01/02/2026
IKA-2 NG PEBRERO
KAPISTAHAN NG PAGDADALA KAY HESUS SA TEMPLO at Kapistahan ng Birhen ng Candelaria
Ang Oras ng ating Banal na Misa at Pagbabasabas ng mga Kandila ay sa oras na 6:00 ng Gabi.
Hinihikayat ang lahat na nag sisimba na mag dala ng kanilang mga Kandila.
๐ฃ๐๐ก๐๐๐๐ก๐๐๐ก ๐ฆ๐ ๐ ๐๐๐๐ ๐ก๐ ๐๐๐ฅ๐๐๐ก ๐ก๐ ๐๐๐ก๐๐๐๐๐ฅ๐๐
Ama naming makapangyarihan, ikaw na pinagmumulan ng kaliwanagan, hindi mo hinayaan na sa kadilimang sanhi ng kasalanan ang bayan mo ay sukat na lamang iyong iwanan. Bagkus sa kaganapan ng panahon ibinigay mo ang iyong Bugtong na Anak upang kami ay ibalik sa kaliwanagan.
Pakundangan sa pagdalangin ng Mahal na Birhen Mariang kanyang Ina na ang pusoโy tinarakan ng punyal ng dalamhati at pagdurusa dahil sa matapat niyang pagsunod sa kanyang Anak, pagkalooban mo kami ng pananalig katulad ng kay Maria upang sa pagharap namin sa araw-araw ng aming buhay ay matatag ang aming pasya na kay Jesus kami ay makiisa sa pagpapasan ng krus na kanyang pinagtagumpayan para sa aming kaligtasan. Gayundin naman aming dalangin ay iyong tugunin itong aming mga idinadaing
(๐ ๐ฎ๐ด-๐๐ธ๐ผ๐น ๐ป๐ด ๐๐ฎ๐ป๐ฑ๐ฎ๐น๐ถ๐ป๐ด ๐ธ๐ฎ๐๐ฎ๐ต๐ถ๐บ๐ถ๐ธ๐ฎ๐ป ๐ฎ๐ ๐ฏ๐ฎ๐ป๐ด๐ด๐ถ๐๐ถ๐ป ๐ฎ๐ป๐ด ๐บ๐ด๐ฎ ๐ธ๐ฎ๐ต๐ถ๐น๐ถ๐ป๐ด๐ฎ๐ป.)
kung ito ay sa aming kaligtasan at sa iyong kaluwalhatian.
Pagkalooban mo kami ng isang pusong tapat at malinis katulad ng kay Maria na sa iyo ay bantog sa pagkamasunurin, yayamang mula sa kanyang sinapupunan ay isinilang ang Liwanag ng sangkatauhan.
Kasama si Maria, hiling namin ay tulong mo na kami ay maging masigla sa pakikipagtagpo sa iyong Anak sa kanyang Salita at Sakramento. Katulad ni Simeon na lingkod mong banal, na inakay ng Banal na Espiritu na makita ang Tagapagligtas, akayin din kami ng Espiritung Banal na makita ang katotohanan, kalinisan, kabanalan mula kay Jesukristo na maghahatid sa amin sa kaliwanagan ng paraiso, siya na nabu-buhay at naghahari kasama mo at ng Espiritu Santo magpasawalang hanggan.
Amen.
