AWAN medical complex

04/12/2025

**کمر میں لگنے والا انجیکشن — کیا واقعی ساری عمر کا مسئلہ بن جاتا ہے؟

حقیقت جانئے | اعوان میڈیکل کلینک**

آپریشن کے سلسلہ میں اکثر مریضوں کو اسپائنل / ایپی ڈورل انجیکشن لگایا جاتا ہے۔
بازار میں ایک عام خیال پھیلا ہوا ہے کہ"کمر کا انجیکشن لگ جائے تو ساری عمر کمزوری رہتی ہے!"
❌ حقیقت اس کے بالکل برعکس ہے۔
آئیں سچائی جانتے ہیں:
---
✅ سچ: انجیکشن عموماً کوئی مستقل نقصان نہیں دیتا اگر انجیکشن تربیت یافتہ ڈاکٹر اینستھیٹسٹ لگائے تو
ریڑھ کی ہڈی کو مستقل نقصان نہیں ہوتا
ٹانگوں کی کمزوری یا سن ہونا وقتی ہوتا ہے
چند گھنٹوں یا چند دنوں میں حالت معمول پر آ جاتی ہے
انجیکشن سے ساری عمر کا درد یا معذوری نہیں ہوتی
---
❌ مسلسل درد کی اصل وجہ کیا ہوتی ہے؟
زیادہ تر کیسز میں مسئلہ انجیکشن نہیں بلکہ یہ ہوتا ہے:
پرانی ڈسک سلیپ یا مہرے خراب ہونا
اعصاب پر پہلے سے دباؤ
کیلشیم، وٹامن D یا B12 کی کمی
پٹھوں کی کمزوری
غلط نشست و برخاست
ایسے مریض سمجھ لیتے ہیں کہ انجیکشن وجہ ہے، حالانکہ اصل مسئلہ کچھ اور ہوتا ہے۔
⚠️ کن نایاب حالات میں مسئلہ ہو سکتا ہے؟
یہ انتہائی کم ہوتے ہیں، مگر ممکن ہیں:
انجیکشن غلط جگہ لگنا
انفیکشن ہونا
پہلے سے اعصابی بیماری ہونا
ان کا امکان 1٪ سے بھی بہت کم ہوتا ہے، اور بروقت علاج سے بہتری آ جاتی ہے۔
---
⭐ خلاصہ
✔ کمر میں لگنے والا انجیکشن ساری عمر کا مسئلہ نہیں بناتا
✔ زیادہ تر علامات عارضی ہوتی ہیں
✔ مستقل تکلیف کی اصل وجوہات بالکل مختلف ہوتی ہیں
✔ وقت پر علاج اور فالو اپ سے مکمل بہتری ممکن ہے
**صحت سے متعلق ہر غلط فہمی دور کریں —
مشورہ صرف ماہر ڈاکٹر سے کریں۔**
اعوان میڈیکل کلینک
آپ کی صحت — ہماری ذمہ داری

16/11/2025

فیٹی لیور: نقصانات اور خوراک کے ذریعے کنٹرول
(اعوان میڈیکل کلینک – صحت آگاہی پوسٹ)
فیٹی لیور کیا ہے؟
جب جگر میں حد سے زیادہ چربی جمع ہونے لگے تو اسے فیٹی لیور کہا جاتا ہے۔ یہ مسئلہ وزن زیادہ ہونے، غلط خوراک، بیٹھے رہنے کی عادت اور شوگر کی خرابی سے پیدا ہوتا ہے۔
---
فیٹی لیور کے نقصان
1) وزن میں تیزی سے اضافہ
فیٹی لیور جگر کے میٹابولزم کو سست کرتا ہے، جس کی وجہ سے جسم چربی نہیں جلا پاتا اور وزن بڑھنے لگتا ہے۔
2) شوگر کا خطرہ بڑھ جانا
فیٹی لیور انسولین ریزسٹنس پیدا کرتا ہے، جس سے ٹائپ 2 شوگر کا خدشہ بڑھ جاتا ہے۔
3) کولیسٹرول کی خرابی
جگر چربی کو پراسیس نہیں کر پاتا، نتیجے میں LDL بڑھ جاتا ہے اور HDL کم ہوتا ہے۔
4) تھکاوٹ اور بھاری پن
جگر کی کارکردگی کم ہو جائے تو مسلسل کمزوری، نیند کا خراب ہونا اور توانائی میں کمی محسوس ہوتی ہے۔
5) جگر کی سوزش اور نقصان
اگر فیٹی لیور کو کنٹرول نہ کیا جائے تو یہ NASH، Fibrosis اور آخرکار Cirrhosis کی طرف بھی بڑھ سکتا ہے۔
خوراک کے ذریعے فیٹی لیور کو کنٹرول کرنے کے مؤثر طریقے
1) بلیک کافی یا گرین ٹی – روز 1 کپ
اینٹی آکسیڈنٹس جگر میں چربی کم کرتے ہیں اور وزن گھٹانے میں مدد دیتے ہیں۔
2) نیم گرم پانی میں لیموں – صبح خالی پیٹ
جگر ڈی ٹاکس ہوتا ہے، چربی گھٹتی ہے اور میٹابولزم فعال ہوتا ہے۔
3) دلیہ (Oats)
فائبر سے بھرپور غذا ہے، کولیسٹرول کم کرتی ہے اور وزن کنٹرول کرتی ہے۔
4) سبزیاں زیادہ استعمال کریں
خصوصاً پالک، ساگ، کھیرا، ٹماٹر، بروکلی۔
یہ جگر میں چربی جمنے سے روکتی ہیں اور صفائی کا عمل تیز کرتی ہیں۔
5) دالیں، لوبیا، چنے
پروٹین اور فائبر کا بہترین ذریعہ، شوگر اور وزن دونوں کو کنٹرول کرتے ہیں۔
6) دارچینی – آدھا چائے کا چمچ روزانہ
انسولین بہتر کرتی ہے اور چربی جلانے میں مدد دیتی ہے۔
7) سیب کا سرکہ (Apple Cider Vinegar)
ایک گلاس پانی میں ایک چمچ؛ بھوک کم کرتا اور چربی کم کرنے میں مددگار ہے۔
(تیزابیت کے مریض احتیاط کریں)
8) خشک میوہات کی تھوڑی مقدار
بادام، اخروٹ جگر کے لیے مفید فیٹی ایسڈ دیتے ہیں جو سوزش کم کرتے ہیں۔
درست جگر = درست وزن
جب جگر صحیح کام کرتا ہے تو:
✔ چربی تیزی سے جلتی ہے
✔ وزن کم ہونا آسان ہو جاتا ہے
✔ شوگر اور کولیسٹرول متوازن رہتے ہیں
✔ توانائی میں واضح بہتری محسوس ہوتی
---
کن چیزوں سے پرہیز ضروری ہے؟
کولڈ ڈرنکس
میٹھی چیزیں
بسکٹ، کیک، بیکری
بریانی، پیزا، نان
تلا ہوا کھانا
چاول زیادہ
---
اہم ٹیسٹ برائے فیٹی لیور

LFT (ALT, AST)

Lipid Profile

Ultrasound Whole Abdomen

Fasting Sugar / HbA1c

Quality Care within Reach

10/11/2025

🩺 چکن پوکس (Chicken Pox) — معلومات، وجوہات اور احتیاط
⚠️ چکن پوکس کیا ہے؟
چکن پوکس ایک وائرس سے پھیلنے والی جلدی بیماری ہے جو عموماً بچوں میں پائی جاتی ہے، مگر بڑے بھی متاثر ہو سکتے ہیں۔
یہ بیماری Varicella Zoster Virus کے ذریعے ہوتی ہے اور بخار، جسم درد اور چھوٹے سرخ دانوں سے شروع ہوتی ہے جو بعد میں پانی والے چھالوں میں بدل جاتے ہیں۔
---
❌ چند عام غلط فہمیاں:
1. "چکن پوکس میں دوائی نہیں لینی چاہیے" — غلط ❗
ڈاکٹر کی ہدایت کے مطابق دوا لینا ضروری ہے تاکہ بخار اور خارش قابو میں رہیں۔
2. "چکن پوکس میں نہانا نہیں چاہیے" — غلط ❗
نیم گرم پانی سے ہلکا غسل لینا جسم کو صاف رکھتا ہے اور خارش کم کرتا ہے۔
3. "یہ ہاتھ لگنے سے نہیں پھیلتا" — غلط ❗
یہ بیماری ہوا، کھانسی، چھینک اور قریبی رابطے سے بھی پھیلتی ہے۔
---
🕒 بیماری کا دورانیہ:
وائرس لگنے کے بعد علامات ظاہر ہونے میں 10 سے 21 دن لگ سکتے ہیں (اکثر 14 دن بعد)
علامات ظاہر ہونے کے بعد بیماری کا کل دورانیہ تقریباً 2 ہفتے ہوتا ہے
مریض علامات سے 1–2 دن پہلے اور چھالے خشک ہونے تک دوسروں کو متاثر کر سکتا ہے
---
😷 اہم علامات:
بخار اور جسم درد
بھوک میں کمی اور کمزوری
سرخ دانے جو بعد میں چھالے بن جائیں
تیز خارش
---
💡 احتیاطی تدابیر:
1. مریض کو الگ رکھیں اور مکمل آرام کروائیں۔
2. پانی زیادہ پئیں اور ہلکی غذا لیں۔
3. ناخن چھوٹے رکھیں تاکہ زخم خراب نہ ہوں۔
4. تولیہ، برتن، کپڑے وغیرہ علیحدہ رکھیں۔
5. کلیمین لوشن (Calamine Lotion) یا ڈاکٹر کی ہدایت کے مطابق دوا سے خارش کم کی جا سکتی ہے۔
6. Chickenpox Vaccine بیماری سے مؤثر بچاؤ فراہم کرتی ہے۔
---
🚨 فوراً ڈاکٹر سے رجوع کریں اگر:
بخار بہت زیادہ ہو جائے
چھالے پیپ والے یا سوجے ہوئے ہوں
سانس لینے یا کھانے میں دشواری ہو
---
📍 اعوان میڈیکل کلینک — صحت آگاہی پروگرام
"علم ہی احتیاط ہے"

10/11/2025

🩺 اعوان میڈیکل کمپلیکس کی جانب سےصحت آگاہی پروگرام کے تحت
ہونٹوں کے کونوں پر دراڑیں یا سوزش — “Angular Cheilitis”
کیا آپ کے ہونٹوں کے کناروں پر چھالے، دراڑ یا خارش رہتی ہے؟
یہ صرف عام خشکی نہیں — بلکہ ایک انفیکشن یا غذائی کمی کی علامت ہو سکتی ہے۔
---
⚠️ وجوہات:
1. فنگس (Candida) یا بیکٹیریا کا حملہ
2. وٹامن B2، B12 یا آئرن کی کمی
3. ہونٹوں کو بار بار چاٹنا
4. دانتوں کا غلط فٹنگ یا مصنوعی دانت (ڈینچر)
5. قوتِ مدافعت (Immunity) کی کمزوری
6. ذیابیطس یا خون کی کمی
---
💊 علاج کا طریقہ:
متاثرہ جگہ صاف اور خشک رکھیں
ہلکی سی Vaseline یا ناریل کا تیل لگائیں
ڈاکٹر کے مشورے سے
اینٹی فنگل کریم
یا اینٹی بیکٹیریل کریم استعمال کریں ۔
اگر بار بار مسئلہ ہو تو شوگر ٹیسٹ لازمی کروائیں
---
✅ احتیاط:
ہونٹ مت چاٹیں
مسالہ دار کھانوں سے پرہیز کریں
منہ کی صفائی کا خاص خیال رکھیں
روزانہ زیادہ پانی پئیں

05/11/2025

🩺 اعوان میڈیکل کلینک – صحت آگاہی پروگرام
موضوع: نومولود بچوں کو گائے یا بھینس کا دودھ دینے کے نقصانات
👶 میڈیکل سائنس کے مطابق نومولود بچے کے لیے سب سے بہتر غذا صرف اور صرف ماں کا دودھ ہے۔
پیدائش کے فوراً بعد گائے یا بھینس کا دودھ دینا بچے کی صحت کے لیے خطرناک ثابت ہو سکتا ہے۔
---
⚠️ نقصان کی سائنسی وجوہات

1️⃣ ہاضمہ ناپختہ ہوتا ہے
گائے یا بھینس کے دودھ میں پروٹین سخت اور بھاری ہوتا ہے جو بچے کے معدے پر بوجھ ڈال کر گیس، قبض اور الٹی کا باعث بنتا ہے۔

2️⃣ آئرن کی کمی پیدا کرتا ہے
یہ دودھ آئرن میں نہایت کم ہوتا ہے، اور جسم میں آئرن کے جذب کو بھی کم کر دیتا ہے جس سے بچے میں خون کی کمی (Anemia) ہو جاتی ہے۔

3️⃣ آنتوں کو نقصان
جانوروں کے دودھ میں موجود اجزاء بچے کی آنتوں میں خراش ڈال کر اندرونی خون رسنے کا سبب بن سکتے ہیں۔

4️⃣ الرجی اور دمہ کا خطرہ
اس دودھ کے خاص پروٹین انسانی جسم کے لیے اجنبی ہوتے ہیں، جو الرجی، خارش یا سانس کی بیماریوں کا باعث بن سکتے ہیں۔

5️⃣ غذائی توازن نہیں ہوتا
ماں کے دودھ میں وہ تمام وٹامنز اور مدافعتی اجزاء شامل ہیں جو بچے کو بیماریوں سے محفوظ رکھتے ہیں، جبکہ جانوروں کے دودھ میں یہ اجزاء غیر متوازن ہوتے ہیں۔

6️⃣ انفیکشن کا خطرہ
اگر دودھ ابالا نہ جائے یا غیر محفوظ طریقے سے رکھا جائے تو اس میں موجود بیکٹیریا نومولود کے لیے خطرناک انفیکشنز پیدا کر سکتے ہیں۔
---
✅ یاد رکھیں
اگر کسی وجہ سے ماں کا دودھ ممکن نہ ہو تو ڈاکٹر کے مشورے سے صرف Infant Formula Milk استعمال کریں جو خاص طور پر نومولود کے لیے تیار کیا جاتا ہے۔
---
💚 صحت مند ماں – صحت مند بچہ
اعوان میڈیکل کلینک
صحت آگاہی پروگرام کے تحت ایک پیغام برائے والدین

28/10/2025

🌿 اعوان میڈیکل کلینک – صحت آگاہی پیغام 🌿
موضوع: پانی کا کم استعمال اور اس کے نقصانات
🩵 موسم چونکہ قدرے بہتر ہو چکا ہے، پسینہ کم آتا ہے اور پیاس بھی کم لگتی ہے، مگر یاد رہے کہ جسم کی پانی کی ضرورت صرف پیاس لگنے سے نہیں ناپی جاتی۔
💧 پانی کم پینے کے نقصانات:
1️⃣ گردوں پر بوجھ: پانی کی کمی سے گردے فاضل مادے صحیح طرح خارج نہیں کر پاتے، جس سے گردوں میں پتھری یا انفیکشن کا خطرہ بڑھ جاتا ہے۔
2️⃣ جلد خشک ہونا: جسم میں نمی کی کمی سے جلد بے رونق، کھُردری اور قبل از وقت جھریوں کا شکار ہو جاتی ہے۔
3️⃣ قبض کا مسئلہ: پانی کم پینے سے نظامِ ہاضمہ سست ہو جاتا ہے اور قبض کی شکایت عام ہو جاتی ہے۔
4️⃣ سر درد اور تھکن: جسم میں پانی کی کمی دماغی دباؤ، چکر آنا اور کمزوری کا باعث بنتی ہے۔
5️⃣ پیشاب کا رنگ گہرا ہونا: یہ جسم میں پانی کی کمی کی واضح علامت ہے جسے نظرانداز نہیں کرنا چاہیے۔
🌸 یاد رکھیں:
روزانہ کم از کم 8 سے 10 گلاس پانی ضرور پیئیں۔
بچوں اور بزرگوں کو خاص طور پر پانی پینے کی ترغیب دیں۔
چائے، کافی یا کولڈ ڈرنکس پانی کا نعم البدل نہیں ہیں۔
💠 صحت مند جسم کے لیے پانی کا مناسب استعمال ضروری ہے۔
اپنی صحت کو معمولی چیز نہ سمجھیں، پانی زندگی ہے۔ 💧

27/10/2025

🍽️ ویٹامن B12 سے بھرپور غذائیں
(صحت مند اعصاب، خون اور توانائی کے لیے ضروری)
🥩 جانوروں سے حاصل ہونے والی غذائیں:
1. گوشت — گائے، بکرے اور مرغی کا گوشت
2. جگر (Liver) — خاص طور پر گائے یا بکرے کا جگر سب سے امیر ذریعہ ہے
3. مچھلیاں — ٹونا، سالمَن، سرڈین، میکریل، ٹراؤٹ وغیرہ
4. انڈے — خصوصاً انڈے کی زردی
5. دودھ اور دودھ سے بنی اشیاء — دہی، پنیر، مکھن، دودھ
🌿 پودوں سے حاصل ہونے والے متبادل (خاص طور پر سبزی خوروں کے لیے):
یہ قدرتی طور پر کم ہوتے ہیں، مگر کچھ چیزوں میں شامل کیے جاتے ہیں:
1. فورٹیفائیڈ اناج (Fortified cereals) — جن میں B12 شامل کیا گیا ہو
2. سویابین دودھ یا بادام دودھ — اگر B12 سے فورٹیفائیڈ ہو
3. نیوٹرشنل یِسٹ (Nutritional yeast) — سبزی خور افراد کے لیے بہترین ذریعہ
💪 ویٹامن B12 کی کمی کی علامات:
تھکن یا کمزوری
ہاتھوں یا پاؤں میں جھنجھناہٹ
یادداشت کی کمزوری
سانس پھولنا
جلد پیلی پڑنا۔
🩺 یاد رکھیں:
اگر غذا سے کمی پوری نہ ہو رہی ہو تو ڈاکٹر کے مشورے سے سپلیمنٹ یا انجیکشن لینے کی ضرورت پڑ سکتی ہے۔
📍اعوان میڈیکل کلینک — صحت آگاہی پروگرام
🌿 “غذا میں توازن، زندگی میں توانائی” 🌿

27/10/2025

🌫️آجکل زکام،بخار, گلے کی خراش سانس میں دشواری کھانسی وغیرہ کے مسائل ذیادہ دیکھنے کو مل رہے جسکی وجوہات اور احتیاط بارے بات کرتے ہیں ۔
🌫️
از طرف: اعوان میڈیکل کلینک — صحت آگاہی پروگرام
موسمِ خزاں کے آغاز کے ساتھ ہی فضا میں سموگ بڑھنے لگتی ہے۔
گاڑیوں، فیکٹریوں اور کھیتوں کے دھوئیں سے پیدا ہونے والی یہ آلودگی ہماری صحت کے لیے خطرہ بن جاتی ہے۔
👃 علامات:
گلے میں خراش یا جلن
ناک میں خراش، بہنا یا بند ہونا
آنکھوں میں جلن و پانی آنا
چھینکوں اور کھانسی کا بڑھ جانا
سانس لینے میں دقت یا دمے کا دورہ بڑھ جانا
🩺 احتیاطی تدابیر:
✅ باہر جاتے وقت ماسک لازمی پہنیں۔
✅ صبح و شام کے وقت غیر ضروری باہر نکلنے سے گریز کریں۔
✅ آنکھوں کو صاف پانی سے بار بار دھوئیں اور چشمہ استعمال کریں۔
✅ نیم گرم پانی زیادہ پئیں، ادرک و شہد والا قہوہ مفید ہے۔
✅ ناک کو خشک نہ ہونے دیں، نمک ملے پانی سے ناک صاف رکھیں۔
✅ گھروں میں دھواں پیدا کرنے والے ذرائع جیسے کوئلہ یا لکڑی نہ جلائیں۔
✅ بچوں، بزرگوں اور دمے یا الرجی کے مریضوں کو خاص احتیاط کروائیں۔
🌿 قدرتی تحفظ کے طریقے:
وٹامن “C” والی غذائیں (لیموں، مالٹا، املا) استعمال کریں۔
بھاپ لینا اور غرارے کرنا آرام دیتا ہے۔
گھر میں صاف ہوا کے لیے پودے لگائیں۔
اگر بخار، سانس میں تنگی یا گلے کا شدید درد ہو جائے تو فوراً قریبی ڈاکٹر سے رجوع کریں۔-
🏥 اعوان میڈیکل کلینک
🌸 صحت آپ کا حق، رہنمائی ہمارا فرض 🌸

23/10/2025

گوجرانوالہ کے لئے اہم خبر
دل کے ہسپتال کا منصوبہ گوندلانوالہ ہسپتال سے واپس سول ہسپتال منتقل کر دیا گیا۔شعبہ کارڈیالوجی کی بالائی منزل پر کارڈیالوجی یونٹ فائینل۔۔3 ارب فنڈز مختص ۔80 کروڑ فنڈز جاری۔گوجرانوالہ کے شہریوں میں خوشی کی لہر دوڑ گئی 8 ماہ میں منصوبہ مکمل ہوگا دل کی سرجری کے لئے آپریشن تھیٹر بھی بنے گا ۔۔۔انجیوگرافی مشینیں سی ٹی انجیو گرافی بھی خریدی جائیں گی ایم ایس ڈاکٹر عتیق احمد۔۔۔۔۔۔انقلابی دنیا رپورٹ

23/10/2025

”غلط انجکشن“
پچھلے ہفتے جب میں اپنے ہسپتال کے وارڈ میں صبح راٶنڈ کر رہا تھا تو مجھے پیچھے سےایک آواز آئی ”ڈاکٹر صاحب میرے بچے کو دیکھیں، نرس نے اسے انجکشن لگا دیا ہے“
یہ آواز ہمارے لیے ایمرجینسی کا پیغام ہوتی ہے۔
میں فورأاس بچے کے پاس پہنچا تو اس کی سانسیں رک رہی تھی،ہونٹ سیاہ ہورہے تھے اور ہاتھ پاؤں پیلے پڑ گئے تھے۔
فاٸل دیکھی توپتا چلا کہ اس مریض کو ابھی او پی ڈی سے ڈاٸریا کے مسلے سےداخل کیا گیا تھا۔
بچےکی ماں اور دادی کا فوری ردعمل یہ تھا کہ جناب ہمارا بچہ تو بالکل ٹھیک تھا، نرس نے ہمارے بچے کو غلط انجکشن لگا دیا ہے۔
انھوں نے چیخنا رونا اور پورے خاندان کو فون ملانا شروع کردیا ... مختلف کمروں سے مریض بھی وہاں جمع ہونا شروع ہو گئے اور ایک ہنگامہ برپا ہو گیا۔
الحمدللہ صورتحال فوری طور پر نمٹائی گئی، بچے کو تھوڑی دیر مصنوعی سانس دی گٸ کی گئی اور بچے کی حالت کے مطابق انجیکچشن لگاۓ گئے .. بچہ ٹھیک ہو گیا تو سب نے سکون کی سانس لی .

یہ وہ کہانی ہے جو زیادہ تر وقت غلط انجیکشن کی صورت میں ہوتی ہےجس کی ہم خبریں سنتے ہیں۔
اب عوام کے لیے تھوڑی سی تفصیل کہ یہ انجیکشن آخر کار غلط کیوں ہو جاتا ہے ؟؟
انسانی جسم کے اندر جب بھی باہر کی کوٸ چیز داخل ہوتی ہے تو جسم اسکو رد کر سکتا ہے۔اس ردعمل کوالرجی کہتے ہیں۔ یہ چیز کچھ بھی ہو سکتی ہے جیسے خوراک (انڈا,مچھلی)، دھواں گرد، ادویات جیسے شربت گولی یا انجیکشن۔
الرجی کسی بھی دواٸ کے انجیکشن سے ہو سکتی ہے اور زیادہ تر وقت اس کا پہلے سے اندازہ لگانا مشکل ہوتا ہے۔ کچھ دوائیوں سے الرجی کا خطرہ زیادہ ہوتا ہے جیسے پینسلن اینٹی بائیوٹک یا سانپ کی ویکسین وغیرہ اس لیے انکو لگانے سے پہلے تھوڑی مقدار میں ٹیسٹ خوراک لگاٸ جاتی ہے اور پھر اسے شروع کرتے ہیں، لیکن زیادہ تر دوائیوں میں چونکہ الرجی کا خطرہ بہت کم ہوتا ہے تو بغیر ٹیسٹ کے لگاٸ جاتی ہیں۔ بہرحال الرجی کا خطرہ پھر بھی رہتا ہے ۔
انجیکشن سے ہونے اولی الرجی کی نوعیت ہلکی خارش,بخار سے لے کر شدید رد عمل تک سکتی ہے جس میں سے دل کا رکنا، سانس کا بند ہونا اور موت بھی واقع ہو سکتی ہے۔
عوام کے سمجھنے کے لیے اہم بات یہ ہے کہ عام طور پر ایمرجنسی یا وارڈ میں آنے والے زیادہ تر مریضوں کو وہی روٹین دوا دی جاتی ہے۔اب سب کو تو اس سے مسلہ نہیں ہورہا ہوتا ۔جسکو الرجی ہو گی اسکو مسلہ ہوگا ۔وہاں کام کرنے والے عملے کی کسی آنے والے مریض سے کوئی ذاتی دشمنی تونہیں ہوتی کہ وہ اسے غلط ٹیکہ لگا دے گا ۔ اگر وہی دوا دوسروں کے لیے ٹھیک کام کر رہی ہو اور الرجی ہو جائے تو یہ جسم کا ردعمل ہے جس کا اندازہ لگانا بہت مشکل ہے اور اس میں ڈاکٹر یا نرس کی کوئی غلطی نہیں ہے۔
اب اگر خدانخواستہ یہ صورتحال آپ کے بچے کے ساتھ پیش آتی ہے تو کبھی بھی ہسپتال میں ہنگامہ آرائی شروع نہ کریں۔ اگر آپ براہ راست طبی عملے کو مورد الزام ٹھہرانا اور ہنگامہ شروع کر دیتے ہیں تو اس کا آپکے بچے کی جان پر اسکا اثر پڑے گا ۔ پہلے چند منٹ جو آپ کے بچے کی زندگی بچانے والے ہیں ضائع ہو جائیں گے۔ آپ اس ہنگامے سے کچھ نہیں حاصل کر پائیں گے بلکہ آپ کے بچے کا نقصان ہوگا۔
ہمیشہ اس صورت حال میں فوری طور پر اپنے ڈاکٹر کو بلاٸیں، انہیں اپنے بچے کی ابتدائی طبی امداد کرنے دیں۔
اگر آپ کو پھر بھی لگتا ہے کہ طبی عملے کی طرف سے کوئی کوتاہی ہوئی ہے تو آپ مناسب چینل کے ذریعے درخواست دائر کر سکتے ہیں اور اس کا پیروی کر سکتے ہیں، لیکن اس زندگی بچانے والے ٹاٸم کے دوران وارڈ میں ہنگامہ آرائی کرنے سے مریض کی زندگی بچانے والے منٹ ہی ضائع ہوں گے جسکے دوران اس کی جان بچائی جا سکتی ہے۔

ڈاکٹرارشد محمود (MBBS.FCPS)
چلڈرن ہسپتال لاہور

21/10/2025

** لیکوریا کیا ہے اسکی وجوہات اور احتیاط*
لیکوریا خواتین میں اندام نہانی
ے خارج ہونے والا سفید، دودھیا یا کبھی پیلا پانی ہوتا ہے۔
یہ دو طرح کا ہوتا ہے:
1. قدرتی (Normal) لیکوریا
یہ جسم کا نارمل عمل ہے، جس کا مقصد اندام نہانی کو صاف اور نم رکھنا ہوتا ہے۔
یہ عام طور پر ان دنوں میں زیادہ محسوس ہوتا ہے:
بیضہ بننے (Ovulation) کے وقت
حیض (periods) سے کچھ دن پہلے یا بعد
جنسی خواہش کے دوران
حمل کے دوران
🟢 اگر پانی میں بدبو نہیں، خارش نہیں، جلن نہیں، درد نہیں
تو یہ نارمل لیکوریا ہے — علاج کی ضرورت نہیں۔
---
2. غیر معمولی (Abnormal) لیکوریا
یہ تب ہوتا ہے جب کوئی انفیکشن یا ہارمونی تبدیلی ہو۔
علامات:
بدبو دار سفید یا پیلا/سبز پانی
خارش یا جلن
پیٹ یا کمر میں درد
کمزوری، چکر
پیشاب کے وقت جلن
--
⚠️ ممکنہ وجوہات
فنگل یا بیکٹیریل انفیکشن
صفائی کی کمی یا زیادہ خوشبودار صابن/اسپرے کا استعمال
ہارمونی بے ترتیبی (Hormonal imbalance)
آئرن یا وٹامن کی کمی
ذہنی دباؤ (Stress)
یہ پوسٹ اعوان میڈیکل کلینک کی جانب سےصحت آگاہی پروگرام کے تحت کی گئی ہے

08/10/2025

اکثر لوگ یہ سمجھتے ہیں کہ خون عطیہ کرنے سے انسان کا وزن بڑھ جاتا ہے —
لیکن میڈیکل سائنس کے مطابق یہ بات بالکل غلط ہے۔
✅ حقیقت یہ ہے کہ:
خون عطیہ کرنے سے جسم میں نیا خون تیزی سے بنتا ہے،
آئرن کی سطح متوازن رہتی ہے،
دل اور جگر پر بوجھ کم ہوتا ہے،
اور بلڈ پریشر و کولیسٹرول پر مثبت اثر پڑتا ہے۔
❌ عام غلط فہمیاں:
خون دینے سے وزن نہیں بڑھتا۔
خون دینے کے بعد کمزوری عارضی ہوتی ہے۔
خون دینے سے قوتِ مدافعت کم نہیں ہوتی۔

❤️ یاد رکھیں:
خون دینا نہ صرف دوسروں کی زندگی بچاتا ہے بلکہ آپ کی اپنی صحت کے لیے بھی مفید ہے۔
خون دیں، زندگی بچائیں!
— اعوان میڈیکل کلینک کی جانب سے صحت آگاہی پیغام