Pasig City Health Promotion

18/01/2026

🐛🐛 JANUARY = DEWORMING MONTH! 🐛🐛

Simulan ang taon nang malusog, masigla, at protektado ang ating mga anak! 💪👧🧒
Ngayong Enero, sama-sama nating tiyakin na walang bulate, walang hadlang sa paglaki, pagkatuto, at lakas ng kabataan.

Ang regular na deworming ay simple, ligtas, at epektibo para sa:

🌱 mas malusog na pangangatawan
📚 mas maayos na pagkatuto sa paaralan
😊 mas aktibo at masiglang araw-araw na Gawain

🚶‍♀️🚶‍♂️ Ang ating mga Pasig Health Aide kasama ang mga Nutritionist at BNS ay kasalukuyang nagsasagawa ng house-to-house visit upang:
✔️ mamimigay ng pampurga (deworming)
✔️ Operation Timbang
✔️ pamamahagi ng Vitamin A supplementation

📍 Maaari rin pong magtungo sa pinakamalapit na health center sa mga hindi mapupurga.

Sama-sama po nating pangalagaan ang kalusugan ng ating mga anak.
Sa deworming, siguradong panalo ang kalusugan! 💚

09/01/2026

🎉 PASIG, LEVEL UP SA KALUSUGAN! 🎉

Tapos na ang unang linggo ng Enero, ngunit bago tayo tuluyang sumulong sa bagong taon, balikan natin ang mga mahahalagang tagumpay na naabot natin noong nakaraang taon.

Alamin ang Top 10 Highlights ng Pasig City Health Department — puno ng saya, puno ng tagumpay, at bunga ng pagkakaisa ng bawat Pasigueño! 💚

Isang taon ng makabuluhang pagbabago, dekalidad na serbisyo, at sama-samang pagkilos para sa kalusugan ng bawat Pasigueño:

🌟 32 Health Centers accredited — mas dekalidad na serbisyo!
🌟 5,135 TB patients, gumaling at tuloy ang buhay!
🌟 17,342 batang nabakunahan — protektado ang kinabukasan!
🌟 3,785 kababaihan (edad 9–14) nabakunahan laban sa cervical cancer!
🌟 Pagpapasinaya ng Food & Water Testing Laboratory — siguradong ligtas ang ating kinakain at iniinom!
🌟 Mas pinagtibay ang Anti-Smoking Ordinance sa mga pampublikong lugar!
🌟 Eusebio High School, kinilala bilang Healthy Learning Institution!
🌟 Most Gender-Responsive Local Department Award — PASIG, PASADO! 💪
🌟 2nd Green Banner of Compliance Award para sa Pasig City Nutrition Committee!
🌟 City Health Department, kinilala bilang isa sa mga TOP PERFORMING OFFICES! 🏆

🎈 Patuloy naming pinalalakas ang mga programa at serbisyong pangkalusugan—para sa isang mas malusog, mas masaya, at mas maunlad na Pasig City. 💚✨

01/01/2026

🔥 Nakapag-init na ba ang lahat?

🎄🍗 Healthy Holidays, mga ka-Pasig! 🎉

Bago isubo ang tirang pagkain, tanong muna
👉 Handa na ba ang ref?
👉 Handa na ba ang kalan?
👉 At pinakaimportante… handa na ba ang tiyan?

📣 Mabilis na paalala bago ang next round ng kain:

✔️ Siguraduhing mainit hanggang loob ang ulam
✔️ Huwag hayaang matagal nakatambay sa mesa ang pagkain
❌ At huwag na huwag gawing “all-you-can-reheat” ang parehong ulam

Para iwas LBM, iwas food poisoning, at iwas holiday drama—siguraduhing ligtas ang pagkain bago sumubo!

👃 May amoy?
🤢 Mukhang panis?
❓ May slime?
➡️ Stop na. Itapon na.

Mas okay nang magtira ng ulam kaysa magka-LB ang buong pamilya

Ngayong Pasko at Bagong Taon,mas masaya ang handaan kapag ligtas ang lahat.Kain nang wais, maging healthy, at enjoy lang ang holidays! ✨

01/01/2026

🎉🎉🎉

30/12/2025

🎄 Ligtas na Pasko, Malusog na Pasigueño 🎄
Paalala sa Kalusugan para sa Buong Pamilya ng Pasig

Mga Pasigueño, sa panahon ng holidays mas madalas ang salu-salo at pagkikita—kasabay din nito ang pagkalat ng mga sakit tulad ng tigdas (measles), trangkaso (flu), at HFMD. Protektahan natin ang mga sanggol, bata, nakatatanda, buntis, may comorbidities, at immunocompromised ngayong Pasko.

🛡️ Iwas-Sakit sa Pakikisalamuha

❌ Iwasan ang paghalik sa mga sanggol, lalo na sa hindi pa bakunado
🧼 Maghugas ng kamay bago humawak o yumakap sa sanggol at bata.
😷 Magsuot ng face mask kung may ubo o sipon, lalo na kapag may kasamang bata, senior citizens, at may karamdaman.
🚫 Kung may rashes ang bata, iwasan munang ilapit sa mga sanggol na hindi pa bakunado.

🩺 Agarang Konsultasyon, Maagang Pag-iingat

🔍 Magpatingin agad sa health center kung may lagnat, ubo, sipon, rashes, o pagsusuka.
🏠 Mag-isolate muna ang may sintomas upang maiwasan ang hawaan sa bahay at komunidad.

💚 Paalala ng Pasig: Ang simpleng pag-iingat ay proteksyon ng buong lungsod.
Ngayong Pasko, piliin ang malasakit—para sa bawat Pasigueño.

22/12/2025

🎄✨ Ligtas na Pasko, Masayang Selebrasyon! ✨🎄

Ang tunay na saya ng Pasko at Bagong Taon ay hindi nasusukat sa ingay o dami ng handa, kundi sa kaligtasan, kalusugan, at pagkakaisa ng pamilya.

Pumili ng masustansiyang pagkain, maglaan ng oras para sa ehersisyo, at iwasan ang labis na pag-inom ng alak upang maiwasan ang disgrasya at sakit.

Sa halip na paputok, subukan ang mga ligtas at masayang alternatibo tulad ng:

🎺 torotot
🎉 party poppers
🎤 sama-samang karaoke

Sa mga simpleng paraan, mas nagiging makabuluhan at masaya ang pagdiriwang kasama ang pamilya at mahal sa buhay.

💚 Magdiwang nang responsable. Magdiwang nang healthy at ligtas—para sa isang masayang Pasko at panibagong simula ng Bagong Taon! ✨🎆

12/12/2025

Ang tigdas o measles ay isang lubhang nakahahawang sakit na maaaring magdulot ng malubhang komplikasyon, lalo na sa mga batang hindi pa nababakunahan.

Sa kasalukuyan, tumataas ang bilang ng mga kaso ng tigdas, kaya mahalagang maging mapanuri at alisto. Narito ang mga karaniwang sintomas na dapat bantayan:

SINTOMAS NG TIGDAS:
* Lagnat
* Pantal sa balat na nagsisimula sa ulo at kumakalat pababa sa katawan
* Ubo at sipon

BAKUNA: Ang Pinakamabisang Proteksyon

Upang maiwasan ang tigdas, sundin ang tamang iskedyul ng pagbabakuna:

* Unang dose: 9 na buwan
* Pangalawang dose: 1 taon

Kasalukuyang nagsasagawa ng Outbreak Response Immunization (ORI) ang Pasig Immunization Program para sa mga batang may edad 6 months - 59 months ( 6 months hanggang 4 na taon at 9 na buwan na gulang) upang matiyak na ligtas at protektado ang mga bata laban sa tigdas.

Para sa mga magulang na abala tuwing weekdays, may bakunahan din tuwing Sabado at Linggo sa ating mga Lying-in Clinics. Libre, ligtas, at epektibo ang bakuna—kaya’t siguraduhin na kumpleto ang bakuna ng inyong mga anak.
Protektahan sila laban sa tigdas. Ipa-bakuna na!

�

Ang tigdas o measles ay isang nakahahawang sakit na maaaring magdulot ng mga malubhang komplikasyon lalo na sa mga kabataan na wala pang bakuna.

SINTOMAS:
> Lagnat
> Pantal sa balat na nagsisimula mula ulo at kakalat pababa ng katawan
> Ubo at sipon

Ang pinaka-epektibong paraan upang maiwasan ito ay sa pamamagitan ng pagpapabakuna sa tamang schedule

· Unang dose: Sa edad na 9 na buwan

· Pangalawang dose: Sa edad na 1 taon

Kung abala sa weekdays, huwag mag-alala! May bakunahan din tuwing Sabado at Lingo sa ating mga Lying-in Clnics. Makakasigurado tayo na ang ating mga bakuna ay libre, ligtas at epektibo. Protektahan ang inyong mga anak laban sa tigdas. Kumpletuhin ang kanilang bakuna!

29/11/2025

Ayon sa datos ng City Epidemiology and Surveillance Unit (CESU), may naitalang 41 na kaso ng Hand Foot and Mouth Disease (HFMD) sa buwan ng Oktubre ngayong taon sa Lungsod ng Pasig. Alamin natin kung ano ang sakit na ito at kung paano ito maiiwasan.

Narito ang ilang mga impormasyon patungkol sa HFMD.

28/11/2025

Ngayon, ating ipinagdiriwang ang 2025 International Men’s Day ✨
Ito ay panahon upang kilalanin at ipagbunyi ang mga kalalakihang nagsisilbing haligi ng tahanan, katuwang ng komunidad, at huwaran ng katatagan sa kabila ng mga hamon ng panahon.

Ang ating mga KATROPA—mga tatay, lolo, kuya, anak, kaibigan, at bawat lalaking may malasakit—ay patunay na ang lakas ay hindi nasusukat sa pisikal na anyo, kundi sa pagmamahal, responsibilidad, at kabutihang ibinabahagi sa kapwa.

Sa araw na ito, nagpapasalamat tayo sa kanilang walang sawang suporta, gabay, at inspirasyon. 🙌💙

👉 Pagpupugay at Pagpapahalaga sa mga Kalalakihan!

24/11/2025

Ngayong buwan ng Nobyembre ay ipinagdiriwang natin ang ika-33rd National Children's Month na may temang "Online Sexual Abuse or Exploitation Materials: Wakasan, Karapatan ng Bata Ipaglaban."

Layunin nito na bigyan ptoteksyon ang mga bata laban sa online exploitation.

Kaugnay nito, marito ang ilang paalala tungkol sa tamang screentime o oras ng panonood ng media para sa mga bata.

21/11/2025

🚲✨ Tara na, mga bata! ✨🚲
Sama-sama nating ipagdiwang ang National Bicycle Day sa isang makulay at masayang Push Bike Activity para sa ating mga munting riders! 🌈💛
Isang pagkakataon ito para matutong mag-balanse, mag-enjoy, at mahalin ang pagba-bike habang ligtas at gabay ang bawat pedal. 👧🧒💨
🗓️ November 22, 2025
📍 Rizal High School

Dalhin ang inyong mga anak at sabay-sabay nating ipagdiwang ang isang mas ligtas, mas aktibo, at mas masayang komunidad! 🚲✨

Para sa mga gustong mag rehistro, i-click ang link:
https://nationalbicycle.org.ph/pbrpasig/

19/11/2025

“Kasabay ng pagdiriwang ng 33rd National Children’s Month, sabay sabay nating alamin ang mga paraan upang maiwasan at maagapan ang Diarrhea o Pagtatae”