15/04/2023
Giving Appreciation by Aspiring Youths! (GABAY!)
Sa naganap na pandemya sa buong bansa, lahat ng mga bata ay nakakulong sa apat na sulok ng kani-kanilang tahanan at tila ba’y umiikot ang kanilang mga orasan sa kanilang mga pag-aaral, selpon, at kompyuter. Ang pandemyang ito ay naging isa sa mga rason ng pagkakaroon ng sakit sa pangkaisipan ng mga bata. Lumaki nang walang kalaro ang mga bata dahil sa pagkakakulong sa loob ng tahanan.
Makikita natin ang epekto ng pandemya sa ating panahon ngayon. Maraming mga bata ang nagkakaroon ng problema sa pangkaisipan. At sa problemang ito, dito nabuo ang aming adbokasiya. Adbokasiya na tutulong sa bawat bata na nagkakaedad labing-dalawa pababa. Napili namin ang mga batang ito sapagkat nakita namin na nagsisimula ang problema sa pagkabata pa lamang at dinadala nila ito sa kanilang pagbibinata/pagdadalaga. Sa tulong ng aming adbokasiya, maaagapan at matutulungan namin ang mga batang ito na hindi nila madala sa kanilang pagtanda at lubusang sirain ang kanilang bawat kinabukasan.
Ayon sa pag-aaral ng National Library of Medicine, para sa 2017-2023, ang mga bata ay kabilang sa mga pinaka-mahina na grupo ng populasyon sa lipunan, kabilang ang mga ito sa mga estratehiya para sa pagbabawas ng panganib at pagpapalakas ng kakayahang umangkop. Tinatayang 40% ng kabuuang populasyon ng Pilipinas ay binubuo ng mga Pilipinong wala pang 18 taong gulang. Sa kabila ng pagkakaroon ng malaking bahagi ng populasyon ng Pilipinas na idineklara bilang mahina, ang tungkol sa mga isyung kinasasangkutan ng mga ito ay nananatiling hindi natutugunan.
Sa mga batang Pilipino na may edad 5 hanggang 15, 10% hanggang 15% ang apektado ng mga problema sa kalusugan ng isip. Ayon sa World Health Organization (WHO), 16.8% ng mga estudyanteng Pilipino na may edad 13 hanggang 17 ay nagtangkang magpakamatay kahit isang beses sa loob ng isang taon bago ang 2015 Global School-based Student Health survey. Isa lamang ito sa maraming resulta na nagpapakita ng estado ng mental health ng mga batang ito. Ang mga istatistikang ito na kinasasangkutan ng kalusugan ng isip ng mga bata ay nababahala dahil ang pagkabata ay isang mahalagang panahon kung saan nagsisimula ang karamihan sa mga sakit sa kalusugan ng isip. Ang mga pagsisikap ay dapat gawin upang matukoy nang maaga ang mga isyung ito para sa tamang paggamot sa pag-iwas sa mga negatibong resulta sa kalusugan at panlipunan.
Tignan at basahin ang mahahalagang impormasyon bawat larawan sa ibaba:
