Allied Health Professionals KPK

29/01/2026

🔴 ملازمین ان مطالبات کی منظوری کے لیے احتجاج کے لیے تیار رہیں
🟢 سوشل میڈیا پر متحرک رہیں
🟥 بجٹ میں تمام ایڈہاک ریلیف الاؤنس ختم کر دیے جائیں
🟦 اسکیل ریوائز کیا جائے
🟣 میڈیکل الاؤنس میں 200٪ اضافہ کیا جائے
🟠 کنوینس الاؤنس میں 200٪ اضافہ کیا جائے
🟢 ہاؤس رینٹ الاؤنس میں 200٪ اضافہ کیا جائے

14/01/2026

Shout out to my newest followers! Excited to have you onboard! Gul Rahman, Sohail Ahmad, Fawad Khan, Fawad Ali, Fahim Afridi, Abu Bakar Burki, Amin Akhtar, Akhlaq Ahmad

10/01/2026

📢 Important Announcement
According to the decision of the Provincial Paramedics Association Khyber Pakhtunkhwa,
an indefinite strike will be observed from January 15
until the official notification of all demands of Allied Health Professionals is issued.
✊ Stay united for our legitimate rights

10/01/2026

16/12/2025

کلینیکل / پی ایچ سی ٹیکنالوجسٹ کی سنیارٹی لسٹ تاخیر کا شکار

کلینیکل اور پی ایچ سی ٹیکنالوجسٹ کی سنیارٹی لسٹ ایک سال گزر جانے کے باوجود تاحال جاری نہ کی جا سکی۔ اطلاعات کے مطابق یہ فائل تقریباً سات ماہ تک ڈی جی آفس میں التوا کا شکار رہی، بعد ازاں متعدد اعتراضات اور خرابیوں کے بعد اسے سیکرٹری صحت کے دفتر بھجوا دیا گیا، جہاں گزشتہ پانچ ماہ سے اس پر کوئی حتمی فیصلہ نہیں ہو سکا۔

اس دوران تین پی ایس بی اجلاس منعقد ہو چکے ہیں جبکہ درجنوں افسران ریٹائرمنٹ کی عمر کو پہنچ چکے ہیں، جس سے ملازمین میں شدید بے چینی اور اضطراب پایا جاتا ہے۔

الائیڈ ہیلتھ آفیسرز نے سنیارٹی لسٹ کے غیر ضروری اور طویل التوا پر گہرے رنج و غم کا اظہار کرتے ہوئے سیکرٹری صحت سے مطالبہ کیا ہے کہ سنیارٹی لسٹ فوری طور پر جاری کی جائے، جبکہ اس بے جا تاخیر کے ذمہ داران کے خلاف سخت تادیبی کارروائی عمل میں لائی جائے۔

22/11/2025

خیبر پختونخوا حکومت میں پیرا میڈیکس سینارٹی لسٹ میں سیاسی پسند ناپسند کا انکشاف

خیبر پختونخوا میں پیرا میڈیکس شعبے کی سینارٹی لسٹ میں سنگین بے ضابطگی اور سیاسی مداخلت کا انکشاف ہوا ہے۔ ذرائع کے مطابق 20 نومبر 2023 کو جاری ہونے والی سینارٹی لسٹ میں اسسٹنٹ ڈائریکٹر پیرا میڈیکس فواد، جن کا تعلق ایک مخصوص سیاسی جماعت سے بتایا جاتا ہے، نے مبینہ طور پر اپنے اختیارات کا غلط استعمال کرتے ہوئے اپنے نمبر میں غیر معمولی تبدیلی کروالی۔
دستاویزات کے مطابق فواد کی اصل پوزیشن سینارٹی نمبر 108 تھی، تاہم نئی فہرست میں انہیں اچانک چھلانگ دے کر 22ویں نمبر پر پہنچا دیا گیا، جس سے نہ صرف قواعد کی خلاف ورزی ہوئی بلکہ سینکڑوں اہل پیرا میڈیکس کا حق بھی متاثر ہوا۔
مزید حیران کن پہلو یہ ہے کہ نئی سینارٹی لسٹ 5 مئی 2025 کو دوبارہ جاری کی گئی، جسے پیرا میڈیکس تنظیموں نے محکم? صحت کی ناقص کارکردگی اور جانبداری کی واضح مثال قرار دیا ہے۔
پیرا میڈیکس نمائندوں کا کہنا ہے کہ صوبائی حکومت تبدیلی کے دعوے کرتی ہے، مگر عملی طور پر ایسے اقدامات ہو رہے ہیں جو میرٹ کو نقصان پہنچاتے ہیں اور پسندیدہ افراد کو فائدہ دیتے ہیں۔ ان کے مطابق اس اقدام سے نہ صرف محکمے میں بے اعتمادی بڑھی ہے بلکہ پروموشن، تعیناتی اور سروس اسٹرکچر کے پورے نظام پر سوالات کھڑے ہو گئے ہیں۔متاثرہ پیرا میڈیکس نے محکمہ صحت سے اس معاملے کی شفاف انکوائری، متنازعہ لسٹ کی فوری واپسی اور ذمہ داران کے خلاف کارروائی کا مطالبہ کیا ہے۔ ذرائع کے مطابق اس معاملے پر اندرونی سطح پر بے چینی بڑھ رہی ہے، اور امکان ہے کہ آنے والے دنوں میں یہ ایشو مزید شدت اختیار کرے گا۔

07/10/2025

پیرامیڈیکل ایسوسی ایشن خیبرپختونخوا کا اجلاس، مطالبات منظور نہ ہونے پر احتجاج کا عندیہ

پشاور (اسٹاف رپورٹر) — پیرامیڈیکل ایسوسی ایشن (الائیڈ ہیلتھ پروفیشنلز) خیبرپختونخوا کا ماہانہ اجلاس زیر صدارت مجاھد اعظم منعقد ہوا، جس میں صوبہ بھر سے نمائندہ اراکین نے شرکت کی۔ اجلاس کا آغاز تلاوت کلام پاک سے ہوا، اس کے بعد سیکریٹری جنرل شمس التاج نے اجلاس کا ایجنڈا پیش کیا، جس پر تفصیلی غور و خوض کیا گیا۔

اجلاس میں حکومت سے مطالبہ کیا گیا کہ الائیڈ ہیلتھ پروفیشنلز کے دیرینہ مسائل اور جائز مطالبات فوری طور پر حل کیے جائیں، بصورت دیگر پرامن، غیر سیاسی اور صوبہ گیر احتجاجی تحریک کا آغاز کیا جائے گا۔

اہم مطالبات:

گریڈ 16 سے 17 کی پروموشن کا نوٹیفیکیشن سات ماہ گزرنے کے باوجود جاری نہیں کیا گیا، جو سراسر ناانصافی ہے۔

گریڈ 12 اور 14 کی پرویزنل سینیارٹی لسٹیں تا حال التواء کا شکار ہیں، جنہیں فی الفور جاری کیا جائے۔

ہیلتھ ڈائریکٹوریٹ کے بعض افسران کی جانب سے دانستہ تاخیری حربوں کی مذمت کرتے ہوئے ان کے تبادلے کا مطالبہ کیا گیا۔

میڈیکل فیکلٹی، PHSA، PIMT، PGPI، سوات، ایبٹ آباد اور ڈی آئی خان میں اہل اور کوالیفائیڈ پیرامیڈیکس کو انتظامی و تدریسی عہدوں پر تعینات کیا جائے۔

ہیلتھ ڈائریکٹوریٹ میں ڈائریکٹر اور ایڈیشنل ڈائریکٹر پیرامیڈیکس کے عہدے قائم کیے جائیں تاکہ برادری کے مسائل بروقت حل ہو سکیں۔

سروس رولز اور میڈیکل فیکلٹی رولز میں کسی قسم کی ترمیم ایسوسی ایشن کو اعتماد میں لیے بغیر قابل قبول نہیں ہوگی۔

PHSA اور KMU میں داخلہ و انٹرویو پراسیس میں پیرامیڈیکس نمائندوں کو شامل نہ کرنے کی شدید مذمت کی گئی۔

ہیلتھ کیئر کمیشن اور بعض اضلاع کی انتظامیہ کی جانب سے کوالیفائیڈ پیرامیڈیکس کو ہراساں کرنے پر شدید احتجاج کیا گیا۔

سرکاری ہسپتالوں کی نجکاری پالیسی کو ملازم دشمن اور مریض دشمن قرار دے کر مکمل طور پر مسترد کر دیا گیا۔

صوبے کے مختلف ہسپتالوں میں طبی عملے پر تشدد کے واقعات کی شدید مذمت کرتے ہوئے حکومت سے تحفظ اور سیکیورٹی فراہم کرنے کا مطالبہ کیا گیا۔

اجلاس میں مزید کہا گیا کہ الائیڈ ہیلتھ پروفیشنلز کے تین کیڈرز (منیجمنٹ، جنرل اور ٹیچنگ)، سروس رولز میں ترامیم، ضم شدہ اضلاع کے لیے ریشو انہانسمنٹ، گاوہ اور IHP اسٹاف کی مستقلی و تنخواہوں کی ادائیگی، اور KMU کے سروس سٹرکچر کے مطابق ایکویلنسی جیسے معاملات بھی فوری حل کیے جائیں۔

آخر میں اجلاس کے شرکاء نے واضح کیا کہ اگر حکومت نے یہ مسائل حل نہ کیے تو پیرامیڈیکس برادری اپنے حقوق کے تحفظ کیلئے ہر فورم اور ہر سطح پر بھرپور احتجاج کرے گی۔

05/10/2025

"فیکلٹی کا دائرہ کار امتحانات تک محدود، رجسٹریشن کونسل کا اختیار!"

حال ہی میں فیکلٹی آف پیرامیڈیکل اینڈ الائیڈ ہیلتھ سائنسز خیبر پختونخوا کی جانب سے جاری مراسلے نے غیر ضروری ابہام پیدا کیا ہے۔ فیکلٹی کا بنیادی کام صرف امتحانات کے انعقاد اور تعلیمی اسناد کا اجرا ہے، جبکہ اداروں کی رجسٹریشن اور پروفیشنلز کی ریگولیشن وفاقی الائیڈ ہیلتھ پروفیشنلز کونسل کے دائرہ اختیار میں آتا ہے۔

فیکلٹی ایک اکیڈمک باڈی ہے جو صوبائی سطح پر قائم کی گئی، مگر اس کا آئینی اور قانونی دائرہ صرف تعلیمی معیار اور امتحانی عمل تک محدود ہے۔
جبکہ الائیڈ ہیلتھ پروفیشنلز کونسل آئینِ پاکستان اور قومی پالیسی کے تحت ایک ریگولیٹری اتھارٹی ہے جسے پورے ملک میں پیشہ ور افراد اور اداروں کی رجسٹریشن، لائسنسنگ اور سٹینڈرڈائزیشن کا اختیار حاصل ہے۔

یہ بات یاد رکھنا ضروری ہے کہ:

رجسٹریشن اور پریکٹس لائسنس صرف کونسل جاری کر سکتی ہے۔

فیکلٹی کا رول صرف امتحان اور سرٹیفکیشن تک محدود ہے۔

پیشہ ورانہ پہچان، کوڈ آف ایتھکس، اور ملکی و بین الاقوامی تسلیم شدگی کونسل کے ذریعے ہی ممکن ہے۔

پیرامیڈیکل اور الائیڈ ہیلتھ پروفیشنلز کی نمائندہ تنظیمیں بھی اس حقیقت کی تائید کرتی ہیں کہ وفاقی کونسل ہی اصل ریگولیٹری باڈی ہے جو پورے پاکستان میں ایک جیسے معیار اور نظام کے قیام کے لیے کام کر رہی ہے۔

لہٰذا، تعلیمی اداروں اور ہیلتھ پروفیشنلز سے گزارش ہے کہ وہ کسی بھی قسم کی انتظامی یا قانونی ابہام میں پڑنے کے بجائے کونسل کی ہدایات پر عمل کریں، تاکہ ان کا پیشہ ورانہ مستقبل محفوظ اور بین الاقوامی سطح پر تسلیم شدہ ہو۔

05/09/2025

Allied health sciences non inservic Graduates from khyber pakhtunkhwa are advised to join the link given group

23/05/2025

خوشخبری
الائیڈ ہیلتھ پروفیشنل کونسل آف پاکستان کی جانب سے کونسل ایکٹ 2022 پر عملدرآمد کرانے کے لئے چاروں صوبوں کی میڈیکل فیکلٹیز کے ڈائریکٹرز /سیکریٹریز کو پیرامیڈکس/ الائیڈ ہیلتھ پروفیشنلز کے سرٹیفیکیٹ اور ڈپلوما اسناد اوریجنل بیک سائیڈ سے اور فوٹو کاپی سامنے سے ویریفیکیشن اور اٹیسٹیشن کرانے کے لئے باقاعدہ آفیشل لیٹر بہیج دیا گیا ہے اب کونسل کی SoP کے تحت اپنے سرٹیفیکیٹ اور ڈپلومے اوریجنل بیک سائیڈ سے اور فوٹو کاپی سامنے سے اپنی تمام صوبوں کی میڈیکل فیکلٹیز سے ضروری فیس اوردرخواست فارم جمع کرا کر ویریفائی اٹیسٹ کروا کر آن لائیں پورٹل پر رجسٹریشن آسانی سے کرا سکتے ہیں ۔
ترجمان۔
الائیڈ ہیلتھ پروفیشنل کونسل آف پاکستان

20/05/2025

تمام الائیڈ ہیلتھ پروفیشنلز کو مطلح کیا جاتا ہے کہ جو انسٹیٹیوٹ، کالج یا یونیورسٹی الائیڈ ہیلتھ پروفیشنل کونسل سے ابھی تک رجسٹرڈ نہیں ہوئے ان کی جاری کردہ ڈپلومہ یا ڈگری کی رجسٹریشن نہیں دی جائے گی ۔۔
لہٰذا تمام امیدواران پہلے اپنے انسٹیٹیوٹ سے رابط کریں ۔۔۔