13/10/2025
LIBRENG CHEST XRAY SA ALBAY!
Ang aming PTSI-Albay Chest Clinic & Dispensary team ay nasa Albay Astrodome Entrance upang magbigay ng libreng chest x-ray!🩻
Ito ay kabahagi ng aming “Screen all for TB” initiative, kung saan layon nitong matukoy ang mga undiagnosed TB cases sa pamamagitan ng malawakang case finding activities at pag gamit ng makabagong teknolohiya upang agarang matukoy ang TB-positive cases.
Halina’t samahan kami upang puksain ang TB!
𝐋𝐢𝐛𝐫𝐞𝐧𝐠 𝐱-𝐫𝐚𝐲 𝐬𝐜𝐫𝐞𝐞𝐧𝐢𝐧𝐠 𝐩𝐚𝐫𝐚 𝐬𝐚 𝐤𝐚𝐰𝐚𝐧𝐢 𝐧𝐠 𝐤𝐚𝐩𝐢𝐭𝐨𝐥𝐲𝐨, 𝐡𝐚𝐧𝐝𝐨𝐠 𝐧𝐠 𝐏𝐇𝐎, 𝐀𝐥𝐛𝐚𝐲 𝐂𝐡𝐞𝐬𝐭 𝐂𝐥𝐢𝐧𝐢𝐜 & 𝐃𝐢𝐬𝐩𝐞𝐧𝐬𝐚𝐫𝐲
(Legazpi City, October 13, 2025) Kasalukuyang isinasagawa ngayong araw ang libreng x-ray screening para sa mga kawani ng kapitolyo, na handog ng Albay Chest Clinic and Dispensary, sa pakikipagtulungan sa Albay Provincial Health Office (APHO).
Bukod sa mismong diagnostic test, kabilang rin sa mga iaalok na serbisyo ang libreng sputum testing, konsultasyon, at gamot sa tuberculosis (TB) kung kakailanganin.
Layunin ng dalawang araw na free x-ray screening, na nagsimula alas-9 ng umaga, na isulong ang kahalagahan ng kalusugan ng mga empleyado ng Pamahalaang Lokal ng Albay.
Ang naturang serbisyong-medikal ay bahagi rin ng patuloy na pagsusumikap ng Philippine Tuberculosis Society Inc. (PTBSI) katuwang APHO na magkaroon ng early detection, at gamutan sa sakit na TB hindi lamang sa mga komunidad kundi maging sa mga opisina ng gobyerno.
CMDacoro, Albay PIO