Governor Benjamin T. Romualdez General Hospital and Schistosomiasis Center

13/11/2025

𝑾𝒐𝒓𝒍𝒅 𝑷𝒏𝒆𝒖𝒎𝒐𝒏𝒊𝒂 𝑫𝒂𝒚 11/13/25

09/11/2025

𝑮𝑩𝑻𝑹𝑮𝑯𝑺𝑪 𝑷𝑼𝑩𝑳𝑰𝑪 𝑨𝑫𝑽𝑰𝑺𝑶𝑹𝒀 ‼️

03/11/2025

𝗠𝗔𝗚𝗜𝗡𝗚 𝗠𝗔𝗣𝗔𝗡𝗨𝗥𝗜, 𝗛𝗔𝗡𝗗𝗔, 𝗔𝗧 𝗟𝗜𝗚𝗧𝗔𝗦 𝗟𝗔𝗕𝗔𝗡 𝗦𝗔 𝗣𝗔𝗡𝗚𝗔𝗡𝗜𝗕 𝗡𝗔 𝗗𝗨𝗟𝗢𝗧 𝗡𝗚 𝗕𝗔𝗚𝗬𝗢𝗡𝗚 “𝗧𝗜𝗡𝗢”

Public Advisory No. 2025-043 | November 3, 2025

Ayon sa ulat mula PAGASA Visayas PRSD, patuloy ang monitoring sa galaw at sitwasyon ng Bagyong “Tino” na kung saan ito ay inaasahang unang tatama sa kalupaan ng Eastern Visayas. Dahil dito, asahan ang malakas na bugso ng hangin at katamtaman hanggang sa malakas na pag-ulan sa iba’t ibang probinsya ng rehiyon sa mga susunod na oras.

Katuwang ang DOH-Eastern Visayas Center for Health Development (DOH-EVCHD) at iba pang ahensya, pinapaalalahanan ang lahat na maging alerto laban sa mga panganib at sakit dulot ng pagbaha at matinding pag-ulan, tulad ng leptospirosis, cholera, typhoid fever, hepatitis A, influenza-like diseases, malaria, at dengue.

𝗣𝗮𝗿𝗮 𝘀𝗮 𝗶𝗻𝘆𝗼𝗻𝗴 𝗸𝗮𝗹𝗶𝗴𝘁𝗮𝘀𝗮𝗻, 𝗻𝗮𝗿𝗶𝘁𝗼 𝗮𝗻𝗴 𝗺𝗴𝗮 𝗱𝗮𝗽𝗮𝘁 𝘁𝗮𝗻𝗱𝗮𝗮𝗻;
1. Siguraduhing ligtas ang inuming tubig; pakuluan ng 2–5 minuto kung may pagdududa.
2. Lutuing mabuti ang pagkain at ilagay sa mga sealed o covered na lalagyan ang mga tira.
3. Magsuot ng tamang damit upang manatiling tuyo at mainit.
4. Iwasang lumusong sa baha; magsuot ng bota at gloves kung kinakailangan. Ang paglusong sa marumi at kontaminadong tubig o baha ay maaaring mag resulta sa pagkakaroon ng sakit na Leptospirosis.
5. Bantayan nang mabuti ang mga bata at huwag hayaang maglaro sa baha o ulan. Kung saka-sakaling malubog sa baha, agad na maghugas ng kamay at katawan gamit ang sabon at malinis na tubig upang maiwasan ang sakit na leptospirosis.
6. Panatilihing malinis ang katawan at ugaliing maghugas ng kamay bago at pagkatapos kumain.
7. Itapon nang maayos ang basura sa tamang lalagyan.
8. Ihanda ang emergency kit. Ilagay sa isang waterproof container ang malinis na tubig, de-lata, biscuits, mga ready-to-eat na pagkain, flashlight, extrang baterya, at damit.
9. Agad na kumonsulta sa doktor kung makakaranas ng mga sintomas ng impeksyon o sakit.
Patuloy na magbantay sa mga ulat ng panahon sa radyo, TV, o cellphone.
10. Manatiling updated at sundan ang mga abiso mula PAGASA, Municipal/City/Provincial Disaster Risk Reduction and Management Council (M/C/PDRRMC), at DOH-EVCHD.

Manatiling alerto, ligtas, at handa. Tandaan na sa tamang kaalaman at impormasyon, masisiguro ang kalusugan at kaligtasan ng inyong pamilya.

02/11/2025

Ihanda ang inyong Emergency Go Bag!

Sa oras ng bagyo o sakuna, ang Go Bag ang makakasama ninyo para manatiling ligtas.

✔ Pagkain at Tubig
✔ Hygiene Kit at Extra Masks
✔ First Aid Kit at Gamot
✔ Flashlight, Charger, Powerbank, Radyo
✔ Kumot, Jacket, Tsinelas, Kapote

👉 Tandaan: Ihanda ito nang maaga para sa mabilis na paglikas at kaligtasan ng pamilya.

02/11/2025

🌪️ Alamin ang Tropical Cyclone Wind Signals (TCWS)!

Mas mataas ang numero, mas malakas ang hangin at mas malala ang pinsalang maaaring idulot ng bagyo.

🌀 Signal #1 – Banayad na pinsala sa magaang bahay at aktibidad
🌀 Signal #2 – Posibleng pinsala sa mahihinang estruktura at pagkawala ng kuryente
🌀 Signal #3 – Malawakang pinsala at tuloy-tuloy na brownout
🌀 Signal #4 – Matinding pinsala, malawakang pagkawala ng kuryente at panganib kahit nasa loob ng bahay
🌀 Signal #5 – Lubhang mapaminsalang hangin, pagbagsak ng puno, at seryosong panganib sa buhay at ari-arian

📢 Maging alerto, makinig sa abiso ng PAGASA at LGU, at agad na umaksyon kung kinakailangan.

13/10/2025

𝑾𝒐𝒓𝒍𝒅 𝑨𝒓𝒕𝒉𝒓𝒊𝒕𝒊𝒔 𝑫𝒂𝒚 (10-10-25)

02/10/2025

02/10/2025

👶✨ "Nay, Tay, ipa-Newborn Screening n’yo ko ha!"

Tuwing unang linggo ng Oktubre, ipinagdiriwang natin ang National Newborn Screening Week para ipaalala sa mga magulang na ang isang maliit na tusok sa sakong ni baby ay maaaring magdala ng panghabambuhay na kalusugan at saya. 💉➡️❤️

Kayang i-detect ng Newborn Screening ang higit sa 29 na sakit nang maaga. Ito ay LIBRE para sa mga PhilHealth members at available nationwide—kaya wala nang dahilan, Nay at Tay! 🍼

Kaya bago ang unang family selfie o bago i-prepare ang bonggang OOTD ni baby, siguraduhin munang unahin ang kalusugan. 👨‍👩‍👧‍👦 Dahil ang pag-prioritize sa kalusugan ngayon ay magbibigay ng mas maliwanag, mas masaya, at mas malusog na kinabukasan para kay baby. 🌈✨

📌 Magtanong lang sa inyong doktor, midwife, o nurse tungkol dito.

02/10/2025

🚨 MGA DAPAT GAWIN PAGKATAPOS NG LINDOL 🚨

Pagkatapos ng magnitude 6.9 na lindol sa Cebu kagabi, nakapagtala ang PHIVOLCS ng daan-daang aftershock na umabot hanggang 4.8 magnitude. Karamihan sa mga ito ay mahina, ngunit maaari pa ring magdulot ng dagdag na pinsala lalo na sa mga istrukturang humina.

Paalala ng DOH: Maging maingat mula sa aftershocks dulot ng lindol.

🩹 Gamitin ang first aid kit kapag may sugat sa katawan
🏚️ Suriin ang bahay at gamit sa anumang sira, bitak o tagas
⛰️ Iwasan ang mga sirang gusali, nakalaylay na linya ng kuryente, lupang maaaring gumuho at dalampasigan
🎒Ihanda ang Go Bag kung sakaling kailangan lumikas
📢 Bantayan ang anunsyo ng lokal na pamahalaan

Bukas ang National Emergency Hotline 911 kung kinakailangan ng tulong.

Source: https://www.phivolcs.dost.gov.ph/index.php/earthquake/earthquake-information3

02/10/2025

𝑮𝒆𝒏𝒆𝒓𝒊𝒄𝒔 𝑨𝒘𝒂𝒓𝒆𝒏𝒆𝒔𝒔 𝑴𝒐𝒏𝒕𝒉 (9/30/25)