13/02/2026
پریس ریلیز
13فروری 2026ء
عائشہ بشیر ٹرسٹ ہسپتال، پاکستان کلیفٹ ہسپتال اور ادارہِ بحالی معذوراں کے اشتراک سے کمیونٹی ہیلتھ فیئر کا کامیاب انعقاد کیا گیا۔
ضلع کونسل ہال ، گجرات میں منعقدہ ایک روزہ کمیونٹی ہیلتھ فیئر میں شرکا کو متعدد طبی شعبہ جات کی خدمات فراہم کی گئیں۔
کمیونٹی ہیلتھ فیئر میں ضلع بھر سے آنے والے شرکاء نے انعقاد کو سراہا اور آئندہ تسلسل کے ساتھ انعقاد کی خواہش کا اظہار کیا۔
گجرات: گزشتہ روز رفاہی شخصیت ڈاکٹر اعجاز بشیر کی زیرِ سرپرستی، گجرات کے ضلع کونسل ہال میں عائشہ بشیر ٹرسٹ ہسپتال، پاکستان کلیفٹ ہسپتال اور ادارہِ بحالی معذوراں کے اشتراک سے کمیونٹی ہیلتھ فیئر کا انعقاد کیا گیا۔ اس ہیلتھ فیئر میں متعدد شعبہ جات جیسے آٹزم، نفسیات، اسپیچ تھراپی، آڈیالوجی، گائنی، نیوٹریشن، فزیوتھراپی، کلِب فٹ (پیدائشی ٹیڑھے پاؤں) اور کلیفٹ (پیدائشی کٹے ہونٹ و تالو) سے متعلق معائنہ اور رہنمائی کی خدمات فراہم کی گئیں۔کیمپ میں آٹزم، نفسیاتی مسائل، ڈپریشن، بول چال میں دشواری، لکنت، تھوتھلاپن، بہرہ پن، سماعتی مسائل، شوگر، بلڈ پریشر، موٹاپا، پیدائشی ٹیڑھے پاؤں، کٹے ہونٹ و تالو اور گائنی کے مریضوں کا معائنہ کیا گیا۔ اس ہیلتھ فیئر کی تمام خدمات مذکورہ رفاہی اداروں کی جانب سے اسپانسرڈ تھیں اور مریضوں سے کوئی فیس نہیں لی گئی۔یہ ہیلتھ فیئر گجرات میں اپنی نوعیت کا منفرد فیئر تھا جس میں آٹزم کے ماہرین نے بھی حصہ لیا۔ کمیونٹی ہیلتھ فیئر میں ضلع بھر سے لوگوں نے شرکت کی، اور شرکاء نے انعقاد کو سراہا اور ایسے آئندہ تسلسل کے ساتھ انعقاد کی خواہش کا اظہار کیا۔
fans Gujrat News News Alert Gujrat Pasban News Gujrat News=گجرات نیوز SUB TAK Gujrat Post RADIO AWAZ
