19/03/2026
๐๐ ๐๐๐๐๐ ๐๐ ๐๐๐๐๐๐, ๐๐๐๐๐๐ ๐๐๐ ๐๐๐๐๐๐๐๐!
Bago pa sumikat ang araw, bumabangon na ang tsuper para makipagsapalaran kahit na may banta ng hindi kasiguraduhan sa kita. Ang bawat pisong idinagdag sa gasolina ay direktang binabawas sa pagkain ng kanyang pamilya, sa baon ng kanyang mga anak, at sa kakayahan niyang mabuhay nang may dignidad. Sa presyo ng gasoline at diesel na umabot na sa โฑ100โโฑ120 kada litro, kailangan niyang maglabas ng humigit-kumulang โฑ3,600 kada araw para lamang pumasada. Sa pagtatapos ng maghapon, madalas ay wala nang naiuuwiโkung minsan ay kulang pa.
Mula 2023 hanggang kasalukuyan, umabot na sa higit โฑ60 kada litro ang itinaas ng diesel. Dahil dito, tinatayang nawawalan ng โฑ1,815 kada araw ang isang tsuper ng jeep. Doble o triple pa ang kawalan na ito para sa ibang namamasada. Ang krisis na ito ay direktang ipinapasa sa mga komyuter. Sa bawat pagtaas ng presyo ng langis, tumataas ang panawagan para sa fare hike. Ngunit para sa mga estudyante at manggagawa, ang dagdag-pasahe ay dagdag-pasanin. Sa kontekstong 63% ng gastusin ng pamilyang Pilipino ay sensitibo sa presyo ng langis, ang oil price hike ay nagiging malawakang krisis sa kabuhayan.
Ang kasalukuyang oil price shock ay pinalalala pa ng imperyalistang digma na pinangungunahan ng Estados Unidos, Israel, at mga kaalyado nito laban sa Iran at iba pang bansang may malaking reserba ng langis. Sa ilalim ng administrasyon ni Donald Trump, pinaigting ang interbensyong militar sa mga oil-producing countries tulad ng Iran, Iraq, at Venezuela, isang hakbang upang kontrolin ang suplay ng langis sa pandaigdigang merkado. Sa bawat paglala ng gyera, tumataas ang presyo ng krudo at sa bansang tulad ng Pilipinas na 100% nakaasa sa imported na langis, direktang nararamdaman ito ng mamamayan.
Sa kabilang banda, ang mga hakbang ng administrasyon ni Ferdinand Marcos Jr. ay nananatiling kulang at panandalian. Ang fuel subsidy na inilaan ay umaabot lamang sa humigit-kumulang โฑ6,000 kada tsuper na halos katumbas ng tatlong araw na konsumo ng krudo. Samantala, ang ayuda na โฑ5,000 ay hindi man lang umabot sa dalawang araw na gastusin sa krudo. Sa gitna ng inaasahang dalawang buwang epekto ng gera sa Iran, malinaw na ang mga hakbang na ito ay hindi solusyon kundi pansamantalang pantapal.
๐๐ป๐ด ๐๐ถ๐๐๐ฒ๐บ๐ฎ๐ป๐ด ๐ป๐ฎ๐ด๐ฝ๐ฎ๐ฝ๐ฎ๐ต๐ถ๐ป๐๐๐น๐ผ๐ ๐ป๐ฎ ๐ฎ๐ป๐ด ๐ถ๐๐ฎ๐ป๐ด ๐ฏ๐๐ผ๐ป๐ด ๐ฎ๐ฟ๐ฎ๐ ๐ป๐ฎ ๐ฝ๐ฎ๐๐ฎ๐ฑ๐ฎ ๐ฎ๐ ๐บ๐ฎ๐๐๐ถ ๐น๐ฎ๐บ๐ฎ๐ป๐ด ๐๐ฎ ๐ฝ๐ฎ๐บ๐ฏ๐ฎ๐๐ฎ๐ฑ ๐ป๐ด ๐ธ๐ฟ๐๐ฑ๐ผ ๐ฎ๐ ๐ถ๐๐ฎ๐ป๐ด ๐๐ถ๐๐๐ฒ๐บ๐ฎ๐ป๐ด ๐บ๐ฎ๐น๐ถ๐ป๐ฎ๐ ๐ป๐ฎ ๐ฝ๐๐บ๐ฎ๐ฝ๐ฎ๐ฏ๐ผ๐ฟ ๐๐ฎ ๐๐๐ฏ๐ผ ๐ธ๐ฎ๐๐๐ฎ ๐๐ฎ ๐๐ฎ๐ผ. Hindi makatarungan na sa bawat pagtaas ng presyo ng langis ay awtomatikong ipinapasa ang pasanin sa mga tsuper at komyuter, habang nananatiling protektado ang kita ng mga kumpanya ng langis. Ang dereguladong industriya ay nagiging mekanismo ng legalisadong profiteering, kung saan malaya ang iilang korporasyon na manipulahin ang presyo sa gitna ng krisis.
Mariin nating kinokondena ang lantarang kawalan ng aksyon ng estado sa gitna ng mabilis na pagbulusok ng kabuhayan ng mga tsuper, magsasaka, at manggagawa. Tinututulan natin ang mapanlinlang na naratibo ng gobyerno na ang sigalot sa West Asia lamang ang may sala, habang hinahayaan nilang dambungin ng mga dambuhalang kumpanya ng langis ang bulsa ng mga Pilipino sa pamamagitan ng talamak na overpricing. Ang mga pahirap na VAT at excise tax ay nagsisilbing gatong sa implasyon, habang ang bilyon-bilyong pondo ng bayan ay napupunta lamang sa korapsyon at militarisasyon sa halip na sa mga batayang serbisyo. Higit sa lahat, tinatanggihan natin ang pagkaladkad sa Pilipinas sa mga imperyalistang gyera ng Estados Unidos, dahil ang bawat bala at bomba na pinapaulan ng mga imperyalista ay katumbas ng gutom at kawalan ng kabuhayan para sa masang Pilipino.
Ang krisis na ating kinakaharap ay hindi malulutas ng mga pansamantalang subsidiya o barya-baryang rollback lamang, kailangan natin ng pagbabago sa bulok na sistema at mga polisiya ng estado.
Ibasura ang palpak na Oil Deregulation Law at bawiin ang kontrol sa presyo at suplay ng langis mula sa kamay ng mga dambuhalang korporasyon na nagpapahirap sa masa. Sa pamamagitan ng muling pagsasabansa ng industriya ng langis, matitiyak natin ang isang matatag at murang rekurso na hindi idinidikta ng dayuhang kapitalista. Ipatupad ang kagyat na pagtanggal sa VAT at excise tax sa langis sa ilalim ng TRAIN Law upang direktang mapababa ang presyo ng krudo at mapagaan ang presyo ng mga batayang bilihin. Higit sa lahat, ipaglaban ang nakabubuhay na sahod para sa lahat ng manggagawa upang matiyak na ang interes ng mamamayan, at hindi ang supertubo ng iilan, ang siyang mananaig sa ating ekonomiya.
๐๐๐ฆ๐ ๐ง๐! ๐๐จ๐๐ซ๐ ๐ง๐! ๐๐ฎ๐ฆ๐๐ฆ๐ ๐ฌ๐ ๐๐๐ฅ๐ ๐๐ง๐ ๐๐๐ฒ๐๐ง!
๐๏ธ March 20, 2026
โฐ 1:00 PM
๐ Mula Welcome Rotonda, hanggang Mendiola
๐๐ฌ๐๐๐๐ง๐ฌ๐ ๐๐ง๐ ๐ข๐ง๐๐ฎ๐ฌ๐ญ๐ซ๐ข๐ฒ๐ ๐ง๐ ๐ฅ๐๐ง๐ ๐ข๐ฌ!
๐๐ฉ๐๐ ๐ฅ๐๐๐๐ง ๐๐ง๐ ๐๐ฎ๐ก๐๐ฒ ๐๐ญ ๐ค๐๐๐ฎ๐ก๐๐ฒ๐๐ง!
๐๐๐ค๐๐ฌ๐๐ง ๐๐ง๐ ๐ ๐ฒ๐๐ซ๐๐ง๐ ๐๐ ๐ซ๐๐ฌ๐ฒ๐จ๐ง ๐ง๐ ๐๐!
