Rentosa Maternity and Lying-In Clinic

Home
Philippines
Dasmariñas
Rentosa Maternity and Lying-In Clinic

RENTOSA MATERNITY AND LYING-IN CLINIC
Giving you the best care you deserve... Kami po ay bukas 24 oras.
(256)

Rentosa Maternity and Lying-In Clinic is a social business that hopes to improve health outcomes in a sustainable and participative approach. Itinatag ito bilang tugon sa lumalaking demand para sa pantay at naaangkop na mga solusyon sa komunidad. Ang RMLC ay nakapagbibigay ng access sa dekalidad at abot-kayang serbisyo sa kalusugan ng bawat Pilipinong ina. Ang Rentosa Maternity and Lying-In Clinic ay ginagabayan ng mga protocol na binuo ng Department of Health. Ang misyon nito ay panatilihing ligtas at malusog ang lahat ng ina at kanilang mga sanggol. Higit pa rito, itinataguyod nito ang proteksyon sa panganib sa pananalapi sa pamamagitan ng paghikayat sa mga kababaihan na mag-avail ng mga benepisyo ng Philhealth.Dahil kami po ay Philhealth-accredited kung kaya masusulit ng mga Philhealth members ang benepisyo sa panganganak sa maganda,malinis at maayos na pasilidad. Ang RMLC ay isang panawagan na itaguyod ang ligtas na mga kasanayan sa pagpapa-anak na makakatulong na maiwasan ang pagkamatay ng ina at sanggol. Kabilang sa mga cost-effective na interbensyon ang pagtataguyod ng maayos,malinis at kumpletong kagamitan sa pagpapa-anak na pasilidad, kumpletong pangangalaga sa prenatal, at pangangalaga ng isang skilled-birth attendant, mga professional midwives at mga doktor. Sa pamamagitan ng RMLC aggressive awareness campaign, hinahangad nitong bigyang kapangyarihan ang kababaihan na gumawa ng mas mabuting desisyon tungkol sa pagpili ng pasilidad na mgangangalaga sa kanilang kalusugan.

Address

Block 84, Lot 7, Purok 7, Bgy. Victoria Reyes
Dasmariñas
4115

Website

https://rentosaclinic.com/

Alerts

Be the first to know and let us send you an email when Rentosa Maternity and Lying-In Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Rentosa Maternity and Lying-In Clinic:

Shortcuts

Want your practice to be the top-listed Clinic in Dasmariñas?

Our Story

Rentosa Maternity and Lying-in Clinic have been established since 2012. It is owned and managed by Ryan Cristopher T. Andres, a Registered Nurse-Midwife and his long time partner Vanesa Rentosa-Andres, a Registered Midwife. They successfully build their dream and now serving the people in their neighborhood.

Ang Rentosa Maternity and Lying-in Clinic ay isang birthing facility na naglalayong mapabuti ang kalusugan at kaligtasan ng bawat ina at sanggol. Pinapanatili nitong malinis ang lugar at sanitized ang lahat ng kagamitan. May sapat na training ang mga midwife at Doktor ayon sa patakaran ng ligtas na panganganak.

Magalang at matulungin ang mga staff. Mayroon ding referral system upang madaling mailipat ang pasyente sa ospital kung kinakailangan.

HIGIT SA LAHAT, ABOT KAYA ANG SERBISYO SA RMLC!

“Giving you the best care you deserve”

Our Mission

We are committed to bringing the best, yet cost-effective Health care services to those we serve. Ensure the effectiveness of the advocacy launched by the Department of Health and other organization in safe motherhood.

Address the family planning and maternal & child health (FP/MCH) concerns at the community level.

Our Vision

A leading and sustainable health care institution nurturing a network of excellent community-based clinic and health service providers that ensure family wellness through family planning and maternal and child care services.

RENTOSA MATERNITY AND LYING-IN CLINIC Q&A

1. Ano ang mga serbisyo sa Rentosa Maternity and Lying-in Clinic ( RMLC)?

Ang Rentosa Maternity and Lying-in clinic ay hindi lamang paanakan, ito din ay isang clinic. Ang mga sumusunod ay ang iba pa naming serbisyo:

· Maternity

· Prenatal Consultation (Check-up ng buntis)

· Normal Delivery (Panganganak)

· Vitamin Supplementation

· Tetanus Toxoid Vaccination (Bakuna laban sa tetano)

· Birth Certificate Registration

· Postpartum Consultation kasama na ang Counselling sa Family Planning

· Pediatrics

· Pediatrician Consultation (Check-up ng baby at bata)

· Newborn Screening (basic, expanded)

· Bakuna ( Hepa B, BCG, Measles, Chicken Pox, MMR, Pentavalent HIB, Pneumo, Typhoid)

· Nebulization (Pag-nebulize sa may hika)

· Ear Piercing (Pagbutas sa tenga/hikaw)

· Primary Care and Women’s Health

· Medical Consultation (Konsulta sa Duktor)

· Obstetrics and Gynecology (Ob-Gyne) By appointment

· Pap smear

· Vaginal repair (episioraphy, perinioraphy)

· Removal of IUD and implants

· Bakuna sa kababaihan (Cervical Cancer, Flu, Hepatitis)

· Diagnostics

· BP Monitoring (Pagkuha ng blood pressure)

· Laboratory tests sa buntis tulad ng CBC, Urinalysis,HbsAg,FBS, blood typing

· Others

· Cautery (Pagtanggal ng kulugo)

· Circumcision (Tuli)

· Incision and Drainage (Paggamot sa sugat at iba pang sakit sa balat)

· Suturing / Removal of suture

2. Sino ang maaring manganak sa Rentosa Maternity and Lying-in Clinic?

Maaring manganak ang mga buntis na may kumpleto o kahit apat (4) na prenatal check-ups lamang at laboratory examinations. Tinatanggap lamang din sa RMLC ang normal uncomplicated deliveries.

Ang sumusunod na mga kondisyon ay ang hindi tinatanggap sa RMLC o kahit saan mang lying-in clinic, ayon sa PhilHealth:

· pagbubuntis na may edad na bababa sa 19

· unang pagbubuntis ng may edad na 35 at pataas

· multiple pregnancy

· ovarian abnormality (ovarian cyst)

· uterine abnormality (myoma uteri)

· placental abnormality (placenta previa)

· abnormal fetal presentations (e.g. breech)

· may history ng tatlo (3) o higit pang miscarriages/abortions

· may history ng isang (1) stillbirth

· may history ng major obstetric and/or gynecologic operation (e.g. caesarean section, uterine myomectomy)

· may history ng medical conditions (e.g. hypertension, pre-eclampsia, eclampsia, heart disease, diabetes, thyroid disorder, morbid obesity, moderate to severe asthma, epilepsy, renal disease, bleeding disorders)

· may iba pang risk factors na maaaring lumabas sa kasalukuyang pagbubuntis (e.g. premature contractions, vaginal bleeding) na kinakailangan ng na pangangalaga.

3. Magkano ang bayad sa panganganak sa RMLC?

De kalidad at abot kayang presyo ang handog ng RMLC. Kung kayo ay miyembro ng PhilHealth at may kumpletong hulog, wala na kayong halos kailangan bayaran kapag midwife ng Rentosa ang magpapaanak sa inyo. Para sa iba pang katanungan, maaring tumawag or itext ang aming clinic cel. No: 09273920671..or bumisita sa aming clinic sa Blk.84 Lot 7 purok 7 Brgy. Victoria Reyes, City of Dasmariñas, Cavite.

4. Ano ang covered ng Phillhealth?

Kasama sa Maternity Care Package ng PhilHealth ang facility fee sa labor at recovery, 24 hours room and board accommodation, basic medicines sa Normal Spontaneous Delivery case, professional fee sa midwife (partial payment), mga medical supply at consumables, at isang post-partum consultation.

Para naman kay baby, covered ng PhilHealth ang paunang gamot at bakuna (BCG, Vit K, Hepa, Erythromycin eye drops), Newborn hearing test at expanded newborn screening .

Ang PhilHealth ay para lamang sa Normal Spontaneous Delivery. Hindi sinasagot ng PhilHealth ang mga kundisyon na kinakailangan ng Ob-Gyne emergency interventions, Pedia baby catch, mga intravenous na gamot na kailangan padaanin sa dextrose (kapag kinakailangan), at mga karagdagang supplies katulad ng maternity pads, antibiotics, dextrose, at iba pa.

4. Bukas ba kayo 24 oras? Paano kung manganak kami sa alanganing oras?

Para sa iyong check-up, maaring magpunta sa:

· Blk. 84 Lot 7 Purok 7 Brgy. Victoria Reyes, City of Dasmariñas, Cavite

Mon to Sun: 09:00 am to 4:00 pm

Dahil sa kayo ay alaga ng RMLC, Kami po ay bukas 24 oras para sa inyong labor/delivery. Tawagan o i-text lang ang inyong medical provider o nurse/midwife para ipaalam ang inyong kalagayan.

Vanessa Rentosa-Andres (09273920671)

5. Magkano ang bayad sa konsultasyon?

Abot-kaya ang konsultasyon sa RMLC. Ang regular price ng konsultasyon ay ang sumusunod:

Midwife – FREE for initial consultation and philhealth member

Doktor (OBGyne) – 400 php

Doktor (Pediatrician) – 400 php

Para sa nais gumamit ng Antenatal Care (check-up) benefit ng PhilHealth o iba pang katanungan, maaaring magtext o tumawag sa RENTOSA MATERNITY AND LYING-IN CLINIC, 09273920671 or bumisita sa aming clinic sa BLK. 84 LOT 7 PUROK 7 BRGY. VICTORIA REYES, CITY OF DASMARIÑAS,CAVITE

6. Bakit pa kailangan na tingnan ng doktor kung regular naman kami na nagpapatingin sa midwife?

Mahuhusay ang mga midwives sa RMLC pero kasama sa patakaran ng RMLC na patingnan din ang pasyente sa isang OB Gynecologist bago siya manganak. Ito ay para makasigurado na maaring manganak ng normal ang pasyente. Dahil din dito matutukoy at matutugunan ang panganib ng pagbubuntis. Sa ganitong paraan, makatitiyak na magiging maayos at ligtas ang panganganak ng pasyente.

7. Hanggang ilang oras pwede manatili sa RMLC kapag bagong panganak?

Iminumungkahi ng RMLC na manatili ang nanay at ang kanyang sanggol sa loob ng 24 oras sa clinic para sila ay maobserbahan. Ito ay bilang pagtitiyak na ligtas at maayos ang kalagayan ng mag-ina bago sila payagang umuwi sa bahay.

8. Paano kung magkaron ng kumplikasyon habang nagli-labor?

Para sa kaligtasan ng pasyente, kapag may nakitang kumplikasyon o problema sa panahon ng pagli labor, agad itong ire-refer sa ospital. Dala-dala ang referral form at kumpletong laboratory examinations, sasamahan ng medical provider ang pasyente sa kanyang napiling ospital hanggang siya ay ma-admit.

9. Paano ang proseso kung gusto ko maging miyembro ng PhilHealth?

Ang PhilHealth ay di lamang magagamit sa panganganak. Maaari niyo rin itong magamit kapag ang isang lehitimong miyembro ng inyong pamilya ay nagkasakit. Ang kabuuang hulog sa buong taon na kailangan bayaran ay P2,400.00. Maaari kayong tulungan ng RMLC para maging PhilHealth member. Para sa iba pang katanungan, maaaring magtext o tumawag sa RENTOSA MATERNITY AND LYING-IN CLINIC, 09273920671 or bumisita sa aming clinic sa BLK. 84 LOT 7 PUROK 7 BRGY. VICTORIA REYES, CITY OF DASMARIÑAS,CAVITE

10. Paano kung wala akong kakayahan na hulugan ang PhilHealth?

Kung hindi naman po natin kaya ang halagang 2,400, maaari din po kayong mag-apply bilang isang indigent member ng Philhealth. Kailangan lang po ay sundin ang sumusunod na hakbang:

1. Punan ang PhilHealth Member’s Registration Form (PMRF) mula sa RMLC.

2. Humingi ng certificate of indigency sa inyong barangay at humingi ng medical certificate sa pinakamalapit na brgy health center.

3. Magpunta lamang po kayo sa Social Service Department (SSD) sa Dasmariñas City Hall para makakuha ng PhilHealth endorsement.

4. Dalhin ang endorsement letter at ang nasagutan na PMRF sa PhilHelath office at antayin ang inyong Member’s Data Record (MDR) at PhilHealth ID.

11. Sino ang magpoproseso ng birth certificate ni baby?

Ang RMLC po ang nagpoproseso sa Civil Registry Office ng birth certificate ni baby kaya makatitiyak kayo na maayos ang pagrehistro ng pagkakakilanlan ng inyong anak. Kailangan lamang ay ipasa ninyo ang mga kailangang dokumento para maayos at mabilis itong maproseso. Para sa mga kasal, magdala lamang ng kopya ng marriage contract. Kung hindi naman kasal kayo po ang magpoproseso nito sa dahilang ito ang patakaran ng Civil Registry offica ng Dasmariñas.