Naawan Primary Care Facility

09/03/2026

PAHIBALO ‼️‼️

Sa tanang magpa check up dinhi sa atong Primary Care Facility Sa Naawan gi awhag nga mag dala ug Members Data Record or MDR sa PhilHealth or Philhealth ID bahalag daan na. Ug gi awhag ang tanan nga mahimong mag download sa EGovph application sa mga cellphone. Daghan Salamat ug mag amping ang tanan 😊

04/03/2026

👀👀👀 here ‼️

JAPANESE ENCEPHALITIS INFORMATION DRIVE CAMPAIGN AT Brgy Patag with the Provincial Health Team led by Dr. Teodoro B. Yu,Jr.,MD last MARCH 3, 2026.

04/03/2026

Todays Ganap

✅DENGUE IEC AND DISTRIBUTION OF TREATED NET FOR PATAG ELEMENTARY SCHOOL with the Provincia Health Office team

✅MARCH 4, 2026

06/02/2026

Fact check: Ang MR Vaccines dugay na ug luwas nga bakuna para sa atong mga bata. 💉💉💉

𝐅𝐀𝐂𝐓 𝐂𝐇𝐄𝐂𝐊: 𝐌𝐑 𝐕𝐀𝐂𝐂𝐈𝐍𝐄, 𝐋𝐔𝐖𝐀𝐒 𝐔𝐆 𝐏𝐑𝐎𝐓𝐄𝐊𝐓𝐀𝐃𝐎 𝐀𝐍𝐆 𝐊𝐀𝐁𝐀𝐓𝐀𝐀𝐍

Ang Department of Health–CHD Northern Mindanao nagpahibalo sa tanan mahitungod sa mga na post sa social media bahin sa giingong dautang epekto sa Measles-Rubella (MR) vaccine, kini wala pa mapamatud-an.

Sa pagkakaron, wala’y ebidensya nga ang bakuna maoy hinungdan sa giingong mga sintomas, ug ang mga eksperto naghimo na og imbestigasyon bahin niini. Gusto namong ipa abot sa publiko nga ang MR vaccine luwas, epektibo, ug dugay na natong gigamit para maprotektahan ang mga bata batok sa tipdas ug rubella.

Likayan nato ang pagpakaylap og mga posts nga dili sigurado o unverified kay naghatag lang kini og kahadlok ug kalibog. Giawhag ang tanang mga ginikanan nga dili mahadlok ug padayon nga pabakunahan ang inyong mga anak sa pinakaduol nga health center.

Motoo lang kita sa mga legitimate source of information sama sa DOH aron masiguro ang kaluwasan sa atong pamilya ug komunidad. 𝐍𝐎 𝐓𝐎 𝐃𝐈𝐒𝐈𝐍𝐅𝐎𝐑𝐌𝐀𝐓𝐈𝐎𝐍!

02/02/2026

Day 13-14 of MR-SIA 2026 💉💉💉

Atong niaging sabado ug dominggo nagpadayon gihapon atong opisina sa panglawas dinhi sa atong lungsod sa pag panghatag sa bakuna laban sa measles ug rubella.

As of February 1,2026 naa natay 73.21% ka mga bata nga nag edad ug 6mos to 59 mos nga natagaan sa bakuna.

Sa mga ginikanan ug guardians nga wala pa naka pabakuna sa ilang mga bata mamalihug lang mi sa inyong suporta para mapa layo nato atong mga bata sa piligro sa tipdas ug rubella.

Ang atong bakuna nga MR( Measles- Rubella) safe kini para sa atong mga kabatanonan kung aduna kaoy mgapag duha-duha pweden mo mag duol sa atong opisina sa pang lawas para mas malamdagan pa gyud ang atong mga huna-huna. Daghan salamat sa atong tanan 🩷

30/01/2026

Day 11-12 of MR SIA 💉💉💉

❓❓❓Unsa ang MR Incubation Period (Measles ug Rubella)

Ang incubation period mao ang panahon gikan sa pagkahawa sa virus hangtod mugawas ang mga sintomas. Dili ni siya gikan sa bakuna, kundi gikan sa tinuod nga exposure sa sakit.

Measles (Tigdas)
• Incubation period: 7–14 ka adlaw
• Kasagaran 10 ka adlaw una mugawas ang hilanat
• Ang pantal/pamula sa panit kasagaran mugawas ika-14 ka adlaw

Rubella
• Incubation period: 14–21 ka adlaw
• Kasagaran 16–18 ka adlaw

💡 Hinungdanon nga pahimangno
• Ang MR vaccine dili makapahinabo og tigdas o rubella.
• Posible adunay gamay nga hilanat o pantal 5–12 ka adlaw human sa bakuna — normal ra ni ug timailhan nga nagatubag ang lawas sa bakuna.
• Ang proteksyon sa bakuna kasagaran mohuman og porma sulod sa 2 ka semana human mabakunahan.

28/01/2026

✅Day 8-10 of MR SIA at Naawan Misamis Oriental 💉💉💉💉

🔴 Sa pag kakaron gi abot na kita ug 67% sa mga bata nga nag edad ug 6mos- 59mos sa pag bakuna dinhi sa atong lungsod sa Naawan. Ang tunghaan sa Panglawas dinhi sa atong lungsod dako ang pasalamat sa mga ginikanan ug guardians nga nag tugot sa pag bakuna.

🔴 Usab among ipa abot sa katawhan nga kani atong pag bakuna isip isa ka responce sa nagtaas nga kaso sa tipdas ug rubella dinhi sa atong rehiyon. Mahimo lamang ma proteksionan atong mga bata pamaagi sa pag bakuna sa Measles ug Rubella Vaccine.

🔴 Sa mga ginikanan nga ga duha duha ug bakuna mahimo kamong mu adto sa atong tunghaan sa panglawas ug mang hingsayod mahitungod sa bakuna. Daghang salamat sa inyong tanan 💕☺️

25/01/2026

Day 6-7 sa MR-SIA 💉💉💉

Unsa ang Herd Immunity❓

🙋 Ang herd immunity (o "community immunity") mahitabo kung ang dakong bahin sa populasyon nahimo nang immune o dili na daling matakdan sa usa ka sakit.

🙋Tungod niini, ang kagaw (virus o bacteria) maglisod na og kaylap kay gamay na lang ang tawo nga pwede niining matakdan.

🙋 Pinaagi niini, maprotektahan usab ang mga tawo nga dili pwede bakunahan, sama sa mga masuso o kadtong dunay seryosong kondisyon sa lawas

🙋 Ang pagbakuna ang labing luwas nga paagi tungod kay ang lawas makakat-on og sukol sa sakit nga dili na kinahanglan masakit og maayo.

🙋Mao nag mas labing kinahanglan nga atong pabakunahan atong mga bata ilabi na kay aduna kitay Measles and Rubella outbreak sa karon.

23/01/2026

✅ Day 4-5 of MR-SIA

❓❓Nganong kinahanglan ang kampanya o SIA batok sa Tipdas ug Rubella?

🙋‍♀️Kinahanglan nato pabakunahan atong mga bata nga nag edad ug 6mos-59 mos tungod kini kay nagpabilin o nagpadayon ang hulga sa dagko nga pagkalyap o outbreak sa Tipdas ug Rubella.

🙋‍♂️Sa niaging mga tuig misaka ang gidaghanon sa mga bata nga wala nagpabakuna o kulang ang proteksyon batok niini nga mga sakit. Tungod ni ini mas nitaas ang kaso ug posibilidad sa seryosong mga komplikasyon, mas labaw ang piligro sa mga bata nga maa bata pa ug wala pa maka dawat ug bakuna.

🙂hangtod karon paingun petsa Feb 13,2026 atong campaign batok sa measles ug rubella. Mga ginikanan magpabakuna na kita batok sa sakit nga measles ug rubella. Daghan salamat 💕

21/01/2026

✅Day 3 of MR SIA 💉💉💉
(January 21,2026)

⚪️ Nagpadayon pa gihapon atong pagbakuna kontra Measles ug German Measles dinhi sa atong lungsod sa Naawan sa karon mi abot na kita sa kapin kon kulang 43% sa mga bata nga nabakunahan.

⚪️ Dako among pasalamat sa mga ginikanan ug guardians nga nag tugot sa pag pabakuna sa ilang mga bata nga nag edad 6mos-59mos.

⚪️Sa mga ginikanan nga wala pa naka pabakuna nangayo mi sa inyong suporta. Para mas mapakusog pa nato ang resistencya sa inyong mga bata palihug ug pabakuna na kamo. Daghan salamat 💕