Doctor Online

16/06/2023

نرسری میں داخل ہونے والے نوزائیدہ بچے یا نوزائیدہ بچوں کےچیک اپ کے دوران ڈاکٹر عام طور پر ایک سوال پوچھتے ہیں کہ کیا پیدائش کے بعد بچہ رویا تھا؟۔
تو ہم دیکھیں گے کہ یہ رونا کیوں اتنا اہم ہے۔
عام طور پر رونا درد اور غم کی علامت ہوتا ہے لیکن ڈاکٹر نوزائیدہ بچوں کے اس رونے کو صحت کی علامت سمجھتے ہیں۔
وجہ یہ ہے کہ جب کوئی نوزائیدہ بچہ روتا ہے تو اس میں دو اہم چیزیں دکھائی دیتی ہیں۔
ایک یہ کہ بچہ فعال اور ایکٹیو ہے، صرف فعال بچے ہی رو سکتے ہیں۔اگر بچہ ایکٹیو نہیں اور کسی بھی وجہ سے سست ہے تو روۓ گانہیں.
دوسرا یہ کہ رونا سانس کی علامت ہے، آپ اسی صورت میں رو سکتے ہیں جب آپ کی سانس چل رہی ہو۔ لہذا اگر بچہ پیدائش کے وقت روتا ہے تو اس کا مطلب ہے کہ بچہ معمول کے مطابق سانس لے رہا ہے .ہم چاہتے ہیں کہ بچے کی سانس لینے کا یہ عمل پیدائش کے فوراً بعد شروع ہو جائے کیونکہ بچہ ماں سے الگ ہو جاتا ہے اور اب اسے خون میں آکسیجن کی مقدار کو برقرار رکھنے کے لیے اپنی سانس لینے کی ضرورت ہوتی ہے۔
لہذا اگر بچہ پیدائش کے وقت نہیں رو رہا ہے تو اس کا مطلب ہے کہ بچہ یا تو سستی کا شکار ہے یا اسے خود سانس لینے کا عمل شروع کرنے میں دشواری کا سامنا ہے .ان
دونوں صورتوں میں بچے کو مدد کی ضرورت ہے .

13/06/2023

🌟ماؤں كیلئے مشورہ

🌀كچھ بچے كھانا كھاتے ہوئے اپنے ہاتھ، منہ اور برتن گندے كردیتے ہیں۔ پریشان نہ ہوں۔

🌀 ماہرین كے مطابق ایسے بچے زیادہ ذہین ہوتے ہیں۔دراصل وہ كھانے كے ساتھ تجربات كر رہے ہوتے ہیں۔

10/06/2023

Hi everyone! 🌟 You can support me by sending Stars – they help me earn money to keep making content that you love.

Whenever you see the Stars icon, you can send me Stars.

10/06/2023

آنکھ کی سٹاٸ (Eye stye )
یہ ایک ایسی بیماری ہے جس میں پلکوں کے کنارے پر واقع غدود بند ہو جاتا ہے اور اس میں انفیکشن ہو جاتا ہے۔ مریضوں کی پلکوں کے کنارے پر دردناک سرخ سوجن کی شکایت ہوتی ہے۔ ہی سات سے دس دن تک رھ سکتی ہے۔
مریضوں کو مشورہ دیا جاتا ہے کہ وہ علاج کے لیے اپنے آنکھوں کے ڈاکٹر سے ملیں۔
ڈاکٹر سے چیک کروانے تک آپ گھریلو علاج جیسے گرم ٹکور شروع کر سکتے ہیں۔ اس کے لیے تھوڑا سا گرم پانی لیں اور صاف کپڑا لیں .کپڑے کو پانی میں بھگو دیں اور پھر اسے نٍچوڑ دیں۔ پانی زیادہ گرم نہیں ہونا چاہیے کیونکہ اس سے آنکھوں میں جلن ہو سکتی ہے۔ آنکھیں بند کریں اور اس کپڑے کو دن میں پانچ سے چھ بار تین سے چار منٹ تک آنکھوں پر رکھیں۔ گرم ٹکور سے یہ کھل جاۓ گا۔

پولی فیکس آئی مرہم ڈاکٹروں کے مشورے سے بھی لگایا جا سکتا ہے۔
Dr. Arshad Mehmood - Child Specialist

04/06/2023

زیرِ زمین پانی کے ذخائر میں کمی کا شور تو سنتے ہیں لیکن کبھی اس کی وجہ جاننے کی کوشش کی؟ کیوں ہماری پانی والی موٹریں کام کرنا چھوڑ جاتی ہیں اور پھر ہمیں پانی حاصل کرنے کیلئے ذیادہ گہرا بور کروانا پڑتا ہے؟ جس گھر میں پہلے چالیس فٹ بور والا ہینڈپمپ یا نلکا بہترین کام کرتا تھا وہاں کیوں اب اڑھائی سو فٹ پہ بھی پانی نہیں مل رہا؟

اس کا سادہ سا جواب یہ ہے کہ ہم جتنا پانی زمین سے لے کر استعمال کر رہے ہیں، اسے اتنا پانی واپس نہیں کر رہے، یعنی ہمارے زیر زمین پانی کے ذخائر ری چارج نہیں ہو رہے۔

زیر زمین پانی کے ذخائر ری چارج کیسے ہوتے ہیں؟ بارش سے اور ہمارے استعمال شدہ پانی سے (اگر ہم وہ پانی زمین کو واپس کریں تو) ۔۔۔۔۔۔۔۔۔ ہزاروں سال تو یہ ذخائر ری چارج ہوتے رہے، اب کیوں نہیں ہو رہے؟ کیونکہ بارش اور دیگر استعمال شدہ پانی کے زمین میں جانے کا قدرتی راستہ (کچی زمین) کو ہم نے سیمنٹ، تارکول اور کنکریٹ سے بند کر دیا ہے، وہ پانی جو زیر زمین پانی کی سطح کو برقرار رکھتا تھا اسے اب واپس زمین میں جانے کا راستہ نہیں ملتا اور ہم اسے نالیوں میں بہا دیتے ہیں۔

اگر ہم سب اپنے اپنے گھر کا کچھ حصہ باغیچے کیلئے چھوڑ دیں تو نہ صرف یہ کہ باغیچے کی کچی زمین بارش کے پانی کو ہمارے زیر زمین پانی کے لیول کو برقرار رکھنے کیلئے استعمال کرے گی بلکہ ہمارا باغیچہ ہمیں روز تازہ پھل اور سبزیاں بھی دے گا۔ لہذا اس نام نہاد ترقی کے خ*ل سے باہر آئیں اور حقیقی ترقی اپنائیں۔

03/06/2023

28/05/2023

😶😶