Hanif Eye Care and Optical Center

Hanif Eye Care and Optical Center نظر کا معائنہ بذریعہ جدید کمپیوٹرائزڈ مشین پر ڈاکٹر کی زیرنگرانی
امپورٹڈ فریم
اعلیٰ کوالٹی کے دھوپ کے چشمے
پارٹی لینز
کنٹیکٹ لینز
آلہ سماعت

Vision Specialist (Eye)
Dr Of Optometry
آنکھوں کا معائنہ بذریعہ جدید کمپیوٹرازڈ جاپانی مشین سے
دور اور قریب کی نظر کی عینکیں
برانڈڈ، نان برانڈڈ، کورین،
اٹالین، چائنیز سن گلاسز اور نظر کے فریم

کنٹیکٹ لینز ،نظر کے لینز ،پارٹی لینز
گھڑیاں ، آلہ سماعت

والدین کے لیے اہم پیغام: کیا آپ کے بچے کی آنکھیں سیدھی نہیں رہتیں؟بچوں میں بھینگا پن (Squint) کو اکثر والدین معمولی سمجھ...
19/03/2026

والدین کے لیے اہم پیغام: کیا آپ کے بچے کی آنکھیں سیدھی نہیں رہتیں؟
بچوں میں بھینگا پن (Squint) کو اکثر والدین معمولی سمجھ کر نظر انداز کر دیتے ہیں، لیکن اگر اس کا بروقت علاج نہ کیا جائے تو یہ Lazy Eye (کمزور نظر) کا سبب بن سکتا ہے۔
⚠️ والدین ان علامات پر توجہ دیں:
• ایک آنکھ کا اندر یا باہر کی طرف مڑ جانا
• بچہ چیز دیکھتے وقت سر ٹیڑھا کرنا
• آنکھیں بار بار بند کرنا یا ملنا
• ٹی وی یا موبائل دیکھتے وقت ایک آنکھ بند کرنا
💡 اچھی خبر یہ ہے کہ زیادہ تر کیسز میں بھینگا پن کا مؤثر علاج ممکن ہے — خاص طور پر اگر جلد تشخیص ہو جائے۔
👨‍⚕️ اپنے بچے کی آنکھوں کا معائنہ کروائیں:

👉 اگر یہ معلومات مفید لگیں تو اس پوسٹ کو دوسرے والدین کے ساتھ ضرور شیئر کریں تاکہ مزید بچوں کی نظر محفوظ رہ سکے۔
👁️✨

روتے بچےکل میرے پاس ایک بچہ کو لایا گیا ۔ اسکے والدین انتہائی پریشانی کے عالم میں کہتے ہیں کہ ڈاکٹر صاحب میرے بچے کی ایک...
18/03/2026

روتے بچے
کل میرے پاس ایک بچہ کو لایا گیا ۔ اسکے والدین انتہائی پریشانی کے عالم میں کہتے ہیں کہ ڈاکٹر صاحب میرے بچے کی ایک آنکھ دن بدن چھوٹی ہوتی جا رہی اُس سے پانی اور گند بھی آتا میں تو بہت زیادہ پریشان ہوں کیا یہ اندھا تو نہیں ہو جائے گا ۔ جب میں نے اسکا معائنہ کیا تو اسکو بچوں کی ایک انتہائی عام بیماری تھی
اکثر بچے جب پیدا ہوتے ہیں تو اُن کی آنکھوں سے پانی بہتا ہے
جس کی وجہ یہ ہوتی ہے کہ ناک اور آنکھ کو ایک نالی آپس میں ملاتی ہے جس کو nasolacrimal duct کہتے ہیں ہماری آنکھ مسلسل پانی بناتی رہتی ہے اور وہ پانی آنکھ کو نشوونما دے کر آنکھ سے ناک میں اس نالی کے ذریعے چلا جاتا ہے اور پھر ناک سے گلے میں جاتا ہے جب یہ نالی کھلی ہوتی ہے تو ہمیں اس پانی کا پتہ بھی نہی چلتا لیکِن جب اس نالی میں کچرا پھنس جائے یا ناک کے اندر اس نالی کے دہانے پر membrane یا جھلی ہو تو پانی کی نکاسی بند ہوجاتی ہے اور آنکھ سے پانی بہنا شروع ہو جاتا ھے
جہاں بھی پانی کھڑا رہے وہاں جراثیم پھلتے پھولتے ہیں اور انفیکشن بھی ہوجاتا ہے اور سفیدی مائل مواد بھی آنکھ سے خارج ہوتا ہے یہ نالی چھوٹے بچوں میں اکثر بند ہوتی ہے اور یہ ایک انتہائی عام اور اہم بیماری ہے جس کے ساتھ بچے ہمارے پاس آتے ہیں ان بچوں کے والدین سے ہم ایک سوال کرتے ہیں کہ پانی ایک دو روز سے آرہا ہے یا کئی مہینوں سے۔ کیوں کہ ایک دو دن والہ آنکھ کا معمولی انفیکشن بھی ہوسکتا ہے جب کہ نالی کی بندش nasolacrimal duct obstruction کی میعاد زیادہ ہوتی ہے تو جب آپ اسکی تشخیص کرلیں تو والدین کو تسلی دیں کہ یہ کوئی بھت خطرناک مسلہ نہیں ہے اس کا علاج عمر بڑھنے کے ساتھ مختف چیزوں سے ہوتا ہے
اگر بچہ تین ماہ کی عمر میں آجائے تو یاد رکھیں چھ ماہ کی عمر تک اس کا علاج lacrimal massage ھے آپ نے کان صاف کرنے والا ear bud لینا ہے اور آنکھ اور ناک جہاں ملتی ہے وہاں lacrimal sac کو دبانا ہے تا کہ نالی میں دباؤ بنے اور نیچے valve of hasner پر جو membrane نالی کی بندش کا باعث بنی ہے وہ پھٹ جائے ۔ایسا آپ نے دن میں کئی اوقات آٹھ سے دس بار massage کرنا ہے اب آپکو کیسے پتہ چلے گا کے آپ صحیح جگہ دبا رہے ہیں جب آپ آنکھ اور ناک کے ملاپ والی جگہ سے تھوڑا نیچے صحیح جگہ دبائیں گے تو آنکھ کی طرف سے گند یا پانی نکلے گا تو آپ نے اسی جگہ کو یاد کر کے دباتے رہنا ہے
ساتھ میں آنکھ میں ماہر امراض چشم کی ہدایات کے مطابق جراثیم کش قطرے دن میں تین چار بار ڈالنے ہیں اور رات کو اینٹی بیوٹک ٹیوب لگانی ہے نوے فیصد بچوں میں اس عمل سے نالی کھل جاتی ہے اگر چھ سے نو ماہ کی عمر تک اس علاج سے افاقہ نہ ہو تب بچے کو بیہوش کر کے ایک پتلی سٹیل کی تار آنکھ سے ناک تک بند نالی میں گزارتے ہیں اور جو کچرا پھنسا ہوتا ہے یا جھلی membrane ہوتی ہے یہ تار اس کو پھاڑ دیتی ہے اس کو therapeutic probing بھی کہا جاتا ہے اور پانی کے بہاؤ کا راستہ کھل جاتا ھے چھ ماہ سے دو سال کی عمر کے بچوں کی نالی کی بندش کا یہ طریقہ علاج ہے اگر ایک بار probing سے نالی نا کھلے تو دو سے تین ماہ کے وقفے سے دوبارہ بھی کر سکتے ہیں اگر دو بار یہ ناکام ہوجاے تو پھر ہم پلاسٹک کی ایک ٹیوب نالی سے گزارتے ہیں اس کو close intubation کہتے ہیں عموماً اس سے مسئلہ حال ہوجاتا ہے دو سے چار سال کی عمر تک یہ طریقہ علاج ہے اس سے زائد عمر کے بچوں میں ناسور کا آپریشن DCR کیا جاتا ہے ۔
شرجیل خان منصوری بلچ

🧐 کیا آپ کی نظر واپس آسکتی ہے؟ ماہر چشم کی اہم وضاحت! 🧐بہت سے لوگ یہ سوال کرتے ہیں کہ کیا کمزور نظر دوبارہ ٹھیک ہو سکتی ...
17/03/2026

🧐 کیا آپ کی نظر واپس آسکتی ہے؟ ماہر چشم کی اہم وضاحت! 🧐

بہت سے لوگ یہ سوال کرتے ہیں کہ کیا کمزور نظر دوبارہ ٹھیک ہو سکتی ہے؟ حقیقت یہ ہے کہ نظر کی واپسی اس کی وجہ پر منحصر ہوتی ہے۔

✅ کب نظر بہتر ہو سکتی ہے؟
چشمے کے درست نمبر، سفید موتیہ (Cataract) کے علاج، یا بعض انفیکشنز کے بعد نظر بہتر ہو سکتی ہے۔

❌ کب مکمل واپسی مشکل ہے؟
ریٹینا یا اعصاب کی بیماریوں میں مکمل نظر واپس آنا اکثر ممکن نہیں ہوتا۔

کیا ضروری ہے؟
بروقت معائنہ اور درست علاج! جلد تشخیص سے نظر کو مزید خراب ہونے سے بچایا جا سکتا ہے۔

📞 اپائنٹمنٹ کے لیے کال کریں: 0304.0753085

ڈاکٹر صاحب بیٹھے ہیں اندر؟ہربراہٹ اور گبھراہٹ سے بھری ایک زنانہ آواز مجھ تک پہنچی۔میں ریسٹ روم میں چائے پی رہا تھا۔ پرچی...
16/03/2026

ڈاکٹر صاحب بیٹھے ہیں اندر؟
ہربراہٹ اور گبھراہٹ سے بھری ایک زنانہ آواز مجھ تک پہنچی۔

میں ریسٹ روم میں چائے پی رہا تھا۔ پرچی بنانے والے انکل نے کہا سر ایک ایمرجنسی ہے۔

میں دوڑ کر ایگزامنیشن روم گیا تو ماں کی گود میں ایک 4 سالہ بچی تھی جسکی دونوں آنکھیں بند اور آنکھوں کے گرد سفید سی کوئی چیز جمی تھی۔ ساتھ والد تھا جو کہ بہت ڈرا سہما ہوا تھا۔

میں نے پوچھا ہوا کیا ہے؟

ماں کہنے لگی کہ اسکا والد کرسی پر بیٹھے کسی کام میں مشغول تھا اور اسی دوران انہوں نے ایلفی کی ڈبی کھولی۔ ڈبی کچھ اس طرح کھلی کہ نیچے بیٹھی دیکھ رہی بچی کی دونوں آنکھوں میں بھر گئیں۔

میرے چھوتے ہی بچی چیخنے لگ گئیں۔ مجھے اندازہ ہوا کہ دونوں آنکھیں پلکوں اور پپوٹوں سمیت مضبوطی سے جڑی ہوئی ہیں۔ یہ سوچتے ہوئے کہ بچی کو تھوڑا آرام آجائے میں نے سُن کر دینے والے قطرے ڈالنے چاہے مگر بچی ماں باپ دونوں کے کنٹرول سے باہر تھیں۔ پہلے نارمل سیلائن سے اریگیشن (دھلائی) کرنے کا ارادہ کیا مگر آنکھ کے اندر کیا کچھ ہوا ہوگا اس کے بارے میں میں مشکوک تھا، اس لئے انہیں فوراً میو ہسپتال ائی ایمرجنسی بھیجنا مناسب سمجھا۔

میں نے ڈرے ہوئے اور نادم باپ کو کہا فوراً ایمرجنسی میں پہنچو میں پیچھے آرہا ہوں۔ تقریباً 20 منٹ میں آئی ایمرجنسی پہنچے تو وہاں دو پی جی آر آفتھلموجسٹس نے قریباً 2 بڑی بوتل نارمل سیلائن سے اریگیشن کی تب جا کے بچی کی آنکھیں کھلیں۔ اس دوران بچی انتہائی تکلیف میں رہیں اور ماں باپ کے آنسو تھے کہ تھم نہیں رہے تھے۔

آنکھوں کے اندر ایلفی جمی تو ہوئی تھی مگر صفائی اچھے سے اور بروقت ہونے پر دونوں آنکھوں کی پتلیاں بچ گئیں تھیں۔ وارڈ سے نکلتے وقت بچی پر سکون اور آنکھیں کھلی ہوئی تھیں۔ مطلب کوئی زخم یا کچرا نہیں تھا۔

چنانچہ آنکھوں میں کسی بھی چیز کے چلے جانے کے بعد (خاص طور پر کوئی ایسیڈک یا الکلائین) فوراً نارمل سیلائن اگر موجود ہو تو اس سے اگر نہیں تو نلکے کے صاف پانی سے فوراً دھونے کے بعد بروقت قریبی ہسپتال ہا کلینک سے معائنہ ضروری ہے۔

چوبیس گھنٹے بعد بچی کو دوبارہ معائنہ کیلئے لایا گیا پلکیں ابھی بھی کافی حد تک جڑی ہوئی تھیں جو کہ کچھ دنوں میں ٹھیک ہو جائیں گی۔ آنکھ کے اندر کوئی زخم نمایاں نہیں تھا نہ بچی کو کوئی تکلیف تھی۔ چونکہ بچی چار سال کی تھیں تو نظر کی پیمائش کیلئے ساتھ نہیں دیا مگر وہ آزادنہ گھوم پھر اور کھیل رہی تھیں۔

ازقلم؛ ڈاکٹر اطہر حسین

یہ ایک انتہائی دلخراش صورتحال ہے جو کسی بھی معالج کے دل کو پاش پاش کر دیتی ہے۔ ​آج میری کلینک میں ایک ایسا لمحہ آیا جب ...
16/03/2026

یہ ایک انتہائی دلخراش صورتحال ہے جو کسی بھی معالج کے دل کو پاش پاش کر دیتی ہے۔
​آج میری کلینک میں ایک ایسا لمحہ آیا جب وقت تھم سا گیا اور الفاظ میرا ساتھ چھوڑ گئے۔ میرے سامنے ایک چند ماہ کا معصوم بچہ تھا، جس کی آنکھیں تارے جیسی روشن ہونی چاہیے تھیں، مگر ان میں صرف ایک گہرا سناٹا تھا۔ جب میں نے معائنہ کیا تو وہی پرانا دشمن سامنے تھا: فنل شیپ ریٹینل ڈیٹیچمنٹ (Funnel-shaped RD)۔ یعنی وہ مرحلہ جہاں سے واپسی کا راستہ تقریباً بند ہو چکا ہوتا ہے۔
​یہ بچہ "پری میچور" (وقت سے پہلے) پیدا ہوا تھا۔ اسے بچانے کے لیے آکسیجن دی گئی، وہ آکسیجن جس نے اسے زندگی تو بخشی، مگر اس کی آنکھوں کے نازک پردوں کو جھلسا کر رکھ دیا۔ ریٹینوپیتھی آف پری میچورٹی (ROP) نے اس کی زندگی میں وہ اندھیرا بھر دیا جسے اب کسی بھی آپریشن یا دوا سے مٹانا ناممکن کی حد تک مشکل ہے۔
​کتنی عجیب بات ہے کہ ایک ماں باپ اپنے بچے کی جان بچ جانے پر شکرانے کے نوافل ادا کر رہے ہوتے ہیں، انہیں علم ہی نہیں ہوتا کہ ان کے جگر گوشے کی آنکھوں کے پیچھے ایک خاموش طوفان پل رہا ہے۔ وہ بچہ جو انکی مسکراہٹوں کا مرکز ہے، وہ ان کے چہرے کبھی دیکھ ہی نہیں پائے گا۔
​سبق: جو ہم سب کے لیے ضروری ہے
​اس واقعے میں ہم سب کے لیے، خاص طور پر والدین اور طبی عملے کے لیے، ایک بڑا سبق چھپا ہے:
​آگاہی ہی بچاؤ ہے: ہر وہ بچہ جو وقت سے پہلے پیدا ہو، جس کا وزن کم ہو، یا جسے پیدائش کے بعد نرسری میں آکسیجن لگی ہو، اس کا پہلا انکھوں كا معائنہ پیدائش کے چار ہفتوں کے اندر لازمی ہے۔ اور اگر اس میں پردہ بصارت پر کوئی rop کی نشانیاں نہ نظر آئیں پھر بھی اگلا معائنہ دو ھفتہ بعد لازمی کریں ۔ میں نے کئی ایسے بچہ دیکھیں ہیں جنکی آنکھوں میں آر او پی کے اثرات پہلے معائنہ میں نہیں تھے پھر وہ مطمئن ہو کر گھر چلے گئے دوبارہ دو ھفتہ بعد معائنہ کے لیے نہیں آئے اور پھر کافی عرصے بعد مکمل اندھے پن کے ساتھ آئے ۔
​وقت کی اہمیت: ROP ایک ایسی بیماری ہے جس کا علاج اگر بروقت (Stage 3 تک) ہو جائے تو بچہ نارمل زندگی گزار سکتا ہے۔ مگر ایک بار جب پردہ اکھڑ جائے (Stage 5)، تو پھر پچھتاوے کے سوا کچھ باقی نہیں رہتا۔
​غفلت کی قیمت: یہ اندھیرا اس بچے کی قسمت نہیں تھی، بلکہ یہ ہماری اجتماعی غفلت کا نتیجہ ہے۔ چاہے وہ والدین کی لاعلمی ہو یا نرسری سے بروقت ریفر نہ کیا جانا،یا ماہر امراض چشم کا نامکمل معائنہ اس کی قیمت وہ معصوم بچہ اپنی پوری زندگی سے چکائے گا۔
​میری ان تمام لوگوں سے گزارش ہے جو یہ تحریر پڑھ رہے ہیں: اگر آپ کے آس پاس کوئی بچہ وقت سے پہلے پیدا ہو، تو اس کے والدین کو صرف مبارکباد نہ دیں، بلکہ ان سے ایک سوال ضرور پوچھیں: "کیا اس کی آنکھوں کا معائنہ کسی ماہرِ چشم سے ہو گیا ہے؟"
​آپ کا یہ ایک چھوٹا سا سوال کسی معصوم کو عمر بھر کی معذوری سے بچا سکتا ہے۔
​اللہ پاک اس بچے کے والدین کو صبر عطا فرمائے اور ہمیں اپنے فرائض بہتر طور پر انجام دینے کی توفیق دے۔اس پوسٹ کو زیادہ سے زیادہ شیئر کیجئے تاکہ لوگ اس اہم بیماری اور اس سے بچاؤ کی معلومات جان سکیں ۔
0304.0753085
شرجیل خان منصوری




Only 6 Days left
14/03/2026

Only 6 Days left

👁️ ہم روزمرہ زندگی کی بہت سی چیزوں کا خیال رکھتے ہیں…لیکن ایک اہم سوال یہ ہے:آخری بار آپ نے اپنی آنکھوں کا معائنہ کب کرو...
12/03/2026

👁️ ہم روزمرہ زندگی کی بہت سی چیزوں کا خیال رکھتے ہیں…
لیکن ایک اہم سوال یہ ہے:

آخری بار آپ نے اپنی آنکھوں کا معائنہ کب کروایا تھا؟

آج کل موبائل، لیپ ٹاپ اور دیگر اسکرینز کا زیادہ استعمال ہماری آنکھوں پر مسلسل دباؤ ڈال رہا ہے۔

اکثر لوگ ان علامات کو معمولی سمجھ کر نظر انداز کر دیتے ہیں، جیسے:

▪️ آنکھوں میں تھکن یا جلن
▪️ نظر دھندلا ہونا
▪️ سر درد یا آنکھوں میں بھاری پن
▪️ خشک آنکھیں (Dry Eyes)

یاد رکھیں،
باقاعدہ آئی چیک اپ آپ کی بینائی کو محفوظ رکھنے کا سب سے مؤثر طریقہ ہے۔

بروقت معائنہ نہ صرف نظر کو بہتر رکھنے میں مدد دیتا ہے بلکہ کئی آنکھوں کی بیماریوں کو ابتدائی مرحلے میں تشخیص کرنے میں بھی مددگار ثابت ہوتا ہے۔

اپنی آنکھوں کو نظر انداز نہ کریں —
کیونکہ صاف اور صحت مند بینائی ایک بہتر زندگی کی بنیاد ہے۔

👨‍⚕️

📞 اپوائنٹمنٹ کیلئے ابھی رابطہ کریں:

کال: 0300.476200
واٹس ایپ: 0304.0753085

🏥 ایڈریس: دنیا پور نزد بینک الحبیب لمیٹڈ
| | |

اکثر والدین سمجھتے ہیں کہ بچہ اگر پڑھ رہا ہے تو اس کی نظر بھی ٹھیک ہوگی،مگر حقیقت یہ ہے کہ بہت سے بچے نظر کی کمزوری کے ب...
12/03/2026

اکثر والدین سمجھتے ہیں کہ بچہ اگر پڑھ رہا ہے تو اس کی نظر بھی ٹھیک ہوگی،
مگر حقیقت یہ ہے کہ بہت سے بچے نظر کی کمزوری کے باوجود پڑھنے کی کوشش کرتے رہتے ہیں۔

اس کی وجہ سے انہیں سکول میں کئی مشکلات کا سامنا کرنا پڑ سکتا ہے، جیسے:

▪️ بورڈ صاف نظر نہ آنا
▪️ کتاب کو بہت قریب لا کر پڑھنا
▪️ جلدی تھک جانا یا آنکھوں میں جلن ہونا
▪️ سر درد یا پڑھائی میں دل نہ لگنا

یاد رکھیں،
بچوں کی واضح بینائی ہی بہتر سیکھنے اور اچھے نتائج کی بنیاد بنتی ہے۔

بروقت آئی چیک اپ نہ صرف نظر کے مسائل کو جلدی پکڑ لیتا ہے بلکہ
بچوں کی تعلیمی کارکردگی اور اعتماد کو بھی بہتر بناتا ہے۔
اپنے بچوں کی آنکھوں کا خیال رکھیں —

کیونکہ
Good Grades Need Clear Vision 👓

📞 اپوائنٹمنٹ کیلئے ابھی رابطہ کریں:

کال: 0300.4762006
واٹس ایپ: 0304.0753085

🏥 ایڈریس: دنیا پور نزد بینک الحبیب

| | | | | |

Offer...Only 8 days left.. 0300.4762006
12/03/2026

Offer...
Only 8 days left..

0300.4762006

جب معاشرے میں تعلیم و شعور کی کمی اور جہالت کا بول بالا ہو تو اکثر ہمیں ایسے کیس دیکھنے کو ملتے ہیں زیر تحریر تصویر میں ...
11/03/2026

جب معاشرے میں تعلیم و شعور کی کمی اور جہالت کا بول بالا ہو تو اکثر ہمیں ایسے کیس دیکھنے کو ملتے ہیں زیر تحریر تصویر میں آپ ایک ضعیف خاتون کو دیکھ سکتے ہیں جسکی بائیں آنکھ چھوٹی اور بند نظر آرہی ہے اس کی آنکھ پر ایک چھوٹا سا دانہ نکلا تھا جس کی اس نے پرواہ نہ کی تعویذ گنڈے کئے اور دیسی ٹوٹکوں سے کام چلایا حتہ کہ وہ دانہ پھیل کر پورے پپوٹے میں چلا گیا اب اسکا علاج کافی پیچیدہ ہے پورا اوپر کا پپوٹا شاید قربان کرنا پڑے ۔ لیکِن ابھی بھی خاتون آپریشن کے لیے راضی نہیں تھی اور کہا ڈاکٹر صاحب آپ دوائی لکھ دو اللہ پاک بہتر کرے گا ۔

اپنی آنکھوں کی صحت کا خیال رکھیں اور صاف و روشن نظر حاصل کریں۔ میں محدود وقت کے لیے مفت آنکھوں کا معائنہ فراہم کیا جا ر...
11/03/2026

اپنی آنکھوں کی صحت کا خیال رکھیں اور صاف و روشن نظر حاصل کریں۔ میں محدود وقت کے لیے مفت آنکھوں کا معائنہ فراہم کیا جا رہا ہے۔
اگر آپ کو دھندلا نظر آتا ہے، نظر کمزور ہے یا آنکھوں میں کوئی مسئلہ محسوس ہوتا ہے تو فوری چیک اپ کروائیں۔ ہماری فری آئی کیمپ میں جدید ٹیکنالوجی کے ساتھ مکمل معائنہ کیا جاتا ہے اور مستحق مریضوں کے لیے خصوصی سہولیات بھی فراہم کی جاتی ہیں۔

✅ آنکھوں کا مکمل معائنہ
✅ موتیا بند کی تشخیص
✅ مستحق مریضوں کے لیے مفت آپریشن
✅ جدید Vision Test

📍 Location: Dunyapur
📞 Mobile: 0300.4762006

📲 ابھی کال کریں اور اپنی اپائنٹمنٹ بک کریں!

آنکھ کی بینائی کتنی اہم ہے اور بر وقت علاج کتنا ضروری ہے. اس پر آج بات کریں گے زیر تحریر تصویر میں آنکھ کا الٹرا ساؤنڈ د...
10/03/2026

آنکھ کی بینائی کتنی اہم ہے
اور بر وقت علاج کتنا ضروری ہے.
اس پر آج بات کریں گے زیر تحریر تصویر میں آنکھ کا الٹرا ساؤنڈ دکھایا گیا ہے جس میں جوان سالہ لڑکی کی آنکھ کا پچھلا پردہ بصارت ریٹنا پھٹا ہوا ہے ۔ اس خاتون کو چند ماہ پہلے آنکھ میں چوٹ لگی لیکن اس نے پرواہ نہ کی پھر نظر آہستہ آہستہ کم ہونے لگی آنکھوں کے سامنے مچھر گھومنے لگے کبھی کبھی متاثرہ آنکھ کہ سامنے بجلیاں چمکنے لگتی تھیں لیکن اس نے پرواہ نہیں کی ۔ پھر نظر مزید کمزور ہوگئی لیکن بے احتیاطی کی معراج یہ ہے کہ نظر مکمل طور پر ختم ہو گئی اور اس نے پرواہ نہ کی ۔ میرے پاس تب آئی جب اس آنکھ میں سفید داغ نظر آنے لگا ۔ کسی نے کہا سفید موتیا ہے کسی نے کچھ اور کہا جب میں نے دیکھا تو ریٹنا ڈیٹاچ تھا اور پرانا تھا ۔ میں نے کہا آپ کو نظر کی تو پرواہ پہلے نہیں ہوئی البتہ جب بات خوبصورتی پر ائی سفید دھبہ برا لگنے لگا تب آپکو پریشانی ہوئی اور آپ آئیں ۔ تو اس سفید دھبہ کا علاج تو ممکن ہے لیکن بینائی واپس آنے کے امکانات بہت معدوم ہیں ۔
تو جناب پڑھنے والوں کو میں یہ پیغام دینا چاہتا ہوں کہ دونوں آنکھوں کو وقتاً فوقتاً چیک کیا کریں کہ کسی ایک آنکھ کی بینائی کم تو نہیں ہو رہی اگر ایسا محسوس ہو تو فوراً ماہر امراض چشم کو دکھائیں بروقت علاج سے بینائی کا بچاؤ ممکن ہے شکریہ
شرجیل خان منصوری


Address

Railway Road
Dunyapur
59120

Opening Hours

Monday 07:00 - 21:00
Tuesday 07:00 - 21:00
Wednesday 07:00 - 21:00
Thursday 07:00 - 21:00
Friday 07:00 - 21:00
Saturday 07:00 - 21:00
Sunday 07:00 - 21:00

Telephone

+923004762006

Website

Alerts

Be the first to know and let us send you an email when Hanif Eye Care and Optical Center posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Hanif Eye Care and Optical Center:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram