawag ng puso. Minsan, isang balita lang ang kailangan upang magbunga ng isang araw na puno ng pag asa, malasakit, at tunay na koneksyon. 💕🙏

29/12/2025

Isang masayang araw na puno ng galaw, ngiti, at malasakit ang hatid ng Outreach Program ng Cosmos Aero Team. 💙✨

Sa pamamagitan ng gift giving, zumba, kantahan, at masayang kuwentuhan, muling nabuhay ang sigla at saya sa puso ng ating mga lolo at lola. 💃🎶👵👴 Ang bawat hakbang ng sayaw ay naging alay ng pagmamahal, at ang bawat tawa ay patunay na ang kabutihan ay mas masarap kapag pinagsasaluhan.

Sinamahan pa ito ng masustansyang pananghalian na menudo at chopsuey, na hindi lang nagpakabusog kundi nagpainit din ng damdamin. 🍲🥬

Tunay ngang ang sayaw para sa kabutihan ay higit pa sa galaw ng katawan. Ito ay galaw ng puso, oras na inialay, at presensyang nagbigay liwanag sa araw ng ating mga elders. 💖

Maraming salamat, Cosmos Aero Team, sa pagpili na magbahagi ng saya at pag asa. Ang simpleng pagdalaw ninyo ay naging alaala na mananatili sa aming mga puso. 🌟🙏

28/12/2025

Isang simpleng pagdaan na naging makabuluhang sandali ng pagmamahal. 💛

Ang Cainta Sumbingtik Golden Eagles Club ay naglaan ng oras para makipagkuwentuhan sa ating mga lolo at lola at magbahagi ng mga regalo na galing sa puso. 🎁👵👴

Walang maliit o malaking tulong kapag ang ipinagkakaloob ay may malasakit. Ang tunay na halaga ay nasusukat sa oras, pakikinig, at presensyang ibinibigay. ✨🤍

Maraming salamat sa inyong pagmamahal at pag alala. Dahil sa inyo, muling naparamdam sa ating mga elders na sila ay mahalaga, pinapahalagahan, at hindi kailanman nag iisa. 💖🙏

27/12/2025

Habang ang iba ay abala sa mobile games o tambay sa coffee shops, pinili ng mga kabataang ito na magbahagi ng oras, talento, at puso. 💙✨

Ang Outreach Program ng Buting SHS Pasig City ay patunay na ang kabataan ngayon ay may malasakit at direksyon. Sa simpleng laro ng Pinoy Henyo at Color Game, sa pag serenade sa ating mga lolo at lola, at sa pagsasalo ng chicken fillet para sa tanghalian, napuno ang araw ng tawanan, kwentuhan, at tunay na koneksyon. 🎶👵👴🍽️

Hindi kailangan ng mamahaling handog para makapagpasaya. Minsan sapat na ang presensya, pakikinig, at isang awit na galing sa puso. 🌱💫

Salamat sa inyo, Buting SHS Pasig City, dahil pinili ninyong maging kabataan na nagbibigay pag asa. Nawa’y mas marami pang kabataan ang ma inspirasyon ng inyong halimbawa na ang tunay na saya ay natatagpuan sa paglilingkod at pagmamahal sa kapwa. 💙🙌

26/12/2025

Isang makulay at punô ng biyaya na Pasko ang hatid ng River of God sa ating mga lolo at lola sa One Cainta Sunset Retreat. 🎄💖 Mula pa noong umpisa ng ating journey, kasama na natin kayo at hanggang ngayon ay patuloy ninyong pinipiling maglakad kasama namin. Tunay na pagpapala ang inyong presensya. 🙏❤️

Sa pamamagitan ng Bible sharing, muling pinatibay ang pananampalataya at pag asa ng ating mga elders. 📖✨ Sinundan ito ng masayang zumba at kantahan sa videoke na nagdala ng tawanan, galaw, at bagong sigla sa buong hapon. 💃🎤

Mas lalo pang naging espesyal ang araw sa pagbabahagi ng mga regalo at masarap na salu salo sa handang menudo at spring roll. 🎁🍽️ Higit sa lahat, ang pinakamahalagang handog ninyo ay ang oras, malasakit, at patuloy na pag alala sa ating mga nanay at tatay.

Maraming salamat, River of God, dahil mula noon hanggang ngayon, kasama namin kayo sa pag aalaga at pagmamahal sa ating mga elders. Isang tunay na halimbawa ng pananampalatayang may gawa at pag ibig na hindi kumukupas. ❤️🌟

25/12/2025

Isang kaarawan na hindi lang tungkol sa pagdiriwang ng edad, kundi pagdiriwang ng pagmamahal at pasasalamat. 💖🎂

Dahil lumaki sa aruga ng kanyang mga lolo at lola, pinili ni Miss Jamille Tarin Pangan na ipagdiwang ang kanyang espesyal na araw kasama ang ating mga elders. Sa halip na engrandeng handaan, mas pinili niya ang makabuluhang selebrasyon na puno ng alaala, yakap ng nakaraan, at pagmamahal na tunay. 👵👴✨

Buong saya na inawitan ng happy birthday si Miss Jamille ng ating mga lolo at lola. Sa simpleng salu salo ng pansit, toasted siopao, mango juice, monde mamon, at mineral water, mas naging matamis ang bawat sandali dahil sa kasamang tawa at kwentuhan. 🍜🥤🧁

Maraming salamat, Miss Jamille, sa pagpiling ibahagi ang iyong kaarawan sa mga taong minsang naging haligi ng iyong pagkatao. 💕 Sa araw na ito, muli mong pinaalala sa amin na ang tunay na regalo ay hindi nasusukat sa handa, kundi sa pusong marunong lumingon at magpasalamat. 🌷

Maligayang kaarawan. Nawa’y patuloy kang pagpalain ng buhay na puno ng malasakit, kabutihan, at pag ibig. 🌟

24/12/2025

⭐️Liwanag at pag-asa ng Pope’s Worldwide Prayer Network ⭐️

Isang araw na puno ng liwanag at pag asa ang hatid ng Pope’s Worldwide Prayer Network Apostle of Prayer Philippines sa One Cainta Sunset Retreat. 💖🙏

Sa pamamagitan ng kantahan at sayawan, naging mas buhay ang araw ng ating mga lolo at lola, lalo na ng mga may kaarawan na ipinagdiwang kasama ang bagong pamilyang yumakap sa kanila ng buong puso. 🎶💃🎂 Sa bawat ngiti at tawa, ramdam ang mensahe na sila ay mahalaga at hindi nag iisa.

Bilang handog sa kapaskuhan, nagbahagi rin kayo ng food packs at toiletries para sa ating mga elders. 🎁✨ Mga simpleng bagay, ngunit punô ng malasakit at pagmamahal na tunay na tumatagos sa puso.

Maraming salamat sa Pope’s Worldwide Prayer Network Apostle of Prayer Philippines sa pagdadala ng pag asa, kagalakan, at panalangin sa aming tahanan. Sa inyo, mas naging makabuluhan ang diwa ng Pasko para sa ating mga nanay at tatay. 💕🌟

23/12/2025

Ang bawat pagbisita ng Legion of Mary – Brookside Chapter ay parang yakap mula sa langit. Sa inyong buwanang pagdalaw, dala ninyo ang hindi matutumbasang regalo ng dasal, presensya, at pagmamahal. 🙏💙

Ngayong araw, muling napuno ng saya ang aming tahanan sa inyong gift giving, sa taimtim na Rosary prayer, at sa simpleng salu-salong may init ng carbonara. Minsan, ang pinakamalalalim na biyaya ay hindi nakikita sa laki ng handog, kundi sa sinseridad ng pusong nagbibigay. 🎁🍝✨

Maraming salamat sa patuloy ninyong pag-alalay at pagdamay sa aming mga lolo at lola. Sa bawat Hail Mary na inyong binibigkas, tila nadarama nila na hindi sila nag-iisa… na may mga taong handang magmahal at umalalay sa kanila. ❤️

Nawa’y mas tumibay pa ang ating samahan pagdating ng 2026. Sana’y mas marami pa tayong mapagsamahan, mapagdasalan, at mapasayang puso. 💐🙏✨

Salamat, Legion of Mary. Malaking biyaya kayo sa One Cainta Sunset Retreat. 💙✨

22/12/2025

McDonald’s – PC Kelly, kayo talaga ang patunay na ang pagmamahal ay hindi lang ipinapakita… ipinaparamdam! 🍔💛

Sa inyong outreach program, nag-uumapaw ang saya ng aming mga lolo at lola—mula sa gift giving hanggang sa masayang pagsayaw kasama sina Birdie at Hamburglar. Ang halakhak nila ngayong araw, ibang klase. Parang bumata ulit silang lahat. 🎁🎶🕺💃

Totoong totoo...Much Pinalaki, Much Pinasarap, at Much Crispier Chicken… at higit sa lahat, Much Pina-Share ang pagmamahal at kabutihan para sa ating mga elders. 🍗✨

Maraming salamat, McDonald’s, sa puso, oras, at malasakit
Salamat sa pagpili ninyong ipadama sa aming mga lolo at lola na espesyal sila, mahalaga sila, at may mga taong handang magbigay saya ngayong Pasko. ❤️🙏🎄

Nawa’y mas dumami pa ang araw na kagaya nito.

Mabuhay ang McDonald’s – PC Kelly! 🍟💛✨

21/12/2025

“Ang bawat pangarap ay nangangailangan ng isang unang hakbang, at ang unang hakbang naming iyon ay kasama ang Gold Star Realty.” 🌟❤️

Ang Gold Star Realty ang kauna-unahang nagtiwala, sumuporta, at nagbukas ng pintuan para sa lahat ng ating mga partners ngayon sa One Cainta Sunset Retreat. Sila ang unang nagbigay, unang umalalay, at unang naniwala na kaya natin, kasama ang buong komyunidad na mabigyan ng tahanan, kalinga, at dignidad ang ating mga lolo at lola. 👵👴💛

Maraming salamat sa inyo, Gold Star Realty, sa inyong walang sawang suporta, malasakit, at pagmamahal. 🙏💖

Sa bawat tulong na ibinigay ninyo, mas lumawak ang aming kakayahang maglingkod at mas tumibay ang aming misyon para sa ating mga elders.

Nawa’y mas lalo pang tumatag at tumibay ang ating partnership sa mga darating pang taon. Sama-sama tayong magpapatuloy sa paglikha ng isang tahanang puno ng pag-asa, pag-aalaga, at pagmamahal. 🌟🏡💛

20/12/2025

✨ THE MEDICAL CITY ORTIGAS 10TH FLOOR SECRETARY OUTREACH ACTIVITY ✨

Sa pamumuno ni Ms. Roselyn Torrecampo, bumisita sa ating One Cainta Sunset Retreat ang mga masisipag at mapagmalasakit na secretary ng The Medical City Ortigas 10th Floor upang magbahagi ng biyaya at ng kanilang pusong handang magmahal. 💛🙏

Hindi man sila madalas makita ng publiko, araw-araw nilang inaalagaan ang pangangailangan ng mga doktor at pasyente. Ngunit ngayong araw, ibang klase ang kanilang misyon. Dinala nila ang kanilang kabutihan sa ating mga lolo at lola sa pamamagitan ng mga simpleng ngunit makabuluhang handog.

Para sa mga lolo, may shorts at sando na magbibigay ng ginhawa sa kanilang pang-araw-araw. Para sa mga lola, may duster na magiging parte ng kanilang mga munting kwento at tahimik na tanghali. 👕👗✨

Hindi ito basta donasyon lamang. Ito ay patunay na may mga tao pa ring handang tumingin, kumilala, at magmahal sa mga nakaligtaang sektor ng lipunan. Mga pusong abala sa serbisyo, ngunit hindi nakakalimot magbahagi ng malasakit.

Maraming salamat, Ms. Roselyn at The Medical City Ortigas 10th Floor Secretaries. Ang pagkukusa ninyong magbigay ay nag-iwan ng init at pag-asa sa aming tahanan. 🌟💖

Address

Block 10 Lot L4, Magnolia Street Greenland Subdivision, Barangay San Juan
Cainta
1900

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Telephone

+639918279578

Website

facebook.com

Alerts

Be the first to know and let us send you an email when One Cainta Sunset Retreat posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to One Cainta Sunset Retreat:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Cainta?