Mga tip mula sa isang therapist

16/02/2023

10/02/2023

21 TIPS PARA BUMATA
Payo ni Doc Willie Ong
LAHAT nang tao ay nagkakaedad. Pero may mga paraan para mapabagal ang ating pag-edad. Alamin natin ang 21 paraan:
1. Kumain ng almusal araw-araw. Ang gulay, sardinas, kanin, gatas, itlog at prutas ay masustansyang almusal.
2. Kumain ng pagkaing may tomato sauce (ketsap at spaghetti sauce) at uminom ng green tea. Panlaban ito sa maraming kanser.
3. Kumain ng maberdeng gulay at mga prutas, tulad ng mansanas, saging at pakwan.
4. Huwag sosobrahan ang kahit anong pagkain. Huwag magpakabusog. Katamtaman lamang ang kainin.
5. Mag-asawa o magkaroon ng kasama sa buhay – Mas mahaba ang buhay ng mga may asawa kumpara sa mga nag-iisa.
6. Tumawa ng 15 minutos bawat araw. Laughter is the best medicine.
7. Magkaroon nang mabait na kaibigan. Makatutulong siya sa pagtanggal ng stress sa buhay.
8. Makipag-sex (sa iyong asawa o partner) ng mas madalas. Kontrobersyal itong payo pero napatunayang may katotohanan. Ang pakikipag-sex ay isang uri ng ehersisyo at nakababawas din sa stress.
9. Umiwas sa bisyo at peligro.
10. Matulog ng 7-8 oras bawat araw.
11. Mag-ehersisyo.
12. Mag-alaga ng a*o. Nagbibigay ng pagmamahal ang a*o sa kanyang amo.
13. Magsipilyo ng 3 beses bawat araw. Gumamit din ng dental floss.
14. Magpabakuna. May mga bakuna laban sa hepatitis B, pulmonya, trangka*o, at iba pa.
15. Inumin lang ang tamang gamot. Itanong muna sa doktor bago uminom ng kahit anong gamot o supplement. Mas mainam na magtanong sa 2 doktor para makasiguro na tama ang iyong iniinom.
16.Alamin ang mga sakit sa pamilya at gumawa ng paraan para maiwasan ito. Halimbawa, kung may lahi kayo ng sakit sa puso, magpasuri nang maaga sa doktor.
17. Uminom ng 8-10 ba*ong tubig araw-araw.
18. Umiwas sa araw, usok, alikabok at iba pang polusyon sa lansangan.
19. Umiwas sa usok ng sigarilyo.
20. Mamuhay lamang ayon sa iyong kakayahan. Umiwas sa pagkabaon sa utang.
21. Huwag magretiro. Laging ituloy ang iyong trabaho.

14/01/2023

Babala: Namayat kahit hindi Nag-Diyeta
Payo ni Doc Willie Ong
Okay lang na pumayat kung nag-diyeta ka. Pero kung pumayat ng hindi naman nag-diyeta, mag-ingat na.
Maraming mga dahilan para bumaba ang timbang. Kung mayroon kang problema sa trabaho o pamilya, maaari kang mabawasan ng timbang.
Ang dalawa pang kondisyon na maaaring maging sanhi ng pagbaba ng timbang ay diabetes at hyperthyroid. Kung ang isang tao ay hindi kayang kontrolin ang diabetes, ang labis na asukal ay hindi ina-absorb ng katawan at lumalabas ito sa ihi.
Ang hyperthyroidism ay nagiging sanhi ng mabilis na metabolismo, kaya't nagiging sanhi ng pagbaba ng timbang. Ang parehong mga kondisyon ay maaaring magamot.
Gayunpaman, kung ang isang tao ay nawalan ng 10 pounds nang hindi nag-diyeta, ito ay isang mahalagang senyales. Kahit na ang tao ay hindi nagrereklamo ng anumang sakit, dapat na suriin ang pasyente dahil sa posibleng kanser o ibang sakit.
Maraming mga kanser ang walang sintomas. Halimbawa, ang mga kanser sa tiyan, colon, atay at baga ay karaniwang hindi nagpapakita ng senyales. Bilang karagdagan, ang kanser ay maaaring makaapekto sa bata at matatanda, ngunit ito ay mas karaniwan sa mga matatandang tao.
Kaya naman, kung nabawasan ka ng timbang, Magpatingin sa iyong doktor at gagawan ng lab test. Huwag kang mag-alala. Kung sumunod ka sa isang healthy lifestyle ang mga test na ito ay marahil ay magiging normal lang.

14/01/2023

SAGING: Ang Pinaka-healthy na Prutas sa Buong Mundo
Payo ni Doc Willie Ong
May kasabihan na “An apple a day keeps the doctor away.” Mali po iyan. Ang bago ngayon ay “Two bananas a day keep the doctor away.” Marami nang pagsusuri ang nagsasabi na ang saging ay sobrang healthy at napakabuti sa katawan.
Heto ang mga nilalaman ng isang saging na 100 grams: Calories: 88 calories, Vitamin A: 430 I.U., Vitamin B: Thiamine .04 mg., Vitamin C: 10 mg., Calcium: 8 mg., Iron: 6 mg., Phosphorus: 28 mg., Potassium: 260 mg., Carbohydrates: 23 grams, at Protein: 1.2 mg.
Sobrang Dami ang Benepisyo ng Saging (Lakatan, Latundan o Saba):
1. Tiyan – Napakaganda ng saging para sa mga may ulcer at nangangasim na sikmura. Ang saging ay may sariling antacid na tinatawag na phospholid. May flavonoid din ang saging na parang tinatapalan ang mga sugat sa ating tiyan.
2. Puso – Mabuti ang saging sa puso dahil mataas ito sa potassium at bitamina. Lalu na kung umiinom ka ng mga gamot sa puso at altapresyon, dagdagan mo na rin ng 2 saging bawat araw.
3. Parang Multivitamin - Kung susuriin mo, parang multivitamin na ang saging dahil may vitamin A, B, C, Calcium, Iron, at Potassium ito. Kapag kumain ka ng 2 saging bawat araw, you can Have It All like Edu Manzano and Feel Complete like Piolo Pascual. Tipid pa!
4. Mabuti sa Colon - Dahil mataas sa fiber ang saging, puwede itong panlaban sa colon cancer at iba pang sakit ng bituka natin.
5. Good for exercise – Sa mga mahilig mag-ehersisyo at mag-Gym, kailangan mo ng saging para hindi bumaba ang iyong potassium. Magbaon ng 2 saging sa bag lagi, tulad ko.
6. Para sa stress at pang-relax – Alam ba niyo na ang saging ay may tryptophan? Ito’y isang kemikal na nagpapasaya sa atin at nagpapaganda ng ating emosyon. Kaya kung depressed ka dahil iniwan ka ng iyong girlfriend, huwag nang lumuha, mag-saging ka na.
7. Pang-baon talaga – Kaibigan, kaya mo bang magbaon ng abokado o mangga sa bag? Hirap kainin hindi ba? Pero ang saging ay napakaganda ng lalagyan. Talagang ginawa ng Diyos para kainin.
8. Baka makabawas ng Leukemia at Hika sa Bata – May pagsusuri na nagsasabi na kapag ang bata o sanggol ay lagi mong papakainin ng saging, mas hindi sila hihikain, at hindi rin sila magkakaroon ng leukemia. Hindi pa ito tiyak, pero marami ang naniniwala nito.

14/01/2023

Pamamanhid ng katawan: Baka Diabetes o Stroke na
Payo ni Doc Willie Ong
Madalas ka ba makaramdam ng pamamanhid?
Ito ay isang karaniwang nararamdaman na karaniwan ay walang seryoso o malubhang kahihinatnan.
Para sa mga typist, mga mechanical workers at kababaihan na naglalaba, karaniwang sila ay nakararanas ng pamamanhid ng mga kamay, na dahil sa carpal tunnel syndrome. Ang kondisyong ito ay nangangahulugang na ang ugat (median nerve) na nagbibigay ng lakas sa kamay ay naiipit. Ipahinga ang iyong mga kamay.
Ang isa pang karaniwang lugar ng pamamanhid ay sa hita sa pag-upo at pag-higa. Ito ay dahil sa naiipit ang sciatic nerve sa may balakang natin.
Ngunit dalawang mas malubhang sanhi ng pamamanhid ay stroke at diabetes.
Bagamat bihira lamang ito, may ilang mga pasyenteng na-stroke ay ang reklamo lamang ay bahagyang pamamanhid sa katawan. Kaya naman kung may pag-aalinlangan, ang mga doktor ay maaaring mag-request ng isang CT Scan sa ulo para masuri ang stroke.
Ang diabetes ay maaari ring maging sanhi ng pamamanhid, karaniwan sa mga binti at paa. Kung hindi mo mapananatili ang iyong blood sugar ng mas mababa sa 120 mg/dl, maaari itong magresulta sa pinsala sa mga ugat.
Ang may diabetes ay dapat mag-ingat sa kanilang mga binti dahil ang karaniwang senaryo ay ang pagkakaroon ng pamamanhid sa paa muna, pinsala sa paa at impeksyon. Sa mga napabayaang mga ka*o, maaari itong humantong sa amputation o pagkaputol ng binti.

12/01/2023

Mabahong Hininga sa Umaga (Morning Bad Breath)
Payo ni Doc Willie Ong
Ang bibig ay naglalaman ng napakaraming bilang ng bakterya. Maaaring mayroong 80-100 na bilang ng iba't ibang uri ng mikrobyo sa bibig ng mga tao.
Ang laway ay nag-aalis ng mga particle ng pagkain sa bibig. Ang kaunting produksyon ng laway ay isang dahilan para ang bakterya ay dumami at makagawa sulfur compounds (VSCs) na dahilan para bumaho ang hininga.
Ang iyong laway ay may dalawang tungkulin. Una, ay naghuhugas ng bakterya at pangalawa, naglalaman ng antibodies at iba pang kemikal – lactoferrin, na pinipigilan ang pagdami ng mga bakterya.
Kaya sa gabi, mas kaunti ang laway sa bibig at nanunuyo, kaya ang mga mikrobyo ay mas dumami sa gabi.
Ang paraan ng pagtulog ay pwede din makaapekto sa mabahong hininga sa umaga. Ang pag-hilik o paghinga sa bibig sa gabi ay nakakadagdag ng posibilidad ng mabahong hininga. Karamihan sa mga mouth breathers ay natutulog na bukas ang bibig, nagiging dahilan para ang bibig ay manuyo at lalo pang dumami ang bakterya.
Ang iba pang sanhi ng masamang hininga ay ang sirang ngipin, namamagang galagid at kulang sa pag-sipilyo.
Tips para mabawasan ang mabahong hininga sa umaga.
Gawin ito bago matulog:
1. Mag-sipilyo
2. Mag-flossing
3. Pag-linis ng iyong dila gamit ang tongue cleaner o toothbrush.
Ito ay tumutulong sa paglilinis ng bibig at pag-alis ng mga particle ng pagkain upang ang bakterya ay hindi dumami.

10/01/2023

Ano Mas Masustansya?
Payo ni Doc Willie Ong
Para sa artikulong ito, magbibigay po ako ng dalawang pagkain, at piliin ninyo kung ano ang mas masustansya? Tingnan natin kung mahuhulaan ninyo ang tamang sagot.
1. Coffee or tea (Kape o tsa-a)
Ang kape ay magandang pampagising at may konting tulong sa ating memory. Pero ang tsa-a naman ay may sangkap na catechins, na tinatawag na artery protector, panlaban sa bacteria at panlaban sa cancer. Ang Green tea ay mataas sa catechins. Kung gusto ninyo tumulad sa mga Chinese at Japanese na mas mababa ang insidente ng atake sa puso, subukan ang tsa-a.
Winner: tsa-a o green tea.
2. Fried egg or hard-boiled egg (Pritong itlog or nilagang itlog)
Kadalasan, ang mga pritong pagkain ay mas hindi healthy kumpara sa mga boiled, steamed o roasted. Kaya ang hard-boiled egg ay mas healthy at may 76 calories lamang. Pero ang fried egg ay umaabot sa 92 calories dahil sa taglay na mantika. Isa pa, mas safe ang hard-boiled egg kaysa sa soft-boiled o malasadong itlog. Ito’y dahil pinapatay ng mataas na temperatura ang mga bacteria tulad na salmonella sa itlog. Umiwas sa pagkain ng hilaw na itlog at bumili lang ng itlog sa mga ligtas na tindahan.
Winner: Hard-boiled egg.
3. Fresh tomatoes or tomato sauce
Ang kamatis at tomato sauce ay mataas sa antioxidants tulad ng beta-carotene at lycopene. May tulong ito sa mga may sakit sa puso, at makakababa ng tsansa ng kanser sa prostate at kanser sa bituka. Pero ang lycopene ay nanggagaling sa loob ng cell wall o selula ng kamatis. Kailangan muna itong lutuin at malagyan ng kaunting oil bago ma-absorb ng ating katawan. Dahil dito, mas healthy ang tomato sauce.
Winner: Tomato sauce.
4. Pork fat or fish fat (Taba ng baboy o taba ng isda)
Ang taba ng baboy at taba ng baka ay napatunayan nang talagang nagdudulot ng kanser at sakit sa puso. Pero, ayon sa pagsusuri, mabuti sa katawan ang taba ng isda, lalo ng mga oily fish tulad ng sardinas, tuna, mackerel at salmon. Ito ang klase ng taba na hindi nagsesebo at hindi tumitigas sa room temperature. Ang Omega-3 na taglay ng isda ay may tulong din sa pagnormal ng tibok ng ating puso, at nakahahaba ng ating buhay.
Winner: Taba ng isda.
5. Mango or strawberry.
Ang mga berries tulad ng strawberries, blueberries at cranberries ay may taglay na ellagic acid at polyphenols na panlaban sa kanser. Punong-puno pa ang strawberries ng vitamin B’s, vitamin C, vitamin K, minerals, potassium (para sa puso) at folate (para sa dugo). Okay naman ang mangga dahil may vitamin C ito pero alam ba ninyo na ang isang pira*ong mangga ay may 207 calories. Para ka nang kumain ng isang tasang kanin. Ang isang tasang strawberry ay may 49 calories lamang.
Winner: Strawberry.