16/01/2026
معروف اینکر پرسن سید اقرار الحسن کا لاہور پریس کلب میں نئی سیاسی جماعت ”پاکستان عوام راج تحریک“ کے قیام کا باقاعدہ اعلان
کراچی ( رپورٹ :میاں زین ،ٹیم آزاد ریاست ) معروف اینکر پرسن سید اقرار الحسن نے جمعرات 15 جنوری 2026 کو لاہور پریس کلب میں نئی سیاسی جماعت ”پاکستان عوام راج تحریک“ کے قیام کا باقاعدہ اعلان کیا۔اس موقع پر انہوں نے کہا کہ یہ جماعت پاکستان کے عام لوگوں کی ملکیت ہوگی اور اس کا مقصد نظامِ سیاست میں بنیادی تبدیلی لانا ہے۔ اقرار الحسن نے واضح کیا کہ وہ خود کبھی کسی سیاسی، سرکاری یا حکومتی عہدے کا حصہ نہیں بنیں گے، اور جماعت کی قیادت اندرونی الیکشن اور میرٹ کی بنیاد پر منتخب ہوگی، تاکہ موروثی سیاست کا خاتمہ ممکن ہو سکے۔ انہوں نے جماعت کا جھنڈا اور دیگر علامتیں بھی عوام کے سامنے پیش کیں، اور کہا کہ پاکستان کے عام شہری ہی اس تحریک کے حقدار ہوں گے۔ یہ اعلان سیاسی حلقوں میں خاصی توجہ حاصل کر رہا ہے، اور اس کے بعد عوامی و سیاسی ردعمل مختلف میڈیا پلیٹ فارمز پر سامنے آ رہا ہے۔
