SJDH Occidental Mindoro

30/10/2025

28/10/2025

21/10/2025

𝐏𝐀𝐆𝐋𝐈𝐋𝐈𝐍𝐀𝐖 𝐒𝐀 𝐏𝐔𝐁𝐋𝐈𝐊𝐎

October 21, 2025

Ang pahayag pong ito ay kaugnay sa isang facebook post na kumakalat sa social media upang bigyang linaw ang mga bagay na ipinaparatang sa institusyong ito.

Kaugnay nito, alinsunod sa polisiya ng ospital sa oras ng pag-a-admit sa pasyente, masugid pong ipinapaliwanag ng ER Doctors at staff ang kalagayan ng pasyente bago pa lamang i-admit ang pasyente, masusi din pong ginagawa ang mga kinakailangang diagnostic test, sa lahat ng pasyenteng nangangailangan ng atensyong medikal. Sa katunayan agad pong naisagawa ang blood test ng bata at nakita na sobrang taas ng impeksyon sa dugo.
Salungat sa paratang na pagbibigay o pagtuturok ng mga gamot, masususi pong pinag-aaralan ng Doctor ang lahat ng gamot na ibinibigay sa pasyente base sa mga eksaminasyong isinagawa at sintomas na mayroon sa pasyente alinsunod sa polisiya ng ospital.
Base sa mga testamento at Chart documents ng mga staff at mga doctors, ang pasyente ay natutukang mabuti, na-monitor, naibigay ang tama at kumpletong atensyong medikal at bed side care. Naipaliwanag at naabisuhan po ng mabuti ang nanay at lola ng pasyente hinggil sa kondisyon nito, salungat sa kanilang paratang. Nagsagawa rin ng reassessment ang Pediatrician na nakatalaga sa araw nang ito’y nasa ward.

Kaakibat nito, ang pamunuan ng San Jose District Hospital ay nagpursigi na magsagawa ng paunang pag-uusap sa pagitan ng mga kaanak ng pasyente at mga staff on duty, kasama ang mga doctor na nakahawak sa naturang pasyente. Base po sa buod ng pag-uusap, napag-alaman namin na ilang linggo na ring may sakit at nilalagnat, wala ding konsultasyong ginawa nang panahon ding yon bago pa nila dinala sa SJDH. Mariin po naming pinabubulaanan ang mga paratang na kapabayaan na binabato sa aming mga staff at sa San Jose District Hospital. Lahat po ng nararapat na management na pwede naming maibigay ay naibigay po namin ayon sa kakayanan ng aming institution na level 1-100 bed capacity.

Ang pamunuan ng San Jose District Hospital ay taos-pusong nagseserbisyo ng mas higit pa para makatulong sa pagpapagaling ng aming mga pasyente sa abot ng aming makakaya sa kabila ng lagpas na sa kapasidad ang bilang ng mga pasyente sa kasalukuyan.

Sa lahat po ng may katanungan, bukas po ang pamunuan ng San Jose District Hospital para po kayo ay matulungan at matugunan ang inyong mga concerns. Makipag-uganayan lamang po sa aming Public Assistance Desk para sa mabilisang aksyon.

Maraming Salamat po.

12/10/2025

ISANG PAALA-ALA:

Ang paggamit ng cellphone o video recording device, at ang pagkuha o pagbabahagi ng larawan o video ng mga kawani ng ospital at/o pasyente sa loob ng ospital ay MAHIGPIT NA IPINAGBABAWAL.

Ang Paninirang-puri sa social media laban sa mga kawani ng ospital ay maaaring ikonsiderang Cyber Libel.

Ang sinumang lalabag ay maaaring makasuhan sa ilalim ng
Republic Act No. 10175 (Cybercrime Prevention Act of 2012)
at maparusahan ng pagkakakulong ng hindi bababa sa 6 na taon.

09/10/2025

October 9, 2025

San Jose District Hospital, Pinalawig ang Lisensiya at Itinaas ang Bed Capacity sa 100 K**a

San Jose, Occidental Mindoro —
Inaprubahan na ng Department of Health (DOH) MIMAROPA Center for Health Development ang bagong Lisensiya sa Operasyon (License to Operate) ng San Jose District Hospital na may kasamang pagtaas ng awtorisadong kapasidad ng k**a (Actual Bed Capacity) nito mula 80 patungong 100.

Sa panayam kay Chief of Hospital Dr. Apolonio C. Domingo, Jr., sinabi nyang sagot ito sa layunin nila ni Provincial Health Officer II Dr. Romualdo M. Salazar, Jr. na paigtingin pa ang serbisyong medikal ng San Jose District Hospital lalo na sa sitwasyon na patuloy ang pagtaas ng bilang mga pasyente.

Sa opisyal na komunikasyon mula sa DOH-MIMAROPA Center for Health Development, ipinaabot nito ang pagbati kay Gobernador Eduardo B. Gadiano at ipinahayag na ang pag-apruba sa bagong kapasidad ng San Jose District Hospital ay bilang pagsuporta din sa patuloy na hakbang ng pamahalaang panlalawigan upang tugunan ang lumalaking pangangailangan sa serbisyong pangkalusugan sa lalawigan.

Binigyang diin din ng DOH ang patuloy na pangangailangan para sa mahigpit na pagsunod ng ospital sa mga itinakdang pamantayan upang masiguro ang ligtas at dekalidad na serbisyong pangkalusugan para sa mga Mindoreño.

08/10/2025

October 8, 2025

PAGBIBIGAY LINAW NG SAN JOSE DISTRICT HOSPITAL KAUGNAY SA ISANG FACEBOOK POST

Ang San Jose District Hospital ay nagpapa-abot ng lubos na pakikiramay sa buong pamilya ng nasawi. Nais po naming bigyang linaw ang naging pahayag sa isang facebook post.
Ang nasabing pasyente ay dinala sa Emergency Room ng San Jose District Hospital lulan ng MDRRMO San Jose Ambulance sa ganap na 1:25 ng madaling araw.

Nature of Incident: (Self Inflicted) Vehicular Accident
Time of Incident: 12:40 AM
Place of Incident: Pag-asa, San Jose Occidental Mindoro
Date of Incident: October 7, 2025
Diagnosis: Neurologic Shock
Severe Traumatic Brain Injury
Floating Knee Injury

Dinala ang pasyente na walang malay -Glasgow Coma Scale 3-4/15 na nangangahulugang comatose at malubha ang kundisyon ng pasyente. Makikita ang natamong pinsala sa ulo at katawan. Agad nalapatan ng karampatang lunas at dahil sa lala ng kanyang kondisyon kinailangan siyang tubuhan upang magbigay suporta sa kanyang paghinga. Nagbigay din ng mga gamot na tumutulong magpataas ng BP at pampa-ampat ng pagdurogo ng pasyente. Inabisuhan ang kanyang pamilya na kailangan ang agarang paglipat sa Hospital na may ICU.

Natawagan ang isang pribadong hospital sa Oriental Mindoro na tatanggap sa pasyente subalit hindi agad makapagpasya ang kanyang ama sa mga oras na iyon dahil sa problemang pinansyal.

Sinikap din tawagan ang isang Government Hospital sa Oriental Mindoro ngunit wala silang On-duty na Neurologist sa mga oras na iyon.

Tumawag din po sa isa pang pribadong hospital na maari siyang tanggapin. Kinausap ang ama ng pasyente ng admitting clerk ng pagdadalhang hospital patungkol sa daily hospital fees at downpayment sa pag-gamit ng ICU subalit ayon sa kanyang ama ay hindi kakayanin ang gastusing pinansyal.

Nagsuggest ang k**ag-anak ng pasyente sa isa pang pribadong hospital habang ang aming doctor naman ay may nakausap na tatanggap sa pasyente at sumangayon sila sa ganap na 3:30 ng hapon. Sa mga oras na iyon, ang pasyente ay bumababa ang presyon at kinakailangan na i-stabilize muna.
Sa ganap na 4:45 ng hapon, naibyahe na agad ang pasyente patungo sa pribadong hospital na lilipatan sa Oriental Mindoro.

Nais po naming ipabatid na dumaan sa tamang proseso at koordinasyon ang paglilipat at pagtatawid sa pasyente ng maayos at ligtas.

Pakiusap po sa lahat na maging responsable po tayo sa pag gamit ng social media. Kung kayo po ay may gustong bigyang linaw ay maari po kayong pumunta sa aming pamunuan at ang lahat po ng kasagutan ay makaka-asa kayo na properly documented.

Maraming Salamat po.