QC Kabahagi Center for Children with Disabilities

03/12/2025

🌍💙 THERAFREE sa KABAHAGI ngayong International Day of Persons with Disability✨

Bilang pakikiisa sa International Day of Persons with Disability, matagumpay nating naidaos ang Pamaskong TheraFREE sa Kabahagi nitong Disyembre 3, 2025. Nabigyan ng angkop na 79 therapy home programs ang 72 batang Kabahagi sa tulong ng ating mga volunteer therapists at service learners. Maraming maraming salamat sa UP CAMP Alumni Association para sa kanilang programang TheraFree na naglalayong makapag-abot ng libreng therapy sa bawat Pilipinong nangangailangan nito.

Lubos ang aming pasasalamat sa inyong oras, malasakit, at dedikasyon para maitaguyod ang serbisyong may puso para sa lahat ng batang Kabahagi. ❤️💫

Maraming salamat sa patuloy na suporta at pakikiisa para sa inklusibong lipunan. 🙌✨

02/12/2025

𝐁𝐚𝐭𝐚𝐧𝐠 𝐊𝐚𝐛𝐚𝐡𝐚𝐠𝐢, 𝐁𝐢𝐝𝐚 𝐬𝐚 𝐏𝐚𝐥𝐚𝐫𝐨𝐧𝐠 𝐏𝐢𝐧𝐨𝐲!

3️⃣0️⃣ na 𝘽𝙖𝙩𝙖𝙣𝙜 𝙆𝙖𝙗𝙖𝙝𝙖𝙜𝙞 ang nagpakitang-gilas sa ating Palarong Pinoy ngayong araw! Napuno ang umaga ng tawanan, mga ngiti, at bagong pagkakaibigan mula sa mga laro gaya ng piko, tumbang preso, pabitin at marami pang iba! 😄✨

Maraming salamat sa lahat ng nakisaya! ❤️💙

27/11/2025

Pansamantalang sarado ang tanggapan ng aming opisina sa araw ng Nobyembre 28, 2025, para sa Annual Seminar at Team Building.

Magbabalik ang regular na operasyon ng opisina sa Disyembre 1, 2025.

27/11/2025

🔔 𝐖𝐄𝐁𝐈𝐍𝐀𝐑 𝐀𝐋𝐄𝐑𝐓! 𝐇𝐚𝐧𝐝𝐚 𝐧𝐚 𝐛𝐚 𝐤𝐚𝐲𝐨? 🤗💻⁣
⁣
Samahan kami sa “𝐃𝐢𝐠𝐢𝐭𝐚𝐥 𝐒𝐚𝐟𝐞𝐭𝐲 𝐟𝐨𝐫 𝐄𝐯𝐞𝐫𝐲 𝐂𝐡𝐢𝐥𝐝: 𝐆𝐮𝐢𝐝𝐢𝐧𝐠 𝐂𝐚𝐫𝐞𝐠𝐢𝐯𝐞𝐫𝐬 𝐨𝐟 𝐂𝐖𝐃𝐬 𝐢𝐧 𝐭𝐡𝐞 𝐎𝐧𝐥𝐢𝐧𝐞 𝐖𝐨𝐫𝐥𝐝” — isang libreng webinar na tutulong sa inyo na mas maunawaan kung paano mapapanatili ang kaligtasan ng mga bata sa digital space. 🌐🛡️⁣
⁣
📅 𝐃𝐞𝐜𝐞𝐦𝐛𝐞𝐫 𝟑, 𝟐𝟎𝟐𝟓⁣
⏰ 𝟐:𝟎𝟎 𝐏𝐌⁣
📍 𝐅𝐚𝐜𝐞𝐛𝐨𝐨𝐤 𝐋𝐢𝐯𝐞⁣
⁣
Makakasama natin si 𝐓𝐞𝐚𝐜𝐡𝐞𝐫 𝐊𝐢𝐦 𝐃𝐚𝐧𝐞𝐥𝐥𝐚 𝐆𝐨-𝐒𝐚𝐧𝐭𝐨𝐬 na magbabahagi ng mahahalagang kaalaman at praktikal na tips para sa mas ligtas at mas inklusibong online experience ng ating mga anak. 💙⁣
⁣
👉 Huwag palampasin! Lahat ay maaaring makilahok. 💗⁣
⁣
𝐉𝐎𝐈𝐍 𝐔𝐒 𝐯𝐢𝐚 𝐅𝐚𝐜𝐞𝐛𝐨𝐨𝐤 𝐋𝐢𝐯𝐞 𝐬𝐚 𝐝𝐚𝐫𝐚𝐭𝐢𝐧𝐠 𝐧𝐚 𝐌𝐢𝐲𝐞𝐫𝐤𝐮𝐥𝐞𝐬, 𝐃𝐞𝐜𝐞𝐦𝐛𝐞𝐫 𝟑, 𝟐𝟎𝟐𝟓, 𝐬𝐚 𝐠𝐚𝐧𝐚𝐩 𝐧𝐚 𝟐:𝟎𝟎 𝐧𝐠 𝐡𝐚𝐩𝐨𝐧!⁣

𝐊𝐢𝐭𝐚-𝐤𝐢𝐭𝐬, 𝐦𝐠𝐚 𝐊𝐚𝐛𝐚𝐡𝐚𝐠𝐢! 💗
⁣

24/11/2025

𝐁𝐚𝐭𝐚𝐧𝐠 𝐊𝐚𝐛𝐚𝐡𝐚𝐠𝐢, 𝐒𝐚𝐦𝐚-𝐒𝐚𝐦𝐚𝐧𝐠 𝐏𝐢𝐧𝐨𝐩𝐫𝐨𝐭𝐞𝐤𝐭𝐚𝐡𝐚𝐧!

5️⃣9️⃣ 𝙣𝙖 𝘽𝙖𝙩𝙖𝙣𝙜 𝙆𝙖𝙗𝙖𝙝𝙖𝙜𝙞, kasama ang kanilang mga magulang, ang dumalo at nakibahagi sa 𝘽𝙖𝙩𝙖𝙣𝙜 𝙈𝙖𝙮 𝙇𝙖𝙗𝙖𝙣: 𝘼𝙗𝙪𝙨𝙚 𝘼𝙬𝙖𝙧𝙚𝙣𝙚𝙨𝙨 𝙖𝙣𝙙 𝙋𝙧𝙚𝙫𝙚𝙣𝙩𝙞𝙤𝙣 𝙎𝙚𝙢𝙞𝙣𝙖𝙧 nitong Biyernes, Nobyembre 21.

Layunin ng session na palakasin ang ating kaalaman sa child protection, lalo para sa ating mga CWDs (Children with Disabilities), upang maprotektahan sila laban sa iba’t ibang uri ng pang-aabuso at pananamantala, maging online man o sa komunidad.

Tinalakay din ang mga mahahalagang batas tulad ng RA 7610 (Anti-Child Abuse Law) at RA 11930 (Anti-Online Sexual Abuse and Exploitation of Children Law) upang mas maintindihan natin ang dahilan at tamang paraan ng pagre-report.

Samantala, ang mga bata ay natuto tungkol sa safe at unsafe touches gamit ang traffic light at body mapping activity, na tumulong upang mas matukoy nila kung ano ang nakakabuting sitwasyon at alin ang hindi.

𝙈𝙖𝙧𝙖𝙢𝙞𝙣𝙜 𝙨𝙖𝙡𝙖𝙢𝙖𝙩 𝙨𝙖 𝙡𝙖𝙝𝙖𝙩 𝙣𝙜 𝙙𝙪𝙢𝙖𝙡𝙤 𝙖𝙩 𝙣𝙖𝙠𝙞𝙞𝙨𝙖! ✨
𝙎𝙖𝙢𝙖-𝙨𝙖𝙢𝙖 𝙩𝙖𝙮𝙤𝙣𝙜 𝙢𝙖𝙜𝙞𝙣𝙜 𝙢𝙖𝙩𝙖𝙩𝙖𝙜 𝙣𝙖 𝙩𝙖𝙜𝙖𝙥𝙖𝙜𝙩𝙖𝙜𝙪𝙮𝙤𝙙 𝙥𝙖𝙧𝙖 𝙨𝙖 𝙠𝙖𝙡𝙞𝙜𝙩𝙖𝙨𝙖𝙣 𝙣𝙜 𝙖𝙩𝙞𝙣𝙜 𝙢𝙜𝙖 𝙖𝙣𝙖𝙠 ❤️💙

19/11/2025

𝐎𝐧𝐥𝐢𝐧𝐞 𝐒𝐞𝐱𝐮𝐚𝐥 𝐀𝐛𝐮𝐬𝐞 𝐨𝐫 𝐄𝐱𝐩𝐥𝐨𝐢𝐭𝐚𝐭𝐢𝐨𝐧 𝐨𝐟 𝐂𝐡𝐢𝐥𝐝𝐫𝐞𝐧 (𝐎𝐒𝐀𝐄𝐂)–𝐂𝐡𝐢𝐥𝐝 𝐒𝐞𝐱𝐮𝐚𝐥 𝐀𝐛𝐮𝐬𝐞 𝐨𝐫 𝐄𝐱𝐩𝐥𝐨𝐢𝐭𝐚𝐭𝐢𝐨𝐧 𝐌𝐚𝐭𝐞𝐫𝐢𝐚𝐥𝐬 (𝐂𝐒𝐀𝐄𝐌) 𝐖𝐀𝐊𝐀𝐒𝐀𝐍: 𝐊𝐚𝐥𝐢𝐠𝐭𝐚𝐬𝐚𝐧 𝐚𝐭 𝐊𝐚𝐫𝐚𝐩𝐚𝐭𝐚𝐧 𝐧𝐠 𝐁𝐚𝐭𝐚, 𝐈𝐩𝐚𝐠𝐥𝐚𝐛𝐚𝐧!

Bilang bahagi ng pagdiriwang ng 𝙉𝙖𝙩𝙞𝙤𝙣𝙖𝙡 𝘾𝙝𝙞𝙡𝙙𝙧𝙚𝙣’𝙨 𝙈𝙤𝙣𝙩𝙝, nais naming marinig ang 🗣️ 𝙗𝙤𝙨𝙚𝙨 𝙣𝙜 𝙢𝙜𝙖 𝙌𝘾𝙞𝙩𝙞𝙯𝙚𝙣𝙨, 𝙡𝙖𝙡𝙤 𝙣𝙖 𝙣𝙜 𝙖𝙩𝙞𝙣𝙜 𝙢𝙜𝙖 𝙢𝙖𝙜𝙪𝙡𝙖𝙣𝙜 ng batang may kapansanan. Narito ang isang tanong na sama-sama nating pag-nilayan.

💬 𝙄-𝙨𝙝𝙖𝙧𝙚 𝙖𝙣𝙜 𝙞𝙣𝙮𝙤𝙣𝙜 𝙢𝙜𝙖 𝙨𝙖𝙜𝙤𝙩 𝙨𝙖 𝙘𝙤𝙢𝙢𝙚𝙣𝙩𝙨 𝙨𝙚𝙘𝙩𝙞𝙤𝙣!
Pipili kami ng ilang sagot na mafea-feature sa ating page upang maipakita ang inyong mahahalagang pananaw bilang mga magulang.

🎁 𝘼𝙣𝙜 𝙞𝙡𝙖𝙣 𝙨𝙖 𝙢𝙜𝙖 𝙢𝙖𝙥𝙞𝙥𝙞𝙡𝙞𝙣𝙜 𝙘𝙤𝙢𝙢𝙚𝙣𝙩𝙚𝙧𝙨 𝙖𝙮 𝙢𝙖𝙣𝙖𝙣𝙖𝙡𝙤 𝙣𝙜 𝙞𝙨𝙖𝙣𝙜 𝙚𝙨𝙥𝙚𝙨𝙮𝙖𝙡 𝙣𝙖 𝙧𝙚𝙜𝙖𝙡𝙤 𝙢𝙪𝙡𝙖 𝙨𝙖 𝙖𝙢𝙞𝙣

Sama-sama nating itaguyod ang isang ligtas, inklusibo, at makataong komunidad para sa lahat ng bata ❤️💙

12/11/2025

Pagtutulungan para sa Makabagong Kinabukasan!

Nagsama-sama ang mga social entrepreneurs, opisyal ng pamahalaan, private organizations, NGOs, at mga paaralan sa 2025 Philippine Social Enterprise Roadmap Conference na ginanap noong Nov 5-7 sa QC M.I.C.E. Center.

Sa temang “Technology Innovations in Social Enterprise and the Social and Solidarity Economy for the SDGs,” layon ng conference na maibida ang mga makabagong teknolohiyang magpapaunlad pa sa mga social enterprises at sa buong sektor ng Social Solidarity Economy.

Sa tulong ng QC Kabahagi Center, nakilahok ang mga SEs ng Kabahagi Parent Advocates Organization (KPAO) - Mother’s Touch Digital Printing Services, Sendi Candles and Scents, Warrior Soap, at Kwality Rice - bilang mga exhibitors at participants sa conference. Ibinahagi nila ang kanilang mga produkto - scented candles, perfumes, sabon, bigas, at sari-saring gawang-kamay.

Pinagtibay ng SE Roadmap Conference ang panawagan para patuloy na pagtutulungan tungo sa mas inklusibo kaunlaran.

12/11/2025

Dumalo sa ginanap na CHAMP Inter-Barangay Collaboration Fest na ginananap sa Camp General Tomas B. Karingal, Sikatuna Village, Quezon City noong October 30, 2025 ang labing pitong (17) batang Kabahagi upang sumabak sa mga inihandang palarong pinoy tulad ng sipa, patintero, basag palayok, bato-bato pick, sack race, agawan panyo, kadang-kadang, puzzle, atbp.

Layunin ng aktibidad na panatilihin sa mga kabataan ang mga larong pinoy at maibaling ang kanilang atensyon mula sa teknolohiya at maging aktibo para sa mas malusog na pangangatawan at isipan.

Ito ay inihanda ng Barangay and Community Relations Department (BCRD) sa pagdiriwang ng 33rd National Children's Month 2025 na may temang
"OSAEC-CSAEM Wakasan: Kaligatasan at Karapatan ng Bata Ipaglaban!"

09/11/2025

OFFICIAL ADVISORY

Alinsunod sa rekomendasyon ng National Disaster Risk Reduction and Management Council (NDRRMC) at dahil sa inaasahang matinding epekto ng Super Bagyong “Uwan”, suspendido ang trabaho sa lahat ng tanggapan ng pamahalaan sa rehiyon ng National Capital Region (NCR) sa Nobyembre 10, 2025.

Mahigpit na pinapayuhan ang publiko na maging mapagmatyag at handa, at patuloy na subaybayan ang mga opisyal na anunsyo mula sa PAGASA, NDRRMC, at sa Lokal na Pamahalaan ng Quezon City para sa mga pinakahuling impormasyon at abiso kaugnay ng Super Bagyong “Uwan.”

Mag-ingat po tayong lahat!

09/11/2025

📢 PAALALA MULA SA KABAHAGI COMMUNITY:
Dahil sa patuloy na banta ng Super Typhoon , hinihikayat po ang lahat na maghanda at maging alerto. 🌧️💨

✅ Maghanda ng Go Bag na naglalaman ng mga sumusunod:
- Tubig at pagkain na hindi madaling masira
- Mga pangangailangan ng ating mga CWDs (laruan, gamot, o anumang gamit na makakatulong sa pag-regulate ng kanilang nararamdaman)
- First aid kit at mga gamot
- Flashlight, extra batteries, at power bank
- Extra na damit, hygiene kit, at face masks
- Mahahalagang dokumento (birth certificates, IDs, etc.)

✅ Alamin ang mga evacuation areas sa inyong barangay.
✅ Agad na lumikas kung kayo ay nakatira sa low-lying o flood-prone areas.
✅ I-secure ang mga gamit at mahalagang dokumento sa ligtas na lugar.
✅ Maging updated sa mga lokal na anunsyo at weather updates
✅ I-save ang mga contact details ng mga pangunahing emergency at hotlines pati na rin ang mga emergency numbers sa inyong respective barangays bago pa mawalan ng kuryente o internet sa inyong mga tahanan

📞 QC Helpline: Dial 122
📞 Quezon City Disaster Risk Reduction and Management Office (QCDRRMO)
📱 Landline: (02) 8988-4242 loc. 7245
📱 Globe: 0977-031-2892
📱 Smart: 0947-885-9929
📞 Emergency Medical Services / Search & Rescue (QCDRRMO)
📱 Smart: 0947-884-7498
☎️ Landline: (02) 8928-4396
📞Quezon City Police District (QCPD)
📱 Hotline: (02) 8920-8613
📱 Globe: 0917-891-3373
📞 Bureau of Fire Protection – Quezon City
(02) 8426-0219 / 8426-3812
📞 District 1 Action Office: 09460172013
📞 District 2 Action Office: 09279433520
📞 District 3 Action Office: 09674460888
📞 District 4 Action Office: 09052408999
📞 District 5 Action Office: 09204841219
📞 District 6 Action Office: 09228253283

National Emergency Hotlines:
📞 Nationwide Emergency Hotline: Dial 911
📞 Philippine Red Cross
📱 Dial 143 (for rescue, first aid, blood requests, etc.)
📞 NDRRMC (National Disaster Risk Reduction and Management Council)
☎️ (02) 8911-5061 to 65 (Trunkline)
☎️ (02) 8911-1406 / (02) 8912-2665 / (02) 8912-5668

Para sa iba pang concerns, maaari kayong magpadala ng mensahe sa QC Kabahagi Center FB page o sa inyong mga Kabahagi group chats.

🙏 Sama-sama tayong manalangin para sa kaligtasan ng lahat. Ingat po tayong lahat, mga Kabahagi! 💙

𝐖𝐄𝐀𝐓𝐇𝐄𝐑 𝐈𝐍𝐅𝐎𝐑𝐌𝐀𝐓𝐈𝐎𝐍 #9:
Napanatili ng Super Typhoon “UWAN” ang lakas nito habang patuloy na umiiral ang malubhang sitwasyon sa Bicol Region.

𝗠𝗚𝗔 𝗗𝗔𝗣𝗔𝗧 𝗔𝗦𝗔𝗛𝗔𝗡:
Super Typhoon “UWAN”

Ang sentro ng Super Typhoon UWAN ay huling namataan sa katubigan ng Pandan, Catanduanes. Ito ay may lakas ng hangin na umaabot sa 185 km kada oras malapit sa gitna at may pagbugso na aabot sa 230 km kada oras. Ito ay kumikilos pa-kanluran hilagang kanluran sa bilis na 30 km bawat oras.

Inaasahang kikilos ang Bagyong UWAN pa-kanluran hilagang-kanluran sa susunod na 24 oras. Ayon sa forecast track nito, ang sentro ng UWAN ay patuloy na dadaan sa katubigan ng Catanduanes ngayong umaga at dadaan malapit sa Calaguas at Polillo Island ngayong hapon, bago ito maglandfall sa gitnang Aurora mamayang gabi o bukas ng madaling araw. Maaari pa rin itong maglandfall bilang Super Typhoon o bilang malakas na Typhoon, at bagama’t hihina ito habang binabaybay ang bulubunduking bahagi ng Northern Luzon, mananatili ito sa Typhoon category hanggang lumabas sa katubigan ng Pangasinan o La Union bukas nang umaga.

𝗦𝗢𝗨𝗥𝗖𝗘: DOST-PAGASA Tropical Cyclone Advisory #10

𝐄𝐏𝐄𝐊𝐓𝐎 𝐒𝐀 𝐐𝐔𝐄𝐙𝐎𝐍 𝐂𝐈𝐓𝐘:
Ngayong araw, nakararanas na ng pag-ulan at hangin dulot ng bagyong UWAN sa Quezon City. Nakataas pa rin ang Signal No. 3 sa buong Metro Manila.

Gayunpaman, patuloy ang pagmo-monitor ng QCDRRMO.

03/11/2025

🏰💫 𝗞𝗔𝗕𝗢𝗢𝗛𝗔𝗚𝗜 𝟮𝟬𝟮𝟱: 𝗔𝘃𝗶𝘀𝗮𝗹𝗮 𝗺𝘂𝗹𝗮 𝘀𝗮 𝗞𝗮𝗵𝗮𝗿𝗶𝗮𝗻 𝗻𝗴 𝗔𝗱𝗮𝗺𝘆𝗮, 𝗟𝗶𝗿𝗲𝗼, 𝗛𝗮𝘁𝗵𝗼𝗿𝗶𝗮, 𝗮𝘁 𝗦𝗮𝗽𝗶𝗿𝗼! ⚔️👑

Isang araw ng mahika, kulay, at pagkakaisa sa pagitan ng mga kaharian ng Lireo 🌀, Adamya 💧, Hathoria 🔥, at Sapiro 🍃!

Pinangunahan ng ating mga October service learners ang mga booth na puno ng saya at creativity! 🎨🎯 Mula sa mga mandirigmang taga-Hathoria hanggang sa mga diwata ng Lireo at mga tagapangalaga ng Sapiro at Adamya, bawat bata ay nakiisa sa mga laro at gawaing nagdala ng tuwang walang kapantay! 🧚‍♀️💫

💖 Maraming salamat din kay Councilor Atty. Tope Liquigan ang Chairperson ng City Council Committee on Child's Welfare, sa pagpapahiram ng mga game at arcade booths na tiyak na nag-enjoy ang mga bata! 🕹️🎉

Isang karanasang tunay na nakaka-excite sa ganda at saya ng Encantadia at isang na namang magical na Ka-Boo-Hagi ang di natin malilimutan! ✨🌈