Talacogon Covid19 Updates

Talacogon Covid19 Updates Contact information, map and directions, contact form, opening hours, services, ratings, photos, videos and announcements from Talacogon Covid19 Updates, Medical and health, Talacogon.

08/05/2023

TALACOGON || "Chikiting Ligtas" Measles-Rubella and Oral Polio. Vaccine Supplemental Immunization Activity

Just In……..Fresh from the FB Page of DOH- Caraga….Aduna na gyud kitay tulo ka kompirmado nga COVID-19 Delta Variants…Tul...
27/09/2021

Just In……..Fresh from the FB Page of DOH- Caraga….

Aduna na gyud kitay tulo ka kompirmado nga COVID-19 Delta Variants…

Tulo (3) sa 34 ka RTPCR positive sa atong lungsod sa Talacogon ang aduna nay resulta sa Whole Genome Sequencing. Ug kini napamatud- an gyud nga Delta Variants… Nagpaabot pa kita kung unsay resulta sa 31.

Kining tulo ka Delta Variants sa atong lungsod, naayo na kini sila ug natarong gyud nato pag isolate ug pagmonitor.

Gikan sa pagka positibo nila sa RTPCR, giutruhan sila ug Swab test sa pagkahuman sa ilang 14th day isolation ug sa ika 21 ka adlaw. Salamat sa Ginoo🙏☝️, nag negative na ilang RTPCR result.

Usa ka LSI nga gikan sa Manila ang isa nato ka kaso, ug magtiayon ang duha.

Ang pagtakud- takud sa atong mga kaso (labi na kung ang pamilya halos matakdan na ang tanan), dili na ikatingala, tungod sa presensiya sa Delta Variant, nga kusog ug paspas motakod.

Bisan paman sa kanunay namong pagpahimangno sa katawhan nga mosunod sa mga Basic Minimum Health Protocols ug KANUNAY nga PAG-AWHAG nga MAGPABAKUNA, daghan pa gyud gihapon ang nagpakabuta bungol ug dili gihapon motuo nga ang COVID-19 tinuod.

Karon nga bulan sa September, aduna na kitay tulo ka COVID-19 Deaths. Ang duha walay bakuna ug ang isa is partially vaccinated.

Ang kahimtang sa atong kaugalingon ug tagsa- tagsa nato ka mga pamilya, nagadepende sa disiplina sa atong kaugalingon.

Walay mahimo ang atong gobyerno, kung bisan paman sa tinuod nga panghitabo sa atong lungsod ug walay undang nga pagtaas sa kaso, dili gihapon ka motuo ug magpabakuna.

Kasayod kami nga sa hapit na duha ka tuig, nga pakigbisog nato niini nga pandemya, ang mga tao sa lungsod sa Talacogon, nakasabot ug unsa ang COVID.

Nakasabot sila unsay angayang buhaton aron dili kita matakdan ug ang mga pamaagi nga maprotektahan kita niini.

APAN, aduna gihapoy mga katawhan nga DILI GYUD GUSTO MOSABOT.

Ang atong LGU sa Talacogon, WALA MAGKULANG SA PAGPANINGKAMOT UG KANUNAY NAGHIMO UG MGA LAKANG NGA MAPAABOT ANG IMPORMASYON UG NAGHATAG UG SERBISYO, aron ang atong lungsod magmadaugon batok niining Pandemya.

IKAW? Unsay imong gikaambag sa atong panahon karon.

17/09/2021

Alang sa kasayuran sa tanan…..

Gahapong adlawa (September 16,2021), adunay 11 ka bag-ong kaso sa COVID-19 ang nadugang sa atong lungsod. Ang upat niini ni qualify sa Whole Genome Sequencing.

Unsa man ang Whole Genome Sequencing (WGS)?

Mao kini ang special nga eksaminasyon diin, dinhi mahibaluan kung unsa nga klase sa Covid variant ang nakatakod sa usa ka tao. Daghay criteria nga pagasundon aron ang usa ka specimen mo qualify for WGS. Ug ISA nga criteria, mao ang taas ug viral load (daghan ang virus) nga madetect lamang sa panahon sa RTPCR. Pinaagi sa WGS, mailhan kung Delta o ubang klase nga variant ang hinungdan sa COVID nga impeksiyon.

Daghan na kita ug ni qualify for WGS ug naghulat pa kita sa resulta kung DELTA ba kini nga klase. Mokabat sa isa ka bulan ang paggawas sa resulta sa WGS kay ipadala pa ang specimen sa RITM Manila.

Aduna na kitay duha ka pamilya (1 Del Monte ug 1 San Isidro) nga halos tanan miembro sa pamilya natakdan na. Sa kasamtangan, na isolate na sila.

Sa pagkakaron, naa kitay 6 ka bag-ong nanganak nga positibo sa COVID-19, nga naa sa atong isolation facility. Ang isa niini, nanganak gyud sa sulod sa atong isolation facility ug ang duha is post CS.

Aduna pud kitay duha ka dialysis patients nga nagpositibo sa COVID -19. Gustuhon man nato nga iadmit sila, wala gyud intawon modawat kanila nga mga hospital tungod kay puno na. Ang atong LGU naningkamot nga ka isa or ka duha sa isa ka semana, dad-on sila sa Caraga Regional Hospital para sa ilang dialysis, kay isa kini nga dialysis center nga modawat ug positibo sa Covid. Ang isa, bag-o lang giadmit sa CRH panahon sa iyang ikaduha nga dialysis session, tungod sa panghitabo nga niabot.

Aduna napud kitay kakulangon sa oxygen, kay daghan na ang nanginahanglan niini.

Grabe ka lisud ang proseso sa pagrefer sa usa ka positibo sa COVID-19, tungod kay ang ubang hospital puno or Temporary Suspended ang operasyon

Ang atong active cases karong adlawa (9/17/2021) niabot na ug 57….

BUSA AWHAG namo sa tanang TALACOGNON, MAGPABAKUNA NA KITA kung adunay mga schedules nga ipahigayon. Dili na kita mamili ug bakuna, kay ang tanang bakuna makahatag gyud ug proteksiyon nga dili ta magrabihan kung kita matakdan sa COVID-19.

Hangyo pud namo sa tanan, labi na ang mga buros, Senior Citizen ug mga bata, nga dili ta mag gawas2 sa atong balay, moadto sa mga lugar nga taas ang mga kaso, maglikay ug tapok2 ug mosunod ug himuon ang mga minimum health basic protocols…

Ang kahimtang sa tagsa2 nato ka mga pamilya ug kaugalingon, naga depende sa atong mga kinaiya panahon niining pandemya.

09/09/2021

Ngayong 5:27 PM, Setyembre 8, 2021, ang Department of Health ay nakapagtala ng 12,751 na karagdagang kaso ng COVID-19. Samantala ay mayroon namang naitalang 20,151 na gumaling at 174 na pumanaw.

Sa kabuuang bilang ng mga naitalang kaso sa bansa, 7.1% (151,135) ang aktibong kaso, 91.3% (1,948,198) na ang gumaling, at 1.62% (34,672) ang namatay.

Ayon sa pinakahuling ulat, lahat ng mga laboratoryo ay operational noong September 6, 2021 habang mayroong 5 laboratoryo na hindi nakapagsumite ng datos sa COVID-19 Document Repository System (CDRS). Base sa datos sa nakaraang 14 na araw, ang kontribusyon ng 5 labs na ito ay humigit kumulang 2.2% sa lahat ng samples na naitest at 2.7% sa lahat ng positibong mga indibidwal.

Sa mga susunod na araw ay maari pang tumaas ang ating mga kaso ng COVID-19. Ang pagsunod sa minimum public health standards, maiging pagsasagawa ng PDITR strategies, at pagbabakuna ay nanatiling pinakapabisang depensa sa COVID-19. Mahalaga rin na tayo ay mag-isolate at makipagugnayan sa BHERTs kung tayo ay may sintomas ng COVID-19. Ang maagang konsultasyon at pagpapatest ay makatutulong upang maputol ang hawaan sa mga bahay, komunidad, at sa mga lugar na pinagtatrabahuhan.

Para sa karagdagang detalye, bisitahin ang aming pampublikong site: www.doh.gov.ph/covid19tracker.

01/08/2021

To All Talacognons....

Salamat sa pagresponde sa atong panawagan nga magpabakuna ang mga Senior Citizens (A2) ug mga with Co-Morbidities (A3) sa milabay nga semana....

Dili man perpekto ang atong proseso sa Vaccination Post, apan nahuman gihapon nato ang pagpang bakuna nga malampuson. Ang naexperience nga mga ginagmay nga mga problema, himuon namo nga sumbanan para ma improve sa sunod ang atong pagpadagan sa vaccination...

SALAMAT sa inyong mga pagsabot, pag- agwanta, paghulat ug pasensiya, mabakunahan lang...

Nanghinaut kami, nga ing ani gihapon ka abtik ang mga wala pa nabakunahan sa mga mosunod pa nato nga mga schedule sa pagbakuna....

Dili na kita magpili ug bakuna, kay tanan bakuna makahatag gyud ug proteksyon batok sa COVID-19....

Naa na ang Delta Variant sa mga silingan nato nga mga probinsiya ug sa NCR. Ang pagpabakuna dakong ikatabang para dili mograbe ang sitwasyon sa mga matakdan niini.

Busa, maghulat lang kita sa mga pahibalo gikan sa atong Municipal Health Office pinaagi sa atong mga BHW, Midwife ug Nurses nga na assign sa atong barangay,sa mga umaabot nga mga vaccination schedules...

Wala na kitay mga bakuna nga pang FIRST DOSE. Apan padayon ang pagpanghatag nato sa Second Dose sa tanan vaccinees nga nakadawat sa SINOVAC....

Ang mga magsecond dose sa AZTRA ZENECA, maghulat lang sa pahibalo sa inyong schedule, tungod kay 10 to 12 weeks ang interval niini. Andam na ang inyong bakuna nga naa na sa atong Cold Room nabutang...

Padayon gihapon kami nga mag awhag ug magpasabot sa mga pamilya nga naay mga SENIOR CITIZENs nga wala pa nabakunahan. PABAKUNA NA KAMO, kamo gayud ang among balik balikan, kay kamo ang dako kaayo ug risgo nga dali matakdan .

28/07/2021

Kasayuran sa Tanan.

Happening now at our Municipal Vaccination Post....First 5 recipient of our Janssen Vaccines....
26/07/2021

Happening now at our Municipal Vaccination Post....

First 5 recipient of our Janssen Vaccines....

25/07/2021

Pahinumdum sa katawhan sa Talacogon, labi na ang mga indibidwal nga wala pa nabakunahan ug nalista o na belong sa Priority Groups:
- A2 (Senior Citizens)
- A3 (with Co-Morbidities- High Blood, Hubak, Diabetic ug uban pang sakit)
- A1.8 (OFW nga mobalikay ug larga sulod sa upat ka bulan):

Aduna kitay schedule sa pagbakuna sa mosunod nga mga petsa:
- July 26, 2021 (Lunes)
- July 27, 2021 (Martes)
- July 29, 2021 (Huwebes)

Pagahimuon ang atong pagbakuna sa atong Municipal Vaccination Post (Municipal Evacuation Center, San Agustin, Talacogon, Agusan del Sur), nga magsugod sa alas 8 sa buntag hangtud alas 5 sa hapon...

Ang bakuna nga atong ipanghatag is JANSSEN vaccine... Kaisa rani ihatag sa inyo kay Single Dose man kini. Made in USA.

Mobakuna gihapon kita sa mga nag due na sa ilang second dose sa SINOVAC.

Palihug pakig coordinate sa inyong Midwife ug Nurses nga naa na assign sa inyong barangay para ma assist ang inyong mga concerns....

Ayaw kalimot sa pagdala sa mosunod:
- FaceMask and Face Shield
- QR Code
- Vaccination Card (sa modawat sa ilang second dose)
- Tubig ilimnon
- Bawon
- Paypay

Manghinaut mi, nga inyong awhagon ang inyong mga ginikanan, igsoon, paryente ug mga kasilinganan nga pahimuslan kini nga kahigayunan nga sila mabakunahan. Kay ang DELTA variant nagkaduol na sa atong Munisipyo....

Dili man mi makapugos sa inyo, apan kasayud mi nga inyo rang masabtan ang among mga lakang ug kanunay nga pagpahibalo ug pagpasabot sa inyo, kung simbako inyong masinati ug personal kining sakita...

See you all....

Pahabol:
Wala pay schedule sa second dose sa nabakunahan sa AztraZeneca (10-12 weeks ang interval sa second dose)... Magpahibalo ra kami para sa schedule sa inyong mga second dose.

Address

Talacogon
8510

Website

Alerts

Be the first to know and let us send you an email when Talacogon Covid19 Updates posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category