VRP Medical Center - Cleft Lip and Palate

VRP Medical Center - Cleft Lip and Palate Cleft Lip and Palate Surgery

Kasama ang pamilya ni Baby Liam sa mga nasunugan kamakailan sa Mandaluyong. Nakilala at nakita namin sila sa Evacuation ...
13/10/2025

Kasama ang pamilya ni Baby Liam sa mga nasunugan kamakailan sa Mandaluyong. Nakilala at nakita namin sila sa Evacuation Center. Ramdam namin ang sakit at lungkot na dulot ng trahedyang nangyari sa kanila. Gayunpaman, nang makausap namin sila, makikita pa rin sa kanilang mga mukha ang saya at ngiti. Ito ay dahil mabibigyan na ng libreng operasyon si Baby Liam, at nagpapasalamat sila na buo at walang nasaktan sa kanilang pamilya sa sunog.

Hindi lamang ang mga magulang ni Liam ang nakangiti, kasama din dito si Liam.

Kaya't kami ay taos-pusong nagpapasalamat sa mga organisasyon na patuloy na tumutulong upang makapagbigay ng libreng operasyon: ang Rotary Club of Kagitingang Cubao, District 3780, at ang Club of QC Big Bike Riders, NCR Philippines

Kung kayo po ay may kakilala na may cleft, ang VRP Medical Center ay nagsasagawa ng libreng operasyon (PROJECT BEAUTIFUL SMILE) para sa mga taong may cleft lip at cleft palate.

13/10/2025

Para sa mga taong pinanganak na may Cleft,

Nais naming iparating ang aming taos-pusong mensahe ng suporta at pag-unawa sa iyo. Ang pagkakaroon ng cleft lip o cleft palate ay maaaring maging hamon, ngunit tandaan na ito ay bahagi lamang ng iyong kwento.

Mahalaga ang iyong boses at karanasan. Huwag mag-atubiling ipahayag ang iyong saloobin at mga alalahanin. Ang iyong lakas at tibay ay nagbibigay inspirasyon hindi lamang sa iyong sarili kundi pati na rin sa iba.

Sa bawat hakbang ng iyong paglalakbay, alalahanin mo na may mga tao at komunidad na handang sumuporta sa iyo. Hanapin ang mga pagkakataon upang kumonekta sa iba na may kaparehong karanasan maaaring makatulong ito sa iyong pag-unawa at pagtanggap sa iyong sarili.

Patuloy na mangarap at huwag matakot sa mga hamon. Ang iyong halaga ay hindi nasusukat sa pisikal na anyo kundi sa iyong puso at sa mga bagay na iyong nagagawa.

Nandito kami para sa iyo.


Ang unang tanong ko sa mga magulang ng mga batang pasyente namin na may cleft ay, "Bakit po ninyo gustong ipaopera ang i...
05/09/2025

Ang unang tanong ko sa mga magulang ng mga batang pasyente namin na may cleft ay, "Bakit po ninyo gustong ipaopera ang inyong anak?"

Madalas, ang sagot na naririnig ko ay, "Para hindi po siya ma-bully pagdating ng panahon." Sa likod ng simpleng sagot na ito ay isang napakalalim na pagnanais na protektahan ang kanilang anak mula sa sakit at pangungutya, na nagmumula sa takot na hindi matanggap ng lipunan.

Ang mga batang may cleft ay mga espesyal na regalo na ipinagkaloob sa kanilang pamilya. Bagamat maaaring kakaiba ang anyo ng kanilang labi o mukha, hindi natin dapat kalimutan na sila din ay mga tao na may damdamin, at karapatan mamuhay ng normal.

Hindi sila dapat pagtawanan o kutyain. Sa halip, dapat nating itaguyod ang isang kapaligiran kung saan sila ay tinatanggap at minamahal. Ang bawat ngiti at tawa ng isang bata ay may kalakip na kwento ng laban at pag-asa.

Alam niyo ba na labag sa batas ang pambubully sa mga katulad nila? Ayon sa Republic Act No. 10627, o ang Anti-Bullying Act ng 2013, ang lahat ng paaralan ay may responsibilidad na protektahan ang mga estudyante mula sa pambubully. Ang batas na ito ay naglalayong lumikha ng isang ligtas at mapayapang kapaligiran para sa lahat ng mag-aaral—isang tahanan ng pagkatuto at pag-unlad.

Sa halip na sila ay kutyain o i-bully, sana'y maging inspirasyon tayo sa kanilang paglalakbay. Tulungan natin silang pataasin ang kanilang tiwala sa sarili, ituro ang kahalagahan ng pagtanggap at pagmamahal sa sarili. Sa huli, ang tunay na kagandahan ay hindi nakikita sa panlabas na anyo kundi sa kabutihan at pagmamalasakit na ating ipinapakita sa isa't isa.

Kaya naman ang VRP Medical Center Rotary Club of Kagitingang Cubao, District 3780 at ang Rotary Club of QC Big Bike Riders, NCR Philippines ay nagbibigay ng Libreng Serbisyo para sa mga Batang may Cleft.

Kung kayo ay may kakilala na may cleft ipagbigay alam lamang sa page na ito. :)



Kitang-kita kung gaano kabungisngis ang batang ito. Ang kanyang mga ngiti ang nagbibigay buhay sa kanyang mga magulang. ...
15/08/2025

Kitang-kita kung gaano kabungisngis ang batang ito. Ang kanyang mga ngiti ang nagbibigay buhay sa kanyang mga magulang. Ngunit ang kanyang bagong ngiti ay naglagay ng luha sa mga mata ng kanyang Ama at Ina dahil ngayon ay nabigyan na ng katuparan ang kanilang hiling na mabigyan ng libreng operasyon ang kanilang Anak.

Sa mga may kakilala na may Cleft Lip or Cleft Palate, ang VRP Medical Center ay nagbibigay ng Libreng Operasyon para sa may mga ganitong kondisyon.

Maaari lamang na Mag-message po kayo sa page na ito:
VRP Medical Center - Cleft Lip and Palate

Kaunting Kaalaman Tungkol sa Cleft: Ang labi ng isang sanggol ay nagpo-form sa pagitan ng ika-4 at ika-7 linggo ng pagbu...
15/08/2025

Kaunting Kaalaman Tungkol sa Cleft:
Ang labi ng isang sanggol ay nagpo-form sa pagitan ng ika-4 at ika-7 linggo ng pagbubuntis. Ang mga body tissue at cells ang bumubuo upang mag-form ng mga facial features, kasama na ang labi at bibig.

Nangyayari ang cleft lip kapag ang body tissue na bumubuo sa labi ay hindi ganap na nag-form bago isilang ang batang may cleft. May mga kondisyon din kung saan ang batang may cleft lip ay nagkakaroon ng cleft palate o bingot sa ngala-ngala.

Bakit Nagkakaroon ng Cleft ang isang Sanggol?
Narito ang ilang dahilan:

1. Genetic: Kung may miyembro ng pamilya ng ama o ina na nagkaroon ng cleft, maaaring maipasa ito sa kanilang magiging anak o sa mga susunod na henerasyon.

2. Pamumuhay ng Ina:
Naninigarilyo
Mahilig uminom ng alak
Gumagamit ng ipinagbabawal na gamot
Kakulangan ng Vitamins: Hindi sapat na pag-inom ng vitamins habang nagbubuntis.

3. Kakulangan sa Konsulta: Hindi madalas kumonsulta sa ob-gyne.

Kung may kakilala kayo na may cleft lip at cleft palate, ang VRP Medical Center ay nagbibigay ng LIBRENG SERBISYO AT OPERASYON para sa mga pasyenteng may cleft lip at palate.

Sa tulong ng Rotary Club of Kagitingang Cubao, District 3780 at Rotary Club of QC Big Bike Riders, NCR Philippines

Maaari lamang mag-message sa numerong 09171585432 o i-message ang page na ito
VRP Medical Center - Cleft Lip and Palate

The VRP Medical Center and the Rotary Club of Kagitingang Cubao are seeking patients with cleft lip or palate who are in...
30/07/2025

The VRP Medical Center and the Rotary Club of Kagitingang Cubao are seeking patients with cleft lip or palate who are in need of assistance. We welcome individuals of all ages, particularly those who are indigent or require support.

If you or someone you know could benefit from this opportunity, you may contact Dan Domondon Rivera at 09171585432 for more information.

Thank you!

Address

163 Edsa Highway Hills
Mandaluyong
1550

Website

Alerts

Be the first to know and let us send you an email when VRP Medical Center - Cleft Lip and Palate posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category