OSCA Gumaca

14/04/2026

📢 SOCIAL PENSION PAYOUT ANNOUNCEMENT

Magandang araw po!

Ipinapaalam po sa lahat ng ating mga senior citizen na magkakaroon ng Social Pension (SOC‑PEN) Payout sa darating na Abril 23, 2026 (Huwebes) sa itinakdang lugar.

📌 Mga Paalala at Requirements
✅ Kung personal na kukuha ang senior citizen:
-Senior Citizen ID na may tatlong (3) pirma

✅ Kung sa pamamagitan ng kinatawan (authorized representative):
-Authorization Letter na pirmado ng senior citizen
-Larawan ng senior citizen at claimant na magkasama, hawak ang authorization letter at kalendaryo
-Kopya ng Senior Citizen ID na may tatlong (3) pirma
-Valid ID ng authorized representative na may tatlong (3) pirma

📋Nasa mga larawan sa ibaba ang listahan ng mga benepisyaryo na makakatanggap:

Maraming salamat po sa inyong pakikiisa at pagtutok.

👉 Para sa mga katanungan, maaari pong makipag‑ugnayan sa MSWD Office.

09/03/2026

📢PABATID: 4-DAY WORK WEEK, IPATUTUPAD!

BAGONG WORK SCHEDULE SA GUMACA 🏛️
(Alinsunod sa Executive Order No. WDL-08-03-2026)

Bilang pagtalima sa Memorandum Circular No. 114 ni Pangulong Ferdinand R. Marcos Jr., ipatutupad ng ating Pamahalaang Bayan ang 4-Day Work Week simula ngayong Marso 9, 2026.

BAKIT MAY PAGBABAGO? ⛽💡

Layunin ng hakbang na ito na:
• Makatipid sa konsumo ng kuryente at enerhiya sa mga opisina.
• Mabawasan ang gastos sa transportasyon ng mga kawani bunsod ng pagtaas ng presyo ng langis dahil sa tensyon sa Middle East.
• Suportahan ang panawagan ng ating Pangulo para sa alternatibong “work arrangements.”

ANG BAGONG SCHEDULE 📅

BAGONG ORAS NG TANGGAPAN ⏰
(Simula Marso 9, 2026)

📅 LUNES, MARTES, HUWEBES, at BIYERNES
• 7:00 AM – 6:00 PM

🚫 WEDNESDAY: NO OFFICE/DAY-OFF
(Ngunit ang mga Department Heads ay nananatiling "on-call" para sa mga emergency.)

🚑👮‍♀️🚮 Upang matiyak na hindi maantala ang mga kritikal na serbisyo, MANANATILING BUKAS O REGULAR ang operasyon ng mga sumusunod:

• Municipal Health Office (MHO)
• Municipal Disaster Risk Reduction Office (MDRRMO) Rescuers
• Watchmen & Traffic Enforcers
• Garbage Collectors, Street Sweepers & Eco-Aides
• Market & Slaughterhouse Personnel
• Sanitary Landfill & CMRF Workers

Ang inyong Pamahalaang Bayan ay laging handang maglingkod sa mas episyente at masinop na paraan.

27/02/2026

𝐏𝐚𝐚𝐥𝐚𝐥𝐚 𝐦𝐮𝐥𝐚 𝐬𝐚 𝐍𝐚𝐭𝐢𝐨𝐧𝐚𝐥 𝐂𝐨𝐦𝐦𝐢𝐬𝐬𝐢𝐨𝐧 𝐨𝐟 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧𝐬 (𝐍𝐂𝐒𝐂)

Ang ₱10,000 cash gift sa ilalim ng Expanded Centenarians Act ay ibinibigay nang buo sa mga kwalipikadong senior citizens.

Ang cash gift ay dapat matanggap ng kwalipikadong senior citizens nang walang kaltas. Anumang uri ng paniningil, pagbabawas, o paghingi ng kapalit ay malinaw na ilegal at may kaukulang mabigat na parusa sa sinumang mapatutunayang lalabag sa batas.

Hinihikayat namin ang mga senior citizens at kanilang mga pamilya na agad ireport sa NCSC ang anumang uri ng ganitong insidente.

Email: contact@ncsc.gov.ph
Contact Numbers: (02) 8567-5646/0962-2743-622
Address: 29th Floor (Penthouse), The Upper Class Tower, Quezon Avenue cor., Scout Reyes St, Diliman, Quezon City

26/02/2026

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢‼️

𝐍𝐂𝐒𝐂, 𝐍𝐢𝐥𝐢𝐧𝐚𝐰 𝐧𝐚 𝐖𝐚𝐥𝐚𝐧𝐠 𝐈𝐩𝐢𝐧𝐚𝐦𝐚𝐦𝐚𝐡𝐚𝐠𝐢𝐧𝐠 𝐀𝐓𝐌 𝐂𝐚𝐫𝐝 𝐩𝐚𝐫𝐚 𝐬𝐚 𝐦𝐠𝐚 𝐏𝐢𝐥𝐢𝐩𝐢𝐧𝐨𝐧𝐠 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧𝐬

Nilinaw ng National Commission of Senior Citizens (NCSC) na walang ibinibigay na ATM card sa mga senior citizens para magamit sa pagkuha ng anumang ayuda, cash gift, o pensyon.

Kasunod ito ng kumakalat na video online ng isang content creator na sinasabing aprubado na umano ang ATM card sa bawat older person sa buong bansa.

𝗪𝗮𝗹𝗮𝗻𝗴 𝗶𝗻𝗶𝗹𝗮𝗹𝗮𝗯𝗮𝘀 𝗻𝗮 𝗮𝗻𝘂𝗺𝗮𝗻𝗴 𝗯𝗮𝗻𝗸 𝗰𝗮𝗿𝗱 𝗮𝗻𝗴 𝗡𝗖𝗦𝗖 𝗮𝘁 𝗵𝗶𝗻𝗱𝗶 𝗿𝗶𝗻 𝘁𝗼𝘁𝗼𝗼 𝗻𝗮 𝘀𝗶𝘀𝗶𝗺𝘂𝗹𝗮𝗻 𝗶𝘁𝗼 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗶𝗹𝗼𝘁 𝗯𝗮𝗻𝗸 𝘁𝗿𝗮𝗻𝘀𝗳𝗲𝗿.

Nais linawin ng Komisyon na ang bank transfer na sinisimulang isagawa sa mga piling rehiyon ay isa lamang opsyon ng mga senior citizens para makuha ang kanilang P10K o P100K cash gift sa ilalim ng Expanded Centenarians Act (ECA).

Layon ng bank transfer system na mapabilis ang pag-claim ng mga regalo para sa mga tumuntong sa milestone ages na 80, 85, 90, 95, at 100.

Muling nagbabala ang NCSC laban sa mga kumakalat na maling impormasyon, online man o hindi, tungkol sa mga programa at benepisyo para sa mga senior citizens.

Magtungo lamang sa opisyal na social media pages ng NCSC para sa updates at direktang makipag-ugnayan sa opisina ng Komisyon kung may katanungan tungkol sa mga programa ng pamahalaan.

Para sa agarang kasagutan at tamang impormasyon, makipag-ugnayan lamang sa tanggapan ng 𝐍𝐂𝐒𝐂 sa pamamagitan ng:
📞 (02) 8567-5646
📲 0962-2743-622
📧 contact@ncsc.gov.ph
🌐 www.ncsc.gov.ph

20/02/2026

https://l.facebook.com/l.php?u=https%3A%2F%2Fyoutu.be%2F4wPOj5OuuAo%3Fsi%3D7-85NKcSM8eVHXCv%26fbclid%3DIwZXh0bgNhZW0CMTAAYnJpZBEydEhTaG5NUnVvUlhPQk5yVnNydGMGYXBwX2lkEDIyMjAzOTE3ODgyMDA4OTIAAR5Pza1Rqqf81moRO_o4-DAf5LDeTRMEbUSTlybOfDqxmNe1h2xtpt_Ynuz4EQ_aem_j7E7BH-qzF7k1yFUJV4wdw&h=ASW3UgUv1pq0PRd3p7mHyTXEMRRVwF28A6k0ZoOgJmeQ4S8JOaZ0wD-HNlTsTUnHnqPkbW-TnoqKLmH5k1d7BnOQuKdonU01w6FtVSdsc_Wc5exxzemsnunv3C-iY31AfYlE3A

Enjoy the videos and music you love, upload original content, and share it all with friends, family, and the world on YouTube.