05/02/2026
kong MAPATAY kag SUSPECTED nga cause of death is RABIES..WALA BALSAMAR, HAMYANG, INSIGIDA LUBONG, AMO IMPORTANTE GID NGA MAGPABAKUNA KONTRA RABIES...---see NEWSโก๏ธโก๏ธโก๏ธโก๏ธ
19-ANYOS NGA BABAE, NGA GINDALI-DALI PALUBONG SA TAPAZ CAPIZ NGA WALA MABALSAMAR, WALA MAMESAHAN KAG WALA MABINDITAHAN; NEGATIVE SA RABIES
TAPAZ CAPIZ- Negatibo sa rabies ang napat*y nga si Joauna Aguilar,19-anyos sang Brgy. San Francisco Tapaz, Capiz
Ine basi sa result sang iya laboratory nga ginpasa sang Western Visayas Medical Center (WVMC) sa metro manila
Konbalikan nga nagpa-interview kag nagreklamo sa Zarraga News LIVE Station ang pamilya ni Joauna Aguilar bangud ginpadulongan sila sang ila mga barangay opisyal upod ang mga naka uniform sang DOH halin sa ila banwa, kag ginpilit nga ipalubong si Aguilar nga Wala mabindisyonan sang pari, kag wala mabinditahan,.wala mabalsamar sang gin dali-dali palubong sang Enero 04,2026 sa Tapaz Capiz
Konbalikan ang interview sang Zarraga News LIVE Station kay Jaymar Aguilar, utod ni Joauna, nga December.27,2025 nagsakit ang tiyan kag pus-on ni Joauna, rason nga gindala nila sa Iloilo Provincial Hospital (IPH) sa Pototan Iloilo
Clear kag wala sang makita ang (IPH) kung ano gid ang ginabatyag ni Joauna. Rason nga gin reffer sila sa Western Visayas Medical Center sa Mandurriao Iloilo City
Didto kag suno sa isa ka doctor kay Jaymar nga ila nga ginatan-aw nga posible, rabies ukon virus ang masakit sang iya utod nga babae
December 27,2025 tubtub Enero 03,2026 natap*y si Joauna sa Western Visayas Medical Center samtang ginabulong
Enero 03,2026 sang gab-i, gindala nanday Jaymar ang ila utod nga napat*y sakay sa taga punerarya papoli sa Tapaz Capiz, kag mga pasado las.5 sang aga sang Enero 04,2026 nag-abot ang mga ine sa Tapaz Capiz deretso sa punerya
Las 6 sang gab-i, Enero 04,2026, nag-abot ang taga DOH sa balay nanday Jaymar nga nagtawag sa ila ang taga Western Visayas Medical Center sa Syudad sang Iloilo nga napat*y si Joauna Aguilar bangud sa posible rabies, rason nga dapat elubong ine gilayon
Nagpangabay pa kontani ang pamilya nga indi anay pag-elubong si Joahna, apang nagpamilit ang taga DOH nga elubong gid ine bisan gab-i na
Bangud sine, napilitan ang pamilya Aguilar nga bisan gab-i na nga mga pasado na las 8 sang gab-i sang Enero 04,2026, upod sa taga DOH, mga barangay opisyal, gindala nila sa patyo kag ginlubong si Joauna
Suno kay Jaymar nga nalooy ine sa iya manghud bangud bisan gab-i na ginpalubong gid ine nga wala man lang mamisahan sang pari, wala mabinditahan, kag wala mabalsamar
Suno kay Jaymar nga paano nga napat*y sa rabies ang iya utod bangud wala man ine nakagat sang ido ukon kuring manlang
Nagapangayo karon sang hustisya ang pamilya Aguilar sa natabo kay Joauna
WATCH: Interview kay Atty. Jinky Jalandoni-Cope, Legal Councel sang Western Visayas Medical Center (MVMC) Mandurriao Iloilo City
https://www.facebook.com/share/v/1MzQjwjXQQ/
