Da'awa Tabligh SA Pilipinas

31/08/2021

11/08/2021

SEMBAG KO FOLLOW UP IYAN KO MIYAWNA A POST IYAN MIPANTAG KO (NIYAWA)

بسم الله الرحمن الرحيم
الحمد لله رب العالمين
الصلاة و السلام على رسول الله

Melagid o Tiyanto i Shaykh Ata so "Niyawa o Allah" antawaa ka da ka aya bes a paka-antapan iyanon na "Ginawa o Allah" na miyatarima iyan a tatabanen sekaniyan parin. Katii so osayan iyan:

1. Ba aden a Niyawa o Allah kagiya makapira ma-aloy sa Qur'an ago Hadith so Ruhullah (Niyawa o Allah) sa lagid den o kapheka-loy o Yadullah (Lima o Allah), Wajhullah (Bontal o Allah), Asaabi'ullah (Mga Kemer o Allah), Dhillollah (Along o Allah) ?

2. Opama ka tharowa o Salafi sa Pilipinas a literal (thitothito) a aden a "Niyawa o Allah" na sabenar a miyasopak iyan so dowa a pinaka-olowan o mga Salafi maana si Ibn Taymiyyah ago si Ibnul Qayyim sabap sa Tiya'wil iran so Ruhullah (Niyawa o Allah) sa aya ini-ta'wil iranon na Ruhun Khalaqahallah (Niyawa a inaden o Allah). Tiya'wil pen anan o madakel a mga ala Ulama o mga Salafi ko mbidabida a inged.

3. Opama ka ta'wilen o mga Salafi sa Pilipinas mambo so Ruhullah (Niyawa o Allah) sa aya ita'wil iranon na Ruhun Khalaqahallah (Niyawa a inaden o Allah) na gyoto den i kiya-surrender iran ko mga Ashairah a katan bes a khapakay a ta'wilen so mga 'Sifat' o Allah a inaloy niyan sa Qur'an ago Hadith.

4. Khapakay bes a Ta'wilen so Ruhullah (Niyawa o Allah) na ino iran phekararangiti so sabaad ko mga Ashairah ko kapheta'wil iran ko lagidiyan sa lapiyat lagid o Yadullah, Wajhullah, Aynullah ago so mga ped iyan?

SABAP ROO NA MELAGID O TIYANTO I SHAYKH MUHD ATA SO LITERAL O "NIYAWA O ALLAH" ODI NA SIYANGKA IYAN KA AYA KON A PAG-MEAN NIYAN NA "GINAWA O ALLAH" NA MAKIMPEN NA CHECK MATE PARIN SEKANIYAN O MGA ASHAIRAH.

Phitaro iyan a "Basta a shakm ka sa katharo na sabota ngka daan oh ka angka di khililiya".

Ogaid na katawan mismo i Shaykh a miyaribat sekaniyan na di pen di gigiloba sa okit a makapalagoy rakes a makadadasel pen ko kaphepalagoy niyan.

Sa title bo o post iyan melagid ko paganay ago so follow up na misosoraton so "Niyawa". Daden a maito bo ron a nanao mipantag ko "Ginawa". Dalil anan a tiyanto niyan ko paganay a post iyan so "Niyawa o Allah" kenaba so "Ginawa o Allah".

PAGANAY RON:

AYA KON A MAANA O "NIYAWA" KO PAGANAY A POST NA "GINAWA":

Batiya angka gyai a dowa a post iyan o benar ago consistent gyanan a dowa a post.

1. Paganay a post: https://m.facebook.com/story.php?story_fbid=925711434650518&id=100016350101839

2. Ikadowa a post (Follow Up): https://m.facebook.com/story.php?story_fbid=925936667961328&id=100016350101839

Aya bandingan i Shaykh Jalil na "So Baraniyawa (Aden a Niyawa niyan) na phakataam sa kapatay."

Simbag sekaniyan i Shaykh Ata sa Phitaro iyan: "Miyamulowak dn si aki aya ka dakon a ba Niyawa o Allah".

INENGKA:

Mas marayag pen ko alongan gyanan a kiyatantowa i Shaykh Ata ko "NIYAWA O ALLAH" ko paganay a post iyan. Bithowan iyan pen si Shaykh Jalil sa Zindiq (Kaafer/Di Paratiyaya oba aden a Kadenan) sabap kon sa di paratiyaya si Shaykh Jalil a "Aden a Niyawa o Allah".

Simbag tano gyanan a katharo ogaid na sii ko Follow up post iyan imanto a alongan na aya kon a tiyanto niyan ko Allah na "Ginawa o Allah". Aya kon a maana o "Niyawa" ko paganay a post iyan na "Ginawa".

Phitaro i Shaykh Ata (2nd post/follow up):

"Na kagiya aya pimaanaan i Jalil sa Niyawa na so Nafs na tiyundog tano roo dn ka piyakarayag tano a di bnar oba so Allah na da a ba Niyan Nafs."

SEMBAG:

Tanto a malobay a daowa!

Daden matharo i Shaykh Abdul Jalil oba "So Allah na da a ba niyan Nafs".

Aya di pagosayn i Shaykh Abdul Jalil na "So Allah na da a Niyawa niyan".

Piyakatharo iyan si Shaykh Abdul Jalil sa da niyan matharo.

INENGKA:

1. Aya inipemaana i Shaykh Jalil ko Nafs (SANGKANAN A AYAT, KENABA KO SALAKAW A AYAT) na "Aden a Niyawa niyan" maana "Baraniyawa". Gyanan i kalalayaman a translation san o mga Ulama.

2. Di benar oba di pamagosaya i Shaykh Jalil na "So Allah na da a Nafs iyan" ka aya di niyan di pamagosayn na "So Allah na da a Niyawa niyan" maana "So Allah na kenaba Baraniyawa". So Allah na sekaniyan so Al-Hayy (Lebi a Oyagoyag) ogaid na kenaba aya sabap o kababaloy a Oyagoyag sekaniyan na kenaba sabap ko "Niyawa". So Niyawa na Kaaden o Allah.

IKA-DOWA:

Sii bo ko kiyandiyorobasa iyan ko ayat sa Qur'an na kiyatokawan a matag sekaniyan phepalagoy ko karibatan iyan.

كل نفس ذائقة الموت

Aya kiyandiyorobasa san i Shaykh Ata ko ikadowa a post iyan na: "Langon o GINAWA na phakataam sa kapatay".

Aya maana niyan na ini-translate i Shaykh so "Nafs" sa "Ginawa". Ogaid na aya translation o madakel a Ulama lagid i G**o Alim Saromantang ko Nafs sangkanan a ayat mismo na "Baraniyawa".

Oway, sii ko ped a ayat na aya maana niyan na "Ginawa" ogaid na sii mismo ko ayat a (kollo nafsin dhaaiqatul mawt) na aya pinakamarani a maana niyan na "Baraniyawa". Gyoto i sabap a siyangka i Shaykh Abdul Jalil so sifat a "Niyawa" sii ko Allah.

IKA-TELO:

Katii so mga katharo i Shaykh Ata a siyabot tano ron a tiyanto niyan ko Allah so "Niyawa" ago kenaba aya paka-antapan iyan san na "Ginawa o Allah"

PHITARO I SHAYKH MUHD ATA:

Adn a Niyawa o Allah ka Uyaguyag, ugaid na knaba lagid o Niyawa tano a adn a kapusan yan, knaba lagid o kawyaguyag tano a adn a kapatay ron!

PHITARO I SHAYKH MUHD ATA:

NOTE: So Niyawa o mga tao na Makhlouq anan o Allah, so kawyaguyag o mga tao na Makhlouq o Allah, maana a kaadn o Allah, so Rouh o manosiya na kaadn o Allah.

INENGKA KO KATHARO I SHAYKH ATA:

Phitaro iyan a "So Niyawa o mga tao na Makhlooq", So kaoyagoyag o mga tao na Makhlooq, so Ruh o Manosya na Makhlooq".

Biyaloy niyan a Muqayyad (Specific) sa isosompat iyanon so words a "O MGA TAO".

Correct anan ogaid na aya mas correct san na tharoon iyan sa RANGKOM: "So Niyawa na Makhlooq, So Ruh na Makhlooq" na kowaa niyanon so word a "O MGA TAO".

Ngyano kagiya makapemamaana anan sa tiyanto niyan ko Allah so "Niyawa a kenaba Makhlooq".

IKA-LIMA:

OSAYAN KO KATHARO I SHAYKH ATA:

1. Aya kepit i Shaykh Ata na basta a Oyagoyag na aden a Niyawa niyan.

2. Sabap roo na aden a Niyawa o Tao opama ka oyagoyag sekaniyan.

3. Lagid iyan mambo na aden a Niyawa o Allah kagiya sekaniyan na Oyagoyag.

4. Ogaid na mbida biden so Niyawa o Allah ago so Niyawa o Tao.

Ngaynoto:

5. Kagiya so Niyawa o Tao na aden a kaposan iyan ago so kaoyagoyag o Tao na aden a kapatay ron.

6. (Mafhoom Mukhaalafah ko Katharo iyan): So peman so Niyawa o Allah na da a kaposan iyan ago so kaoyagoya iyan na da a kapatay ron.

7. So Niyawa o Tao na Makhlooq anan o Allah.

8. So Ruh o Manosya na Kaaden o Allah.

Maana tiyanto niyan ko Allah so "Niyawa".

INENGKA:

O piyor a aya paka-antapan i Shaykh Ata ko kaphagosara niyan ko Niyawa na "Ginawa". Batiya angka giyanan a Walo (8) a osayan na sambii ka so word a "Niyawa" sa "Ginawa". Does it make sense?

Aya opama di pamagosayn i Shaykh Abdul Jalil na so "Niyawa" ago piyaka-da iyan anan ko Allah sabap sa Makhlooq so Niyawa oriyan iyan na simbag sekaniyan i Shaykh Ata na phagosaren iyan na so word a "Niyawa" ogaid na aya paka-antapan iyan na "Ginawa"?

Batagolabao ron sangkanan a Number 8 a piyakatanatana iyan so word a "Ruh". Ogaid na ba aden a miya-aloy niyanon a "Ginawa" ko entire post iyan a paganay?

So thito a phangiloba sa benar na bantay niyan so Video i Shaykh Abdul Jalil. Oriyan iyan na batiya-a niyan so first post i Shaykh Muhd Ata. Oriyan iyan na batiya-a niyan so Sembag aken. Oriyan iyan na Batiyaa niyan peman so 2nd post (Follow Up) i Shaykh Muhd Ata.

Tanto a marayag so incosistency o dowa a post iyan. Khainengka anan opama ka phamatiyaan siran bo phiyaphiya.

و الله اعلم بالصواب

By M***i Nasrollah Arimao

11/08/2021

SEMBAG KO MITHARO A KAILANGAN O ALLAH SO RUH (NIYAWA) PARA MATHARO A OYAGOYAG SEKANIYAN?

بسم الله الرحمن الرحيم
الحمد لله رب العالمين
الصلاة و السلام على رسول الله

So sabaad ko mga tao na phitaro iran a sabap sa Oyagoyag so Allah na aden mambo a Ruh (Niyawa) niyan. Fal iyaadho billah sangkanan a miyakalala a bid'ah a katharo ago karibatan sa Aqeedah.

Sabap sa so Ruh (Niyawa) na kiyaopakatan anan a Kaaden o Allah ago daden a kapakakhakailangan o Allah ko kaaden iyan.

Khailay tano sangkai a sembag a taman ko Pinaka-olowan iran a si Ibn Taymiyyah na pheta'wil sa Qur'an ago Hadith.

PAGANAY RON:

Benar a so Ruh (Niyawa) na misosompat ko ngaran o Allah sa Qur'an lagid o kisosompaten o Lima, Bontal, Kemer, Mata ko ngaran o Allah.

Miyaaloy sa Qur'an so katharo a "Ruhullah" sa aya literal a translation iyan na "Niyawa o Allah". Ogaid na so bo so mga Ahlul Bid'ah a mga Mushabbihah (Ipelagid iran so Allah ko Makhlooq) i kekepit a so Niyawa na Sifat o Allah odi na aden a Niyawa o Allah para matharo a oyagoyag so Allah.

Sabap sa kiyaopakatan o Majority ko mga Muslim a aya maana o Ruhullah (Niyawa o Allah) na "Niyawa a inaden o Allah". Kiyaopakatan anan ko mga Ashairah ago so miyakadakedakel a Salafi ped ron so Pinakaolowan o mga Salafi a si Ibn Taymiyyah.

Phitaro o Ibn Taymiyyah (Olowan o mga Salafi):

وقال النبي صلى الله عليه وسلم: الريح من روح الله أي: من الروح التي خلقها الله، فإضافة الروح إلى الله إضافة ملك، لا إضافة وصف

Maana: "Go phitaro o Nabi (sallallaho alayhi wa sallam) a so Endo na phoon ko Ruhullah (Niyawa o Allah) maana "Niyawa a inaden o Allah". So kinisompaten ko Niyawa ko ngaran o Allah na matag kasompat a milk (kamimilik) kenaba wasf (sifat).

(Reference: مجموع الفتاوى 9/ 290)

Tiya'wil o Pinaka-Olowan iran a si Ibn Taymiyyah so "Niyawa o Allah" sa "Niyawa a inaden o Allah".

IKADOWA:

So mga Ashairah na kenaba iran iphelagid so Allah ko Makhlooq sabap roo na miyaisaisa siran a so Ruh (Niyawa) na kenaba sifat o Allah sabap sa Makhlooq (Kaaden) anan o Allah. Di kailangan o Allah so Kaaden iyan sabap sa sekaniyan so Al-Ghaniy.

Kenaba kailangan o Allah so Ruh (Niyawa) para matharo a oyagoyag sekaniyan. Sekaniyan so Al-Hayy (Lebi a Oyagoyag) ogaid na kenaba makakhakailangan sa Niyawa. Kenaba lagid o Jinn ago Manosya a kailangan iran so Ruh (Niyawa) para matharo a oyagoyag siran. Mbida so Khaaliq ago so Makhlooq. Sasaksian pen anan o ikadowa a Olowan o mga Salafi.

Phitaro o Ibnul Qayyim (Ikadowa a Olowan o mga Salafi):

هل الروح قديمة أم محدثة مخلوقة... فأجمعت الرسل صلوات الله وسلامه عليهم على أنها محدثة مخلوقة ... وقد انطوى عصر الصحابة والتابعين وتابعيهم - وهم القرون المفضلة - على ذلك من غير اختلاف بينهم في حدوثها وأنها مخلوقة، حتى نبغت نابغة ممَّن قصر فهمه في الكتاب والسنة، فزعم أنها قديمة غير مخلوقة،

Maana: "Ba so Ruh (Niyawa) na Qadeemah (Da a paganay o kapakamomoayan iyan) o Makhlooq (Kaaden o Allah)? ... Miyaopakat so mga Rusol (Mga Rasul Alayhimus Salaam) a so (Ruh) na Makhlooq (Kaaden o Allah). Sabenar a miyaopakat san so mga tao ko masa o mga Sahabah, Tabien ago Tabi Taabien sa da siran san den makasosopaka ko kababaloy niyan a Haadith (Aden a phoonan iyan) ago Makhlooq (so Niyawa). Taman sa miyakambowat so mga korang i sabot ko Qur'an ago Sunnah na khekepitan iran a Qadeem (Andang den a aden a Niyawa o Allah) ago so (Niyawa) na kenaba Makhlooq.

(Reference: كتاب الروح 501 )

IKATELO:

Pisaksian o pinaka-olowan iran a Ibn Taymiyyah a so Ruh (Niyawa) na kaaden o Allah ago kenaba niyan sifat ago kenaba niyan makha-kailangan na gyoto den so kepit o mga Salaf, Aimmah ago Majority ko mga Muslimeen. Gyanan so kepit a miyaopakat ron so mga Ashairah.

Phitaro o Ibn Taymiyyah:

فليس في مجرد الإضافة ما يستلزم أن يكون المضاف إلى الله صفة له بل قد يضاف إليه من الأعيان المخلوقة وصفاتها القائمة بها ما ليس بصفة له باتفاق الخلق ، كقوله تعالى (بيت الله) و (ناقة الله) و(عباد الله) بل وكذلك روح الله عند سلف المسلمين وأئمتهم وجمهورهم"

Maana: "So matag kapakasosompat na kenaba makapemamaana a so Modaaf (Misosompat) ko ngaran o Allah na sifat den mambo o Allah. Aya benar na misosompat ko (ngaran o Allah) so a'yaan a makhlooq ago so sifah qaimah rekaniyan ogaid na kenaba oto sifat o Allah sii ko tindeg ron o langon o Kaaden. Lagid o Baytullah (Walay o Allah), Naqatullah (Onta o Allah), Ibaadullah (Oripen o Allah), so benar na TAMAN KO RUHULLAH (NIYAWA O ALLAH) sii ko kepit o Salaf ko mga Muslimeen, So mga Aimmah iran ago so Majority kiran".

Reference: الجواب الصحيح" (4/414)

INENGKA:

Aya maana niyan na kenaba langon o misosompat ko ngaran o Allah na Sifat iyan den mambo. Lagid a tig i Ibn Taymiyyah gyanan a Ruhullah (Literal: Niyawa o Allah). Makimpen misosompat so Niyawa ko ngaran o Allah na ribat a phetaroon ka mambo a Sifat o Allah so Niyawa odi na aden a Niyawa o Dhaat o Allah. Ago ribat a phetaroon ka mambo a aden a niyawa o Allah para sekaniyan matharo a Oyagoyag. Mbida so Allah ago so Makhlooq.

So Manosya na kailangan iyan so Niyawa para matharo a oyagoyag. Ogaid na so Allah na Lebi a Oyagoyag ogaid na kenaba sabap ko Niyawa. So Allah na Al-Ghaniy (Kawasa a daden a makhakailangan iyan ko Makhlooq iyan).

MORIPORI:

Sii pen miyadadag so mga Nasaara (Christian) sabap sa literal so kiyapemaana iran ko "Ruhullah" sa phitaro iran a aden a Niyawa o Allah. Sa aya pen a kapipikira iranon na literal a so Eesa (alayhis salaam) na phoon ko Niyawa o Allah. Fal 'iyaadho billah.

Phitaro Allah (taala):

( إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ ) النساء/171

Maana: "So Al-Masih Eesa (alayhis salaam) a wata o Maryam na matag sogo o Allah, go katharo Iyan, na initemo Iyan ko Maryam, go Niyawa a phoon Rekaniyan (a Allah).

INENGKA:

Aya kasasabota san o sabaad ko mga tao na literal a so Allah na aden a Niyawa niyan odi na Sifat o Allah so Niyawa.

Ba siran den mambo miyakapelagid ko sabaad ko mga Nasaara (Christian) a aya kepit iran na so Eesa (alayhis salaam) na Niyawa a phoon ko Niyawa o Allah (fal iyaadho billah).

Soti so Allah ko mga Sifat a di rekaniyan midadait.
Sekaniyan so Al-Ghaniyy (Kawasa a daden a makhakailangan iyan ko Salakaw rekaniyan).

Ogaid na katan a soden so Pinaka-olowan iran a si Ibn Taymiyyah ago si Ibnul Qayyim i mitharo a so Ruh (Niyawa) na Makhlooq o Allah. Tiya'wil iran so Ruhullah (Niyawa o Allah) sa aya ta'wil iranon na "Niyawa a inaden o Allah". Gyanan i phetaroon a Ta'wil sa Qur'an ago Hadith.

و الله اعلم بالصواب

By M***i Nasrollah Arimao

24/07/2021

SO OSAYAN KO TA'WIL

بسم الله الرحمن الرحيم
الحمد لله رب العالمين
الصلاة و السلام على رسول الله

Aya katawi ron o sabaad ko mga tao na isasapar ago marata so kata'wil ko mga Salafi ogaid na giyanan na marayag a karibatan ago aya bo a di san di tharo na so di niyan tanto makekenal so thito a mga Manhaj o Salafi.

Aya kepit o Ashairah na aya paka-asal o katharo na so Haqeeqah (Literal Meaning) iyan ago di khapakay a Ta'wilen taman sa aden a matoon a dalil a khapakay oto a ta'wilen.

Aya maana iyan na kenaba pheta'wil so mga Ashairah taman sa aden a dalil iran mabager a khapakay a ta'wilen odi na kailangan a mata'wil so Ayat ago so Hadith.

Kepit mambo anan o mga Salafi, aya biden a mbidaan na iphekaya o sabaad kiran mosar so word a Ta'wil ka aya phagosaren iran na Tafsir odi na igira na Tafsir bil Laazim.

Aya maphetaro tano san na lumalangkap a Qaidah:

لا مشاحة في الالفاظ بعد معرفة المعاني

Maana: "Da a kaphapawala ko inosar a word oriyan o kakenala ko mga maana"

Katii so osayan sangkanan a pamkasan tano.

PAGANAY RON:

Phitaro i Ibn Uthaymeen (Salafi):

ينبغي أن يُعلم أن التأويل عند أهل السنة ليس مذموماً كله بل المذموم منه مالم يدل عليه دليل وما دل عليه دليل يسمى تفسيراً سواء كان الدليل متصلاً بالنص أو منفصلاً عنه فصرف الدليل عن ظاهره يسمى تفسيراً فصرف الدليل عن ظاهره ليس مذموماً على الإطلاق

Maana: "Kailangan a katokawan a so ka-ta'wil sii ko tindeg ron o Ahlus Sunnah na kenaba marata langon. Aya bo a marata ron na so da a dalil iyan. So peman so aden a dalil iyan na aya iphembetho ron na tafsir. Gyanan na melagid opama ka so dalil na Muttasil ko Nass (miyaaloy den mismo ko surah ago hadith) odi na Munfasil ko Nass (Miyaaloy ko salakaw a surah ago hadith). So kaalina ko literal (dhaaher) a maana o dalil na kenaba tarotop a marata.

(Reference: مجموع الفتاوى لابن عثيمين 1/168 )

Aya siyabot sangkanan a katharo o pagaadatan o mga Salafi a Ulama iran na:

Dowa ka klase so Ta'wil:

1. Ta'wilun Saheeh
2. Ta'wilun Baatil

So Ta'wil na phembaloy a Ta'wilun Saheeh opama ka tumiya'wil ka na aden a dalil kaon phoon sa Qur'an ago Hadith.

So Ta'wil na phembaloy a Ta'wilun Baatil na opama ka tumiya'wil ka sa da a dalil ron phoon sa Qur'an ago Hadith.

IKA-DOWA:

Katii so ibarat o mga Salafi a ta'wil a so dalil iyan na Muttasil maana sii bo mismo matatago ko surah odi na hadith a tiya'wil.

Phitaro i Ibn Uthaymeen (Salafi):

ومثال التأويل بالدليل المتصل ما جاء في الحديث الثابت في صحيح مسلم في قوله تعالى في الحديث القدسي عن أبي هريرة قال: قال رسول الله : إن الله يقول يوم القيامة يا ابن آدم: مرضت فلم تعدني؟ قال يا رب كيف أعودك وأنت رب العالمين؟ قال: أما علمت أن عبدي فلاناً مرض فلم تعده أما علمت أنك لو عدته لوجدتني عنده. يا ابن آدم استطعمتك فلم تطعمني... فظاهر الحديث أن الله نفسه هو الذي جاع وهو الذي مرض وهذا غيرُ مراد قطعاً ففسر الحديث بنفس الحديث.

Maana: " Aya ibarat o ta'wil a so dalil iyan na Muttasil (sisii bo ko hadith) na so miyapanothol a hadith ko Saheeh Muslim sii ko katharo o Allah ko Hadith Qudsiy a phoon ko Abu Hurayrah (radhiyallaho anho)a phitaro o Rasulollah (sallallaho alayhi wa sallam): So Allah na phetaroon niyan sa alongan a qiyaamah a "Hay Mbawataan o Adam na miyasakit ako na dakongka den bentelen (pamisita-a). Phetaroon (o mbawataan o Adam): "Hay Kadenan ko na andamanaya i kaphamisita-a ko reka a seka so Rabbul 'Aalameen? " Phetaroon o Allah: "Bangka da katokawi a so oripen aken a si Pulan na miyasakit na dangka sekaniyan bentelen. Bangka di katawi a opama ka piyamisita ka sekaniyan na khatoon akong ka rekaniyan? " Hay mbawtaan o Adam, Miyamangni ako reka sa pangenengken (ka phekaor ako) na dakongka pakakana... (Phitaro i Ibn Uthaymeen) : Aya marayag (literal a maana) angkanan a hadith na so mismo so Allah i phekaor ago so mismo so Allah na phekasakit. Ogaid na kenaba gyanan a (literal a maana) i paka-antapanon. Sii mismo sangkanan a hadith na tiyafsir iyan so thito a maana gyanan a hadith.

(Reference: مجموع الفتاوى لابن عثيمين 1/168 )

IKA-TELO:

Aya ibarat o Ta'wil a Munfasil (So dalil o ta'wil na sii matatago ko salakaw a surah odi na hadith) a kiyaopakatanon so Salafi ago so Ashairah na so ayat sa Surah Hashr.

Phitaro o Allah:

فَأَتَاهُمُ اللَّهُ مِنْ حَيْثُ لَمْ يَحْتَسِبُوا

Maana: "Na miyakauma kiran so Allah sa di iran mapipikir".

(Suratul Hashr: 2)

INENGKA:

Aya literal a maana angkanan a ayat na so Allah (ta'ala) mismo i miyakauma ko mga Kuta o Banu Nadheer ogaid na tiya'wil anan o langon o Mufassiroon sa Qur'an melagid o Salafi odi na Ashairah sa phitaro iran a aya miyakauma na so "Amrullah (Sogowan o Allah)" odi na so Siksa o Allah kenaba mismo so Allah.

Aya dalil o kiyata'wil san o mga Mufassiroon na so katharo o Allah:

Phitaro o Allah:

أَتَىٰ أَمْرُ اللَّهِ فَلَا تَسْتَعْجِلُوهُ

Maana: "Phakatalingoma den so sogoan o Allah na di niyo sekaniyan phagalokaloki."

(Surah An-Nahl 1)

Phitaro o Allah:

هَلْ يَنْظُرُونَ إِلَّا أَنْ تَأْتِيَهُمُ الْمَلَائِكَةُ أَوْ يَأْتِيَ أَمْرُ رَبِّكَ

Maana: "Ba adn a penayawn iran a rowar ko kapakatalingoma kiran o manga malaikat, odi na so kapakatalingoma o sogoan o Kadnan ka?"

(Surah Nahl: 33)

Aya marayag a siyabot sangkanan a miyapagosay tano na aya bo a mbidaan o mga Salafi ago so Ashairah na so mga Salafi na phe-claim niran a pheta'wil so mga Ashairah na da a dalil ron ogaid na titindegan o mga Ashairah a aden a dalil iran phoon sa Qur'an, Hadith ago Ijma.

Samananan na miyakarayag a so Kata'wil na kenaba anan marata. Aya marata na igira a pheta'wil so tao a da a dalil iyan a mabager. Ago kiyaopakatan anan ko Salafi ago Ashairah.

و الله اعلم بالصواب

08/05/2021

OYAGEN TANO SO KAGAGAWII IMANTO A IKA-DOWAPOLO AGO PITO KO RAMADHAN A IBAADAH (MARARANI A LAYLATUL QADR)

So Majority ko mga Ulama na aya kepit iran na mararani a so Laylatul Qadr na sii ko ika-dowapolo ago pito:

1. Phitaro o Ubay bin Ka'b (radhiyallaho anho):

واللهِ إنِّي لأَعلمُها وأكثرُ عِلمي هي اللَّيلةُ التي أَمرَنا رسولُ اللهِ صلَّى الله عليه وسلَّمَ بقِيامِها، هي ليلةُ سَبعٍ وعِشرينَ

Maana: "Phesapa ako ko Allah ka mataan ka katawan aken (so Laylatul Qadr). Aya pinakamala a ilmo akenon na sii sekaniyan matatago ko gawii a siyogo kami o Rasulollah (sallallaho alayhi wa sallam) a kitindegen ami ron (so kapanambayang). Sii ko kagagawii ko ika-dowa polo ago pito (ko Ramadhan).

(Source: Saheeh Muslim 762)

2. Phitaro o Zirr Bin Hubaysh (Morit o Ubay bin Ka'b):

لَوْلَا سُفَهَاؤُكُمْ لَوَضَعْتُ يَدَيَّ فِي أُذُنَيَّ فَنَادَيْتُ: أَنَّ لَيْلَةَ الْقَدْرِ سَبْعٌ وَعِشْرُونَ، نَبَأُ مَنْ لَمْ يَكْذِبْنِي، عَنْ نَبَأِ مَنْ لَمْ يَكْذِبْهُ، يَعْنِي أُبَيَّ بْنَ كَعْبٍ، عَنِ النَّبِيِّ صَلَّى اللهُ عَلَيْهِ وَسَلَّمَ»
Maana: "O di bo kagiya so mga lalong rekano na sabenar a imbetad aken so mga lima ken ko dowa a tangila ko na iphananawag aken a : "Mataan a so Laylatul Qadr na so ika-dowapolo ago pito (ko Ramadhan). Thotol anan a phoon ko di raken phamokag (so Ubay bin Ka'b) a phoon ko di rekaniyan phamokag (so Nabi sallallaho alayhi wa sallam).

(Source: Saheeh Ibn Khuzaymah, Ahmad)

3. Phitaro o Zirr Bin Hubaysh (Morit o Ubay bin Ka'b):

كَانَ عُمَرُ، وَحُذَيْفَةُ، وَنَاسٌ مِنْ أَصْحَابِ رَسُولِ اللَّهِ صَلَّى اللهُ عَلَيْهِ وَسَلَّمَ لَا يَشُكُّونَ أَنَّهَا لَيْلَةُ سَبْعٍ وَعِشْرِينَ رواه ابن أبي شيبة

Maana: "So Umar, Huzayfah ago so sagorompong a ped ko mga Sahabah o Nabi (sallallaho alayhi wa sallam) na da a kapakasasangka iran a (so Laylatul Qadr) na sii ko ika-dowapolo ago pito (ko Ramadhan)."

(Source: Musannaf ibn Abi Shaybah)

Sabap roo na akolen tano ko mga ginawa tano na bapiya imanto bo a kagagawii na osaren tano sa i'tikaaf sa Masjid ago oyagen tano so kagagawii sa ibaadah lagid o kakompletowa ko 20 rakaat a Taraweeh, kabatiya sa qur'an, kabanasbeeh, kapanalawat ko Nabi (sallallaho alayhi wa sallam), Kapanambayang sa Nafl ago kan-dua sa mga atas a dua. Pinaka importante na so kibagaken ko langon o da a rarantek iyan ago ko mga shay a iphekararangit o Allah.

و الله اعلم بالصواب

14/03/2021

ALHAMDULILLAH, SILA PO YONG MGA DATING PASTOR AT PARI SUBALIT SA KAPANGYARIHAN NG PANGINOONG ALLAH AY MGA ULAMA NA SILA NGAYON KUNG SAAN NAGPAPALAGANAP NG RELIHIYONG ISLAM SA PILIPINAS.

Nakakataba ng puso ang kanilang mga ginagawa sa ating AGAMA ( Relihiyon). At napaka mapakumbaba na mga tao. Maraming salamat po panginoong Allah at binigyan nyo po kami ng katulad nila.