Katleen del Prado's Ob-Gyn Clinic

23/10/2025

https://www.facebook.com/share/p/1Com4XSpPw/

Concerned ka ba tungkol sa Flu or Influenza?

Isa itong viral na sakit na nagmumula sa Influenza Virus.

ANO ANG MGA SINTOMAS NG FLU?
According sa Center for Disease Control ang mga sintomas tulad ng mga sumusunod ay maaring Flu:
1. Lagnat/o masamang pakiramdam
2. Sakit ng lalamunan
3. Ubo
4. Sipon
5. Sakit ng katawan
6. Pwede rin na pagsusuka at pagtatae

KAILAN DAPAT I-ADMIT ANG FLU?
Kapag ito ay may kasamang hirap huminga, sakit ng dibdib o tiyan, hirap na magisip o gisingin, nagkombulsyon, hindi makaihi, panghihina, lumalalang mga sintomas o lumalalang ibang mga sakit.

ANO ANG NATURAL HISTORY NG FLU?
Magsisimula ang lahat sa exposure, kung ikaw ay nakasalamuha sa isang taong may mga sintomas ng flu. Sa loob ng 2-5 days ay magkakaroon na rin ng sakit ang mga nakasalamuha ng taong iyon kung hindi sila bakunado ng strain ng flu noong nakahawa. Kung mataas ang iyong immune system, ay kayang labanan ng katawan mo ang sakit na ito sa loob ng hindi lalampas sa 3-7 araw.

PAANO MAIIWASAN ANG FLU?
1. Magpabakuna agad kung available na ang bakuna. Hindi buntis, buntis (kahit anong edad ng pagbubuntis) at nagpapadede ay maaaring makatanggap ng bakuna. Hindi kailangan hintayin na maka-isang taon mula sa huling bakuna. Pwede din magpabakuna kahit 1st trimester ng pagbubuntis o less than 3 months.
2. Tamang hand hygiene o paghuhugas ng kamay
3. Pagsusuot ng mask sa matao at kulob na mga lugar at tamang distansya lalo na sa may sintomas nito.

UGALIIN NA MAGLAAN NG BUDGET PARA SA FLU VACCINE AT MAGPABAKUNA SA PINAKA MAAGANG PANAHON.

KatMD

23/09/2025

https://fb.watch/Cif3qn-_PT/?

06/09/2025

https://www.facebook.com/share/p/175KAE2pGZ/

May PCOS ka ba o tinatawag na Polycystic Ovarian Syndrome?

Bakit naka tatlong sign ako? Kasi may 3 criteria para sabihin na mayroon kang PCOS. Kailangan ng 2 sa tatlong criteria para sabihin na mayroon kang PCOS.

1. IRREGULAR NA REGLA – walang pattern, lalo na kapag lumalampas ng 2 ang pag-itan
2. POLYCYSTIC OVARIES SA ULTRASOUND - kahit isa o parehong obaryo
3. CLINICAL SIGNS OF HYPERANDROGENISM – katulad ng pagkakaroon at hindi ma control na mga pimple, hindi maipaliwanag na paglalagas ng buhok at pagkakaroon ng buhok sa mga parte ng katawan na dapat lalaki ang mayroon

Kung mayroon kang 2 sa tatlong sinabing criteria, ang lay forum na ito ay para sa iyo!

Pag-usapan natin ang PCOS on September 18, 2025 10:00 am sa aming clinic o kaya ay makisali sa aming FB live. May kaunting healthy snacks para sa pupunta, pero limited ang slots kaya magtext kay Juliet (09453780484/09688555770) upang masiguro ang iyong slots.

Pag-usapan natin ang life-changing tips upang ikaw ay mabuhay na matiwasay na mayroong PCOS. Ayusin natin ang mga maling paniniwala at itama ang mga kaalaman tungkol sa kondisyon na ito!

12/08/2025

https://www.facebook.com/share/p/19aRqgFPDp/

NIYUGYUGAN FESTIVAL NG QUEZON

Maganda, Masaya, and.... TRAFFIC PO!

Patients are advised to plan to leave early for your scheduled consultations from August 12-19, 2025 due to events associated with the Niyugyuan Festival.

Expect heavy traffic and limited parking spaces.

Maaaring planuhin na umalis ng maaga para sa inyong pagkonsulta mula 12 hanggang 19 ng Agosto 2025. Dahil sa mga ganap para sa pagdiriwang ng Niyugyugan Festival. Asahan ang matinding trapiko at kaunting paradahan ng inyong mga sasakyan.

Please text Juliet for schedule

24/07/2025

https://m.facebook.com/story.php?story_fbid=1179444230867900&id=100064070014058

BUNTIS NA LUMUSONG SA BAHA, KAILANGAN MO NG LEPTOSPIROSIS PROPHYLAXIS

Dahil sa tuloy tuloy na pag-ulan ay maaaring tumaas ng tubig sa ating tinitirhan at bumaha. Hindi maiiwasang kailangang lumikas at tumawid tayo sa baha. Kung ikaw ay nakatira sa lugar kung saan maraming mga bukas na bangketa, maraming mga daga sa paligid o hindi mo talaga sigurado, kailangan mo ng Leptospirosis Prophylaxis.

Kung hindi ka talaga makakapunta sa iyong Ob-gyne ay maaari kang mag-message sa iyong doctor upang mabigyan ng gamot.

Kung ikaw ay hindi buntis ay iba ang gamot at kapag buntis ay ibang antibiotic din ang kailangan. At kailangan itong ibigay sa pinakamaagang panahon upang maiwasang magkaroon ng sakit na ito.

Ano ang mga madalas na sintomas ng Leptospirosis:
Lagnat
Panginginig
Sakit ng ulo
Pananakit ng katawan
Paninilaw ng balat
Ubo
Rashes

Pero ang ayaw nating mangyari ay masira ang kidney at kailanganing ma-Dialysis!

So upang maagapan, magpakonsulta, kahit online sa inyong Ob-gyne!

Just text Juliet for info and schedule 09453780484 or 09688555770

24/07/2025

https://m.facebook.com/story.php?story_fbid=1179438517535138&id=100064070014058

IWASANG MAGKAROON NG MGA KATI-KATI, AMOY AT DISCHARGE NGAYONG TAG-ULAN!

Madalas ding dahilan ng pagkonsulta tuwing maulan ang abnormal na discharge na madilaw, berde o may amoy tuwing maulan. Madalas din ang puting discharge na parang cottage cheese at napaka kati.

Hindi natin masyadong sigurado kung saan nang-gagaling ito pero isa sa mga posibleng dahilan ay ang hindi maayos na pagkakatuyo ng ating mga damit lalo na kung ilang araw na ulan ng ulan ng tuloy tuloy. Kung hindi naarawan ang ating mga damit at natutuyo sa hamog ay maaari itong ma-expose sa mga amag na dumidikit sa ating underwear at syempre sa ating balat.

So ang maaari nating gawin ay patuyuin ng maayos at plantsahin ang ating mga damit lalo na ang ating underwear. Maganda din gumamit ng mga cotton underwear na maaaring plantsahin.

Kung ikaw ay nakararanas ng mga abnormal na discharge, pangangati, mas mabuting huwag mag self medicate, bumili ng kung ano-anong pampahid, at magpakonsulta na lang sa inyong Ob-Gyne upang magabayan ng tamang gamot para sa inyong nararamdaman.

Just text Juliet for info and schedule 09453780484 or 09688555770

24/07/2025

https://m.facebook.com/story.php?story_fbid=884515720360754&id=100064070014058

IWASAN MAGKAROON NG MGA SAKIT NGAYONG PANAHON NG TAG-ULAN!

Marami na naman ang naadmit dahil panahon na naman ng tag-ulan. Usong uso magkaroon ng Dengue, Chikungunia, at Gastroenteritis (Pagsusuka at Pagtatae) sa ganitong panahon.

Paano natin maiiwasan ang mga sakit, lalong lalo na kung ikaw ay buntis:

1. Ugaliin ang malimit na paghuhugas o pag-disinfect ng ating mga kamay. Hindi tayo nakakasiguro na malinis ang tubig ulan kaya mabuting ugaliin na maghugas ng kamay lalong lalo na bago at pagkatapos kumain, at pagkagaling sa ating palikuran

2. Gumamit ng filtered water para sa inumin, panluto, pansaing, pangsabaw at pantimpla sa ating inumin (juice, tea, coffee). Para maiwasan ma-expose sa contamination ng mga tubig, kahit ito ay pakukuluan o ipagluluto, magsiguro at gumamit ng filtered, mineral o distilled water.

3. Gumamit ng mosquito repellant o mga anti-mosquito stickers. Maraming sakit ang maaaring makuha sa kagat ng lamok, pero ang pinakamadalas lalo sa panahon ng tag-ulan ay ang Dengue Fever and Chikungunia Fever. Parehong may lagnat, rash, sakit ng katawan ang mga sakit na ito at parehong maaaring maadmit ang mga pasyente.

Makipag-ugnayan sa inyong Ob-Gyne lalo na kung ikaw ay buntis at nagkaroon ng mga sakit ngayong panahon ng tag-ulan dahil baka kailangan kang maadmit.

KatMD

22/07/2025

https://m.facebook.com/story.php?story_fbid=1178211884324468&id=100064070014058

10/07/2025

https://m.facebook.com/story.php?story_fbid=1168982831914040&id=100064070014058