24/09/2025
"Maadios, Saan Na Nga Kaya Tayo patungo?"
Isinilang kang dukha ngunit payapa;
Simpleng buhay, iyong ipinadama,
Mga kabundukan, tila nakakalula;
Luntiang mga dahon, napakasarap sa mata.
Ngunit lumipas ang mga araw;
Maraming mga pagbabago, aking natanglaw,
Paunti-unti, mga tao'y nasisilaw;
Tila mga buwayang nilamon ng bakulaw.
Ano na nga ba ang mas sinasamba?
Ang TANDANG nga ba o ang BARAHA?
Matino nga ba ako kapag nakainom na?
Kaya pa 'pre', nakakatayo pa.
Mga kabataan, ano na nga ba ang nakahiligan?
May makikita pa bang nagpapatintero sa daan?
'PARANG NOTHING HAPPENS', aking napakinggan;
MOBILE LEGENDS na nga ang hilig ng ibang kabataan.
Saan na nga kaya tayo patungo?
Maadios, hangad ko ang mabuting pagbabago;
Nawa'y pagkakaisa makamit sa dulo,
Magsumikap tayo, OO, IKAW AT AKO.
