Ok Ka Yu

08/03/2026

Nagpasalamat gayud kita sa dakong suporta ug paggiya sa atong Gobernador Hon. Gov Darel Uy sa iyang pag-uban kanamo nga mga Mayor sa LMP National Convention 2026. Ang iyang presensya nagpakita sa iyang tinuoray nga pag-amuma ug pagpalig-on sa panaghiusa sa atong mga lider sa lokal nga panggamhanan.

Dako kaayo ang among pagpasalamat nga bisan sa iyang kadaghang responsibilidad, gipili gihapon niya nga kuyogan ug suportahan ang mga Mayor sa probinsya, aron mas mapalambo pa nato ang serbisyo alang sa katawhan.

Ang maong convention usa ka dakong oportunidad aron makakat-on, makigbahin sa mga maayong praktis, ug mapalig-on pa ang atong liderato sa lokal nga pamahalaan.
Padayon kitang magtinabangay alang sa mas lig-on, mas progresibo, ug mas maayong kaugmaon sa atong probinsya ug sa atong katawhan.

Daghang salamat Gov. sa imong padayon nga suporta ug liderato!

06/03/2026

06/03/2026

Atong giabi-abi si Mr. Lesther D. Balmatero, EnP., Senior Lecturer gikan sa University of the Philippines – National College of Public Administration and Governance (UP NCPAG) nga nagahimo og pagtuon bahin sa National Tax Allotment (NTA) ug sa papel niini sa pagpalambo sa serbisyo sa mga Local Government Units.

Uban sa atong Municipal Planning and Development Office (MPDO) - OIC, nakigbahin kita og mga kasinatian ug panan-aw nga makatabang sa pagpalig-on sa mas epektibo, patas, ug responsable nga lokal nga pangagamhanan.

Daghang salamat sa UP NCPAG sa pag-apil sa atong lungsod niining mahinungdanong pagtuon.

04/03/2026

Malipayong Araw Barangay Princesa Lamaya, Sergio Osmeña, Zamboanga del Norte! Hinaot nga puno sa kalipay, pagkahiusa, ug panalangin ang atong selebrasyon. Maayong paglambo Princesa Lamaya! 🎉🙏

04/03/2026

Padayon ang atong paningkamot aron mapaayo ang kahimtang sa mga dalan sa atong lungsod. Gisugdan na ang rehabilitation sa Lamaya–Mabuhay Road, nga usa sa mga importante nga agianan sa atong mga residente, mag-uuma, ug mga motorista.

Kini nga proyekto kabahin sa atong padayon nga tumong nga mapalig-on ang imprastruktura sa lungsod aron mas mapadali ang transportasyon, mapalambo ang panginabuhian sa komunidad, ug masiguro ang kaluwasan sa tanan nga naggamit sa dalan.

Nagpasalamat kita sa suporta ug kooperasyon sa atong mga katawhan samtang ginahimo ang maong proyekto. Padayon kita sa pagtrabaho alang sa kaayohan ug kalamboan sa atong lungsod.

04/03/2026

Kagahapong adlawa, akong gipangulohan ang pagpanumpa sa katungdanan (Oath of Office) ni Hon. Dionilo Lumeno Patangan isip IPMR / Ex-Officio Barangay Councilor sa Barangay Poblacion Alto, Sergio Osmeña.

Giubanan usab siya ni Hon. Felipe Sagalam, IPMR sa lungsod, isip suporta sa pagpalig-on sa representasyon sa atong mga Indigenous Peoples sa lokal nga pangagamhanan.

02/03/2026

Dili gayud kalimtan ang pagrespeto sa atong Bandila, isip simbolo sa atong kagawasan, panaghiusa, ug pagka-Pilipino. Padayon ta sa paghatag bili ug dungog niini sa tanang higayon.

📷 Sergio Osmeña Tourism Office

02/03/2026

Ako personal nga mibisita kang CENR Officer Eugene S. Celi kauban si MENRO John Fuerzas isip kabahin sa pagpalig-on sa atong panagkoordinar ug panagtinabangay tali sa lokal nga pangagamhanan ug sa mga ahensya, alang sa hapsay ug malungtarong pagdumala sa atong natural nga mga kabtangan sa kinaiyahan.

01/03/2026

From Lamaya to Mabuhay.
Kini nga hulagway kuha sa niaging adlaw samtang padayon ang trabaho sa dalan. Bisan nag-ulan, nagpadayon gihapon ang operasyon aron masiguro ang hapsay ug luwas nga agianan para sa katawhan. 💪🌧️

28/02/2026

Malipayong Araw Barangay Bagumbayan, Sergio Osmeña, Zamboanga del Norte! Hinaot nga puno sa kalipay, pagkahiusa, ug panalangin ang atong selebrasyon. Maayong paglambo Bagumbayan! 🎉🙏

27/02/2026

Gidawat nako sa akong opisina ang tulo ka staff gikan sa JRMSU–Dapitan Campus alang sa ilang Career Guidance Survey nga kabahin sa preparasyon sa posibleng pag-abli og extension classes dinhi sa atong lungsod karong Agosto. Padayon ang suporta sa LGU sa mga programang para sa edukasyon sa kabatan-onan.