Daan Bilolo Health Center

Daan Bilolo Health Center Contact information, map and directions, contact form, opening hours, services, ratings, photos, videos and announcements from Daan Bilolo Health Center, Medical and health, Daan Bilolo, Orion.

Muling ipinapaalala ng Bataan Provincial Health Office na istriktong ipinatutupad sa Pilipinas ang RA No. 7183 o ang bat...
29/12/2025

Muling ipinapaalala ng Bataan Provincial Health Office na istriktong ipinatutupad sa Pilipinas ang RA No. 7183 o ang batas na nagreregula sa pagbebenta, paggawa, at paggamit ng mga paputok at iba pang pyrotechnic devices.

Kaakibat naman ng tradisyong pinoy ng pagsalubong sa bagong taon, ipinapayo ang paginom ng mga bitamina upang mapalakas ang immune system dahil madalang maiwasan ngayon ang pakikisalamuha sa kapwa, kasama na diyan ang ating nakagawiang pagpupuyat sa gabi bago sumapit ang bagong taon.

Bukod dito, dapat din nating isaisip na ang pagkain ng sobra ay hindi maganda sa ating kalusugan. Ipinapayo na iwasan ang pagkain ng sobrang matataba at masesebong pagkain. Hindi rin maganda sa kalusugan ang sobrang pagkain ng matatamis pati na ang pag-iinom ng alak at paninigarilyo.

Gawing ligtas, masaya, at makulay ang pagsalubong sa bagong taon. Gawin ito ng tama upang maiwasan ang biglaang pagbisita sa ospital.

Sama-sama tayo sa pagkamit ng ligtas at malusog na komunidad para sa mas matatag na pamilyang Bataeño.


TINGNAN: Para maipagpatuloy ang maayos na pagbibigay serbisyong pang-nutrisyon dito sa Lalawigan ng Bataan, nagkaroon 'C...
28/12/2025

TINGNAN: Para maipagpatuloy ang maayos na pagbibigay serbisyong pang-nutrisyon dito sa Lalawigan ng Bataan, nagkaroon 'Capacity Development for Local Government Units on Nutrition Program Management' sa ilalim ng inisyatibo ng Bataan Provincial Health Office, sa pangunguna ni Dr. Rosanna M. Buccahan.

Layon nitong sanayin ang mga kinatawan ng programang pang-nutrisyon mula sa labing dalawang (12) LGUs ng Bataan para sa mas episyenteng pag-update ng Municipal Nutrition Action Plan upang tuluyang makamit ang maganda at pangmatagalang resulta pagdating sa nutrisyon.

Ito rin ay upang masiguro na maaashan at may sapat na kaalaman ang mga nutrition workers ng Bataan, nang sa ganon ay maipagpatuloy ang maayos at tamang paghahatid serbisyo publiko na nagpapakita ng magandang epekto gaya ng pagkakaroon ng mababang bilang ng mga batang malnourished mula sa isinasagawang malawakang Operation Timbang Plus.

Sama-sama tayo sa pagkamit ng isang komunidad na nagtutulungan para masiguro ang tamang nutrisyon ng bawat pamilyang Bataeño.


Sa likod ng mga tradisyong pinoy na ating nakagawian tulad ng paghahanda ng mga pagkain, ipinapaalala ng Bataan Provinci...
21/12/2025

Sa likod ng mga tradisyong pinoy na ating nakagawian tulad ng paghahanda ng mga pagkain, ipinapaalala ng Bataan Provincial Health Office na istriktong ipinatutupad sa Pilipinas ang RA No. 7183 o ang batas na nagreregula sa pagbebenta, paggawa, at paggamit ng mga paputok at iba pang pyrotechnic devices.

Ipinapayo rin ang paginom ng mga bitamina upang mapalakas ang immune system dahil panahon panahon ngayon ng pagtitipon na kung saan ay madalang maiwasan ang pakikisalamuha sa kapwa, kasama na diyan ang ating nakagawiang pagpupuyat sa gabi bago sumapit pasko at bagong taon.

Bukod dito, dapat din nating isaisip na ang pagkain ng sobra ay hindi maganda sa ating kalusugan. Ipinapayo na iwasan ang pagkain ng sobrang matataba at masesebong pagkain. Hindi rin maganda sa kalusugan ang sobrang pagkain ng matatamis pati na ang pag-iinom ng alak at paninigarilyo.

Gawing ligtas, masaya, at makulay ang pagsalubong ng pasko at bagong taon. Gawin ito ng tama upang maiwasan ang biglaang pagbisita sa ospital.

Sama-sama tayo sa pagkamit ng ligtas at malusog na komunidad para sa mas matatag na pamilyang Bataeño.


17/12/2025

📣 𝗠𝘂𝗻𝘁𝗶𝗻𝗴 𝗣𝗮𝗮𝗹𝗮𝗹𝗮, 𝗺𝗴𝗮 𝗞𝗮-𝗣𝗵𝗶𝗹𝗛𝗲𝗮𝗹𝘁𝗵!
Ang paglipat ng YAKAP Clinic ay maaaring gawin tuwing ikaapat na quarter ng taon (Oktubre - Disyembre). Kung nais ninyong lumipat ng YAKAP Clinic, may oras pa!
📌 𝗗𝗲𝗮𝗱𝗹𝗶𝗻𝗲 𝗻𝗴 𝗣𝗮𝗴𝗹𝗶𝗽𝗮𝘁:
▪ Hanggang Disyembre 29, 2025 (Lunes) – sa pamamagitan ng Frontline Offices (LHIO)
▪ Hanggang Disyembre 31, 2025 (Miyerkules) – sa pamamagitan ng PhilHealth Hotline — (02) 8662 - 2588.
Huwag palampasin ang deadline upang tuloy-tuloy ang paggamit ng benepisyo pagpasok ng taon 2026.

TINGNAN: Para tugunan ang kaso ng maternal death at makamit ang hangarin ni Gov. Joet Garcia na 'Zero Maternal Death' d...
15/12/2025

TINGNAN: Para tugunan ang kaso ng maternal death at makamit ang hangarin ni Gov. Joet Garcia na 'Zero Maternal Death' dito sa Bataan, nagsagawa ang Bataan Provincial Health Office ng Maternal, Neonatal Death Surveillance and Response, sa pangunguna ni Dr. Rosanna M. Buccahan.

Dito ay masusing pinag-aaralan ang mga sanhi ng pagkamatay dala ng pagbubuntis o panganganak; inaalam ang mga maaari pang gawin upang maiwasan ang ganitong klase ng pagkamatay; at naglalatag ng mas komprehensibong plano para dito.

Ito ay isang paraan upang masiguro na dito sa Bataan ay natututukan ang lahat ng mga buntis, kakapanganak, at pati na ang mga sanggol; at masigurong naibibigay ang mga serbisyong pangkalusugan upang gawing malusog, ligtas, at maalam ang mga ito.

Sama-sama tayo sa pagkamit ng isang ligtas at masayang komunidad para sa mas matatag na pamilyang Bataeño.


TINGNAN: Para sa mas de-kalidad na serbisyo publiko pagdating sa pagpapatupad ng mga programang pangkalusugan sa Bataan,...
06/12/2025

TINGNAN: Para sa mas de-kalidad na serbisyo publiko pagdating sa pagpapatupad ng mga programang pangkalusugan sa Bataan, sa ilalim ng pamumuno ni Gov. Joet Garcia, isinagawa ang dalawang araw na Program Implementation Review, na inisyatibo ng Bataan Provincial Health Office sa pangunguna ni Dr. Rosanna M. Buccahan.

Dito ay tinalakay ng mga program coordinators ng PHO ang mga datos, tagumpay, at hamon ng bawat programang pangkalusugan; gayunding ang mga episyenteng estratehiya para sa pagpapabuti ng kabuuang estado ng sektor pangkalusugan sa Bataan.

Ibinahagi rin ng labing dalawang (12) LGUs at apat (4) na district hospitals ng lalawigan ang kanilang mga best practices na isinasagawa sa kani-kanilang mga bayan at institusyon.

Bukod pa rito ay kinilala rin ng Bataan PHO ang mga bayan na nagpakita ng husay at
di matatawarang dedikasyon sa pagkamit ng malusog at ligtas na lalawigan.

Sama-sama tayo sa pagbuo ng produktibo, masaya, at nagtutulungang komunidad para sa matatag na pamilyang Bataeño.


ALAM NIYO BA?Isa sa mga tungkulin ng ating baga ay magbigay ng oxygen sa ating dugo at tisyu sa katawan. Isang malaking ...
26/11/2025

ALAM NIYO BA?
Isa sa mga tungkulin ng ating baga ay magbigay ng oxygen sa ating dugo at tisyu sa katawan. Isang malaking parte ng ating sistema upang maayos na mapagana ang bawat bahagi at organo ng ating katawan. Dahilan upang mas lalo pa nating ingatan at pahalagahan ang ating mga baga.

Kaya naman ngayong Lung Cancer Awareness Month muling paalala ng Bataan Provincial Health Office na:
-Huwag manigarilyo upang sarili at mga mahal sa buhay ay maiiwas sa banta ng cancer

-Iwasan na makalanghap ng usok mula sa sigarilyo ng iba, usok mula sa nasusunog na bagay, at usok mula sa mga sasakyan

-Protektahan ang sarili mula sa mga delikadong kemikal na nakahalo sa hangin; ipinapayo pa rin ang tamang pagsuot ng facemask; at

-Pasiglahin ang inyong baga sa natural na paraan gaya ng regular na pag-eehersisyo at pagkain ng masusustansya

-Magtungo sa pinakamalapit na primary care facility o barangay health station sa inyong lugar sakaling may hindi normal na nararamdaman.

Tandaan, ang cancer na maagang natuklasan ay mas madaling gamutin kumpara sa cancer na umabot na sa malalang yugto.

Sama-sama tayo sa pagkamit ng isang ligtas at smoke-free na komunidad para sa malusog na baga ng bawat miyembro ng pamilyang Bataeño.

ALAM NIYO BA?Ang tema ng World Toilet Day na ipinagdiriwang ngayong araw ay: "Sanitasyon ay pahalagahan, para sa maayos ...
19/11/2025

ALAM NIYO BA?
Ang tema ng World Toilet Day na ipinagdiriwang ngayong araw ay: "Sanitasyon ay pahalagahan, para sa maayos at malusog na pamayanan".

Ang World toilet Day ay ipinagdiriwang tuwing ika-19 ng Nobyembre kada taon, na naglalayong bigyang halaga ang karapatan ng bawat tao sa sanitasyon. Sa tema ng taong ito, nais ipaalala sa publiko na ang kalusugan at kaayusan ng isang komunidad ay hindi lamang responsibilidad ng iisa. Ito ay makakamit sa pagkakaroon ng kooperasyon at kagustuhan ng lahat na gawing ligtas ang pamayanang kanilang sinasakupan.

Ngayong araw, nais ipaalala ng Provincial Health Office na kung ang bawat isa ay gagamit ng maayos na palikuran, at kung ito'y mapananatiling malinis, maiiwasan ang pagkalat ng bacteria at virus mula sa dumi ng tao na maaaring magdulot ng iba't-ibang sakit.

Tandaan, ang kalinisan ay karapatan at obligasyon ng bawat isa. Sama-sama tayo sa pagkamit ng isang maayos, malinis, at ligtas na lalawigan para sa mas matatag na pamilyang Bataeño.


09/11/2025

📢 Pabatid sa Lahat

Ang Arellano Elementary School po ay bukas bilang evacuation center para sa mga apektadong pamilya.

Kung maaari po ay lumikas na agad ang mga nasa delikadong lugar para sa inyong kaligtasan.

🤝 Maraming salamat po sa inyong kooperasyon.
Mag-ingat po tayong lahat. 🙏

MAGING BATAEÑONG HANDA!Sa pagpasok ng Bagyong sa Philippine Area of Responsibility (PAR) ngayong araw ng Sabado, mulin...
09/11/2025

MAGING BATAEÑONG HANDA!

Sa pagpasok ng Bagyong sa Philippine Area of Responsibility (PAR) ngayong araw ng Sabado, muling pinaaalalahanan ng Bataan Provincial Health Office ang lahat na ihanda ang inyong GoBag sakaling kailanganin ang paglikas sa pinakamalapit na evacuation center sa inyong lugar.

Ang GoBag ay dapat madaling bitbitin at naglalaman ng mga pangunahing gamit na kinakailangan sa panahon ng sakuna gaya ng mga sumusunod:
-Mga pagkaing di na kailangang iluto
-Bottled water
-First Aid kit
-Mga gamit panglinis ng katawan
-Mga gamit sa emergency gaya ng flashlight, pito, baterya, radyo, at cellphone

Maging mapagmatyag, maging laging handa, tumutok sa mga anunsyo ng pamahalaan, at makipagtulungan sa otoridad sa panahong kailangang lumikas.

Sama-sama tayo sa pagkamit ng isang ligtas at malusog na komunidad para sa mas matatag na pamliyang Bataeño.


09/11/2025

PAALALA NGAYONG BAGYONG

Ngayong mayroon na namang bagyo, pinaaalalahanan ng Bataan Provincial Health Office ang lahat na iwasan ang mga sakit na gaya ng water-borne diseases, influenza, leptospirosis, at dengue dahil mas malaki ang banta nito sa ating kalusugan ngayong panahon ng bagyo.

-Siguraduhin na malinis at ligtas ang tubig na inyong iniinom at ginagamit; gayundin ang pagkain na inyong kakainin, siguraduhing ito ay maayos na naluto.

-Panatilihing malinis ang katawan; ugaliing maghugas ng kamay gamit ang malinis na tubig at sabon

-Siguraduhing malinis ang kapaligiran at tama ang paraan ng pagtatapon ng basura upang maiwasan ang baha at upang walang pamugaran ang mga lamok at insektong magdudulot ng sakit.

-Ugaliing linisin at i-disinfect ang mga kagamitan sa bahay; itaob ang mga maaaring maipunan ng tubig gaya ng mga bote, gulong, o timbang hindi ginagamit.

-Umiwas sa baha; huwag maglaro, lumusong, o lumangoy sa tubig baha

-Gumamit ng payong, kapote, at bota

-Magpabakuna kontra influenza at hepatitis

-Iwasan ang malapit na pakikipag-usap sa mga taong may sakit, lagnat, ubo at sipon

Umiwas sa komplikasyon, maging maingat, maalam, at mapagmatyag para sa mas matatag na pamilyang Bataeño.


Address

Daan Bilolo
Orion
2102

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 12pm

Telephone

+639267370611

Website

Alerts

Be the first to know and let us send you an email when Daan Bilolo Health Center posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category