Dr Khalid bukhari

09/06/2024

02/06/2024

20/05/2024

*ڈاکٹر روتھ فاؤ سول ہسپتال کراچی میں نئی ​​سہولیات کا افتتاح*

کراچی، 20 مئی، 2024 –

آج ڈاکٹر روتھ فاؤ سول ہسپتال کراچی میں ایک اہم افتتاحی تقریب منعقد ہوئی جہاں تین جدید ترین سہولیات: IV Dilution فارمیسی، آرتھوپیڈک وارڈ، اور 36 بستروں پر مشتمل مردہ خانہ کا افتتاح کیا گیا۔

وزیر صحت ڈاکٹر عذرا فضل پیچوہو نے سہولیات کا افتتاح کیا۔ تقریب میں سیکرٹری صحت جناب ریحان اقبال بلوچ اور ڈاؤ یونیورسٹی آف ہیلتھ سائنسز کے وائس چانسلر پروفیسر سعید قریشی نے بھی شرکت کی۔

نئی قائم کی گئی IV Dilution فارمیسی ہسپتال میں داخل مریضوں کو جراثیم سے پاک تیار کردہ انجیکشن فراہم کرنے کی ہسپتال کی صلاحیت کو نمایاں طور پر بڑھا دے گی، جس کا مقصد ادویات کی چوری کے خطرے کو کم کرنا اور ادویات کے محفوظ طریقوں کو یقینی بنانا ہے۔

ایک QR کوڈ سسٹم بھی متعارف کرایا گیا ہے، جس سے ادویات کے سٹاک اور ایکسپائری تاریخوں کے بارے میں تفصیلات تک فوری رسائی حاصل کی جا سکتی ہے۔

ڈرگ اینڈ پوائزن انفارمیشن سینٹر (DPIC) بھی قائم کیا گیا ہے تاکہ موبائل کمیونیکیشن کے ذریعے منشیات اور ادویات کے زہر اور اس کے تریاق کے بارے میں معلومات فراہم کی جا سکیں، اس سہولت سے مریض کی حفاظت اور ہنگامی حالات میں ردعمل کو بہتر بنایا جا سکے گا۔

اپ گریڈ شدہ آرتھوپیڈک وارڈ نمبر 2 جدید ترین سہولیات سے آراستہ ہے، جس سے ہسپتال ہڈیوں کے مسائل میں مبتلا مریضوں کو اعلیٰ ترین نگہداشت فراہم کرے گا۔

اپ گریڈ شدہ 36 بستروں پر مشتمل مردہ خانہ اب مکمل طور پر فعال کردیا گیا ہے، جو نعشوں کو باعزت طریقے سے محفوظ رکھنے کی صلاحیت رکھتا ہے اور پوسٹ مارٹم کے لیے ضروری خدمات بھی فراہم کرے گا۔

یہ پیشرفت صحت کی دیکھ بھال کی خدمات کو بہتر بنانے، اپنے مریضوں اور عوام کی فلاح و بہبود کو یقینی بناتے ہوئے بہترین سہولیات فراہم کرنے کے ہمارے عزم کی نشاندہی کرتی ہے۔

https://www.facebook.com/share/p/cpfVFR2j3Qu2s9nm/?mibextid=xfxF2i

13/05/2024

*سول اسپتال کراچی، سٹی اسکین کی سہولت 24، ایم آر آئی کی 12 گھنٹے دستیاب، آئی وی ڈائیلیشن فارمیسی قائم، نعشیں رکھنے کی گنجائش میں اضافہ*

*رپورٹ : بابر علی اعوان*

ڈاکٹر رتھ کے ایم فاؤ سول اسپتال کراچی میں اب سٹی اسکین کی سہولت 24 گھنٹے دستیاب رہے گی جبکہ ایم آر آئی کے اوقات بڑھا کر 12گھنٹے کر دیئے گئے ہیں ۔ اسپتال میں آئی وی ڈائیلیشن فارمیسی قائم کر دی گئی جس سے انجیکشن کی چوری اور غلط استعمال کو روکا جاسکے گا جبکہ مردہ خانے کی تزئین و آرائش ، پوسٹ مارٹم کے لئے جدید سہولیات اور نعشیں رکھنے کی گنجائش میں اضافہ کر دیا گیا ہے۔

اس ضمن میں جنگ سے گفتگو میں اسپتال کے میڈیکل سپرنٹنڈنٹ ڈاکٹر سید خالد بخاری نے بتایا کہ سٹی اسکین کی سہولت چوبیس گھنٹے شروع کرنے سے بالخصوص ایکسیڈنٹ اور ایمرجنسی کے مریضوں کو سہولت مل سکے گی اور بروقت تشخیص سے جان بچانے کے لئے اقدامات کیے جاسکیں گے، اسپتال میں مریضوں کے بے پناہ دباؤ کی وجہ سے پہلے ایم آر آئی کی ایک ماہ تک تاریخ دی جاتی تھی لیکن اب 12 گھنٹے سہولت دستیابی کی وجہ سے ایک ہفتے میں ایم آر آئی کر دیا جاتا ہے، ایمرجنسی کے مریضوں کا اسی دن ایم آر آئی کیا جاتا ہے، ہفتے بھر کے دورانیے کو بھی کم کرنا چاہتے ہیں جس کے لئے عملہ درکار ہے جو محکمہ صحت جلد فراہم کرے گا جس کے بعد ایم آر آئی کی سہولت بھی چوبیس گھنٹے دستیاب رہے گی۔

انہوں نے بتایا کہ اسپتال میں پونے چار کروڑ کی لاگت سے آئی وی ڈائیلیشن فارمیسی قائم کر دی ہے جو صوبے کی کسی بھی سرکاری اسپتال میں پہلی فارمیسی ہے جس کے تحت ہر مریض کو لگنے والے انجیکشن کی ڈیمانڈ اس کے ایم آر نمبر کے حساب سے موصول ہوتی ہے پھر مریض کی ضرورت کے تحت انجیکشن ڈائیلوٹ کیا جاتا ہے جو صرف اسی مریض کو لگ سکتا ہے جس سے نہ صرف انجیکشن کی چوریاں بلکہ غلط استعمال بھی رک گیا ہے ۔

ان کا کہنا تھا کہ اسپتال کے مردہ خانے کی بہتری کے لئے اقدامات کیے ہیں، تزئین و آرائش کے ساتھ نعشیں رکھنے کی گنجائش میں اضافہ ،بچوں کی نعشوں کا ڈائی سیکشن ہال بہتر کیا ہے، اب مردہ خانے میں 36 نعشیں رکھی جاسکیں گی جن کے پوسٹ مارٹم کے لئے جدید سہولیات میسر ہوں گے جن کا افتتاح بہت جلد صوبائی وزیر صحت ڈاکٹر عذرافضل پیچوہو اور سیکریٹری صحت ریحان اقبال بلوچ کریں گے ۔ ان کا مذید کہنا تھا کہ مریضوں کو صحت کی بہترین سہولیات کی فراہمی کے لئے کوشاں ہیں تاہم مریضوں کے دباؤ کی وجہ سے کچھ مسائل ہو جاتے ہیں جنہیں وزیر صحت اور سیکریٹری صاحب کے تعاون سے دور کر رہے ہیں۔

کراچی ڈاکٹر رتھ کے ایم فاؤ سول اسپتال کراچی میں...

27/04/2024

Kanni wignaraga
UN assist secretary General
Samuel Rizk
Resident Representative pakistan (undp) civil hospital Karachi today

20/04/2024

20-4-24

11/04/2024

وزیر اعلی سندھ سید مراد علی شاہ کی سول ہسپتال آمد کے حوالے سے نیوز کوریچ اس موقع پر وزیر اعلیٰ کے ساتھ میڈیکل سپرنٹینڈنٹ سید خالد بخاری صاحب ب بھی موجود ہیں