22/02/2026
๐๐๐๐-๐๐๐๐๐๐๐, ๐๐๐๐๐๐, ๐
๐๐๐๐๐๐๐๐๐ (๐๐๐
) ๐๐๐๐๐๐ ๐๐๐๐๐๐๐๐ ๐๐๐๐๐๐๐๐ ๐๐๐๐๐๐๐ ๐
Matagumpay na naisagawa noong ika-20 ng Pebrero 2026 sa Mindorenos Hotel ang Anti-Malaria, Dengue, Filariasis (MDF) School Advocacy Campaign Version 2, na pinangunahan ng Provincial Health Office sa ilalim ng pamumuno ni Dr. Romualdo M. Salazar Jr. kasama ang mga kawani nito at mga kinatawan ng Department of Health Provincial Office. Dinaluhan ito ng mga kinatawan ng Department of Education Division of Occidental Mindoro, kabilang ang mga piling g**o, school heads, school nurses, at iba pang katuwang mula sa ibaโt ibang paaralan sa lalawigan.
Ang gawaing ito ay buong pusong sinusuportahan ng Pamahalaang Panlalawigan sa ilalim ng pamumuno ni Eduardo B. Gadiano, na patuloy na isinusulong ang kalusugan bilang isa sa pangunahing mandato ng kanyang administrasyon. Katulad ng iba pang mga programang pangkalusugan sa lalawigan, ang MDF advocacy campaign ay bahagi ng mas malawak na layunin ng pamahalaan na palakasin ang preventive healthcare, pababain ang insidente ng mga nakahahawang sakit, at tiyaking protektado ang bawat Mindoreรฑo laban sa mga banta sa kalusugan.
Isinagawa ang aktibidad bilang tugon sa patuloy na hamon ng mosquito-borne diseases sa komunidad. Bagamaโt may mga umiiral nang programa laban sa Malaria, Dengue, at Filariasis, mahalagang patuloy na paigtingin ang kaalaman at pakikiisa ng bawat sector lalo na ng mga paaralan. Kinikilala ang mga institusyong pang-edukasyon bilang mahalagang daluyan ng tamang impormasyon at paghubog ng disiplina at responsibilidad ng kabataan pagdating sa kalusugan.
Layunin ng MDF School Advocacy Campaign na:
โ
Palawakin ang kaalaman ng mga g**o at school health personnel hinggil sa sintomas, pag-iwas, at agarang aksyon laban sa MDF;
โ
Maisama ang MDF awareness sa mga school-based health programs at activities;
โ
Mahikayat ang mga mag-aaral na maging aktibong tagapagtaguyod ng kalinisan at kaalaman sa kanilang tahanan at komunidad;
โ
Patatagin ang ugnayan ng PHO, DOH, at DepEd para sa mas sistematikong implementasyon ng vector control at health promotion strategies.
Sa suporta ni Governor Gadiano, patuloy na napapalakas ang koordinasyon ng ibaโt ibang ahensya upang matiyak na ang mga programang tulad nito ay hindi lamang isang beses na aktibidad kundi bahagi ng tuloy-tuloy at pangmatagalang kampanya para sa kalusugan ng lalawigan. Ang malinaw na direksyon ng pamahalaang panlalawigan na unahin ang preventive at promotive health programs ay nagbibigay-daan sa mas organisado, mas epektibo, at mas malawak na abot ng mga serbisyong pangkalusugan.
Sa pamamagitan ng MDF School Advocacy Campaign Version 2, hindi lamang impormasyon ang naipapasa kundi isang mas malakas na paninindigan: na ang kalusugan ay kolektibong responsibilidad. Sa pagkakaisa ng sektor ng kalusugan at edukasyon, at sa patuloy na suporta ng Pamahalaang Panlalawigan, mas napapalawak ang adbokasiya at mas napatitibay ang depensa ng Occidental Mindoro laban sa Malaria, Dengue, at Filariasis.
๐ฆ๐๐ฅ๐๐๐ฆ๐ฌ๐ข๐ก๐ ๐๐๐ก๐๐๐ข!
๐๐๐ก๐๐๐ข ๐ก๐, ๐ ๐๐ฆ ๐๐๐๐๐ก๐๐๐๐ก ๐ฃ๐!
