Dr. M Shafqat Siddique آپکے بچوں کا ڈاکٹر

14/07/2025

03/07/2025

نیسلے پاکستان کے تعاون سے، آج ایک نیو نیٹل ریسسٹیٹیشن ورکشاپ ریحانہ میڈی کیئر، دارالسکینہ روڈ پر منعقد کی گئی، جس کی میزبانی معروف ماہرِ اطفال ڈاکٹر محمد شفقت خانزادہ نے کی۔
محترمہ ڈاکٹر ریحانہ زریں صاحبہ کا خصوصی شکریہ جنہوں نے اس کارِ خیر میں بھرپور تعاون فرمایا۔
نیک تمناؤں کے ساتھ۔

30/06/2025

بچوں میں دانت نکلنے کا عمل : مسائل اور حل

دانت نکلنا بچوں کی نشوونما کا ایک فطری مرحلہ ہے جو عام طور پر 6 ماہ کی عمر سے شروع ہوتا ہے اور تقریباً 3 سال کی عمر تک مکمل ہو جاتا ہے، اس دوران بچے کے 20 دودھ کے دانت آ جاتے ہیں۔
کچھ بچوں میں دانت نکلنے میں 12 سے 15 ماہ تک کی تاخیر بھی ہو سکتی ہے، جو عموماً تشویش کی بات نہیں ہوتی۔
دانت نکلنے کے دوران بچے بےچینی، رال ٹپکنے، چبانے کی خواہش، نیند کی کمی یا بھوک میں کمی جیسے مسائل کا شکار ہو سکتے ہیں۔
سائنسی تحقیق کے مطابق دانت نکلنے اور دست (موشن) کا براہ راست کوئی تعلق ثابت نہیں ہوا، تاہم اس دوران بچے کی قوتِ مدافعت کمزور ہو سکتی ہے جس سے وہ ہلکی پھلکی بیماریوں کا شکار ہو سکتا ہے۔
والدین چند آسان گھریلو تدابیر سے بچے کے درد اور بےچینی کو کم کر سکتے ہیں جیسے صاف اور محفوظ چیز چبانے کے لیے دینا، ٹھنڈے پانی سے گیلا کپڑا چبوانا، یا مسوڑھوں کا ہلکا مساج کرنا۔
اگر تکلیف زیادہ ہو تو بچوں کے ڈاکٹر کے مشورے سے پیراسیٹامول (پیناڈول) کا استعمال کیا جا سکتا ہے۔
والدین کے لیے ضروری ہے کہ اس قدرتی مرحلے کو سادہ رکھیں، بچے کی نیند، بھوک اور صفائی کا خاص خیال رکھیں اور اگر کسی قسم کی پیچیدگی ہو تو ماہرِ اطفال سے رجوع کریں۔

28/06/2025

محرم الحرام ۔۔۔۔نیا اسلامی سال

24/06/2025

نوزائیدہ بچے کو پہلے گُڑ یا گھٹی دینا نقصان دہ ہو سکتا ہے۔ پہلا فیڈ ہمیشہ ماں کا دودھ یا اگر ممکن نہ ہو تو فارمولا دودھ ہونا چاہیے۔

نومولود بچے کو گھٹی یا (گُڑ) دینا: نقصانات

1. نظامِ ہضم پر بوجھ:
گُڑ بچے کے نازک معدے کے لیے بہت بھاری ہوتا ہے اور ہاضمے کی خرابی کا باعث بن سکتا ہے۔

2. انفیکشن کا خطرہ:
گُڑ صاف یا جراثیم سے پاک نہیں ہوتا، جس سے بچے کو انفیکشنز ہو سکتے ہیں جیسے ڈائریا یا سیپٹسیمیا۔

3. ہائیپوگلیسیمیا (شوگر کی کمی):
میٹھا دینے کے بعد اصل دودھ نہ پلانے کی صورت میں بچہ شوگر کی کمی کا شکار ہو سکتا ہے۔

4. بریسٹ فیڈنگ میں تاخیر:
گُڑ دینے سے بچہ ماں کے دودھ کا ذائقہ قبول نہیں کرتا، جس سے بریسٹ فیڈنگ میں رکاوٹ پیدا ہوتی ہے۔

5. الرجی یا سانس کی تکلیف:
بعض بچوں میں گُڑ الرجی یا سانس کی پریشانی (respiratory distress) کا باعث بن سکتا ہے۔

6. نظامِ مدافعت کی کمزوری:
ماں کا پہلا دودھ (کولوسٹرم) قوتِ مدافعت بڑھاتا ہے، گُڑ دینے سے بچہ اس قدرتی تحفظ سے محروم رہتا ہے۔(copied)