RHU Concepcion Romblon

18/11/2025

📢 Paalala sa lahat
Sa ngayon, hindi muna available ang ating Cholesterol at Blood Uric Acid test. Ipa-aabot namin agad ang abiso kapag ito ay maibalik na. Salamat po sa inyong pang-unawa. 🙏

14/11/2025

📣 ANNOUNCEMENT 📣

Sa lahat po ng nag mi-maintenance na nakuhanan ng dugo noong nakaraan PhilPen Screening, maaari na pong kunin ang resulta ng inyong Creatinine Test sa kani-kaniyang Barangay Health Station. Ang mga taga Poblacion po ay maaaring sa RHU o sa mga nakatalagang BHW magtanong ng kanilang resulta.

📘 Paalala: Huwag kalimutang dalhin ang inyong Heart’s Club Booklet dahil doon ilalagay ang resulta ng inyong test.

Para sa naman sa lahat ng LGU personnel at Job Orders na sumailalim sa Creatinine Test,
sa RHU lamang po kukunin ang inyong mga resulta.

Maraming salamat po at patuloy nating pangalagaan ang ating kalusugan! ❤️💉

14/11/2025

Matagumpay nating naisagawa ang PhilPEN Screening, Heart’s Club Registration, at libreng Creatinine Test at Urinalysis sa mga barangay ng:

📍 San Vicente
📍 Dalajican
📍 Sampong
📍 Calabasahan
📍 San Pedro
📍 Poblacion

Mayroon din tayong libreng consultation o check-up, pati pamamahagi ng libreng vitamins at maintenance medicines upang matulungan ang ating mga kababayan sa kanilang pangkalusugang pangangailangan.

Ang aktibidad na ito ay isinagawa sa ilalim ng Non-Communicable Diseases (NCD) Program, bilang bahagi ng patuloy na pagsusulong ng maagang pagtuklas at tamang pangangalaga sa mga sakit na hindi nakakahawa.

Lubos ang aming pasasalamat sa mga Barangay Officials, Concepcion Mps Pcr, at Barangay Health Workers (BHWs) sa kanilang walang sawang suporta at pakikipagtulungan upang maging matagumpay ang aktibidad.

📣 Ang schedule para sa mga susunod na barangay ay iaanunsyo na lamang sa mga darating na araw. Mangyaring antabayanan ang aming post para sa karagdagang detalye.

Maraming salamat sa lahat ng residente na nakiisa at patuloy na sumusuporta sa mga programang pangkalusugan para sa mas malusog na komunidad! ❤️

09/11/2025

Pamamahagi ng Emergency Medicines at Supplies bilang Paghahanda sa Bagyong Uwan 💊🌧️🚑

Noong Nobyembre 8, 2025, matagumpay na isinagawa ng Rural Health Unit (RHU) sa pakikipagtulungan ng Lokal na Pamahalaan (LGU) ang pamamahagi ng mga emergency medicines, hygiene kits, kulambo, Ready-to-Use Supplementary Foods (RUSFs), Betadine, at Off Lotions sa siyam (9) na barangay bilang paghahanda sa Bagyong Uwan.

Ang mga suplay ay personal na tinanggap ng mga Barangay Health Workers (BHWs) mula sa bawat barangay, sa tulong ng ating masisipag na Job Order employees na naghatid ng mga ito sa kani-kanilang lugar.

Taos-pusong pasasalamat sa Department of Health (DOH) sa karagdagang mga gamot at health supplies na ibinahagi para sa ating mga komunidad.

Isang halimbawa ito ng tunay na bayanihan at malasakit sa kalusugan ng mamamayan, sa pangunguna ng RHU, LGU, at DOH.

08/11/2025

‼️ DOH, PINAGBAWALAN ANG PAGTAAS NG PRESYO NG ILANG GAMOT SA ILALIM NG NATIONAL STATE OF CALAMITY ‼️

Kasunod ng pagdedeklara ni Pangulong Bongbong Marcos Jr. ng national state of calamity kahapon, November 6, 2025, mariing pinapaalala ng Department of Health ang implementasyon ng “Price Freeze” sa 146 na gamot sa buong bansa. Ito ay para masiguro ang pananatili sa makatuwirang presyo ng mga bilihing gamot lalo na sa panahon ng kalamidad.

Ang Price Freeze ay ipinapatupad sa loob ng animnapung (60) araw mula nang ideklara ang state of calamity, maliban kung ito ay tanggalin nang mas maaga ng Pangulo.

💊 Tingnan ang listahan ng mga gamot sa ilalim ng Price Freeze: https://bit.ly/PriceFreezeDOHUpdated

I-report ang anumang sobrang pagpapataw ng presyo o paglabag sa DOH:
📌 pddrugpricemonitoring@doh.gov.ph
📌 ssupd@doh.gov.ph

08/11/2025

📢 MAHALAGANG PAALALA
Mula sa Municipal Health Office

🌀 Ngayong paparating na bagyo, maging handa at ligtas!

🧰 Paghahanda at Kagamitan

✅ Maghanda ng emergency kit na may:
Pagkain at malinis na tubig
Flashlight, radyo, at powerbank
Gamot at first aid supplies
Huwag kalimutan ang maintenance medicines para sa araw-araw

💧 Kalusugan at Kalinisan

✅ Tiyaking malinis ang tubig na iinumin
✅ Siguraduhin na ligtas at lutong maayos ang pagkain
✅ Gumamit ng kulambo o mosquito repellant upang makaiwas sa dengue

🛡️ Kaligtasan at Pakikipag-ugnayan

✅ Manatili sa ligtas na lugar at iwasang lumabas kung hindi kinakailangan
✅ Makinig sa opisyal na abiso mula sa LGU, PAGASA, at MHO
✅ Agad na kumonsulta sa Barangay Health Worker o sa pinakamalapit na health center kung may kakaibang nararamdaman

04/11/2025

𝐇𝐄𝐀𝐋𝐓𝐇 𝐀𝐃𝐕𝐈𝐒𝐎𝐑𝐘: 𝐈𝐧𝐟𝐥𝐮𝐞𝐧𝐳𝐚-𝐋𝐢𝐤𝐞 𝐈𝐥𝐥𝐧𝐞𝐬𝐬 (𝐈𝐋𝐈)
Mag-ingat po tayo sa trangkaso o ILI lalo na ngayong pabago-bago ang panahon! Ang mga sintomas nito ay lagnat, ubo, sipon, pananakit ng katawan, at pagkapagod.
𝗡𝗮𝗿𝗶𝘁𝗼 𝗮𝗻𝗴 𝗺𝗴𝗮 𝗽𝗮𝗮𝗹𝗮𝗹𝗮 𝘂𝗽𝗮𝗻𝗴 𝗺𝗮𝗸𝗮𝗶𝘄𝗮𝘀:
-Ugaliing maghugas ng kamay.
-Takpan ang ilong at bibig kapag uubo o babahing.
-Iwasan ang matataong lugar kung may sintomas.
-Uminom ng maraming tubig at magpahinga nang sapat.
Kung may lagnat o matinding sintomas, agad na magpatingin sa pinakamalapit na health center o ospital.

𝐇𝐄𝐀𝐋𝐓𝐇 𝐀𝐃𝐕𝐈𝐒𝐎𝐑𝐘: 𝐈𝐧𝐟𝐥𝐮𝐞𝐧𝐳𝐚-𝐋𝐢𝐤𝐞 𝐈𝐥𝐥𝐧𝐞𝐬𝐬 (𝐈𝐋𝐈)
Mag-ingat po tayo sa trangkaso o ILI lalo na ngayong pabago-bago ang panahon! Ang mga sintomas nito ay lagnat, ubo, sipon, pananakit ng katawan, at pagkapagod.

𝗡𝗮𝗿𝗶𝘁𝗼 𝗮𝗻𝗴 𝗺𝗴𝗮 𝗽𝗮𝗮𝗹𝗮𝗹𝗮 𝘂𝗽𝗮𝗻𝗴 𝗺𝗮𝗸𝗮𝗶𝘄𝗮𝘀:
-Ugaliing maghugas ng kamay.
-Takpan ang ilong at bibig kapag uubo o babahing.
-Iwasan ang matataong lugar kung may sintomas.
-Uminom ng maraming tubig at magpahinga nang sapat.

Kung may lagnat o matinding sintomas, agad na magpatingin sa pinakamalapit na health center o ospital.

02/11/2025

📢 ANNOUNCEMENT

Bilang bahagi ng programa para sa Hypertension at Diabetes o mga Non-Communicable Diseases (NCDs), magsasagawa ang Municipal Health Office ng mga aktibidad sa inyong barangay upang magbigay ng kaalaman at kamalayan tungkol sa mga karaniwang sakit gaya ng altapresyon at diabetes. 💉💊

🩺 Mga aktibidad na isasagawa:
1️⃣ Information and Education Campaign tungkol sa Hypertension at Diabetes
2️⃣ PhilPEN Screening (para sa mga edad 20 pataas)
3️⃣ Libreng Urinalysis para sa mga sasailalim sa PhilPEN Screening
4️⃣ Libreng Creatinine Testing para sa mga may maintenance sa Hypertension/Diabetes o may CKD
5️⃣ Hearts Club Booklet Distribution para sa mga umiinom ng maintenance medicine
6️⃣ Libreng Konsultasyon pagkatapos ng screening at laboratory tests

🎯 Target participants:
✔️ Mga edad 20 pataas na walang iniinom na maintenance medicine
✔️ Mga umiinom ng maintenance medicine para sa Hypertension o Diabetes

📅 Isasagawa bukas, Nobyembre 3, 2025 (Lunes):
📍 Barangay San Vicente – Umaga, 7:00 AM onwards
📍 Barangay Dalajican – Hapon, 1:00 PM onwards

📌 PAALALA:
‼️ Mangyaring dalhin ang inyong PhilHealth ID sa araw ng screening.

Layunin ng programang ito na maagang matukoy ang mga sakit, mabigyan ng tamang impormasyon, masuri ng maaga, at matulungan ang bawat mamamayan na mapanatiling malusog at ligtas sa komplikasyon! ❤️

Lubos naming hinihikayat ang lahat ng mamamayan at Barangay Health Workers (BHWs) na makiisa sa programang ito para sa mas malusog na komunidad!

27/10/2025

✨ Matagumpay na Food Handlers Class! ✨

Isang malaking tagumpay ang ginanap na Food Handlers Class ngayong October 24, 2025, na dinaluhan ng 43 food handlers! 🙌
Layunin ng aktibidad na mapalawak ang kaalaman sa tamang kalinisan at kaligtasan sa paghahanda ng pagkain 🍽️

Special thanks to Mr. Chino Earl Mercado for sharing his time and expertise with us. 👏
Salamat din sa lahat ng dumalo at patuloy na sumusuporta sa mga programang pangkalusugan ng ating bayan! 💚