IBA Rural Health Unit

02/03/2026

💜2026 𝓝𝓪𝓽𝓲𝓸𝓷𝓪𝓵 𝓦𝓸𝓶𝓮𝓷’𝓼 𝓜𝓸𝓷𝓽𝓱 𝓒𝓮𝓵𝓮𝓫𝓻𝓪𝓽𝓲𝓸𝓷 💜

💙Bilang pakikiisa ng ating Municipal Health Office sa pagdiriwang ng National Women’s Month 2026, at sa patuloy na suporta ng Local Government Unit of Iba sa pamumuno ng ating butihing Mayor Irenea Maniquiz-Binan, malugod po naming inaanyayahan ang ating mga kababaihan sa komunidad na makilahok sa ating ZUMBA Fitness Activity tuwing Biyernes ng buwan ng Marso.

❤️Ang gawaing ito ay inihahandog bilang pagkilala sa lakas, kakayahan, at mahalagang papel ng kababaihan sa ating pamilya at lipunan. Layunin nitong itaguyod ang mabuting kalusugan, aktibong pamumuhay, at patuloy na pagbibigay-lakas sa bawat babae sa ating bayan.

📅 March 6, 13, 20, at 27, 2026
⏰ 4:00 PM – 5:00 PM
📍 Iba Municipal Hall

💚Inaanyayahan namin ang lahat ng mga kababaihan, nanay, kabataan, working women, at maging ang ating mga aktibong senior citizens na makiisa at makisaya sa pamamagitan ng sayaw at ehersisyo.

🩷At siyempre, bukas din ang ating aktibidad sa mga kalalakihang nais makiisa at sumuporta sa adbokasiya ng Women’s Month—dahil ang pagtataguyod ng pagkakapantay-pantay at kalusugan ay responsibilidad ng buong komunidad.

🧡Hindi lamang ito isang fitness activity—ito ay simbolo ng ating pagkakaisa at suporta sa kababaihan ng Iba.

✨ Empowered women, empowering moves! ✨

🤎Tara na at sama-sama tayong gumalaw tungo sa isang mas malusog, mas masigla, at mas nagkakaisang komunidad! 💪💃🕺

27/02/2026

‼️DOH, PROTEKTAHAN ANG MENTAL HEALTH PARA SA HEALTHY HEART ‼️

💙Ayon sa mga pag-aaral, tumataas ng hanggang 50% ang panganib ng sakit sa puso sa mga taong palaging nakararanas ng matinding stress. Ipinapakita nito na ang stress ay hindi lamang nakaaapekto sa ating damdamin, kung hindi pati na rin sa ating puso.

❤️Kaya mahalagang sabay na pangalagaan ang isip at puso, dahil ang tunay na kalusugan ay nagsisimula sa balanseng pag-iisip at maayos na pangangatawan.

🧡Sa malusog na isip, ligtas ang puso! ❤️

27/02/2026

🩸 MATAGUMPAY NA MOBILE BLOOD DONATION ACTIVITY 🩸
🧡Isang taos-pusong pasasalamat sa lahat ng nakiisa at sumuporta sa ating ginanap na Mobile Blood Donation Activity sa Brgy. Bangantalinga Iba Zambales kahapon, Feb. 26, 2026.
🤎Sa pangunguna ng ating Municipal Health Office, katuwang ang ating partner blood service facility, Philippine Red Cross - IBA Chapter at mga volunteer groups, matagumpay nating naisakatuparan ang isang makabuluhang aktibidad na naglalayong makapagbigay ng sapat at ligtas na suplay ng dugo para sa mga pasyenteng nangangailangan.
🩷Ang bawat bag ng dugo na nakolekta ay maaaring makapagsalba ng hanggang tatlong buhay — mga pasyenteng sumasailalim sa operasyon, mga biktima ng aksidente, mga inang nanganganak, at mga indibidwal na may malulubhang karamdaman.
💜Lubos po ang aming paghanga at pasasalamat sa lahat ng mga boluntaryong nag-donate ng dugo. Ang inyong kabayanihan ay hindi lamang simpleng paglahok sa isang aktibidad, kundi isang konkretong hakbang upang magbigay ng pag-asa at bagong pagkakataon sa buhay ng iba.
🩵Nagpapasalamat din kami sa ating mga partner agencies, barangay officials, volunteers, at health workers na tumulong sa maayos na daloy ng programa — mula sa registration, screening, actual blood donation, hanggang sa post-donation care ng ating mga donors. Ang tagumpay ng aktibidad na ito ay bunga ng sama-samang pagkilos at malasakit para sa kapwa.
❤️Sa kabuuan, tayo ay nakapagtala ng humigit-kumulang 42 donors, na malaking tulong upang mapanatili ang sapat na suplay para sa mga emergency at iba pang medikal na pangangailangan sa ating lalawigan.
💙Patuloy po nating itaguyod ang kultura ng boluntaryong pagdo-donate ng dugo. Ang dugo ay hindi nabibili — ito ay kusang-loob na ibinibigay ng mga taong may malasakit at handang tumulong nang walang hinihintay na kapalit.
🤍Inaanyayahan namin ang lahat na makiisa sa ating mga susunod na blood donation activities. Sama-sama nating patunayan na ang ating komunidad ay may malasakit, may pagkakaisa, at handang magbigay ng buhay para sa kapwa.
💚Maraming salamat po at mabuhay ang mga bayaning blood donors!

26/02/2026

‼️DOH: NAKASANAYANG PAGSISIPILYO NG MGA PILIPINO KAILANGANG MAITAMA‼️

💙Karamihan sa mga Pilipino hindi sanay na magdental floss at mali ang galaw ng pagsipilyo sa paglilinis ng ngipin at bibig.

🩷Alamin ang tamang paraan sa video na ito.

25/02/2026

25/02/2026

Ang ketong ay kayang gamutin — sinuman kayang gumaling! 💖

Ang Leprosy Control Week ay ipinagdiriwang sa huling linggo ng Pebrero. 🎗️ Magkaisa tayo upang wakasan ang stigma at diskriminasyon laban sa mga taong may ketong. 🤝

Ang ketong ay nagagamot, ngunit ang patuloy na stigma ay nagdudulot ng hirap sa mga naaapektuhan. Sa halip, dapat nating:
📖 Alamin ang tamang impormasyon tungkol sa ketong.
💕 Iwasan ang panghuhusga kundi suportahan natin ang may ketong.
🩺 Hikayatin ang pagpapatingin para sa maagang gamutan.

Tandaan: Kung may sintomas ng ketong, huwag mag-atubiling magpakonsulta agad sa doctor. Kapag nagsimula ka na sa gamutan, hindi ka na nakakahawa at pwedeng maiiwasan ang malubhang kapansanan. 🏥 💊

Sama-sama nating itaguyod ang pag-unawa, pagkalinga, at pag-asa para sa lahat! 🫂 💕

24/02/2026

🦷✨ ORAL HEALTH MONTH CELEBRATION 2026 ✨🦷

💙Bilang pakikiisa sa pagdiriwang ng National Oral Health Month, ang ating Office on Health Services ay nagsagawa ng iba’t ibang aktibidad na naglalayong mapalawak ang kaalaman ng komunidad tungkol sa kahalagahan ng wastong pangangalaga sa ngipin at bibig.

❤️Ang kalusugan ng bibig ay mahalagang bahagi ng pangkalahatang kalusugan. Ang simpleng pagsisipilyo ng dalawang beses sa isang araw, tamang paggamit ng dental floss, at regular na pagpapatingin sa dentista ay malaking hakbang upang maiwasan ang pagkabulok ng ngipin, sakit sa gilagid, at iba pang komplikasyon.

📌 Mga isinagawang aktibidad:
• Libreng Dental Check-up
• Oral Health Education sa mga bata at magulang
• Fluoride Application
• Tooth Extraction
• Pamimigay ng toothbrush at toothpaste
• Demonstration ng tamang pagsisipilyo

Layunin ng programang ito na:
✅ Maiwasan ang dental caries at iba pang sakit sa bibig
✅ Maagang matukoy at maagapan ang mga problema sa ngipin
✅ Mahikayat ang mga bata at matatanda na magkaroon ng magandang oral hygiene habits
✅ Mapalakas ang kamalayan ng komunidad tungkol sa kahalagahan ng regular na dental consultation

🧡Lubos kaming nagpapasalamat sa lahat ng nakilahok, lalo na sa ating mga kababayan na patuloy na nagtitiwala sa ating serbisyo. Ang inyong pakikiisa ay mahalaga upang mas maging matagumpay ang ating mga programang pangkalusugan.

💜Patuloy po tayong makiisa at suportahan ang mga programa para sa kalusugan. Tandaan: Ang malusog na bibig ay susi sa malusog na pangangatawan at mas masayang ngiti! 😁

📍 Para sa dental services
at iba pang health programs, maaaring bumisita sa RHU/SHC/BHS o mag-message sa ating official page

https://www.facebook.com/share/v/16FYzK1oRu/?mibextid=wwXIfr

23/02/2026

📢𝐌𝐎𝐁𝐈𝐋𝐄 𝐁𝐋𝐎𝐎𝐃 𝐃𝐎𝐍𝐀𝐓𝐈𝐎𝐍📢

🧡Lahat po ay inaanyayahang dumalo sa Blood Donation Drive na gaganapin sa February 26, 2026 mula 8:00 ng umaga hanggang alas 12:00 ng tanghali sa Brgy. BANGANTALINGA Covered Court🩸🩸🩸

💖May benepisyo rin ito sa kalusugan ng donor:
✅ Nakakatulong sa mas maayos na daloy ng dugo;
✅ Nakakabawas ng sobrang iron sa katawan;
✅ At ayon sa ibang pag-aaral, maaaring mapababa ang risk na magkaron ng sakit sa puso.

💜Makibahagi sa pagsagip ng mga Ibanians na nangangailangan ng dugo.

🩷Dugo mo, sasagip sa buhay ko! 🅰️🅱️🆎🅾️

🤎Kita-kits po tayo!

✅𝐃𝐨𝐧𝐨𝐫 𝐐𝐮𝐚𝐥𝐢𝐟𝐢𝐜𝐚𝐭𝐢𝐨𝐧𝐬:

*16-65 years old (Note: 16-17 year olds require parental consent)
*At least 110 lbs (50 kg)
*No surgical procedures within the past year.
* Travel history, medications, and tattoos will be thoroughly assessed during a confidential interview and physical examination.
*Must be physically healthy.
*At least 5 hours of sleep the night before donation.
* No alcohol consumption within 24 hours prior to donation.
*No smoking within 4 hours before donation.

✅𝐓𝐨 𝐞𝐧𝐬𝐮𝐫𝐞 𝐚 𝐬𝐦𝐨𝐨𝐭𝐡 𝐚𝐧𝐝 𝐬𝐚𝐟𝐞 𝐝𝐨𝐧𝐚𝐭𝐢𝐨𝐧 𝐞𝐱𝐩𝐞𝐫𝐢𝐞𝐧𝐜𝐞, 𝐰𝐞 𝐡𝐢𝐠𝐡𝐥𝐲 𝐫𝐞𝐜𝐨𝐦𝐦𝐞𝐧𝐝:

*Drink plenty of fluids.
* Avoid fatty foods before donating.
* Get a good night's sleep.
* Do not drink alcohol in the 24 hours leading up to your donation.
* Make a list of all the medications you are currently taking.
* Stay calm and relaxed during your donation, the process is safe and relatively painless.

20/02/2026

HEALTH ADVOCACY ACTIVITY | Brgy. Sta. Barbara

Isinagawa ang ating Health Advocacy Activity sa Covered Court ng Brgy. Sta. Barbara kasama ang mga benepisyaryo ng Pantawid Pamilyang Pilipino Program (4Ps).

Layunin ng aktibidad na palakasin ang kaalaman ng mga pamilya tungkol sa:
✔️ Tamang nutrisyon at healthy lifestyle
✔️ Pag-iwas sa sakit
✔️ Kahalagahan ng regular check-up
✔️ Mga serbisyong pangkalusugan na maaaring ma-access sa ating RHU

Patuloy nating isinusulong ang mas malusog na komunidad sa pamamagitan ng edukasyon at aktibong pakikilahok ng bawat pamilya. 💪👨‍👩‍👧‍👦

Maraming salamat sa ating mga 4Ps beneficiaries sa kanilang pakikiisa at sa suporta ng barangay officials ng Sta. Barbara.

📌 Sama-sama para sa mas malusog at mas matatag na pamayanan!

20/02/2026

PUROKALUSUGAN SA BRGY. STO. ROSARIO 💚

Ngayong umaga ay matagumpay na isinagawa ang PuroKalusugan sa Covered Court ng Brgy. Sto. Rosario bilang bahagi ng patuloy na paghahatid ng serbisyong pangkalusugan diretso sa komunidad.

📌 Mga serbisyong handog:
✔️ Random Blood Sugar (RBS) Testing
✔️ Flu Vaccination
✔️ Medical Consultation
✔️Dispensary of Free medicines
✔️ PhilHealth YAKAP Services

Layunin ng programang ito na mas mapalapit ang serbisyong medikal sa bawat pamilya at masigurong may access ang lahat sa abot-kayang pangangalaga sa kalusugan.

Maraming salamat sa ating mga barangay healthcare workers, barangay officials, at sa lahat ng residente na nakiisa at nagpa-check up ngayong umaga. 💙

📍 Abangan ang susunod na schedule ng PuroKalusugan sa inyong lugar!

20/02/2026

🌿💚 PUROKALUSUGAN SA JESMAG | Brgy. Palanginan 💚🌿

Matagumpay na naisagawa ang PuroKalusugan Activity sa JESMAG, Brgy. Palanginan, na naghatid ng komprehensibong serbisyong pangkalusugan para sa ating mga kababayan.

📌 Mga serbisyong isinagawa:
✔️ Buwanang monitoring ng mga benepisyaryo ng Pantawid Pamilyang Pilipino Program (4Ps)
✔️ Prenatal Check-up
✔️ Defaulter tracking
✔️ Nutrition Education gamit ang Pinggang Pinoy
✔️ Family Planning Services
✔️ Healthy Lifestyle Counseling
✔️ National Immunization Program (NIP) Services
✔️ Lecture on Cervical Cancer Awareness at Breast Self-Examination

Layunin ng programang ito na mapalakas ang kaalaman at access ng bawat pamilya sa serbisyong pangkalusugan—mula pagbabakuna, nutrisyon, maternal care, hanggang sa women’s health awareness. 💪👩‍⚕️👶

Maraming salamat sa ating masisipag na healthcare workers, barangay officials, at sa lahat ng residente na nakiisa sa aktibidad na ito.

📍 Tuloy-tuloy ang ating Serbisyong PuroKalusugan para sa mas malusog na Brgy. Palanginan!