05/02/2026
Padayon ang atong Bakuna sa matag Barangay sa Impasug-ong.
Importante kaayo ang Measles-Rubella (MR) nga bakuna — dili ni bakak, proteksyon ni sa kinabuhi. Mao ni ang mga rason ngano:
1. Likay sa seryosong sakit.
Ang measles makadala og pneumonia, encephalitis (utok), ug kamatayon. Ang rubella delikado kaayo sa buntis—makadaot sa bata sa tiyan (congenital rubella syndrome).
2. Panagang sa bata ug komunidad.
Kung bakunado ang kadaghanan, dili dali mokatap ang sakit. Herd immunity—bisan ang mga dili pa pwede bakunahan, maluwas.
3. Mas barato ang bakuna kaysa tambal.
Isang turok karon, likay sa mahal ug lisod nga pagpang-ospital ugma. Practical, klaro kaayo.
4. Napamatun-an nga epektibo ug luwas.
Dugay na ni gigamit sa tibuok kalibutan. Ang side effects kasagaran hilanat o pamula ra—temporary, dili ikumpara sa peligro nga sakit.
5. Nagpabilin nga hulga ang outbreak.
Bisan “daan” nga sakit, mobalik kung tapulan ta sa bakuna. Ang kasaysayan klaro: kung mohunong ta, mubalik ang measles.
Sa tinuod: ang MR nga bakuna nagluwas og kinabuhi. Kung naa kay anak o plano magbuntis, ayaw hulata nga mahitabo ang sakit-pabakuna na!
Porsyento sa mga bata nga nabakunahan og MRSIA gikan Enero 19 hangtod Pebrero 4, 2026, base sa aktuwal nga masterlisting, matag barangay sa Munisipyo sa Impasug-ong.
Sa karon, wala pa gyud tay naitalang grabe nga side effect sa bakuna diri sa Impasug-ong. Nagpasabot lang kini nga safe gyud ang atong mga bakuna. Ato pud pasalamatan ug komendahan ang atong mga mama ug papa nga nisugot nga mabakunahan ang ilang mga anak aron maprotektahan sila batok sa Tigdas.
Ang atong bakuna safe ug epektibo. Bisan pa og kompleto na og bakuna ang bata atong 1 year old pa siya, kailangan gihapon mabakunahan ug pareho ra gihapon nga bakuna ang ihatag aron madugangan pa ang proteksyon sa bata.
Ayaw sa dayon ug tuo sa mga impormasyon nga dili gikan sa kasaligan nga tinubdan. Kinahanglan ta mag-amping ug magpili og sakto nga impormasyon, ug dili nato ikompromiso ang kahimsog sa atong mga bata tungod lang sa fake news nga nagakatag.
Kung aduna moy pangutana kabahin sa pagpabakuna, pwede ra mo muduol o mutawag sa BHS sa inyong barangay o sa RHU aron mahatagan mo og sakto ug klarong kasayuran.
👉 Protektahan nato ang atong mga bata batok sa Tigdas!
