02/02/2026
HOROSCOPE FOR TODAY
February 2, 2026
Aries
(March 21 - April 19)
Marami ng nawala sa iyong buhay, pero hindi ka bumitaw. Natuto ka pang magpasasalamat dahil nakayanan mo ang lahat. Ganyan talaga ang may positibong pananaw sa buhay, kayang magpatuloy kahit galing sa lungkot at kabiguan. Mas nagiging magaan ang puso at mas malinaw ang isipan, kapag nakafocus ka pa din sa magagandang bagay.
Lucky number: 17, 45, 18
Lucky color: green, black
Ta**us
(April 20 - May 20)
May mga bagay sa buhay na kailangan mong panindigan. Kapag tinanggap mo ang sitwasyon, hindi mo na pwedeng talikuran. Kaya kung hindi ka handa sa mga responsibilidad, huwag mo ng panghimasukan.
Lucky number: 18, 22, 10
Lucky color: beige, violet
Gemini
(May 21 - June 20)
Hindi lahat ng pagkakamali ay kabiguan. May mga aral at biyaya itong kasama para makita mo ang tama. Kung hindi ka magkakamali, hindi ka matututo. Lakasan mo na lang ang loob mo dahil sa bawat hindi magandang pangyayari ay meron din magandang epekto.
Lucky number: 44, 30, 29
Lucky color: light green, white
Cancer
(June 21 - July 22)
Kahit nahihirapan ka sa mga bagay, umasa kang magagawan mo ito ng paraan. Hanggat handa kang kumilos at humanap ng solusyon, ikaw ay magtatagumpay. Walang imposible, basta magtiwala ka sa sarili.
Lucky number: 16, 23, 42
Lucky color: red, pink
Leo
(July 23 - August 22)
Ang pananaw mo ang humuhubog sa iyong realidad. Kaya piliin mong makita ang kagandahan kahit sa simpleng bagay, para magbigay ito ng inspirasyon sa iyong araw. Kapag naaappreciate mo ang mga bagay, mararamdaman mong gumaganda din ang iyong buhay.
Lucky number: 18, 46, 12
Lucky color: orange, violet
Virgo
(August 23 - September 22)
Hindi palaging masaya at hindi palaging problema. Nasa iyong pagdadala ang mga resulta, kaya huwag isipin na ang buhay ay nasa isang anggulo lang. Kapag marunong kang bumalanse sa mga nangyayari, hindi ka lulubog. Magiging safe ka sa iyong kinalalagyan dahil hindi ka madaling maaapektuhan.
Lucky number: 5, 29, 32
Lucky color: beige, yellow
Libra
(September 23 - October 22)
May hamon kang kahaharapin na hindi mo mapipigilan. Mahaharap mo ng may kaayusan dahil ito ang magbubukas ng bagong kabanata sa iyong buhay. Huwag mong katakutan ang mga pagsubok, dahil ito ang magbibigay sa iyo ng tibay ng loob.
Lucky number: 26, 12, 6
Lucky color: orange, white
Scorpio
(October 23 - November 21)
Ang sakripisyong ginagawa mo sa kasalukuyan ay ang magiging pundasyon mo sa masaganang bukas. Hindi man madali ang lahat, kapag hindi mo sinukuan ang hirap, magiging matamis ang iyong tagumpay.
Lucky number: 17, 24, 8
Lucky color: purple, maroon
Sagittarius
(November 22 - December 21)
Ang mga karanasan mo, mabuti man o masakit ay maaaring humubog sa iyo, pero hindi nila kayang wasakin ang tunay mong pagkatao. Ikaw pa rin ang may kontrol kung paano ka lalakas mula sa mga ito, kaya huwag magpatalo. Lahat ng tao ay may hindi magandang nakaraan, pero hindi iyong pwdeng gawin dahilan para hindi na umusad.
Lucky number: 8, 15, 34
Lucky color: indigo, maroon
Capricorn
(December 22 - January 19)
Kapag hindi malinaw ang direksyon, huwag pilitin ang kontrol. Mas gumagaan ang landas kapag pinili mong magtiwala sa Panginoon. May dahilan kung bakit naaantala ang mga bagay at hindi lahat ng iyon ay kailangan mong ipilit ngayon.
Lucky number: 22, 45, 19
Lucky color: violet, black
Aquarius
(January 20 - February 18)
May mga responsibilidad at problema ay tila walang katapusan, pero ang pagpapatuloy mo ang naglilinis ng landas patungo sa mas magaan na bukas. Isang hakbang lang ngayon ay sapat na para magpatuloy ka sa pangarap.
Lucky number: 35, 45, 18
Lucky color: yellow, beige
Pisces
(February 19 - March 20)
Huwag mong pasanin lahat ng mag-isa kung meron ka naman kasama. Ngayon ay paalala na ang lakas ay mas makapangyarihan kapag pinagsama sama. Hindi pwedeng ikaw lang ang kumikilos habang lahat ay nakikinabang.
Lucky number: 7, 12, 45
Lucky color: brown, silver
