17/04/2026
LIBRENG CHECK-UP.. pero... SURE KA NA BA DIYAN?
Maging WAIS sa pagpili ng iyong PhilHealth YAKAP Clinic!
Huwag basta-basta magparehistro. Tiyakin na ang inyong mapipiling YAKAP Clinic ay tunay na tumutugon sa inyong pangangailangan!
Narito ang ilan sa mga bagay na dapat ninyong tandaan:
✅ MALAPIT BA SA INYO? Piliin ang klinika na madaling puntahan mula sa inyong bahay o trabaho. Dapat yung hindi na kayo gagastos ng malaki sa biyahe para lang magpa-checkup o kumuha ng inyong gamot o laboratory test.
✅ KUMPLETO BA ANG SERBISYO AT GAMOT? Tiyakin na nag-aalok ng konsultasyon, laboratoryo, at mga kinakailangang gamot. Dapat EVERY MONTH ninyong nakukuha ang inyong libreng maintenance na gamot mula sa inyong napiling YAKAP Clinic.
✅ MAAYOS BA ANG PASILIDAD AT SERBISYO? Siguraduhing malinis ang klinika at maasikaso ang mga doktor at staff. Dapat maayos magpaliwanag, hindi laging nagmamadali, at ramdam ninyo ang malasakit nila para sa inyong paggaling.
✅ TAPAT AT MAAYOS MAGPALIWANAG? Humanap ng klinikang tapat at malinaw magpaliwanag. Dapat ay sinasabi sa inyo ang inyong mga benepisyo at maayos na ipinapaliwanag ang mga proseso kung paano ito gagamitin. Walang hidden charges at walang kalituhan, para iwas budol!
⚠️ MAHALAGANG PAALALA:
Ang inyong pagpaparehistro o empanelment ay magtatagal ng isang (1) buong taon. Ibig sabihin, "locked-in" kayo sa inyong napiling klinika at hindi ninyo makukuha ang mga libreng YAKAP benefits (gaya ng libreng gamot, check up at laboratory) sa ibang pasilidad sa loob ng panahong ito.
Kaya naman, huwag magmadali. Piliin ang YAKAP Clinic na TUNAY NA MAG-AALAGA sa inyo!
Magparehistro nang tama. Mag-YAKAP na sa tamang klinika! 🩺✨
