Quezon Provincial Hospital Network - Quezon Medical Center

23/12/2025

PABATID SA PUBLIKO

Ipinapaalam po sa lahat na ang Out-Patient Department (OPD) ng Quezon Medical Center ay bukas sa Disyembre 26, 2025 (Biyernes).

Samantala, ang OPD ay pansamantalang sarado mula Disyembre 29, 2025 (Lunes) hanggang Enero 2, 2026 (Biyernes).

Sa panahong ito, para sa emergency cases, mangyaring magtungo sa Emergency Room (ER).
Magbabalik sa regular na operasyon ang OPD pagkatapos ng nasabing petsa.

Maraming salamat po sa inyong pang-unawa at kooperasyon.

22/12/2025

Alamin mula kay Dietician Anabelle Mangulad, Nutrition and Dietetics Head, kung paano pinangangalagaan at pinabubuti ng QPHN–QMC ang pagpapakain sa lahat ng pasyente sa buong araw, mula sa tamang nutrisyon hanggang sa maayos na paghahanda at paghahatid ng pagkain.

22/12/2025

ANESTHESIOLOGY DEPARTMENT, NANGUNA SA IKA-50 FLAG-RAISING CEREMONY 🧡

Isinagawa ngayong umaga ang Ika-50 na Flag Raising Ceremony sa pangunguna ng Department of Anesthesiology, sa pamumuno ni Dr. Jose Paulo Nacorda. Ibinahagi ng departamento ang kanilang Mission, Vision, at Core Values na nagsisilbing pundasyon ng kanilang paglilingkod.

Ipinakilala rin ni Dr. Nacorda ang mga miyembro ng kanilang staff at iniulat ang matagumpay na pagpapatupad ng mga medical caravan ng departamento, kasabay ng pagbibigay-diin sa mga natatanging tagumpay ng kanilang mga anesthesiologist. Inilahad din ang komprehensibong census report para sa taong 2025, na nagpapatunay sa mahalagang papel ng Anesthesiology Department sa ligtas at epektibong pangangalaga sa mga pasyente ng QPHN-QMC.

Naghatid naman ng mahahalagang update si Dr. Jef Villanueva, Chief of Hospital, kabilang ang mga sumusunod:

✅ Mga isinagawang mahahalagang pagpupulong, kabilang ang kaugnay sa mga bagong aplikante
✅ Pagkilala ng PhilHealth sa QPHN-QMC bilang Top 5 Hospital sa buong Lalawigan ng Quezon
✅ Mga naka-line up na programa para sa ceremonial signing
✅ Paanyaya at muling paghikayat sa lahat na makiisa sa Cleft Lip and Palate Caravan sa Pebrero 2026

21/12/2025

Ang iyong idinadalangin ay matutupad na rin.

20/12/2025

MARAMING SALAMAT, MA’AM JENJEN! 🧡

Ikinagagalak naming malaman na napakinabangan ninyo ang marami sa aming mga serbisyo. Sa patuloy na pakikipagtulungan sa pamahalaang panlalawigan, lalo pa naming pagbubutihin ang kalidad ng serbisyong pangkalusugan para sa kapakinabangan ng bawat Quezonian.

19/12/2025

18/12/2025

Siguraduhing updated ang bakuna ng inyong anak laban sa tigdas! Ang batang hindi nabakunahan ay mas mataas ang panganib na mahawaan at mawalan ng pagkakataong magkaroon ng malusog na pamumuhay.

18/12/2025

NGAYONG KAPASKUHAN, KAILANGAN NAMIN ANG INYONG TULONG! 🩸

Patuloy na mas mataas ang pangangailangan ng dugo kumpara sa kasalukuyang bilang ng donasyon sa QMC Blood Bank. Kaya’t taimtim po kaming nananawagan sa mga may kakayahang magbigay ng dugo na maglaan ng oras upang makatulong sa pagsagip at pagdudugtong ng buhay ng ating mga pasyente. Sa simpleng pagdo-donate, maaari kayong maging pag-asa ng iba, lalo na ngayong panahon ng Kapaskuhan.

🕒 Oras ng Operasyon: 8:00 AM – 3:00 PM | Lunes hanggang Sabado
📞 Contact Numbers: 0968 706 2620 / (042) 717 6323 loc. 333
📩 Email: qmcbloodbank2017@gmail.com
🔍 Facebook: https://www.facebook.com/profile.php?id=61562635277695

17/12/2025

Alamin ang serbisyong hatid ng ating kauna-unahang Hospital-based Human Milk Hub sa buong lalawigan ng Quezon.

15/12/2025

DEPARTMENT OF PEDIATRICS, NANGUNA SA MAKABULUHANG IKA-48 FLAG CEREMONY! 🧡

Pinangunahan ng Department of Pediatrics sa ilalim ni Dr. Augustina Cabangon ang ika-48 Flag Raising Ceremony, kung saan ipinakilala ang buong staff, mula sa Vice Chairmen, Subspecialty Consultants, General Pediatricians hanggang sa mga training resident. Ibinahagi rin ang census data ng departamento para sa taong 2024 at 2025. Ibinahagi rin ni Dr. Cabangon ang paghahanda para sa paglulunsad ng Human Milk Bank at ipinakita rin ang Flagship Programs ng departamento.

Ibinida ni Dr. Ramon Carmona, Jr., Chief of Clinics ang updates ng ospital kagaya ng pagtatapos ni Dr. Jef Villanueva, ang ating Chief of Hospital, bilang Summa Cum Laude sa kanyang DBA, at ang parangal mula sa DOH-CHD CALABARZON sa ating Women and Children Protection Unit. Kinilala rin ang diskusyon patungkol sa referral process at ang matagumpay na Tribute for Retirees na pinangunahan ng Medical Staff Organization. Patuloy tayong magsikap para sa de-kalidad na paglilingkod!

12/12/2025

BUONG PUSONG PAGSALUDO SA MGA RETIRADONG KAWANI NG ATING OSPITAL! 🫡🧡

Sa temang “A Tribute to Dedicated Service and Lasting Commitment,” ipinagdiwang natin ang walang kapantay na dedikasyon at paglilingkod ng mga nauna sa atin at ngayo'y nagretiro na. Sa isang makabuluhang mensahe, binigyang-diin ni Dr. Jef Villanueva, Chief of Hospital, ang mahalagang ambag at dekalidad na serbisyong kanilang ibinahagi sa ospital sa loob ng maraming taon.

Kayo ang tunay na haligi ng ating institusyon, maraming salamat sa inyong legasiya, sakripisyo, at inspirasyon.

12/12/2025

Ang Quezon Medical Center ay nakikiisa sa obserbasyon ng Universal Healthcare Day 2025, isang paalala na ang kalusugan ay karapatan ng bawat Pilipino. Patuloy tayong tatalima sa prinsipyo na ang bawat isa ay dapat may akses sa libre at de-kalidad na lunas, proteksyon laban sa sakit, at seguridad sa buhay.