13/03/2026
Niadtong Marso 11, 2026, bisan pa sa daotang panahon gipahigayon ang Search and Destroy/Larva Survey, Simultaneous Clean-Up Drive, ug Canal Declogging sa Luyong Baybayon, Brgy. Mintabon. Kini gipinangulohan sa atong Barangay Council kauban ang atong mga stakeholders aron malikayan ang mga sakit nga dala sa lamok.
Gisundan kini niadtong Marso 12 sa usa ka Advocacy Campaign gikan sa atong Sanitary Inspector sa RHU bahin sa Dengue Prevention ug ang kamahinungdanon sa saktong sanitasyon aron masiguro nga luwas ug hapsay ang atong palibot.
Dako ang among pasalamat sa tanang volunteers, opisyales sa barangay, partners, ug sa tibuok komunidad sa inyong suporta ug kooperasyon.
Dili lang kutob sa pagpanglimpyo sa barangay ang atong kampanya. Giawhag ang matag pamilya sa paghimo sa "4S Strategy" sa inyong kaugalingong mga panimalay:
✔️Search and Destroy – Pangitaon ug gub-on ang mga pundohanan sa tubig (itlogan sa lamok).
Self-Protection – Pagsul-ob og tag-as nga sanina o ✔️paggamit og repellent.
✔️Seek Early Consultation – Magpakonsulta dayon sa RHU kung adunay hilanat.
✔️Say Yes to Fogging – Mosugot sa fogging kung adunay outbreak.
Ang kalimpyo sa atong tugkaran, kaluwasan sa tibuok pamilya. Magtinabangay kita💪🏻
