What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

Quezon Provincial Health Office

Home
Philippines
Lucena
Quezon Provincial Health Office

The official page of the Integrated Provincial Health Office of Quezon Province.
(2)

13/03/2026

𝗖𝗮𝗟𝗮𝗕𝗮𝗥𝗭𝗼𝗻 𝗦𝘁𝗮𝗸𝗲𝗵𝗼𝗹𝗱𝗲𝗿𝘀’ 𝗠𝗲𝗲𝘁𝗶𝗻𝗴 𝗳𝗼𝗿 𝘁𝗵𝗲 𝟮𝟬𝟮𝟲 𝗠𝗲𝗮𝘀𝗹𝗲𝘀-𝗥𝘂𝗯𝗲𝗹𝗹𝗮 𝗦𝘂𝗽𝗽𝗹𝗲𝗺𝗲𝗻𝘁𝗮𝗹 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗔𝗰𝘁𝗶𝘃𝗶𝘁𝘆
March 12-13, 2026 | Richmonde Hotel Eastwood

Nagtipon ang mga pangunahing stakeholders mula sa CaLaBaRZon upang talakayin at pagtibayin ang mga plano para sa implementasyon ng 2026 Measles-Rubella Supplemental Immunization Activity (MR-SIA).

Layunin ng aktibidad na mapalakas ang koordinasyon ng mga ahensya at LGUs, mapag-isa ang mga estratehiya, at matiyak ang mataas na vaccination coverage upang maprotektahan ang mga bata laban sa measles at rubella.

Ang mga batang may edad na 6-59 buwan ang target population para sa Measles-Rubella Supplemental Immunization Activity MR-SIA na isasagawa sa darating na buwan ng Hunyo.

13/03/2026

Matagumpay na naisagawa ang Mobile Blood Donation Activity sa Rural Health Unit (RHU) Alabat, Quezon noong ika-10 ng Marso 2026, sa pakikipagtulungan ng Quezon Provincial Health Office at QPHN QMC Blood Bank.

Sa pamamagitan ng aktibidad na ito ay nakalikom ng kabuuang isang daan at labinlimang (115) blood units mula sa mga boluntaryong blood donors upang suportahan ang patuloy na pangangailangan ng ligtas at sapat na suplay ng dugo para sa mga pasyenteng nangangailangan.

12/03/2026

Bilang bahagi ng ika-30 anibersaryo ng Newborn Screening sa Pilipinas, matagumpay na naisagawa ang Expanded Newborn Screening Training Program and NBS Caravan sa Polillo, Quezon mula March 11 - 12, 2026.

Ito ay sa pakikipag-ugnayan ng Provincial Health Office sa Local Government Unit at Rural Health Unit ng Polillo sa pamamagitan ng mapursigeng inisyatibo ng Newborn Screening Center - Southern Luzon at Department of Health Center for Health Development CaLaBaRZon.

Labing-apat na mga bagong silang na sanggol ang nabigyan ng Newborn Screening at dalawampu't limang buntis naman ang nabigyan ng health teachings patungkol sa NBS. Ibinahagi rin sa mga nanay at buntis ang ilang kagamitan mula sa ABS-CBN Lingkod Kapamilya, NSC-SL at DOH CHD 4A.

Aktibong nagsipaglahok sa 2-Day Training at Caravan ang mga doctors, nurses, widwives at medtechs mula sa Quezon Provincial Hospital Network-Polillo at Rural Health Units ng Burdeos, Panukulan, General Nakar, Real, Jomalig, Patnanungan at Polillo.

Sa pamamagitan ng programang ito, lalo natin mapapalawak ang kasanayan ng ating mga health workers para sa pagpapalawig ng Newborn Screening Program sa Lalawigan ng Quezon.

12/03/2026

Isang Hakbang Patungo sa Zero Open Defecation sa Lalawigan ng Quezon!

Ngayong ika-12 ng Marso ay nagsagawa ng mahalagang pagpupulong ang mga kawani ng Provincial Health Office - Environmental and Occupational Health Unit (PHO-EOHU) at mga legal consultants ng Provincial Governor's Office (PGO) upang talakayin at isaayos ang ordinansa para sa programang Zero Open Defecation (ZOD) sa lalawigan ng Quezon.

Kasama sa pagpupulong sina Atty. Melvin Manalo at Atty. Femme Angela Armamento, kung saan tinalakay ang mga mahahalagang probisyon ng ordinansa upang higit pang mapalakas ang pagpapatupad ng mga programang pangkalinisan sa iba’t ibang komunidad sa lalawigan.

Ang hakbang na ito ay bahagi ng patuloy na pagsisikap ng pamahalaang panlalawigan na maisulong ang malinis na kapaligiran, maayos na sanitasyon, at mas malusog na pamayanan para sa lahat ng mamamayan ng Quezon.

12/03/2026

Patuloy ang Quezon Provincial Health Office(PHO), katuwang ang Provincial Department of Health Office(PDOHO), sa pagpapalakas ng kaalaman at kasanayan ng mga manggagawang pangkalusugan sa pamamagitan ng pagsasanay ukol sa National Immunization Program (NIP) at Cold Chain Management.

Ang aktibidad na ito ay isinagawa sa tulong at inisyatibo ng City Health Office (CHO) Tayabas City at ginanap sa Nawawalang Paraiso Hotel and Resort, Tayabas City noong Marso 3–5, 2025 (1st batch) at Marso 9–11, 2025 (2nd batch), kung saan tinalakay ang wastong pagpapatupad ng pagbabakuna, tamang pangangalaga ng mga bakuna, at pagtugon sa mga Vaccine-Preventable Diseases (VPDs).

12/03/2026

Idinaos ang 1st Quarterly Meeting ng Provincial Nutrition Multisectoral Council (PNMC), Association of Quezon Nutrition Action Officers (AQNAO), at Quezon Federation of Barangay Nutrition Scholars (QFBNS) noong March 10, 2026 sa 3rd Floor Conference Room, Provincial Capitol Building, Lucena City. Ang nasabing pagpupulong ay pinangunahan ng PNMC secretariat, ang PHO – Provincial Nutrition Action Office.

Tinalakay sa nasabing meeting ang mga updates sa mga pangunahing nutrition programs, mga plano at target para sa kasalukuyang taon, at ang pagpapalakas ng koordinasyon ng iba’t ibang ahensya upang mas epektibong matugunan ang mga isyu sa malnutrisyon sa lalawigan. Napag-usapan din ang mga paghahanda para sa Provincial Monitoring and Evaluation of Local Level Plan Implementation (MELLPI), kabilang ang mga nakaplanong schedule ng monitoring sa mga bayan ng lalawigan.

Ibinahagi rin ng QFBNS President at AQNAO President ang kanilang mga natatanging accomplishments at inisyatiba noong 2025, na nagpapakita ng mahalagang papel ng mga nutrition workers sa pagpapatupad ng mga programang pangnutrisyon.
Samantalang, isa sa mga naging highlight ng pulong ang pormal na pagpapakita ng tropeyo na natanggap noong December 15, 2025, bilang pagkilala sa Quezon Province bilang Consistent Regional Outstanding Winner in Nutrition (CROWN) Awardee. Ito ay isang tagumpay na bunga ng sama-samang pagsisikap ng mga miyembro ng PNMC at mga katuwang na ahensya.

12/03/2026

BUNTIS CONGRESS
March 10, 2026

Sa pakikipagtulungan ng mga kawani ng Quezon Provincial Health Office, naihatid ang libreng serbisyong pangkalusugan para sa mga kababaihang buntis sa bayan ng Mulanay na nagsagawa na kanilang Buntis Congress nitong ika-10 ng Marso 2026, sa pangunguna ng lokal na pamahalaan at kawani ng Rural Health Unit at kanilang Municipal Health Officer na si Dr. Maria Elena O. Peña.

Layunin ng programang ito na palakasin ang kamalayan ng mga buntis sa kahalagahan ng regular na pagpapakonsulta at tamang pangangalaga sa panahon ng pagbubuntis, upang matiyak ang kaligtasan at kalusugan ng ina at ng kanyang sanggol.

Mahigit 67 buntis mula sa iba’t ibang barangay ng nasabing bayan ang aktibong nakilahok sa programa, isang patunay ng kanilang malasakit sa sariling kalusugan at sa kinabukasan ng kanilang mga magiging anak.

Narito ang kabuuang bilang ng mga kababaihang buntis na nabigyan ng libreng serbisyong pangkalusugan sa isinagawang Buntis Congress:
* Ultrasound - 62
* CBC - 67
* Blood Typing - 67
* Urinalysis - 65
* HIV Testing - 67
* Syphilis Testing - 67
* OB Supplements given - 51
* PSI Insertion - 3
* PSI Removal - 3

Patuloy nating isulong ang mas ligtas, mas wasto, at mas maalagang pagdadalang-tao para sa bawat ina. Sama-sama tayo tungo sa ligtas na pagbubuntis at mas malusog na komunidad.

11/03/2026

Ang Environmental & Occupational Health Unit ng Quezon Provincial Health Office ay muling tumugon ngayong taon para sa adhikain at programa ng Department of Interior and Local Government (DiLG 4a).

Ito ay tumutukoy sa pagsasagawa ng taunang Manila Bay Clean-up, Rehabilitation, and Preservation Program (MBCRPP) at ang Pagsusuri sa Pagsunod ng Lokal na Pamahalaan (LGU-CA), na naglalayong tukuyin ang pagsunod sa umiiral na mga batas at polisiya ukol sa pangangasiwa ng solidong basura, likidong basura, at pangangalaga sa mga pamilyang nakatira sa informal settler communities.

Ginanap ang paunang pagsusuri para sa mga Local Government Unit sa bayan ng Lucban, Real, Sampaloc at lungsod ng Tayabas na nasa ilalim ng Manila Bay Watershed Area noong ika-9 hanggang ika-10 ng Marso 2026.

11/03/2026

Matagumpay na naisagawa ang Launching ng TB-Free Barangay Project sa Alibijaban Island ngayong araw, March 11, bilang panimulang hakbang sa limang taong programa na naglalayong tuluyang mapuksa ang Tuberculosis sa komunidad.

Ang proyektong ito ay pinangungunahan ng Pamahalaang Panlalawigan ng Quezon sa pamamagitan ng Provincial Health Office, katuwang ang Department of Health (DOH), Provincial DOH Office, Culion Foundation Inc., Local Government Unit ng San Andres, at ang Rural Health Office ng San Andres, Quezon.

Isinagawa din sa araw na ito ang active case finding, screening, at paggamot upang masigurong maagang matukoy at magamot ang mga kaso ng TB sa komunidad. Magpapatuloy ang monitoring at evaluation sa loob ng limang taon hanggang makamit ng Alibijaban Island ang lahat ng pamantayan ng DOH para sa deklarasyon bilang TB-Free Barangay.

Ang proyektong ito ay pilot implementation sa Alibijaban Island, at inaasahang ipagpapatuloy at palalawakin sa iba pang barangay at mga munisipyo sa buong lalawigan ng Quezon, hanggang sa sama-sama nating makamit ang layunin na maging TB-Free ang buong Quezon Provin

11/03/2026

Ang buwan ng Marso ay ginugunita bilang Colorectal Cancer Awareness Month upang palakasin ang kaalaman ng publiko tungkol sa pag-iwas, maagang pagtuklas, at tamang paggamot sa colorectal cancer.

Ang colorectal cancer ay uri ng kanser na nabubuo sa colon o re**um at kadalasang nagsisimula bilang maliit na polyp na maaaring maging cancer sa paglipas ng panahon.

Sa Pilipinas, ito ay kabilang sa mga pangunahing sanhi ng pagkamatay dahil sa cancer at mas karaniwang nakikita sa mga taong edad 50 pataas.

⚠️ Mga posibleng sintomas:
• Pagbabago sa pagdumi (diarrhea o constipation)
• Dugo sa dumi
• Pananakit ng tiyan
• Biglaang pagbaba ng timbang
• Panghihina o anemia

✅ Paano makaiwas?
• Kumain ng masustansya at mayaman sa fiber
• Mag-ehersisyo at panatilihin ang tamang timbang
• Iwasan ang paninigarilyo at labis na pag-inom ng alak
• Magpatingin sa doktor at magpasuri kung kinakailangan, lalo na kung edad 50 pataas

Tandaan: Ang maagang pagtuklas ng colorectal cancer ay makakatulong upang mas madaling magamot at makaligtas ang buhay.

10/03/2026

Nakiisa ang Quezon Provincial Health Office - Non-communicable Diseases Unit sa pagdiriwang ng International Women’s Month noong ika-3 ng Marso 2026 sa Municipal Covered Court, Plaridel, Quezon.

Sa ilalim ng inisyatibo ng Municipal Social Welfare and Development Office (MSWDO) Plaridel, binigyang-diin sa aktibidad na ito ang kahalagahan ng Mental Health para sa mga kababaihan. Layunin ng programa na paigtingin ang kamalayan at magbigay ng suporta sa kalusugang pangkaisipan ng ating mga kababaihan sa komunidad.

10/03/2026

Noong ika-4 ng Marso ng taong kasalukuyan, muling isinagawa ang Orientation of Community Partners on FWBD and WASH Protocols kasama ang pinuno at program managers ng Department of Health – Center for Health Development CALABARZON (DOH CHD 4A) sa Queen Margarette Hotel Diversion, Domoit, Lucena City.

Dinaluhan ito ng mga piniling presidente na Barangay Health Workers sa buong lalawigan at mga Indigenous People at pinuno nito.

Layunin ng pagsasanay na turuan ng mga pamamaraan upang makaiwas at makontrol ang pagdami ng mga may sakit na dulot ng pagkain at inuming tubig kagaya ng Cholera, Typhoid, Hepatitis, Rotavirus at Acute Bloody Diarrhea (e.g. Amoebiasis, Shigellosis).

Bilang paghahanda at pag-iwas sa mga naturang sakit, namahagi ng Oresol, hygiene kits, tote bags at IEC leaflets para sa lahat ng mga dumalo.

Address

Lucena
4301

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Website

http://www.facebook.com/quezontelemed

Alerts

Be the first to know and let us send you an email when Quezon Provincial Health Office posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Quezon Provincial Health Office:

Shortcuts

Want your practice to be the top-listed Clinic in Lucena?

Quezon Provincial Health Office

13/03/2026

13/03/2026

12/03/2026

12/03/2026

12/03/2026

12/03/2026

12/03/2026

11/03/2026

11/03/2026

11/03/2026

10/03/2026

10/03/2026

Address

Opening Hours

Website

Alerts

Contact The Practice

Shortcuts

Share

Category