https://www.paypal.com/cgi-bin/webscr?cmd=_s-xclick&hosted_button_id=96BVHNSJ5XD7W&source=url

Chinar Free Dialysis Centre, District Headquarter Hospital Bhimber, Bhimber (2026)

31/01/2026

چنار فری ڈائیلائسز سنٹر بھمبر میں معزز اور قابلِ احترام صحافتی شخصیات کے اعزاز میں ایک پروقار استقبالیہ تقریب منعقد کی گئی۔ اس موقع پر معزز مہمانوں نے ادارے کا تفصیلی دورہ کیا، مختلف شعبہ جات کا معائنہ کیا اور مریضوں کو فراہم کی جانے والی مفت اور معیاری طبی سہولیات کو سراہا۔
تقریب میں حاجی نعیم اقبال صدر گلیانہ پریس کلب
سید زولفقار علی شاہ چیئرمین
آصف حسین عطاری جنرل سیکرٹری
زولفقار بٹ فنانس سیکرٹری
خالد پرویز ممبرشپ کمیٹی چیئرمین
ڈاکٹر محمد رشید چیئرمین ایڈمن کمیٹی
محمد شہباز سابق صدر
عمر وقاص وائس چیئرمین مجلس عاملہ
وقار قادری وائس چیئرمین پریس کلب انصرفاروق مغل گروپ لیڈرنے خصوصی شرکت کی
معزز مہمانوں کی چنار فری ڈائیلائسز سنٹر آمد پر ادارے کی انتظامیہ کی جانب سے پرتپاک استقبال کیا گیا اور استقبالیہ تقریب کے دوران انہیں ادارے کی فلاحی خدمات، کارکردگی اور مستقبل کے منصوبہ جات کے حوالے سے تفصیلی آگاہی دی گئی۔
اس موقع پر چنار فری ڈائیلائسز سنٹر کی جانب سے معزز مہمانوں کو ان کی سماجی خدمات اور ادارے کے ساتھ تعاون کے اعتراف میں یادگاری شیلڈز بھی پیش کی گئیں، جس پر مہمانوں نے خوشی اور تشکر کا اظہار کیا۔
مہمانوں نے اس عزم کا اظہار کیا کہ وہ چنار فری ڈائیلائسز سنٹر جیسے فلاحی اداروں کے ساتھ ہر ممکن تعاون جاری رکھیں گے۔ تقریب کے اختتام پر ادارے کی انتظامیہ نے تمام معزز مہمانوں کا شکریہ ادا کیا اور دعا کی گئی کہ اللہ تعالیٰ اس ادارے کو مزید ترقی اور استحکام عطا فرمائے۔

31/01/2026

چنار فری ڈائیلائسز سنٹر بھمبر میں خدمتِ انسانیت کا یادگار لمحہ
آج چنار فری ڈائیلائسز سنٹر بھمبرمیں ایک دل چھو لینے والا لمحہ رقم ہوا۔ خدمتِ انسانیت کے جذبے سے سرشار سابق سیکٹر ہیڈ پاکستان اسٹیٹ لائف انشورنس، راجہ محمد یونس نے وفد کے ہمراہ ادارے کا دورہ کیا۔
ادارے کے مرکزی صدر چوہدری موسی جان، سینئر نائب صدر محمد التماس خان، جنرل سیکرٹری چوہدری عتیق الرحمن برسالوی، ڈپٹی جنرل سیکرٹری چوہدری محمد امجد اور سیکرٹری فنانس چوہدری شوکت علی انجم نے ان کا دل کھول کر استقبال کیا اور ادارے کی ہر خدماتی سرگرمی کی تفصیلی رہنمائی کی۔
تقریب میں جنرل سیکرٹری چوہدری عتیق الرحمن برسالوی نے ادارے کی انسانی خدمت کی گہرائی اور کامیابیوں پر روشنی ڈالی، جس پر راجہ محمد یونس نے پورے اعتماد اور خراجِ تحسین کا اظہار کیا۔
اس خاص موقع پر انہیں ادارے کا باضابطہ ممبر گورننگ باڈی کا نوٹیفکیشن بھی دیا گیا، جو ادارے کے مشن میں شراکت داری اور انسانیت کی خدمت میں ان کے جذبے کا عملی اعتراف ہے۔
راجہ محمد یونس نے کہا
یہ ادارہ انسانیت کی خدمت کا روشن نمونہ ہے۔ یہاں ہر لمحہ، ہر کوشش انسانوں کی زندگی بچانے اور بہتر بنانے کے لیے وقف ہے۔ میں اس عظیم مقصد کا حصہ بن کر فخر محسوس کر رہا ہوں۔
بھمبر سے خدمتِ انسانیت کی ایک خوبصورت خبر، جہاں چنار فری ڈائیلائسز سنٹر نے ایک یادگار لمحہ پیش کیا۔ سابق سیکٹر ہیڈ پاکستان اسٹیٹ لائف انشورنس، راجہ محمد یونس وفد کے ہمراہ ادارے پہنچے۔
"ادارے کے مرکزی صدر چوہدری موسی جان، سینئر نائب صدر محمد التماس خان، جنرل سیکرٹری چوہدری عتیق الرحمن برسالوی، ڈپٹی جنرل سیکرٹری چوہدری محمد امجد اور سیکرٹری فنانس چوہدری شوکت علی انجم نے ان کا پرتپاک استقبال کیا اور ادارے کی ہر خدماتی سرگرمی کا تفصیلی وزٹ کروایا۔
تقریب میں جنرل سیکرٹری چوہدری عتیق الرحمن برسالوی نے ادارے کی انسانی خدمت اور کامیابیوں کے بارے میں بریفنگ دی۔ راجہ محمد یونس نے ادارے کی بے مثال خدمات پر خراج تحسین پیش کیا اور اپنے اعتماد کا اظہار کیا۔
اس موقع پر انہیں ادارے کا ممبر گورننگ باڈی کا باضابطہ نوٹیفکیشن بھی دیا گیا، جو ادارے کے مشن میں شراکت داری اور خدمتِ انسانیت کے جذبے کا عملی ثبوت ہے۔
یہ دورہ نہ صرف ادارے کے مشن کو مزید تقویت دیتا ہے بلکہ انسانی خدمت کے جذبے کو ایک یادگار لمحے کے طور پر یادگار بنا دیتا ہے۔"

31/01/2026

اسامیاں

31/01/2026

دنیا سے جانے والوں کے لیے بہترین عمل ۔
ڈاکٹر محمد شبیر معروف سیاسی و سماجی شخصیت ہر دل عزیز شخصیت آف کھوکھرا ایم ڈی اعظم میڈیکل سٹور موئیل نے اپنے چچا محترم چوہدری غلام حیدر مرحوم کے ایصال ثواب کے لئے 20 ہزار روپے عطیہ چنار فری ڈائلیسز سنٹر برنالہ برانچ کے اس عظیم مشن کے لیے دینے کا اعلان کیا ہے ۔یہ شخصیت عرصہ دراز سے اس ادارے کی معاون و مددگار ہے۔
کریم پروردگار ان کے چچا محترم کو جنت الفردوس میں اعلی مقام عطا فرمائے اور درجات بلند فرمائے ۔لواحقین کو صبر جمیل عطا فرمائے ۔
ادارے کی انتظامیہ محترم ڈاکٹر محمد شبیر اعظم کے تہہ دل سے مشکور ہیں ۔
جزاک اللہ خیر

30/01/2026

معروف جرنلسٹ راجہ سہیل آف سرائے عالمگیر نے وفد کے ہمراہ چنار فری ڈائیلائسز سنٹر بھمبر آزاد کشمیر کا وزٹ کیا. تنظیم کے مرکزی سینیئر نائب صدر راجہ محمد التماس خان ،جنرل سیکرٹری چوہدری عتیق الرحمن برسالوی اور سیکرٹری فنانس چوہدری شوکت علی انجم نے ان کا ادارے میں استقبال کیا اور ادارے کا تفصیلی وزٹ کروایا.اس موقع پر انہوں نے ادارے میں موجود مریضوں سے فرداً فرداً ملاقات کی اور ان کی خیریت دریافت کرتے ہوئے ان سے ادارے کی جانب سے فراہم کی جانیوالی سہولیات کے بارے میں مکمل آگاہی حاصل کی.
انہوں نے ادارے کی کارکردگی کو سراہتے ہوئے انتظامیہ کو خراج تحسین پیش کیا اور اپنی جانب سے میڈیا کے حوالے سے بھرپور معاونت اور یقین دھانی کروائی.
چنار فری ڈائیلائسز سنٹر بھمبر آزاد کشمیر کی انتظامیہ راجہ سہیل اور ان کے ساتھ آنے والے احباب کا تہہ دل سے مشکور ہیں.

29/01/2026

انسانیت، ہمدردی اور خدمتِ خلق کی ایک خوبصورت مثال
چنار فری ڈائیلائسز سنٹر بھمبر آزاد کشمیر میں بھمبر یونیورسٹی کے معزز لیکچررز نے ادارے کا دورہ کیا۔
معزز مہمانوں کی آمد پر تنظیم کے مرکزی صدر چوہدری موسیٰ جان، سینئر نائب صدر راجہ التماس خان، سیکرٹری فنانس چوہدری شوکت علی انجم اور ممبر گورننگ باڈی ملک زاہد حسین اعوان نے نہایت گرمجوشی اور خلوصِ دل کے ساتھ ان کا پرتپاک استقبال کیا۔
دورے کے دوران لیکچررز نے ادارے میں زیرِ علاج ناکارہ گردوں کے مریضوں سے تفصیلی ملاقات کی، ان کی خیریت دریافت کی اور ان کے چہروں پر دکھ کے ساتھ ساتھ امید کی جو کرنیں نظر آئیں، وہ اس عظیم فلاحی ادارے کی کامیابی کا منہ بولتا ثبوت تھیں۔ مریضوں نے معزز مہمانوں کو بتایا کہ چنار فری ڈائیلائسز سنٹر ان کے لیے کسی نعمت سے کم نہیں، جہاں انہیں مکمل طور پر مفت علاج، عزت اور سہولت میسر ہے۔
بعد ازاں معزز لیکچررز کے اعزاز میں ایک پروقار استقبالیہ تقریب کا انعقاد کیا گیا۔ تقریب سے خطاب کرتے ہوئے مرکزی سیکرٹری جنرل چوہدری عتیق الرحمن برسالوی نے معزز شرکاء کو خوش آمدید کہا اور ادارے کے قیام، خدمات، جدوجہد اور مخیر حضرات کے بے لوث تعاون پر تفصیلی روشنی ڈالی۔
اس موقع پر ڈاکٹر خادم حسین، ڈاکٹر عبدالحسیب اور ڈاکٹر احتشام الحق نے اپنے جذباتی خطابات میں چنار فری ڈائیلائسز سنٹر کی انتظامیہ، رضاکاروں اور دل کھول کر عطیات دینے والے ڈونرز کو زبردست الفاظ میں خراجِ تحسین پیش کیا۔ انہوں نے کہا کہ ایسے فلاحی ادارے معاشرے کے کمزور اور مجبور افراد کے لیے امید کی روشن علامت ہیں اور یہ ہم سب کی مشترکہ ذمہ داری ہے کہ ہم ان کا ساتھ دیں۔
تقریب میں ڈاکٹر اعجاز، ڈاکٹر نعمان، زاہد یوسف، محمد جہانگیر اختر، سامیہ انور، مدیحہ النسا، حنا مرزا اور طیبہ چوہدری بھی موجود تھیں جنہوں نے ادارے کی خدمات کو سراہتے ہوئے مستقبل میں تعاون کے عزم کا اظہار کیا۔
تقریب کے اختتام پر چنار فری ڈائیلائسز سنٹر کی جانب سے معزز مہمانوں کو یادگاری شیلڈز پیش کی گئیں۔
یہ دورہ اس حقیقت کا واضح ثبوت ہے کہ جب نیت صاف ہو، مقصد انسانیت ہو اور جذبہ خدمت کا ہو تو ایسے ادارے معاشرے میں زندگی بانٹنے کا ذریعہ بن جاتے ہیں۔

29/01/2026

برنالہ۔
وطن کی مٹی گواہ رہنا ۔
ہر سال ایک دن کا خرچ ایک لاکھ روپے مسلسل دینے کا عزم۔
سرزمین برنالہ کے عظیم سپوت سماجی شخصیت اور عسکری شخصیت میجر ارسلان خان ڈار نے چنار فری ڈائلیسز سنٹر برنالہ برانچ کا وزٹ کیا ۔عبدالجمیل جنجوعہ ریٹائرڈ ڈسٹرکٹ ایجوکیشن آفیسر اور چوہدری عتیق الرحمن برسالوی نے معزز مہمان کو ویلکم کیا ۔مریضوں سے ملاقات ۔فری سہولیات ۔مستقبل کی ضروریات ۔وسائل اور دیگر امور پر تفصیلی تبادلہ خیال ۔معزز مہمان نے چنار فری ڈائلیسز سنٹر بھمبر آزاد کشمیر کی لازوال خدمات کو خراج تحسین پیش کیا ۔برنالہ برانچ کے قیام پر مبارکباد پیش کرتے ہوئے اس عظیم مشن کے لیے ہر سال ایک دن کا خرچ ایک لاکھ روپے یعنی گولڈن ممبر شپ مہم میں حصہ لیا ۔
اور یہ تعاون جاری رکھنے کا عزم کیا۔
ادارے کی انتظامیہ ان کے تعاون پر مشکور ہے ۔
جزاک اللہ خیر

28/01/2026

# # 24 لاکھ روپے مالیت کی نئی ڈائیلسز مشین کا عطیہ۔
سرزمین کشمیر کی دھرتی برنالہ ڈوبے کی سرزمین کے عظیم سپوت سماجی شخصیت عسکری راہنما صوبیدار ملک محمد لطیف اعوان کی جانب سے چنار فری ڈائلیسز سنٹر برنالہ برانچ کے اس عظیم مشن کے لیے اپنے والدین کے ایصال ثواب کے لئے 24 لاکھ روپے مالیت کی نئی ڈائیلسز مشین کا عطیہ۔
ادارے میں پہنچنے پر عبدالجمیل جنجوعہ ریٹائرڈ ڈسٹرکٹ ایجوکیشن آفیسر ۔صوبیدار محمد صدیق آزاد مغل ۔چیف آفیسر چوہدری ذوالفقار چاڑ ۔حاجی عدالت خان ۔معروف بزنس مین ذولفقار مغل نے استقبال کیا ۔
نئی ڈائلیسز مشین کا باقاعدہ فیتہ کاٹ کر افتتاح کیا۔
مولانا حبیب الرحمن نے ان کے والدین کے ایصال ثواب کے لئے دعا کی ۔ان کے بھائی ملک خورشید اعوان جرمنی اور ملک فرید اعوان جرمنی کے کاروبار میں برکت کے لیے دعا کی۔ان کی صحت کے لیے دعا کی گئی ۔اس موقع پر انہوں نے مریضوں سے ملاقات کی ۔چوہدری عتیق الرحمن برسالوی نے ان کو ادارے کے متعلق بریفننگ دی ۔صوبیدار ملک محمد لطیف اعوان نے چنار ٹیم برنالہ کو خراج تحسین پیش کیا کہ آپ سب لوگ اس عظیم مشن کے لیے دن رات کاوش کرتے ہیں ۔ان کے ہمراہ معروف علمی و ادبی شخصیت ریٹائرڈ پرنسپل ثنا اللہ ڈار ۔ملک ظفر اقبال ۔ملک امتیاز بھی موجود تھے ۔چنار ٹیم برنالہ کے زمہ داران نے معزز مہمانوں کی آمد اور تعاون پر شکریہ ادا کیا

28/01/2026

بھمبر کی معروف سیاسی و سماجی شخصیت چوہدری نصر اقبال صاحب آف مکہال نے چنار فری ڈائیلائسز سنٹر بھمبر آزاد کشمیر کے لیے 25000روپے کا عطیہ دیا ہے.
چنار فری ڈائیلائسز سنٹر بھمبر آزاد کشمیر کی انتظامیہ چوہدری نصر اقبال صاحب کے تعاون پر ان کی تہہ دل سے شکر گزار ہیں اور دعا گو ہیں کہ اللہ تعالیٰ ان کو صحت کاملہ عطا فرمائے آمین ثم آمین

28/01/2026

کرم کے فیصلے اور نصیب کی بات ۔
چنار فری ڈائلیسز سنٹر بھمبر آزاد کشمیر ۔برنالہ اور سماہنی برانچ کے ملازمین عمرہ کی ادائیگی پر روانہ۔
1..علی شان ڈائیلسز ٹیکنیشن
2.دانش علی ڈرائیور ۔
3 , محمد رضوان کولیکٹر ۔
4-محمد لطیف ڈرائیور ۔
ملازمین کا انتخاب قرعہ اندازی کے زریعے کیا جاتا ہے ۔
اور ادارے کی جانب سے یہ خدمت کے اس عظیم مشن کے لیے دن رات کام کرنے والے سٹاف کی حوصلہ افزائی ہے۔
عمرہ پیکج معزز ڈونرز کی جانب سے دیا گیا ہے ۔
ان عظیم شخصیات میں جنہوں نے کمال شفقت فرمائی اور چنار فری ڈائلیسز سنٹر کے سٹاف کو اللہ اور اس کے رسول کے گھر کی حاضری کے لیے وسائل مہیا کیے۔
ان میں ۔محترم شخصیت اوورسیز کشمیری راہنما سیاسی و سماجی شخصیت راجہ طارق محمود خان آف جنڈ پیر برنالہ حال دوبئی ۔۔
دوسری شخصیت ۔معروف بزنس مین سماجی شخصیت محمد حفیظ صاحب آف ڈوبے برنالہ ہیں۔
تیسری شخصیت ۔اوورسیز کشمیری راہنما درد دل رکھنے والی شخصیت وادی سماہنی کے عظیم سپوت ۔چوہدری محمد ایوب برطانیہ ہیں۔
اور چوتھی شخصیت ۔
ہر دل عزیز اوورسیز کشمیری راہنما ۔سماج کی خدمت کے ہیرو ۔سرزمین کشمیر کے عظیم راجہ محمد شفیق کیانی برطانیہ ہیں۔
ادارے کی انتظامیہ اور سٹاف ان معزز شڑاور ڈونرز کے تہہ دل سے مشکور ہیں کہ آپ نے چنار فری ڈائلیسز سنٹر بھمبر ۔برنالہ۔اور سماہنی کے سٹاف ممبران کو عمرہ کی سعادت حاصل کرنے کے لیے تعاون پیش کیا ۔
اللہ تعالیٰ آپ سب کو دارین کی سعادت نصیب فرمائے ۔
آپ کے علم و عمل میں برکت ۔اور کاروبار میں برکت عطا فرمائے ۔
جزاک اللہ خیر

28/01/2026

وزیراعظم آزاد کشمیر کے معائنہ کمیشن کے چیئرمین چوہدری حسن اشرف نے ایس ڈی ایم برنالہ ڈاکٹر محمد راشد خان کے ہمراہ تحصیل ہیڈکوارٹر ہسپتال برنالہ میں قائم امراضِ گردہ کے مریضوں کے لیے قائم چنار فری ڈائیلائسز سنٹر کا تفصیلی دورہ کیا۔ دورے کے دوران انہوں نے زیرِ علاج مریضوں سے ملاقات کی، ان کی خیریت دریافت کی اور فراہم کی جانے والی سہولیات کا جائزہ لیا۔
چیئرمین معائنہ کمیشن نے سنٹر کے انتظامی ڈھانچے، صفائی ستھرائی،پک اینڈ ڈراپ سروس،بجلی کی بلاتعطل سروس عملے کی محنت اور مریضوں کو دی جانے والی مثالی طبی سہولیات کو شاندار الفاظ میں سراہتے ہوئے سنٹر کے لیے ہر ممکن تعاون فراہم کرنے کی یقین دہانی کرائی۔ انہوں نے کہا کہ چنار فری ڈائیلائسز سنٹر جیسے فلاحی ادارے معاشرے کے لیے قابلِ تقلید مثال ہیں، جہاں مستحق مریضوں کو بلا معاوضہ علاج کی سہولت فراہم کی جا رہی ہے۔
اس موقع پر چوہدری عتیق الرحمان برسالوی، سابق ڈی ای او عبدالجمیل جنجوعہ، سابق اے ای او ملک اقبال، ناصر بوکن، ذوالفقار چاڑ، ملک زاہد، محمد عنصر مغل اور دیگر معزز شخصیات نے چیئرمین معائنہ کمیشن کا پرتپاک استقبال کیا اور سنٹر کی کارکردگی کے حوالے سے بریفنگ دی۔
چیئرمین معائنہ کمیشن نے سنٹر کی مجموعی صفائی، نظم و ضبط اور عملے کی خدمات کو سراہتے ہوئے کہا کہ ایسے ادارے نہ صرف دکھی انسانیت کی خدمت کر رہے ہیں بلکہ صحت کے شعبے میں حکومت کے لیے معاون کردار بھی ادا کر رہے ہیں۔
چنار فری ڈائیلائسز سنٹر کی مرکزی شخصیت چوہدری عتیق الرحمان برسالوی نے تفصیلی بریفنگ دیتے ہوئے بتایا کہ محض دو سال کے قلیل عرصے میں اس سنٹر کے ذریعے 14 ہزار سے زائد گردوں کے مریضوں کو علاج و معالجے کی سہولت فراہم کی جا چکی ہے۔ انہوں نے سنٹر کی کامیابی میں پوری ٹیم، ڈونرز اور مخیر حضرات کی خدمات کو سراہتے ہوئے ان کا شکریہ ادا کیا۔چوہدری عتیق الرحمان نے حسن اشرف کے والد پرویز اشرف اور حسن اشرف کی والدہ محترمہ کی طرف سے سنٹر کے لئے ڈونیشنز دینے پر شاندارالفاظ میں خراج تحسین پیش کیا۔
آخر میں چیئرمین معائنہ کمیشن نے چنار فری ڈائیلائسز سنٹر کی خدمات کو قابلِ فخر قرار دیتے ہوئے امید ظاہر کی کہ مستقبل میں بھی یہ ادارہ اسی جذبے کے ساتھ دکھی انسانیت کی خدمت جاری رکھے گا۔سنٹر انتظامیہ نے چیئرمین کو یادگاری شیلڈ پیش کی۔
چیئرمین معائنہ کمیشن چوہدری حسن اشرف نے دوران خطاب کہاکہ تمام مریضوں کے لیے دعا گوہوں عتیق الرحمان برسالوی و دیگر عملے کو سراہتے ہیں۔انہوں نے کہاکہ ہیلتھ سیکٹر کو زیادہ فوکس کیاہے۔عوام کو ایکسپائری ادویات سے بچانے کے لیے اقدامات کیے ہیں۔سنٹرکے بانی چوہدری غلام احمد مرحوم کی خدمات کو سراہتے ہیں۔پبلک پرائیوٹ سیکٹرمیں یہ ادارہ ایک مثال ہے کہ خدمت کا جذبہ ہو تو بڑی کامیابیاں مل سکتی ہیں۔انہوں نے یقین دہانی کرائی کہ وزیراعظم کے پاس اس معاملے کو جاندار انداز میں اٹھائیں گے کہ حکومت ڈائیلائسز کے مریضوں پر زیادہ توجہ دے،ہیلتھ کارڈ سے ترجیحا مستفید ہو ۔ریاست کی خود مختاری مظبوط معیشت سے عوام کا معیار زندگی بہتر ہوگا انہوں نے چنار سنٹر کی حکومتی گرانٹ بڑھانے،مشینیں دینے کے لیئے پیرورک،بجلی بلات کے مسائل حل کرنے کا اعلان کیا۔
دوران خطاب اسسٹنٹ کمشنرڈاکٹر راشد خان نے سنٹر انتظامیہ کوسراہا،تمام تر تعاون دینے کا اعلان کیا۔چنار ٹیم برنالہ سے عبدالجمیل جنجوعہ ریٹائرڈ ڈسٹرکٹ ایجوکیشن آفیسر ۔چوہدری عبد الناصر بوکن ۔ملک محمد اقبال اسسٹنٹ ایجوکیشن آفیسر ۔ملک زاہد حسین اعوان ۔چوہدری زولفقار چاڑ چیف آفیسر ۔کامران یونس جرال ۔حاجی صغیر مغل ۔حاجی عدالت خان ۔ذولفقار مغل باڑہ ۔عنصر مغل سنگری اور معززین علاقہ نے شکریہ ادا کیا

27/01/2026

آج چنار فری ڈائیلائسز سنٹر بھمبر آزاد کشمیر میں علم، احساس اور انسانیت ایک جگہ جمع دکھائی دی۔
یونیورسٹی آف بھمبر کے معزز پروفیسرز صاحبان اور لیکچرار پر مشتمل وفد نے ادارے کا دورہ کیا۔ وفد میں ڈاکٹر تنویر احمد (کنٹرولر امتحانات و ہیڈ آف ڈیپارٹمنٹ ویٹرنری سائنس)، ڈاکٹر انیل احمد (ہیڈ آف ڈیپارٹمنٹ کمپیوٹر سائنس)، ڈاکٹر وقاص شبیر (یو پی آر)، ڈاکٹر نثار سبحانی، ڈاکٹر فاخرہ وحید، علی حسنین، اجالا چوہدری، ڈاکٹر ظفر احمد (ہیڈ آف ڈیپارٹمنٹ ایم ایل ٹی) اور ڈاکٹر انعم گردیزی شامل تھے۔
تنظیم کے مرکزی صدر چوہدری موسیٰ جان، سینئر نائب صدر راجہ محمد التماس خان، مرکزی جنرل سیکرٹری چوہدری عتیق الرحمن برسالوی، ڈپٹی جنرل سیکرٹری چوہدری محمد امجد اور سیکرٹری فنانس چوہدری شوکت علی انجم نے معزز مہمانوں کا استقبال کیا اور ادارے کا تفصیلی وزٹ کروایا۔
دورے کے دوران جب مہمانوں نے ڈائیلائسز مشینوں سے جڑے مریضوں سے ملاقات کی تو فضا میں ایک خاموش اداسی محسوس کی جا سکتی تھی۔ مریضوں کی آنکھوں میں درد، مگر دلوں میں شکر گزاری تھی کہ انہیں بالکل مفت علاج، ادویات اور سہولیات میسر ہیں۔ مہمانوں نے اس حقیقت کو قریب سے دیکھا کہ یہ ادارہ صرف علاج نہیں بلکہ بے بس انسانوں کے لیے امید بھی فراہم کر رہا
ہے۔۔
بعد ازاں منعقدہ استقبالیہ تقریب سے مرکزی جنرل سیکرٹری چوہدری عتیق الرحمن برسالوی نے خطاب کرتے ہوئے ادارے کی جدوجہد، محدود وسائل اور مسلسل بڑھتے مریضوں کے بوجھ پر روشنی ڈالی اور کہا کہ یہ سب کچھ بانی تنظیم غلام احمد چوہدری مرحوم و مغفور کے مشن کی عملی تصویر ہے۔
تقریب سے ڈاکٹر محمد اعجاز نے جذباتی انداز میں خطاب کرتے ہوئے کہا کہ چنار فری ڈائیلائسز سنٹر اُن افراد کے لیے سہارا ہے جن کے پاس بیماری کے ساتھ ساتھ وسائل کی بھی کمی ہے۔ انہوں نے کہا کہ مرحوم غلام احمد چوہدری نے انسانیت کی خدمت کا جو چراغ جلایا، وہ آج بھی روشن ہے اور سینکڑوں خاندانوں کی دعاؤں میں زندہ ہے۔ انہوں نے یونیورسٹی آف بھمبر کی جانب سے ہر ممکن تعاون کی یقین دہانی کروائی۔
اس موقع پر پروفیسر علی حسنین نے 50ہزار روپے جبکہ نثار سبحانی نے 20ہزار روپے کا عطیہ دیا
آخر میں صدر تنظیم چوہدری موسیٰ جان اور سینئر نائب صدر راجہ محمد التماس خان نے معزز مہمانوں کو یادگاری شیلڈز پیش کیں، جبکہ تقریب ایک خاموش دعا کے ساتھ اختتام پذیر ہوئی کہ یہ خدمت کا سفر یونہی جاری رہے۔

Chinar Free Dialysis Centre

31/01/2026

31/01/2026

31/01/2026

31/01/2026

30/01/2026

29/01/2026

29/01/2026

28/01/2026

28/01/2026

28/01/2026

28/01/2026

27/01/2026

Address

Telephone

Website

Alerts

Contact The Practice

Shortcuts

Share

Our Story