16/04/2023
๐ฅ๐ฒ๐พ๐๐ถ๐ฟ๐ฒ๐บ๐ฒ๐ป๐ ๐๐ฎ ๐ฝ๐ฎ๐ด๐ธ๐๐ต๐ฎ ๐ป๐ด ๐ฑ๐ฟ๐ถ๐๐ฒ๐ฟ'๐ ๐น๐ถ๐ฐ๐ฒ๐ป๐๐ฒ ๐ป๐ฎ ๐ฃ๐ฒ๐ฟ๐ถ๐ผ๐ฑ๐ถ๐ฐ ๐ ๐ฒ๐ฑ๐ถ๐ฐ๐ฎ๐น ๐๐
๐ฎ๐บ, ๐ถ๐ป๐ฎ๐น๐ถ๐ ๐ป๐ฎ ๐ป๐ด ๐๐ง๐ข
HINDI na oobligahin ng Land Transportation Office (LTO) na sumalang sa karagdagang medical examinations ang mga may driverโs license na may bisang lima at sampung taon.
Kasunod ito ng direktiba ni LTO Chief Jay Art Tugade na amyendahan ang LTO Memorandum Circular 2021-2285 o ang Supplemental Implementing Rules and Regulations of Republic Act 10930.
Sa ilalim ng nasabing memorandum, bukod sa regular na medical examination bilang requirement sa aplikasyon ng bago o renewal ng driverโs license, obligado na sumalang sa periodic medical exam (PME) ang nabigyan ng 5-taon at 10-taong validity o bisa ng lisensya ng pagmamaneho.
Sa umiiral na panuntunan, ang periodic medical exam ng indibidwal na may driverโs license na 5-taon ang validity ay ginagawa sa ikatlong taon ng petsa ng kapanganakan mula nang makuha ang lisensya habang tuwing ika-apat at ika-pitong taon ng petsa ng kapanganakan mula ng makuha ang lisensya para sa may 10-year validity.
Ngunit ayon kay LTO Chief Tugade, minabuti ng ahensya na hindi na obligahin ang periodic medical examination batay na rin sa ginawang pag-aaral, mga nakalap na datos at mga konsultasyon.
Lumabas din aniya sa mga datos na ang kabiguan na sumalang sa periodic medical examination ay hindi kabilang sa mga dahilan ng aksidente sa lansangan.
โThereโs no empirical data saying that the period medical examination could prevent road crashes,โ ayon kay LTO Chief Tugade.
Dahil dito, sa ilalim ng ipatutupad na pag-amyenda ay isang beses na lang ang mandatory medical examination at ito ay tuwing bago makakuha o makapag-renew ng driverโs license.
โFor licenses who will be issued a 5-year validity driverโs license and 10-year validity driverโs license, the medical examination shall only be required sixty (60) days prior to or on the specified renewal date,โ saad ng memorandum ni LTO Chief Tugade.
Para naman sa mga Pilipinong may driverโs license na nagtatrabaho o nakatira sa ibang bansa, oobligahin ang pagsasalang sa kanila sa medical examination sa loob ng tatlumpung araw mula ng dumating sa Pilipinas bago sila mapayagan na makapagmaneho.
โKami sa LTO ay naniniwala na ang hakbang na ito ay magdudulot ng bahagyang ginhawa sa publiko dahil bukod sa hindi na sila kailangang gumastos ng paulit-ulit para sa medical examinations, maiiwasan din ang dagdag-abala lalo na sa mga mahahalaga ang oras para sa trabaho. Nasa pagkukusa na lang ngayon ng bawat indibidwal kung nanaisin nilang sumalang sa medical examination,โ pahayag pa ni Tugade.
