QMMC Public Health Unit

15/02/2026

𝐈𝐰𝐚𝐬𝐚𝐧 𝐚𝐧𝐠 𝐁𝐢𝐬𝐲𝐨: 𝐍𝐨 𝐭𝐨 𝐘𝐨𝐬𝐢 𝐚𝐭 𝐕𝐚𝐩𝐞 🚭

Ang sigarilyo at v**e ay naglalaman ng ni****ne na maaaring magpataas ng iyong blood pressure. Umiwas din sa mga nagsisigarilyo upang hindi malanghap ang usok nito.

Itapon ang yosi, iwasan ang v**e para sa mas healthy at masayang buhay! 🙅 Ang sigla at lakas mo, wag ipalit sa usok na walang saysay 💨

Para sa dagdag kaalaman, maaaring pumunta sa pinakamalapit na health center sa inyong lugar. 🏥

11/02/2026

𝐓𝐫𝐞𝐚𝐭 𝐲𝐨𝐮𝐫 𝐡𝐞𝐚𝐫𝐭 𝐫𝐢𝐠𝐡𝐭! ❤️

Kumain ng healthy to keep your heart happy.🥗😍
Ngayong Pebrero, ipinagdiriwang ang Buwan ng mga Puso. Ang healthy at balanced diet ay mahalaga upang maiwasan ang sakit sa puso, labis na timbang, at mataas na kolesterol. Maging conscious sa pagkain at tiyaking masustansya ang inihahanda at kinakain ng buong pamilya.

Para sa karagdagang kaalaman, maaaring pumunta sa pinakamalapit na health center sa inyong lugar.
Sama-samang alagaan ang puso para sa mas malusog at masayang pamilya!

11/02/2026

‼️3 DAYS NA LANG, VALENTINES NA! PAALALA NG DOH: SELF-LOVE TO GIVE LOVE‼️
Sa labis na pagmamahal sa iba o maging sa trabaho, minsa’y nakakalimutan na natin ang sarili. Tandaan: ang tunay na self-love ay nasa pagprotekta sa sariling kapayapaan!
Kung magle-leave ngayong Valentine’s Day,
1. Mag-set ng boundaries – magplano nang maayos, at mag-pause muna sa trabaho
2. Mag-unplug – i-off muna ang emails at notifications para magkaroon ng quality time sa sarili
3. Maging present – enjoy the moment, mag-isa man o kasama ang mga mahal sa buhay
💆‍♀️ Mahalin ang sarili. Protektahan ang mental health.

06/02/2026

‼️DOH: MAG-INGAT SA FAKE NEWS TUNGKOL SA NIPAH VIRUS; ALAMIN ANG TAMANG IMPORMASYON‼️

Wala pang naitatala na aktibong kaso ng Nipah Virus sa Pilipinas.

Mahalagang malaman ang tamang impormasyon tungkol sa sakit, kung paano ito kumakalat, ano ang mga sintomas, at paano ito maiiwasan upang maging handa at maprotektahan ang sarili at ang komunidad.

05/02/2026

Magandang araw mula sa Departamentong Pampamilya at Pangkomunidad ng QMMC! 👋

Muli, ang LAHAT po ay iniimbitahan para sa isa na namang araw ng LIBRENG HEALTH SERVICES!
Sa tulong ng Hands for Vitality, ang chiropractic consultations and treatment, ay aming inihanda para sa inyo!

Ito po ay gaganapin sa February 5 (Huwebes), 8:00 AM hanggang 2:00 PM sa 2nd floor - Better World Clinic, #3 20th Ave Brgy San Roque, Cubao, Quezon City. Maaaring mag-register at i-reserve ang inyong slot gamit ang link na ito: https://forms.gle/n5Hp27LZvWmCHDHT9

Sama-sama tayong dumalo at maginhawaan! Kitakits! 😀

Magandang araw mula sa Departamentong Pampamilya at Pangkomunidad ng QMMC! 👋

Muli, ang LAHAT po ay iniimbitahan para sa isa na namang araw ng LIBRENG HEALTH SERVICES!

Sa tulong ng Hands for Vitality, ang chiropractic consultations and treatment, ay aming inihanda para sa inyo!

Ito po ay gaganapin sa February 5 (Huwebes), 8:00 AM hanggang 2:00 PM sa 2nd floor - Better World Clinic, #3 20th Ave Brgy San Roque, Cubao, Quezon City. Maaaring mag-register at i-reserve ang inyong slot gamit ang link na ito: https://forms.gle/n5Hp27LZvWmCHDHT9

Sama-sama tayong dumalo at maginhawaan! Kitakits! 😀

05/02/2026

𝐒𝐚𝐤𝐢𝐭 𝐬𝐚 𝐏𝐮𝐬𝐨: 𝐔𝐧𝐚𝐰𝐚𝐢𝐧 𝐚𝐧𝐠 𝐂𝐨𝐫𝐨𝐧𝐚𝐫𝐲 𝐀𝐫𝐭𝐞𝐫𝐲 𝐃𝐢𝐬𝐞𝐚𝐬𝐞 💝

Ang Coronary Artery Disease (CAD) ay isang kondisyon kung saan ang mga ugat sa puso ay nagiging makitid o barado dahil sa taba at kolesterol. Kung mapabayaan, maaari itong mauwi sa heart attack o atake sa puso.

Tumataas ang tsansang magkaroon ng CAD ang mga:
🔴Obese o may sobrang timbang
🔴Mga naninigarilyo at umiinom ng alak
🔴May diabetes at altapresyon
🔴May mataas na kolesterol at dugo
🔴Matatanda

Paraan upang maiwasan ang pagkakaroon ng CAD:
✅Kumain ng masustansyang pagkain
✅Mag-ehersisyo ng 30-60 minuto araw-araw
✅Huwag mag bisyo (yosi, v**e, at alak)
✅Inumin ang maintenance na gamot ng regular

Tandaan, panatilihing malakas ang puso sa pamamagitan ng malusog na pamumuhay upang maiwasan ang CAD. Dahil sa Bagong Pilipinas, Bawat Buhay Mahalaga!🫶

04/02/2026

‼️DOH: MALI NA MAG-PANIC SA NIPAH VIRUS; TAMANG IMPORMASYON DAPAT IKALAT‼️

Sa kasalukuyan, wala pang naitatala na kaso ng Nipah Virus sa Pilipinas. Panoorin ang video at alamin ang mahalagang kaalaman tungkol sa sakit na ito para handa at ligtas ang buong pamilya.

03/02/2026

‼️ DOH: MAGPADENTISTA 2 BESES KADA TAON PARA SA MAS MATIBAY NA NGIPIN ‼️

Mahalaga ang pagpapadentista mula pagkabata hanggang pagtanda para maiwasan ang pagkasira at mapanatili ang malusog na ngipin.

Libre po ang pagpapakonsulta sa mga PhilHealth-accredited Oral Health Benefit Package providers: https://bit.ly/ListOfAccreditedOralHealthPackageProviders

Isang paalala mula sa DOH ngayong

31/01/2026

31/01/2026

Ang dugo ay isa sa pinakamahalagang bagay sa buhay ng tao. Hindi ito nabibili. Sa bawat patak nito ay may kwento.

Panoorin ang kwento ng malasakit, kung saan ang bawat patak ng dugo ay nagiging pag-asa,
at ang simpleng pagbibigay ay nagiging kabayanihan.

29/01/2026

HEPATITIS ALERT: ORAS NA PARA INGATAN ANG ATAY

Naisagawa ng Health Education and Promotion Officers mula sa QMMC Public Health Unit ang kauna-unahang lay lecture para sa taong ito kaugnay sa paksang “Hepatitis”. Ginanap ito sa BUCAS-Better World Clinic sa Cubao, Lungsod Quezon noong Enero 21, 2026, Miyerkules para sa Batch 1 at Enero 28, 2026, Miyerkules para sa Batch 2.

Ang health education ay naglalayon na paigtingin ang pagpapalawak ng kaalaman tungkol sa sakit na hepatitis at ipaunawa ang kahalagahan ng pag-iingat sa ating mga atay. Sa pamamagitan din ng naisagawang lectures na ito, pinatataas din ang kamalayan ng mga nagsidalong participants sa iba’t ibang uri ng hepatitis, mga taong nanganganib na magkaroon nito, paano nagkakaroon ng sakit na ito, mga sintomas, pag iwas at paggagamot sa hepatitis.

Malaya rin nakapagtanong ang mga dumalong kababaihan. Pinaunlakan sila at matiyagang sinagot ang kanilang mga katanungan nina Dr. Dianne Emmille Orellosa Vanguardia at Dr. Soccoro C. Duque mula sa Department of Family and Community Medicine.
---

*Ang pagkuha ng larawan ay may pahintulot ng mga tagapakinig.

#

29/01/2026

ICYMI : WORLD NEGLECTED TROPICAL DISEASES DAY
MALUSOG NA ATAY, MASAYANG BUHAY
(Liver Cancer & Viral Hepatitis Prevention Month)
GOODBYE BULATE (Gabay sa Deworming Para sa Malusog na Kinabukasan)

Naglunsad ng serye ng Lay Lecture ang mga kinatawan mula sa Department of Family and Community Medicine na ginanap sa OPD OB Ramp na bahagi ng ospital noong ika-16 ng Enero, 2026 (Biyernes). Ang naghandog ng mga dagdag-kaalaman ay sina PGMI Alanis Shania Abian at mga Junior Interns/Clerk mula sa San Beda sa pangagasiwa ni Dr. Socorro Duque. Ito ay sa pakikipagtulungan ng QMMC Public Health Unit.

Ginugunita taun-taon tuwing ika-30 ng Enero ang World Neglected Tropical Diseases Day na naglalayong maitaas ang kamalayan, maipakita ang epekto ng NTDs at palakasin ang suporta para sa kanilang control, pag-aalis at paglipol, alinsunod sa World Health Organization Road Map 2021-2030 at 2022 Kigali Declaration.

Noong Hulyo 2, 2012, itinalaga ang Republic Act 1025 o ang "Liver Cancer and Viral Hepatitis Awareness and Prevention Month" tuwing buwan ng Enero. Layon nito na madagdagan ang kaalaman ng lahat patungkol sa kanser sa atay at sa hepatitis na viral.

Ang deworming ay ang proseso ng pagbibigay ng gamot upang alisin ang bulate sa tiyan ng mga bata. Ayon sa DOH Administrative Order No. 2010-0023, lahat ng batang edad 1-12 taon ay dapat sumailalim sa deworming tuwing Enero at Hulyo ng bawat taon.
---

*Ang pagkuha ng larawan ay may pahintulot ng mga tagapakinig.