Pulilan Municipal Health Office

09/09/2025

IPINABABATID PO SA LAHAT ANG BAGO AT MAS PINAHABANG ORAS AT ARAW NA BUKAS ANG ATING RHU 1.

09/09/2025

BHW TRAINING IN SURVEILLANCE AND GATHERING
September 8, 2025 | Villa Lorenzo Resort, Poblacion, Pulilan, Bulacan

Isinagawa ang isang Orientation at Training hinggil sa mga programa at serbisyo ng PhilHealth Yakap para sa mga Barangay Health Worker (BHW) sa bayan ng Pulilan ngayong araw, Setyembre 8, 2025 sa Villa Lorenzo Resort, Poblacion, Pulilan, Bulacan.

Pinangunahan ang Programa ng Lokal na Pamahalaan at Municipal Health Office ng Pulilan sa pakikipag-ugnayan ng PhilHealth Local Health Insurance Office Malolos.

Layunin ng pagsasanay na palawakin ang kaalaman ng mga BHW sa iba’t ibang benepisyo at serbisyong handog ng PhilHealth upang mas maipaabot ang tamang impormasyon at tulong medikal sa mga mamamayan ng Pulilan.

Itinuturing na mahalagang katuwang ng pamahalaan ang mga BHW sa pagpapatupad ng mga programang pangkalusugan lalo na sa mga barangay, kaya’t binibigyang-diin ang kanilang patuloy na pagsasanay at pagpapalawak ng kaalaman.

21/08/2025

Simula bukas August 6, 2025, 7 DAYS A WEEK na po ang pagbabakuna kontra rabies sa ating Municipal Health Office!

Isang malaking hakbang ito para mas maprotektahan ang ating mga kababayan laban sa rabies. Maraming salamat sa magandang pamumuno ni Dr. Ester Villanueva at sa buong team ng Municipal Health Office.

Gayundin, taos-puso ang pasasalamat sa suporta ng Sangguniang Bayan ng Pulilan sa pangunguna ni Vice Mayor Imee Cruz.

Sama-sama nating isulong ang mas malusog at ligtas na Pulilan! 💉🐶🐱

SCHEDULE:

Monday-Sunday
8am-12 noon

19/08/2025

19/08/2025

FAMILY PLANNING MONTH
PANALO ANG PAMILYANG PLANADO!

07/08/2025

📣📣 📣

Ipinababatid po sa lahat na sa darating na August 31, 2025 ay magkakaroon po tayo ng libreng operasyon na magtatanggal ng mga bukol sa iba't ibang parte ng katawan. Ito po ay isang hakbang ni Mayor Rolando S. Peralta Jr. upang patuloy na pagbutihin ang serbisyong medikal sa ating bayan.

Kung sino man po ang gusto magpatanggal ng bukol, maaari pong pumunta sa RHU 1 sa munisipyo sa darating na Lunes alas dos ng hapon (August 11, 2025 2:00pm) upang kayo ay ma screen. Maraming Salamat po.

29/07/2025

PABATID SA PUBLIKO

Dahil sa masamang panahon at pag-ulan na dulot ng nagdaang bagyo, napilitang ipagpaliban ang nakatakdang bloodletting activity na sana’y isinagawa noong mga nakaraang araw. Kaugnay nito, nais naming ipabatid na ang nasabing aktibidad ay muling itinakda sa darating na Agosto 6, 2025 at ito ay gaganapin sa Robinsons Pulilan.

Lubos po ang aming pasasalamat sa inyong pang-unawa at patuloy na suporta sa National Voluntary Blood Donation Program. Ang inyong paglahok ay hindi lamang isang simpleng donasyon kundi isang malaking tulong sa mga nangangailangan ng dugo sa panahon ng kagipitan.

Inaanyayahan po namin ang lahat na makiisa at makilahok sa programang ito. Muli, maraming salamat po.

Agosto 6, 2025
Robinsons Pulilan
Bloodletting

22/07/2025

Naglibot ang staff ng Municipal Health Office sa pamumuno ni
Dra. Ester Villanueva upang mamigay ng mga gamot na kinakailangan ng mga pamilya na nasa evacuation centers.

22/07/2025

Kung kayo po ay lumusong sa baha, pde po kayo mabigyan ng libreng doxicycline sa mga barangay health centers at sa ating mga RHU.

21/07/2025

16/07/2025

📢 UPDATE: Anti-Rabies Vaccine at Gamot sa Pulilan

Mahal ko pong mga kababayan,

Alam naming may mga nagtatanong kung bakit wala pa tayong anti-rabies vaccine at ilang gamot ngayon. Sagutin na natin nang direkta:

👉 Dumaan po sa proseso — kailangan munang dumaan sa public bidding, alinsunod sa batas.

👉 Bagong halal pa po ang ating Mayor, kaya may inaayos pang mga dokumento at transisyon.

🗓 Naka-schedule na ang bidding sa July 29, 2025.
Pag natapos 'yan at naging maayos ang lahat, makakabili na tayo at makakapag-rollout ng bakuna agad.

Alam namin, mahalaga ito lalo na sa mga may alaga o sa mga nakagat ng hayop. Pero tandaan po natin: Mas mabagal ang tamang proseso — pero ito ang malinis at makatarungan.

🙏 Konting tiis lang po, mga kababayan. Hindi instant, pero siguradong tapat.

Walang shortcut sa maayos na serbisyo. Pero andito po ang inyong lingkod, kasama si Vice Mayor Imee at Bumubuo ng Ika-12 Sangguniang Bayan— nagtatrabaho po para sa inyo.