Daan Bilolo Health Center

21/10/2025

ALAM NIYO BA?
Mas madaling gamutin ang breast cancer kapag maagang natuklasan; at mas malaki rin ang tyansang gumaling kung ito ay agad bibigyan pansin.

Sa pagdiriwang ng Breast Cancer Awareness Month ngayong Oktubre, nais hikayatin ng Bataan Provincial Health Office na regular na gawin ang 'SSS' o Sariling Salat sa Suso; at sakali mang may mapansing hindi normal ay agad komunsulta sa eksperto.

Narito ang QR code ng listahan ng mga Accredited Philhealth Konsulta Package providers para sa mga nais magpa-clinical breast examination; at QR code ng listahan ng Cancer Assistance Fund sites para naman sa mga kailangang sumailalim sa mammography at breast ultrasound.

Laging piliin ang healthy lifestyle. Sama-sama tayo sa pagkamit ng isang malusog na komunidad para sa mas matatag na pamilyang Bataeño.

22/09/2025

MAGING BATAEÑONG HANDA!
Dahil sa malakas na ulan at hangin na dulot ng bagyong , pinaaalalahanan ng Bataan Provincial Health Office ang lahat na maging alerto at laging handa.

Ipinapayo sa lahat ng oras na magkaroon ng 'Go Bag' sa tabi sakaling lumala ang sitwasyon ng panahon, lalo na sa mga kababayan nating kinakailangang lumikas sa mga evacuation center sa kani-kanilang mga barangay.

Nararapat na ang inyong 'Go Bag' ay madali lamang bitbitin at naglalaman ng mga sumusunod:
-canned goods
-tinapay
-tubig
-kutsara't tinidor
-face mask
-band aid at panglinis sa sugat
-ointment sa sugat
-paracetamol, mefenamic acid, at maintenance meds
-alcohol, hand sanitizer, tissue
-pangontra sa lamok
-shampoo, sabon, toothbrush at toothpaste
-sanitary napkin
-cellphone, charger, at powerbank
-pocket knife
-kapote at payong
-kumot o balabal
-flashlight
-battery-operated radio
-at iba mo pang importanteng kailangan

Pinaaalalahanan din ang lahat na ang baha ay maaaring magdulot ng sakit na leptospirosis kung kaya't hanggat maaari ay iwasan ang paglusong dito. Sakali namang mabasa ng baha ay agad maghugas gamit ang malinis na tubig at sabon.

04/09/2025

ALAM NIYO BA?
Ang Epilepsy ay isang sakit na nakaaapekto sa central nervous system na siyang nagiging dahilan ng paggulo ng electrical activity sa utak at nagdudulot ng paulit-ulit na seizure. Mayroon din namang mga pagkakataon na maaaring makaranas ng seizure ang isang tao kahit walang epilepsy, halimbawa ay sa pagkakataong mayroon itong sobrang taas na lagnat. Narito ang mga sintomas ng pagkakaroon ng sakit na epilepsy:

-Pagkawala ng malay o pagkalito
-Panginginig o pagko-kombulsyon
-Pagkakaroon ng tingling sensation sa mga braso o binti
-Pag-iba o pagkagulo sa sensation ng pandinig, panlasa, o pagtingin, paggalaw, mood, at iba pang cognitive functions.

Ngayong National Epilepsy Awareness Week, nais ipaalala ng Bataan Provincial Health Office na ang epilepsy ay hindi nakahahawa at ito rin ay maaaring maagapan at magamot. Sakali namang may isang taong makararanas ng seizure, narito ang mga dapat isaalang-alang:

-Ilayo sila sa matutulis o matitigas na bagay
-Ipatagilid ang katawan para hindi mabulunan
-Alalayan ang ulo at binti sa pagtagilid
-Itala kung kailan nagsimula at natapos ang seizure, at kung gaano ito kadalas.
-Dalhin agad sa pinakamalapit na ospital kung lumagpas sa 5 minuto ang seizure.

Maging mapagmatyag, maging maalam, Sama-sama tayo sa pagkamit ng isang nagtutulungang komunidad para sa mas matatag na pamilyang Bataeño.

29/08/2025

𝗡𝗔𝗧𝗜𝗢𝗡𝗔𝗟 𝗨𝗡𝗜𝗩𝗘𝗥𝗦𝗔𝗟 𝗛𝗘𝗔𝗟𝗧𝗛 𝗖𝗔𝗥𝗘 𝗦𝗨𝗠𝗠𝗜𝗧 𝟮𝟬𝟮𝟱

Dumalo po tayo kahapon, ika-28 ng Agosto, bilang Keynote Speaker sa National Universal Health Care Summit 2025 na may temang “From Commitment to Action: Realizing People-Centered UHC” na ginanap sa Asian Development Bank (ADB), Mandaluyong City.

Ibinahagi po natin ang ating karanasan sa pagpapatupad ng Unified Governance and Community Engagement for Integrated Local Health Systems, kabilang na ang mga kasalukuyang hamon at kongkretong solusyon upang mapatatag ang ating sistemang pangkalusugan.

Tinalakay din po natin sa nasabing summit kung gaano natin pinahahalagahan ang kalusugan ng bawat Bataeño sa pamamagitan ng mga programang tulad ng 1Bataan Seal of Healthy Barangay, Healthy Paaralan, Bisita Bayan, at Hataw Takbo Bataan, mga inisyatibang naglalayong palakasin at patibayin ang kalusugan ng bawat pamilyang Bataeño.

Kasama po natin kanina sina Vice Gov. Cris Garcia, DOH Secretary Dr. Ted Herboso, DOH Director Mar Wynn Bello ng Bureau of Local Health Systems and Development, mga pinuno ng mga yunit pamahalaang lokal, at mga health officers mula sa iba’t ibang lalawigan.

28/08/2025

22/08/2025

📢PAALALA SA PUBLIKO !
Ang Orani District Hospital ay kasalukuyang nasa proseso ng paglilipat sa bago nitong gusali sa 1Bataan Command Center, Brgy. Doña, Orani, Bataan.
Kaugnay nito, pakisuyong tandaan ang mga sumusunod:
1️⃣ Agosto 29, 2025 – Limitado lamang ang serbisyong medikal na maibibigay.
2️⃣ Agosto 30, 2025 – Pansamantalang ihihinto ang pagtanggap ng In-Patient admissions hanggang sa makapagbigay ang Department of Health ng License to Operate (LTO) para sa bagong pasilidad.

Kami po ay magbibigay muli ng opisyal na abiso para sa update kung kailan magbabalik ang normal na serbisyo ng ospital.

Humihingi po kami ng paumanhin sa anumang abala at lubos naming pinahahalagahan ang inyong pang-unawa. Ang lahat ng ito ay para sa mas ligtas at mas maayos na serbisyong medikal para sa ating komunidad.

22/08/2025

ALAM NIYO BA?
Mahalagang maipatingin sa eksperto ang ating mga mata sapagkat ito ang pinaka-abalang pandama sa ating katawan. Bagamat hindi karaniwang binibigyang pansin ang mga sakit o diperensya sa mata, ang mga ito ay maaaring magdulot ng mas delikado at pangmatagalang kondisyon.

Kaya ngayong Sight-Saving Month, hinihikayat ng Bataan Provincial Health Office ang lahat na kumonsulta sa eksperto kung ikaw ay may hindi normal na nararamdaman sa iyong ulo't mata; at sundin ang mga sumusunod upang mapangalagaan ang pinaka-abalang organo:

1. Kumain ng masustansya at balanseng pagkain
2. Panatilihin ang wastong timbang
3. Regular na mag ehersisyo
4. Magsuot ng salaming pangontra sa UV rays (sunglasses)
5. Magsuot ng salaming makakapagprotekta sa iyong mga mata
6. Huwag manigarilyo
7. Alamin ang medikal na kasaysayan ng inyong angkan/lahi
8. Alamin ang iba pang peligro upang maiwasan/masolusyonan ang mga ito
9. Kung ikaw ay nagsusuot ng contact lenses, sundin ang mga hakbang upang maiwasan ang impeksyon sa mata
10. Laging pagpahingain ang inyong mga mata.

Sama-sama tayo sa pagkamit ng isang maliwanag na komunidad para sa mas matatag na pamilyang Bataeño.

17/08/2025

ALAM NIYO BA?
Bukod sa bakunang natanggap noong sanggol pa, ang mga teenagers ay may mga bakuna pang maaaring matanggap para magkaroon ng karagdagang proteksyon.

Kung kaya't ngayong National Adolescent Immunization Month, hinihikayat ng Bataan Provincial Health Office ang lahat ng magulang ng mga kabataang nasa Grade 7 na pabakunahan ang inyong mga anak laban sa Measles, Rubella, Tetanus, at Diphtheria; hinihikayat din na pabakunahan ang mga kabataang babae laban naman sa Human Papilloma Virus at Cervical Cancer.

Ang mga bakunang ito ay libre, ligtas, at epektibong proteksyon ng inyong mga anak. Tandaan, kung ang inyong mga anak ay protektado, bababa ang tyansa na maudlot ang mga importanteng aktibidad sa kanilang buhay; sa ganitong paraan, sila ay mas magiging produktibo, bibo, at panalo.

Makipag-ugnayan sa paaralang kanilang pinapasukan o di kaya'y sa pinakamalapit na health center sa inyong lugar.

Proteksyon ng kabataan, proteksyon ng lahat! Sama-sama tayo sa pagkamit ng isang ligtas at malusog na komunidad para sa mas matatag na pamilyang Bataeño.