Dr.Allen Quirit

22/01/2026

29/10/2025

💉 Alam mo ba kung bakit taon-taon ang flu vaccine at hindi one-time lang?

🧬 Ang influenza virus ay nagbabago (mutate) bawat taon. Kaya’t ang bakuna na epektibo ngayon, maaaring hindi na sapat sa susunod na flu season.

Dahil dito, nire-rekomenda ng WHO at DOH ang annual flu vaccination, lalo na para sa mga:
👶 Bata
👵 Matatanda
💊 May chronic illness
👩‍⚕️ Health workers

💡 Ang flu vaccine ay hindi 100% proteksyon, pero malaki ang naibabawas sa tsansang ma-ospital o magkaroon ng malubhang komplikasyon.

27/10/2025

😷 Napansin mo bang may mga tao na mabilis gumaling sa flu, habang ang iba ay tumatagal ng isang linggo o higit pa?

💡 Ang dahilan: iba-iba ang lakas ng immune system.
Sa mga bata, matatanda, buntis, at may sakit tulad ng diabetes o asthma, mas mabagal ang immune response kaya’t mas matagal labanan ang virus.

🧬 Kapag mabagal ang reaksyon ng katawan, mas maraming cells sa baga ang nasisira — dahilan ng prolonged recovery at mas mataas na risk ng komplikasyon gaya ng pneumonia.

👉 Kaya kumpletuhin ang pahinga, uminom ng sapat na tubig, iwas sa self-medication, at kumonsulta kung hindi bumubuti sa loob ng ilang araw.

24/10/2025

Ang flu o trangkaso ay hindi simpleng sipon lang - lalo na para sa mga high-risk individuals tulad ng:
👶 mga batang edad lima pababa
👵 matatanda
🤰 buntis
💊 may chronic conditions tulad ng diabetes, asthma, o heart disease

💡 Bakit sila delikado? Dahil mas mahina ang resistensya at mas madaling magkaroon ng pneumonia, paglala ng sakit, o respiratory failure.
✔ Maagang check-up at tamang gamutan ay napakahalaga.
✔ At huwag kalimutan: taunang flu vaccine ang pinakamabisang proteksyon.

22/10/2025

🧬 Alam mo ba kung paano ka nagkaka-flu?
Kapag nalanghap mo ang droplets mula sa taong may influenza, pumapasok ang virus sa ilong at lalamunan, dumidikit sa mga cell ng iyong respiratory tract, at doon dumadami.

💥 Resulta: namamaga ang daanan ng hangin, nagkakaroon ng lagnat, pananakit ng katawan, at pagkapagod.
Ang immune response ng katawan ang nagdudulot ng maraming sintomas - senyales na lumalaban ang katawan sa impeksiyon.

17/10/2025

Hindi lahat ng may “flu-like” symptoms ay influenza agad.
👉 Ang flu ay tiyak na dulot ng influenza virus, habang ang ILI ay maaaring ibang virus o bacteria ang sanhi.

💡 Bakit mahalaga ang pagkakaiba?
✔ Sa flu: may bakuna at antiviral treatment (lalo na kung nagsimula sa unang 48 oras).
✔ Sa ILI: depende sa sanhi — maaaring supportive care lang, pero sa high-risk o malubhang kaso, kailangan ng antiviral o mas masusing gamutan.

⚠️ Huwag mag-self medicate. Kumonsulta para sa tamang diagnosis at iwas komplikasyon.

15/10/2025

🌧 Sa panahon ng tag-ulan, mas mabilis kumalat ang flu at iba pang respiratory infections. Kahit bumababa ang bilang ng ILI cases ngayong taon ayon sa DOH, hindi ibig sabihin ligtas na tayo.

Narito ang mga paraan para makaiwas sa influenza at flu-like illnesses:
✔ Magpabakuna kung available
✔ Hugasan ang kamay nang madalas
✔ Takpan ang ilong/bibig kapag umuubo o bumabahing
✔ Iwasan ang hawak-hawak sa mukha
✔ Panatilihing malinis at maaliwalas ang bahay
✔ Magpatingin agad sa doktor kapag matagal ang lagnat o nahihirapan sa paghinga

When to See a Doctor:
- Kapag hindi bumababa ang lagnat >3 araw
- Nahihirapang huminga
- May existing na sakit sa puso, baga, diabetes, o mahinang immune system

Tandaan, prevention is better than cure. Protect yourself and your family!

13/10/2025

Kamakailan, nagsimula nang maglabas ang DOH ng paalala tungkol sa mga kaso ng flu-like illnesses.

Pero iba ang influenza kaysa sa simpleng sipon o ILI.

Influenza ay isang viral infection na nakakaapekto sa ilong, lalamunan, at baga.
ILI (Influenza-Like Illness) naman ay sintomas gaya ng lagnat + ubo + sore throat + iba pa, na pwedeng dulot ng influenza o iba pang virus.

👉 Kaya’t hindi lahat ng may “flu-like” ay influenza.
Kailangan pa rin ng tamang konsultasyon para sa tamang diagnosis at gamutan.

Mahalagang malaman ang pinagkaiba para sa tamang pagresponde.

10/10/2025

⚠️ Alam mo ba ang mga unang palatandaan ng stroke?
Ang stroke ay nangyayari kapag naputol o nabara ang daloy ng dugo sa utak, kaya’t hindi nakakakuha ng oxygen at nutrients ang brain cells.

🧠 Mga sintomas na bantayan:
✔️ Biglaang paglaylay ng mukha (face drooping)
✔️ Panghihina ng braso o binti
✔️ Hirap magsalita o malabo ang pananalita
✔️ Pamamanhid sa kalahating bahagi ng katawan

💡 Tandaan: Kapag may sintomas, agad pumunta sa pinakamalapit na ospital.
👉 Ang mabilis na aksyon ay nakakapagligtas ng buhay.

08/10/2025

🧠 Ang stroke ay hindi pwedeng ipagpaliban. Bawat minuto ay may katumbas na pinsala sa utak.

🔬 Ayon sa pag-aaral:

Kada 1 minuto ng untreated stroke → may ≈1.9 million neurons na namamatay

Katumbas ito ng 3.6 years ng normal na pagtanda ng utak

Mas matagal bago maagapan → mas malaki ang pinsala, mas mataas ang risk ng permanent disability o kamatayan

👉 Kaya’t mahalaga ang mabilis na pagkilala ng sintomas at agarang pagpunta sa ospital.


📖 Sources: Saver JL, Stroke. 2006;37:263–266 | World Stroke Organization

06/10/2025

🧠 Ang stroke ay isang seryosong kondisyon na nangyayari kapag naputol ang daloy ng dugo sa utak. Kapag walang oxygen at sustansya, nasasira o namamatay ang brain cells sa loob ng ilang minuto.

👉 Dalawang pangunahing uri ng stroke:
1️⃣ Ischemic stroke – sanhi ng bara sa ugat (≈65% ng kaso sa buong mundo)
2️⃣ Hemorrhagic stroke – sanhi ng pagputok ng ugat at pagdurugo sa utak (≈35% ng kaso)

⚠️ Tandaan: Stroke = medical emergency. Mas mabilis na aksyon, mas mataas ang tsansang makaligtas at makarekober.


📖 Source: Global Stroke Fact Sheet 2025 (World Stroke Organization) | WHO Stroke Factsheet

03/10/2025

🔬 Tuloy-tuloy na mataas ang BP? Unti-unting sinisira ang ugat:
1️⃣ Nasusugatan ang lining
2️⃣ Kumakapit ang taba at cholesterol → plaque buildup
3️⃣ Nagiging makitid at matigas ang arteries (atherosclerosis)

💥 Delikado sa puso, utak, at kidneys.

💡 Kaya kung may high blood pressure, kontrolin agad sa pamamagitan ng tamang lifestyle at gamutan.