Allied Health Professionals KPK

22/11/2025

خیبر پختونخوا حکومت میں پیرا میڈیکس سینارٹی لسٹ میں سیاسی پسند ناپسند کا انکشاف

خیبر پختونخوا میں پیرا میڈیکس شعبے کی سینارٹی لسٹ میں سنگین بے ضابطگی اور سیاسی مداخلت کا انکشاف ہوا ہے۔ ذرائع کے مطابق 20 نومبر 2023 کو جاری ہونے والی سینارٹی لسٹ میں اسسٹنٹ ڈائریکٹر پیرا میڈیکس فواد، جن کا تعلق ایک مخصوص سیاسی جماعت سے بتایا جاتا ہے، نے مبینہ طور پر اپنے اختیارات کا غلط استعمال کرتے ہوئے اپنے نمبر میں غیر معمولی تبدیلی کروالی۔
دستاویزات کے مطابق فواد کی اصل پوزیشن سینارٹی نمبر 108 تھی، تاہم نئی فہرست میں انہیں اچانک چھلانگ دے کر 22ویں نمبر پر پہنچا دیا گیا، جس سے نہ صرف قواعد کی خلاف ورزی ہوئی بلکہ سینکڑوں اہل پیرا میڈیکس کا حق بھی متاثر ہوا۔
مزید حیران کن پہلو یہ ہے کہ نئی سینارٹی لسٹ 5 مئی 2025 کو دوبارہ جاری کی گئی، جسے پیرا میڈیکس تنظیموں نے محکم? صحت کی ناقص کارکردگی اور جانبداری کی واضح مثال قرار دیا ہے۔
پیرا میڈیکس نمائندوں کا کہنا ہے کہ صوبائی حکومت تبدیلی کے دعوے کرتی ہے، مگر عملی طور پر ایسے اقدامات ہو رہے ہیں جو میرٹ کو نقصان پہنچاتے ہیں اور پسندیدہ افراد کو فائدہ دیتے ہیں۔ ان کے مطابق اس اقدام سے نہ صرف محکمے میں بے اعتمادی بڑھی ہے بلکہ پروموشن، تعیناتی اور سروس اسٹرکچر کے پورے نظام پر سوالات کھڑے ہو گئے ہیں۔متاثرہ پیرا میڈیکس نے محکمہ صحت سے اس معاملے کی شفاف انکوائری، متنازعہ لسٹ کی فوری واپسی اور ذمہ داران کے خلاف کارروائی کا مطالبہ کیا ہے۔ ذرائع کے مطابق اس معاملے پر اندرونی سطح پر بے چینی بڑھ رہی ہے، اور امکان ہے کہ آنے والے دنوں میں یہ ایشو مزید شدت اختیار کرے گا۔

10/10/2025

07/10/2025

پیرامیڈیکل ایسوسی ایشن خیبرپختونخوا کا اجلاس، مطالبات منظور نہ ہونے پر احتجاج کا عندیہ

پشاور (اسٹاف رپورٹر) — پیرامیڈیکل ایسوسی ایشن (الائیڈ ہیلتھ پروفیشنلز) خیبرپختونخوا کا ماہانہ اجلاس زیر صدارت مجاھد اعظم منعقد ہوا، جس میں صوبہ بھر سے نمائندہ اراکین نے شرکت کی۔ اجلاس کا آغاز تلاوت کلام پاک سے ہوا، اس کے بعد سیکریٹری جنرل شمس التاج نے اجلاس کا ایجنڈا پیش کیا، جس پر تفصیلی غور و خوض کیا گیا۔

اجلاس میں حکومت سے مطالبہ کیا گیا کہ الائیڈ ہیلتھ پروفیشنلز کے دیرینہ مسائل اور جائز مطالبات فوری طور پر حل کیے جائیں، بصورت دیگر پرامن، غیر سیاسی اور صوبہ گیر احتجاجی تحریک کا آغاز کیا جائے گا۔

اہم مطالبات:

گریڈ 16 سے 17 کی پروموشن کا نوٹیفیکیشن سات ماہ گزرنے کے باوجود جاری نہیں کیا گیا، جو سراسر ناانصافی ہے۔

گریڈ 12 اور 14 کی پرویزنل سینیارٹی لسٹیں تا حال التواء کا شکار ہیں، جنہیں فی الفور جاری کیا جائے۔

ہیلتھ ڈائریکٹوریٹ کے بعض افسران کی جانب سے دانستہ تاخیری حربوں کی مذمت کرتے ہوئے ان کے تبادلے کا مطالبہ کیا گیا۔

میڈیکل فیکلٹی، PHSA، PIMT، PGPI، سوات، ایبٹ آباد اور ڈی آئی خان میں اہل اور کوالیفائیڈ پیرامیڈیکس کو انتظامی و تدریسی عہدوں پر تعینات کیا جائے۔

ہیلتھ ڈائریکٹوریٹ میں ڈائریکٹر اور ایڈیشنل ڈائریکٹر پیرامیڈیکس کے عہدے قائم کیے جائیں تاکہ برادری کے مسائل بروقت حل ہو سکیں۔

سروس رولز اور میڈیکل فیکلٹی رولز میں کسی قسم کی ترمیم ایسوسی ایشن کو اعتماد میں لیے بغیر قابل قبول نہیں ہوگی۔

PHSA اور KMU میں داخلہ و انٹرویو پراسیس میں پیرامیڈیکس نمائندوں کو شامل نہ کرنے کی شدید مذمت کی گئی۔

ہیلتھ کیئر کمیشن اور بعض اضلاع کی انتظامیہ کی جانب سے کوالیفائیڈ پیرامیڈیکس کو ہراساں کرنے پر شدید احتجاج کیا گیا۔

سرکاری ہسپتالوں کی نجکاری پالیسی کو ملازم دشمن اور مریض دشمن قرار دے کر مکمل طور پر مسترد کر دیا گیا۔

صوبے کے مختلف ہسپتالوں میں طبی عملے پر تشدد کے واقعات کی شدید مذمت کرتے ہوئے حکومت سے تحفظ اور سیکیورٹی فراہم کرنے کا مطالبہ کیا گیا۔

اجلاس میں مزید کہا گیا کہ الائیڈ ہیلتھ پروفیشنلز کے تین کیڈرز (منیجمنٹ، جنرل اور ٹیچنگ)، سروس رولز میں ترامیم، ضم شدہ اضلاع کے لیے ریشو انہانسمنٹ، گاوہ اور IHP اسٹاف کی مستقلی و تنخواہوں کی ادائیگی، اور KMU کے سروس سٹرکچر کے مطابق ایکویلنسی جیسے معاملات بھی فوری حل کیے جائیں۔

آخر میں اجلاس کے شرکاء نے واضح کیا کہ اگر حکومت نے یہ مسائل حل نہ کیے تو پیرامیڈیکس برادری اپنے حقوق کے تحفظ کیلئے ہر فورم اور ہر سطح پر بھرپور احتجاج کرے گی۔

05/10/2025

"فیکلٹی کا دائرہ کار امتحانات تک محدود، رجسٹریشن کونسل کا اختیار!"

حال ہی میں فیکلٹی آف پیرامیڈیکل اینڈ الائیڈ ہیلتھ سائنسز خیبر پختونخوا کی جانب سے جاری مراسلے نے غیر ضروری ابہام پیدا کیا ہے۔ فیکلٹی کا بنیادی کام صرف امتحانات کے انعقاد اور تعلیمی اسناد کا اجرا ہے، جبکہ اداروں کی رجسٹریشن اور پروفیشنلز کی ریگولیشن وفاقی الائیڈ ہیلتھ پروفیشنلز کونسل کے دائرہ اختیار میں آتا ہے۔

فیکلٹی ایک اکیڈمک باڈی ہے جو صوبائی سطح پر قائم کی گئی، مگر اس کا آئینی اور قانونی دائرہ صرف تعلیمی معیار اور امتحانی عمل تک محدود ہے۔
جبکہ الائیڈ ہیلتھ پروفیشنلز کونسل آئینِ پاکستان اور قومی پالیسی کے تحت ایک ریگولیٹری اتھارٹی ہے جسے پورے ملک میں پیشہ ور افراد اور اداروں کی رجسٹریشن، لائسنسنگ اور سٹینڈرڈائزیشن کا اختیار حاصل ہے۔

یہ بات یاد رکھنا ضروری ہے کہ:

رجسٹریشن اور پریکٹس لائسنس صرف کونسل جاری کر سکتی ہے۔

فیکلٹی کا رول صرف امتحان اور سرٹیفکیشن تک محدود ہے۔

پیشہ ورانہ پہچان، کوڈ آف ایتھکس، اور ملکی و بین الاقوامی تسلیم شدگی کونسل کے ذریعے ہی ممکن ہے۔

پیرامیڈیکل اور الائیڈ ہیلتھ پروفیشنلز کی نمائندہ تنظیمیں بھی اس حقیقت کی تائید کرتی ہیں کہ وفاقی کونسل ہی اصل ریگولیٹری باڈی ہے جو پورے پاکستان میں ایک جیسے معیار اور نظام کے قیام کے لیے کام کر رہی ہے۔

لہٰذا، تعلیمی اداروں اور ہیلتھ پروفیشنلز سے گزارش ہے کہ وہ کسی بھی قسم کی انتظامی یا قانونی ابہام میں پڑنے کے بجائے کونسل کی ہدایات پر عمل کریں، تاکہ ان کا پیشہ ورانہ مستقبل محفوظ اور بین الاقوامی سطح پر تسلیم شدہ ہو۔

05/09/2025

Allied health sciences non inservic Graduates from khyber pakhtunkhwa are advised to join the link given group

23/05/2025

خوشخبری
الائیڈ ہیلتھ پروفیشنل کونسل آف پاکستان کی جانب سے کونسل ایکٹ 2022 پر عملدرآمد کرانے کے لئے چاروں صوبوں کی میڈیکل فیکلٹیز کے ڈائریکٹرز /سیکریٹریز کو پیرامیڈکس/ الائیڈ ہیلتھ پروفیشنلز کے سرٹیفیکیٹ اور ڈپلوما اسناد اوریجنل بیک سائیڈ سے اور فوٹو کاپی سامنے سے ویریفیکیشن اور اٹیسٹیشن کرانے کے لئے باقاعدہ آفیشل لیٹر بہیج دیا گیا ہے اب کونسل کی SoP کے تحت اپنے سرٹیفیکیٹ اور ڈپلومے اوریجنل بیک سائیڈ سے اور فوٹو کاپی سامنے سے اپنی تمام صوبوں کی میڈیکل فیکلٹیز سے ضروری فیس اوردرخواست فارم جمع کرا کر ویریفائی اٹیسٹ کروا کر آن لائیں پورٹل پر رجسٹریشن آسانی سے کرا سکتے ہیں ۔
ترجمان۔
الائیڈ ہیلتھ پروفیشنل کونسل آف پاکستان

20/05/2025

تمام الائیڈ ہیلتھ پروفیشنلز کو مطلح کیا جاتا ہے کہ جو انسٹیٹیوٹ، کالج یا یونیورسٹی الائیڈ ہیلتھ پروفیشنل کونسل سے ابھی تک رجسٹرڈ نہیں ہوئے ان کی جاری کردہ ڈپلومہ یا ڈگری کی رجسٹریشن نہیں دی جائے گی ۔۔
لہٰذا تمام امیدواران پہلے اپنے انسٹیٹیوٹ سے رابط کریں ۔۔۔

18/05/2025

Important Public Awareness Notification by the Allied Health Professionals Council of Pakistan

All public and private allied health sciences degree-awarding universities, institutes, and affiliated institutions across the country, as well as all public and private paramedical schools and institutions affiliated with provincial paramedical faculties offering certificate and diploma programs, and institutes affiliated with the Federal or Provincial Inter Boards offering FSc in Medical Technology programs, are hereby informed that they must complete registration with the Allied Health Professionals Council of Pakistan and obtain accreditation for all their programs by September 30, 2025.

Following this deadline, the Council’s Zero Visit Team will conduct a preliminary visit and provide guidelines based on the Accreditation Manual Regulations 2024 approved by the Council. Subsequently, an Inspection and Evaluation Committee, comprising experts and subject specialists, will carry out the inspection for program accreditation.

Allied Health Professionals Council of Pakistan

18/05/2025

الائیڈ ہیلتھ پروفیشنلز کونسل آف پاکستان کی جانب سے ضروری اور اھم آگاہی اطلاع

ملک بھر کی پبلک پرائیوٹ الائیڈ ہیلتھ سائینسز ایجوکیشن کی ڈگری ایوارڈنگ یونیورسٹیز انسٹی ٹیوٹ اور الحاق شدہ انسٹی ٹیوشنز اور تمام صوبوں کی پیرامیڈ یکل فیکلٹیز سے الحاق شدہ پبلک پرائیوٹ پیرامیڈیکل اسکولز ، انسٹیٹیوشنز جو سرٹیفیکیٹ ڈپلومہ پروگرامز کرا رہے اور فیڈرل یا صوبائی انٹر بورڈ سے الحاق شدہ انسٹی ٹیوٹ جو کہ ایف ایس ان میڈیکل ٹیکنالوجی پروگرام آفر کرا رہے ہیں ان سب کو مطلع کیا جاتا ہے کہ 30 ستمبر 2025 سے پہلے الائیڈ ہیلتھ پروفیشنلز کونسل آف پاکستان سے انسٹیٹوشنز کی رجسٹریشن اور اپنے تمام پروگرامز کی ایکریڈیٹیشن کروا لیں

جس کے بعد کونسل کی زیرو وزٹ ٹیم زیرو وزٹ کر کےکونسل سے منظور شدہ ایکریڈیٹیشن مینوئل ریگولیشن 2024 کے تحت گائیڈ لائینز دے گی جس کے بعد کونسل کی طرف ایکسپرٹ، سبجیکٹ اسپیشلسٹ پر مشتمل انسپکشن اینڈ ایوالیوائیشن کمیٹی پروگرام ایکریڈیٹیشن کے لئے انسپیکشن کرے گی ۔
الائیڈ ہیلتھ پروفیشنل کونسل آف پاکستان

16/05/2025

Allied Health Professionals Council of Pakistan
زیرو وزٹ کی تکمیل اور Allied Health کی پہچان کے لیے اسٹریٹجک مطالبات
محترم Allied Health Professionals،
السلام علیکم!

ہم ان تمام اہلِ علم و فن شخصیات کا شکریہ ادا کرتے ہیں جو پاکستان میں Allied Health Sciences کی تعلیم، تحقیق، اور کلینیکل خدمات میں دن رات محنت کر رہے ہیں۔ تاہم، یہ امر باعثِ افسوس ہے کہ اس اہم شعبے کو ابھی تک وہ ادارہ جاتی اہمیت، پالیسی تحفظ اور پیشہ ورانہ وقار حاصل نہیں ہو سکا جس کا یہ حق دار ہے۔

یہ پیغام خوش خبری نہیں، بلکہ سنجیدہ تشویش کے ساتھ جاری کیا جا رہا ہے کہ Allied Health Professionals Council (AHPC) کی زیر نگرانی اپریل 2025 سے شروع ہونے والی Zero Visit مہم مکمل ہو چکی ہے، جس کے دوران ملک بھر کے متعدد تعلیمی اداروں اور ہسپتالوں کا دورہ کیا گیا۔ بدقسمتی سے ان دوروں میں جو حقائق سامنے آئے وہ نہایت تشویشناک ہیں اور فوری اصلاحات کے متقاضی ہیں۔

اہم مسائل — ایک حقیقت پسند تجزیہ
انتہائی کم تنخواہیں:
فیکلٹی کو دی جانے والی تنخواہیں نہ صرف قومی کم از کم اجرت سے کم ہیں بلکہ یہ ایک تعلیمی و پیشہ ورانہ تضحیک ہے۔

غیر موزوں عہدے:
تعلیمی قابلیت اور تجربے کے باوجود عملے کو کمتر عہدے دیے جا رہے ہیں، جو ان کی عزتِ نفس اور کارکردگی دونوں کو متاثر کر رہے ہیں۔

تعلیم یافتہ ماہرین کی نظراندازی:
مارکیٹ میں M.Phil، PhD، اور دیگر ماہرین کی کوئی کمی نہیں، مگر ادارے انہیں جائز مقام اور سہولیات دینے سے گریزاں ہیں۔

جعلی اور وقتی اسکلز لیبز:
اکثر ادارے صرف وزٹ کے موقع پر نمائشی لیبز بناتے ہیں۔ مستقل تربیت کا کوئی موثر نظام موجود نہیں۔

طلبہ و اساتذہ کا غیر متوازن تناسب:
طلبہ کی تعداد کہیں زیادہ جبکہ فیکلٹی نہایت کم، جس سے تدریسی معیار بری طرح متاثر ہو رہا ہے۔

نصاب کا غیر مؤثر اطلاق:
تحقیق، اخلاقیات اور عملی تربیت جیسے اہم پہلوؤں کو یا تو مکمل طور پر نظر انداز کیا جا رہا ہے یا صرف خانہ پری کی جا رہی ہے۔

انفراسٹرکچر کی شدید کمی:
کئی ادارے بنیادی سہولیات جیسے مناسب عمارت، لیب، لائبریری اور ہم نصابی سرگرمیوں سے محروم ہیں۔

نجی اسپتال مافیا کا کردار:
ایک مخصوص "نجی اسپتال مافیا" منظم انداز میں Allied Health Professionals کا معاشی، پیشہ ورانہ اور اخلاقی استحصال کر رہا ہے۔

انتہائی کم تنخواہیں،

جعلی یا غلط عہدے،

بغیر کسی ترقیاتی راستے کے کنٹریکٹ،

اور کام کی زیادتی کے باوجود کوئی قانونی تحفظ نہ ہونا —
یہ تمام عوامل نہ صرف پیشہ وران کی صلاحیتوں کو زنگ آلود کر رہے ہیں بلکہ نظامِ صحت کو بھی غیر محفوظ بنا رہے ہیں۔

اسٹریٹجک مطالبات — عملی اقدام ناگزیر ہو چکے ہیں
اب وقت آ چکا ہے کہ ہم محض مشاہدہ نہ کریں بلکہ منظم، بااختیار اور نتیجہ خیز جدوجہد کا آغاز کریں۔ ہم درج ذیل مطالبات کرتے ہیں:

AHPC کے ساتھ مستقل، نتیجہ خیز ڈائیلاگ کا نظام تشکیل دیا جائے تاکہ پالیسی سازی میں زمینی حقائق شامل ہوں۔

تمام شعبوں کے لیے سروس اسٹرکچر، عہدے، تنخواہیں، اور ترقی کا واضح خاکہ جاری کیا جائے۔

تمام سرکاری و نجی اسپتالوں میں Allied Health Professionals کی تعیناتی کو لازمی قرار دیا جائے۔

نجی اسپتال مافیا کے خلاف قانون سازی کی جائے، تاکہ غیر منصفانہ رویوں، کم اجرت، اور جعلی ڈیزگنیشنز کا مکمل خاتمہ ہو۔

بڑے اسپتالوں میں Technologist اور Technician کے لیے علیحدہ سروس اسٹرکچر رائج کیا جائے۔

تمام کلینیکل شعبوں میں Technologist کی قیادت کو لازم قرار دیا جائے، تاکہ فیصلہ سازی میں مہارت شامل ہو۔

AHPC نوجوانوں کے لیے ترقی، تربیت اور تحقیق کے راستے طے کرے۔

Allied Health شعبوں کو آزاد اور باوقار پیشہ ورانہ حیثیت دی جائے۔

اداروں کی منظوری کا عمل مکمل شفاف اور میرٹ پر مبنی ہو، صرف وہی ادارے تسلیم کیے جائیں جو معیار پر پورا اتریں۔

نتیجہ — ایک نئی سمت، ایک واضح مطالبہ
Allied Health Professionals پاکستان کے صحت کے نظام کے وہ محافظ ہیں جن کے بغیر کوئی بھی علاج مکمل نہیں۔
اب ہمیں صرف شناخت نہیں، اختیار، تحفظ، ترقی اور قانون سازی بھی درکار ہے۔
ہماری خاموشی اب جرم بن چکی ہے۔
یہ خط احتجاج نہیں — ایک باوقار بیداری کا اعلان ہے۔

آئیے! متحد ہو کر ایک باوقار، بااختیار اور منظم Allied Health System کی بنیاد رکھیں۔
آج کا شعور — کل کی پالیسی بنے گا۔

والسلام،
شکیل احمد اخونزادہ
الائیڈ ھیلتھ آفیسر پبلک ھیلتھ

21/03/2025

خوشخبری
شکر الحمداللہ آج 21/03/2025 بروز جمعہ الائیڈ ہیلتھ پروفیشنل کونسل آف پاکستان نے الائیڈ ہیلتھ پروفیشنلز کی آن لائن رجسٹریشن کا پورٹل شروع کر دیا ہے۔
ترجمان ۔
الائیڈ ہیلتھ پروفیشنل کونسل آف پاکستان