https://www.facebook.com/101090775775150/

Azam Health Care Center, Luddan (2026)

26/11/2025

خود کو خوبصورت بنائیں ۔۔۔۔
روزانہ صرف چند منٹ اپنی جلد کو توجہ دیں۔ صبح چہرہ دھونے کے بعد ہلکا سا روز واٹر لگائیں، پھر کوئی اچھا سا موئسچرائزر استعمال کریں تاکہ جلد فریش اور گلو کرتی رہے۔ ہفتے میں دو بار ہلکی اسکربنگ کریں تاکہ مردہ جلد دور ہو جائے اور رنگت نکھر آئے۔ رات کو سونے سے پہلے چہرے پر ایلوویرا جیل یا بادام کے تیل کی ہلکی مالش کریں—یہ جلد کو نرم، صاف اور تروتازہ رکھنے کا بہترین اور قدرتی طریقہ ہے۔
جزاک اللہ خیراً
ہر پڑھنے والی آنکھ مسکرائے
Everyone Products

22/11/2025

ڈاکٹر کے میڈیکل سٹور سے بچیں ، جتنا بچ سکتے ہیں ۔
ڈاکٹر کی لیب سے بھی 🥺

22/11/2025

*خالی پیٹ سونف کھانے کے فائدے*
*Dr Ray M Azam Maqbool Kharal*
*03081010055*
*Dua Medical Store 🏪*
آپ خوش ہو جاؤ گے
خالی پیٹ سونف کھانے سے ہونے والے فایدے كے بارے میں آج ہم آپ کو بتائیں گے . سونف کا سب سے بڑا فائدہ تو یہ ہے . کہ یہ یاداشت بڑھتی ہے . اور جسم کو ٹھنڈا رکھتی ہے . سونف میں کیلشیم ، سوڈیم ، آئرن اور پوٹاشیم جیسے کائی منرلز پائے جاتے ہیں .
اِس كے علاوہ اِس کی خوشبو بھی بہت اچھی ہوتی ہے . اور تازگی کا احساس کرتی ہے . اِس كے استعمال سے کیئی بیماریون کا علاج کیا جا سکتا ہے . سونف کا مزاج گرم اور خشک ہے . اِس كے روزانہ استعمال سے پیٹ کی گیس کا جڑ سے خاتمہ ہو جاتا ہے ۔.
خالی پیٹ سونف کھانے سے آنكھوں کی روشنی بھی بہتر ہوتی ہے . آپ چاہیں تو اسے مصری كے ساتھ بھی استعمال کر سکتے ہیں . خالی پیٹ سونف کھانے سے خون صاف ہوتا ہے . اور اسکن میں چمک آتی ہے .
اگر آپ موٹاپا سے پریشان ہیں . تو آپ کو روزانہ صبح خالی پیٹ سونف خانی چاہئے . یا سونف کا پانی ضرور پینا چاہئے . اِس طریقے سے آپ کا وزن تیزی كے ساتھ کم ھونا شروع ہو جائے گا ۔۔
یہ وزن کم کرنے كے لیے بہت ہی اسردار طریقہ ہے . لگاتار 7 دنوں تک سونف کا پانی پینے سے وزن کم ہونے لگتا ہے . اگر آپ بھی اپنا وزن کم کرنے کی سوچ رہے ہیں . تو اک بار سونف کا استعمال کر كے ضرور دیکھیں .
ہاضمہ خراب رہنے کی وجہ سے جب پیٹ میں گیس ذیادہ بن ’ نے لگتی ہے . تو اِس صورت میں روزانہ خالی پیٹ سونف کھانے كے بعد ہلکا گرم پانی پینے سے بہت جلدی فائدہ ہوتا ہے۔

30/08/2023

یکم ستمبر سے تمام سرکاری ہسپتالوں میں نونہال اور نومولود بچوں کی حفاظتی ٹیکوں کا اندراج کمپیوٹرائز ہوگا ۔۔۔
جو کہ مستقبل میں شناختی کارڈ اور فارم بے بنانے میں کام آئے گا اس لئے ٹیکہ لگاتے وقت والد کا شناختی کارڈ اور موبائل نمبر ضرور ساتھ لائے شکریہ

ڈاکٹر نجیب اللہ خان ای پی آئی کوآرڈینیٹر ضلع ملاکنڈ

19/07/2023

یہ جو حال اس ہیلمٹ کا ہوا اس سے کئی گنا زیادہ برا حال اس بھائی کے سر کا ہونا تھا اور شائد اب تک اس کے معصوم بچوں کی زندگیاں تباہ ہو چکی ہوتیں اجڑ چکی ہوتیں اس کی جواں بیوی بیوہ ہو چکی ہوتی ایک مشکل ترین زندگی میں پھنس چکی ہوتی مگر شکر الحمدللہ اس بھائی نے ہیلمٹ پہن رکھا تھا اور اللہ تعالیٰ نے اس کو محفوظ رکھا معمولی زخموں کے بعد اب یہ اپنے بچوں کے ساتھ ہے اور بچے خوش ہیں ہیلمٹ کا لازمی استعمال کریں محفوظ رہیں تاکہ آپ کے بچے خوش گوار زندگی جی سکیں.

24/06/2023

گرمی خطرناک ہے ایک اہم معلومات ۔🌎
۔گرم لو لگنے سے اچانک موت کیوں ہو جاتی ہے ۔ معلومات ملاحظہ کریں

ہم سب دھوپ میں گھومتے ہیں لیکن کچھ لوگوں کو دھوپ لگ جانے کی وجہ سے اچانک موت کیوں ہو جاتی ہے؟

👈 ہمارے جسم کا درجہ حرارت ہمیشہ 37 ° ڈگری سینٹی گریڈ ہوتا ہے، اس درجہ حرارت پر ہی ہمارے جسم کے تمام اعضاء صحیح طریقے سے کام کر پاتے ہیں.

👈 پسینے کے طور پر پانی باہر نکال کر جسم 37 ° سینٹی گریڈ درجہ حرارت برقرار رکھتا ہے، مسلسل پسینہ نکلتے وقت پانی پیتے رہنا انتہائی مفید اور ضروری ہے.

👈 اس کے علاوہ بھی پانی بہت کارآمد ہے، جسم میں پانی کی کمی ہونے پر ہمارا جسم پسینے کے ذریعے ہونے والے پانی کے اخراج کو روکتا ہے. (یعنی بند کر دیتا ہے)

👈 جب باہر درجہ حرارت 45 ° ڈگری سے زائد ہو جاتا ہے اور جسم کا کولنگ سسٹم ٹھپ ہو جاتا ہے، تب جسم کا درجہ حرارت 37 ° ڈگری سے زیادہ ہونے لگتا ہے.

👈 جسم کا درجہ حرارت جب 42 ° سینٹی گریڈ تک پہنچ جاتا ہے تب خون گرم ہونے لگتا ہے اور خون میں موجود پروٹین پکنے لگتا ہے.

👈 پٹھے کڑک لگتے ہے اس دوران سانس لینے کے لئے ضروری پٹھے بھی کام کرنا بند کر دیتے ہیں.

👈 جسم کا پانی کم ہو جانے سے خون گاڑھا ہونے لگتا ہے، بلڈ پریشر low ہو جاتا ہے، اہم عضو (بالخصوص دماغ) تک خون کی رسائی رک جاتی ہے.

👈 انسان کوما میں چلا جاتا ہے اور اس کے جسم کے ایک کے بعد ایک عضو دھیرے دھیرے کام کرنا بند کر دیتے ہیں، اور اس کی موت واقع ہو جاتی ہے.

👈 گرمی کے دنوں میں ایسے مسائل ٹالنے کے لئے مسلسل پانی پیتے رہنا چاہئے، اس سے ہمارے جسم کا درجہ حرارت 37 ° ڈگری برقرار رہ پائے گا اس بات پر ہمیں توجہ دینا چاہئے.

آنے والے کچھ دنوں میں Equinox اكونكس کے گہرے اثرات خطے کے موسم پر پڑیں گے. کئی علاقے اس کی زد میں ہوں گے.

براہ مہربانی دوپہر 12 سے 3 کے درمیان زیادہ سے زیادہ گھر، کمرے یا آفس کے اندر رہنے کی کوشش کریں.

درجہ حرارت 40 ڈگری کے آس پاس ہوگا.

موسم کی یہ سختی جسم میں پانی کی کمی اور لو لگنے والی صورتحال پیدا کر دے گی.

(یہ اثرات خط استوا کے ٹھیک اوپر سورج چمکنے کی وجہ سے پیدا ہوتے ہیں.)

براہ مہربانی خود کو اور اپنے متعلقین کو پانی کی کمی میں مبتلا ہونے سے بچائیں.

بلا ناغہ کم از کم 3 لیٹر پانی ضرور استعمال کریں. گردے کی بیماری والے فی دن کم از کم 6 سے 8 لیٹر پانی پینے کی کوشش

23/03/2023

رمضان المبارک اور روزے: مذہب کی پسند سادہ اورمتوازن غذا

رمضان المبارک کی اہمیت و افادیت زندگی کے متعدد پہلوؤں سے ثابت ہے۔ اسلام کے اس بابرکت مہینے میں ہمیں الله تعالیٰ کی طرف سے عبادتوں کے ثواب اور گناہوں کا کفارہ ادا کرنے کا پورا موقع میسر آتا ہے۔ ساتھ ہی تیس دنوں میں ذہنی اور جسمانی نظام مضبوط اور طاقت ور ہوجاتا ہے - اس کے لئے یہ لازم ہے کہ جو غذا ہم افطاری و سحری میں استعمال کرتے ہیں وہ سادہ، متوازن اور صحت بخش ہونی چاہئے۔ افطاری میں صحت بخش جوس ضرور نوش کرنا چاہئے تاکہ جسم میں کمزوری نہ رہے۔

سحری میں پیٹ بھر کر کھانا غلط طرز عمل ہے اس سے معدے کا نظام غیر محرک ہوجاتا ہے اور نظام ہضم کو شدید نقصان پہنچاتا ہے۔ ہمارا معدہ ایک خاص مقدار تک کی غذا ہضم کرنے کی صلاحیت رکھتا ہے۔ مخصوص مقدار سے زائد غذا اکثر مختلف بیماریوں کا باعث بنتی ہے٬ جیسے ڈائریا، تیزابیت اور معدے کا انفکیشن وغیرہ۔ زیادہ کھانے سے دست شروع ہوجائیں تو شدید کمزوری لاحق ہوتی ہے٬ پھر دستوں کے ساتھ الٹیاں متاثرہ شخص کو مزید لاغر کر دیتی ہیں٬ لہٰذا اول تو کسی بھی قسم کی بھاری و ثقیل غذا کا استعمال ہرگز نہ کریں اور اگر بھاری غذا استعمال کر بھی رہے ہیں تو کم مقدار میں لیں۔ سحری میں گھی میں ڈوبے پراٹھوں کی جگہ کوشش کریں کہ سادہ روٹی یا ڈبل روٹی یا استعمال کریں۔ یہ معدے کے لئے مفید ہے۔ ان کے ساتھ دال یا کم روغن والا سالن استعمال میں کھانے کے بعد توانائی پہنچانے والا کوئی بھی جوس یا تازہ پھلوں کا رس استعمال کرسکتے ہیں۔ ان سب چیزوں کے ساتھ ساتھ سحری میں کوئی سا ایک پھل ضرور استعمال کریں۔ اور اسے اپنی عادت بنا لیں۔ رمضان کے بعد ایسا ہی ناشتہ کرنے کی عادت ڈال لیں ۔ انشاءاللہ کبھی معدے کی کوئی شکایت نہیں ہوگی ۔

سحری میں چاول سے بنی ہوئی ڈشیز بہت کم استعمال کریں۔ نہاری، سری پائے، بینگن اور گوبھی وغیرہ سے بھی پرہیز کریں۔ اگر مذکورہ غذائیں سحری میں استعمال کی جائیں تو بد ہضمی کی شکایت ہوسکتی ہے ،البتہ کبھی کبھار استعمال کرنے میں کوئی مضائقہ نہیں، لیکن کوشش کریں کہ کم مقدار میں کھائیں ورنہ پورا دن کھٹی ڈکاریں آئیں گی اور تیزابیت کی شکایت بھی ہوسکتی ہے۔ ایک اور بات کا بہت خیال رہے کہ سحری میں انڈا یا اس سے بنی ہوئی چیزیں کم سے کم استعمال کریں یا بالکل ہی نہ کھائیں ایسی غذاؤں سے پیاس کی شدت بڑھ جاتی ہے۔ ان احتیاطی تدابیر سے افطار تک انشاءاللہ بہت اچھا گزرے گا ۔ ہاں، ایک احتیاط اور برتیں، سحری کے بعد آرام بالکل نہ کریں۔ اپنے روزمرہ کام سرانجام دیتے رہیں اور خود کو مصروف رکھیں ۔ سحری کے فوراً بعد آرام سے جسم میں سستی آجاتی ہے جو معدے کا سائز بڑھاتی ہے اور پیٹ بھرا ہوا اور پھولا پھالا سا محسوس ہوتا ہے۔

روزہ ہمیشہ کھجور یا نمک سے افطار کریں٬ طبی اور مذہبی اعتبار سے اسکی بڑی اہمیت ہے۔ یہ دونوں چیزیں صحت کے لئے نہایت مفید ہیں۔ جدید تحقیق کے مطابق کجھور میں کچھ ایسی غذائیت ہوتی ہے جو معدے کے عضلات کو مضبوط کرتی ہے اور دوران خون کی کارکردگی بڑھا دیتی ہے۔ کھجور کے استعمال سے نہ صرف ہڈیاں مضبوط ہوتی ہیں بلکہ یہ جسم کو بھرپور توانائی فراہم کر کے جسم کی کمزوری دور کرتی ہے۔

کھجور کے فوراً بعد تھوڑا سا نیم گرم پانی استعمال کریں، یہ بھی معدے کی کارکردگی کو بڑھاتا ہے اور معدے میں موجود تیزاب کو ختم کر نے میں مدد دیتا ہے۔ سحری کی طرح افطاری میں بھی روغنی اشیاء کا استعمال کم سے کم کریں، یا بالکل ہی نہ کریں ۔ افطاری میں دہی بڑے، سبزی کے پکوڑے، فروٹ چاٹ، فریش جوس یا گلوکوز لے سکتے ہیں۔ سموسے اور رول وغیرہ کا استعمال کم سے کم کریں۔

اگر آپ چاہتے ہیں کہ پورا رمضان المبارک صحت مند رہیں اور معدے کی بیماریوں سے بچیں تو افطاری کے فوراً بعد کھانا نہ کھائیں، بلکہ دو گھنٹے بعد کھائیں۔ عادت بنا لیں کہ افطاری کے بعد تھوڑی بہت چہل قدمی ضرور کریں۔ مرد حضرات تراویح وغیرہ پڑھتے ہیں تو ان سے ورزش ہوجاتی ہے اور کھانا ہضم ہوجاتا ہے خواتین کے لئے ضروری ہے کہ وہ کھانے سے پہلے اور افطاری کے کچھ دیر بعد چہل قدمی کریں، تاکہ کھانا ہضم ہوجائے، ورنہ کھانے کے بعد سونے سے کھانا ٹھیک سے ہضم نہیں ہوگا اور سحری میں بھی بھاری بھاری سا محسوس ہوگا ۔ یہ طرز عمل صحت کے لئے کسی طور مناسب نہیں ہے۔

سحری اور افطاری کا خاص شیڈول بنائیں اور پھر پورا مہینہ اس پر سختی سے عمل کریں ، تاکہ تمام روز مرہ کے کام بھی متاثر نہ ہوں اور عبادت کا لطف و ثواب بھی پورا حاصل ہو سکے ۔

09/01/2023

کیا آپ جانتے ہیں ۔؟
جو کھانے آپ کو بچپن میں نا پسند لگتے تھے اگر آج کھائیں تو آپ کو لذیذ لگیں گے کیوں کہ ہمارے منہ کا ذائقہ ہر سات سال بعد تبدیل ہو جاتا ہے

کیا آپ جانتے ہیں۔؟
جب آپ کسی کے ساتھ بہت زیادہ قریب ہو جاتے ہیں تو اس کا پیغام پڑھتے وقت بھی آپ دماغ میں اس کی آواز سن پاتے ہیں

کیا آپ جانتے ہیں ۔؟
ماہر نفسیات کا کہنا ہے کہ جو لوگ کالا رنگ پسند کرتے ہیں وہ ذہنی طور پر بہت رنگین مزاج ہوتے ہیں

کیا آپ جانتے ہیں ۔؟
سائنسدانوں نے کہا ہے کہ مرغی انڈے سے پہلے بنی ہے کیوں کہ انڈے کے چھلکے میں جو پروٹین استعمال ہوتی ہے وہ صرف مرغی بنا سکتی ہے

کیا آپ جانتے ہیں ۔؟
زمین پر جتنی چونٹیاں ہیں ان کا وزن زمین پر موجود انسانوں سے زیادہ ہے

کیا آپ جانتے ہیں ۔؟
ماہر نفسیات کا کہنا ہے کہ دکھ تکلیف آپ کو مضبوط بناتے ہیں خوف آپ کو بہادر اور دل کا ٹوٹنا آپ کو ذہین بناتا ہے

کیا آپ جانتے ہیں ۔؟
خواب کی لمبائی زیادہ سے زیادہ بیس منٹ تک ہی ہوتی ہے

کیا آپ جانتے ہیں ۔؟
اپنا نام سننا جب کوئی بھی آپ کو نہ بلا رہا ہو تو یہ اچھی دماغی صحت کی علامت ہے
کیا آپ جانتے ہیں ۔؟
الاسکا میں سورج اٹھارہ نومبر کو ڈوبتا ہے اور ستائیس نومبر کو ابھرتا ہے اس دوران وہاں صرف اندھیرا رہتا ہے

کیا آپ جانتے ہیں ۔؟
لپ سٹک آج سے چار ہزار سال پہلے ایجاد ہوئی تھی
میسوپوٹیمیا کی خواتین پہلے قیمتی موتیوں کے بورے یا ان کو پیس کر اس پاؤڈر سے ہونٹ سجاتی تھیں

کیا آپ جانتے ہیں ۔؟
مچھروں کو او بلڈ گروپ پینا زیادہ پسند ہے

کیا آپ جانتے ہیں ۔؟
بڑا بیٹا والدین سے زیادہ مخلص ہوتا ہے اور آخری نمبر والا بچہ والدین کو زیادہ تنگ کرتا ہے

کیا آپ جانتے ہیں ۔؟
جیمز فكس وہ آدمی تھا جس نے جوگنگ کا لفظ متعارف کرایا تھا اور ایک دن جوگنگ کرتا ہوا ہارٹ اٹیک سے مر گیا

کیا آپ جانتے ہیں ۔؟
اپنے محبوب شخص کے ساتھ رہنا آپ کی زندگی بڑھا دیتا اور آپ کے ڈپریشن میں کمی لاتا ہے

کیا آپ جانتے ہیں ۔؟
آپ ساری دنیا کو دھوکہ دے سکتے ہیں ۔ لیکن اس شخص کو نہیں جس سے آپ دل سے مخلص ہوں ۔

کیا آپ جانتے ہیں ۔؟
اگر آپ سارا دن بنا آرام کیے کام کریں تو تو آپ کو سونے میں مسلہ ہوتا ہے کیوں کہ آپ کا دماغ وہ ساری باتیں سوچنے اور کرنے لگتا ہے جو وہ دن کی مصروفیت کی وجہ سے نہیں کر پائے ۔

09/01/2023

متوجہ ہوں۔
میرا بہت بہت آزمودہ نسخہ ہے آپ بھی لازمی استفادہ حاصل کریں بہت آسان اور بہت کم قیمت اور کمال کا فاٸدہ ہے حیران کن نتاٸیج ہیں

ھوالشافی
قرنفل (لونگ) چالیس گرام
دارچینی پچاس گرام
بادیان خطائی سو گرام
الائچی خورد دس گرام
پودینہ خشک دس گرام
تمام ادویہ خوب باریک کرلیں تیارہے
معروف طریقے سے قہوہ بنالیں ایک گرام دوا سے دو بندوں کیلئے بنا لیں
خواص
موسمی تبدیلی کے اثرات نزلہ و زکام تر کھانسی ہلکا بخار اور جسمانی تھکاوٹ اور تیزابیت کی زیادتی کو رفع کرے گا کمی بھوک کیلئے مفید ہے طبعیت کی گرانی دور ہو جاتی ہے بچے بڑے سب استعمال کر سکتے ہیں۔سردیوں کے وباٸی امراض میں حفظ ماتقدم بھی ہے۔اور کامیاب علاج بھی۔ سردیوں کے موسم میں گھر کا ہر فرد روزانہ استعمال کرے۔ بے ضرر ہے۔ یہ قہوہ گھر کا ڈاکٹر سمجھیں ابتدائی امراض کیلئے لاجواب ہے
خوشبو دار بنتا ہے منہ کی بدبو کو بہی زائل کرتا ہے مقوی معدہ ہے کثرت البول کے لیے بھی مفید ہے
میٹھے میں شہد میسر آجاے تو فوائد دگنے ہو جاٸیں گے۔
آپ کی آسانی کے لیے نیچے سب چیزوں کی تصویریں بھی دی گٸ ہیں۔

09/01/2023

ہُدہُد
اللہ تعالی نے تمام پرندوں میں سے ہدہد کو یہ شرف کیوں بخشا کہ اس کا ذکر قرآن مجید میں کیا
یہ وہ واحد پرندہ ہے جو زندگی میں صرف ایک بار شادی کرتا ہے۔۔ اور اپنے جیون ساتھی کی وفات کے بعد بھی اکیلے ہی زندگی گزارتا ہے۔۔۔ یہ اپنی مادہ کو مہر میں کھانے کی کوئی چیز پیش کرتا ہے اگر وہ اسے کھالے تو اس کا مطلب یہ ہے کہ وہ شادی کے لیے راضی ہے۔۔۔ پھر نر اس مادہ کو اپنے گھونسلے کی طرف لے کر جاتا ہے جو اکثر اوقات کسی درخت میں سوراخ کرکے بنایا ہوتا ہے اگر اسے گھر پسند آجائے تو دونوں رشتہ زواج میں منسلک ہوجاتے ہیں۔۔۔
مادہ عموما ہر موسم میں چھ سے آٹھ انڈے دیتی ہے اور بچے پیدا ہونے کے بعد باری باری بچوں کی خوراک کا بندوبست کرتے ہیں
عجیب بات یہ ہے کہ دونوں میں سے کسی کو بھی کھانے کی کوئی چیز مل جائے وہ اکیلے نہیں کھاتا بلکہ دونوں کے اکھٹا ہونے کے بعد ہی اسے کھاتے ہیں۔۔۔
ہدہد کی چھٹی حس اتنی تیز ہوتی ہے کہ وہ زمین کے اوپر سے ہی پانی کو محسوس کر لیتا ہے اسی وجہ سے سلیمانؑ اس سے زیر زمین پانی ڈھونڈنے کا کام لیتے تھے۔ہدہد ہزاروں میل کا سفر بٖغیر رکے طے کرنے کی طاقت رکھتا ہے اسی وجہ سے سلیمانؑ نے اسے دوسرے ملک ملکہ بلقیس کے پاس خط دے کر بھیجا تھا۔ہدہد کی ازدواجی زندگی آج کے دور کے انسانوں کے لیے ایک مثال ہے۔
جب سلیمان علیہ السلام نے پرندوں سے ان کی خوبیاں پوچھی تو ہدہد نے اپنی خوبیاں بتاٸیں ۔کوا بولا حضور یہ جھوٹ بول رہا ہے اگر اس کی نظر اتنی تیز ہے تو یہ شکاری کے جال میں کیوں پھنس جاتا ہے دانا نظر آتا ہےجال نظر کیوں نہیں آتا۔ تو ہدہد نے جواب دیا حضور یہ بات ٹھیک ہے جال میں دانے میں پھنستے وقت مجھے دانا نظر آتا ہے جال نہیں کیونکہ میری آنکھوں پر تقدیر اور اجل کا پردہ پڑ جاتا ہے اس لیے جال میں پھنس جاتا ہوں۔
رب بڑی حکمتوں والا ہے یہ نظام کاٸنات بڑے احس طریقے سے چلا رہا ہے

09/01/2023

جانور اپنا علاج کیسے کرتے ہیں؟

پہاڑی چوہے زخمی ہوجائیں تو اپنے زخموں کو جراثیم اور دھول سے بچانے کے لیے ان پر درخت کا گوندھ لگا لیتے ہیں۔ اسی طرح ریچھ بھی اپنے زخموں کو صاف کرنے کے بعد انہیں گوند یا صاف مٹی سے چھپالیتا ہے اور پانی سے بھی بچائے رکھتا ہے۔ماہرین کے مشاہدے کے مطابق ہُدہُد اپنی ٹوٹی ہوئی ہڈی پر گیلی مٹی یا درختوں کی باریک جڑوں کا پلستر سا باندھ لیتا ہے اور چند دن بعد بالکل ٹھیک ہوجاتا ہے۔
جب کوئی جنگلی جانور زخمی ہوجاتا ہے تو وہ وہ اپنا ٹھکانہ تبدیل کرکے کسی پرسکون جگہ پر چلا جاتا ہے اور دوا کے طور پر مختلف اقسام کی جڑی بوٹیاں کھاتا ہے۔ شیر اور بھیڑیئے جیسے گوشت خور جانور بیمار ہونے کی صورت میں گوشت کھانا چھوڑ دیتے ہیں اور سبزیوں پر گزارہ کرتے ہیں، ریچھ کی پرہیزی غذا ان دنوں میں بیر اور جڑیں ہوتی ہے اور ہرن درختوں کی چھال کھاتا ہے۔حیوانوں کی ان حفاظتی تدابیر کا مشاہدہ کرتے ہوئے یہ حقیقت سامنے آتی ہے کہ وہ ان پودوں اور جڑی بوٹیوں کا علم رکھتے ہیں جو مختلف بیماریوں میں فائدہ دیتی ہیں۔
یہ نکتہ اس بات کا ثبوت ہے کہ پرانے زمانے میں انسان نے علم طب کی ابتدائی باتیں جانوروں ہی سے سیکھی تھیں۔ مثلاً نیولا سانپ کومارنے کے بعدایک خاص پودے کی پتیاں کھالیتا ہے جو سانپ کے زہر کو زائل کرنے کی صلاحیت رکھتا ہے۔ مرغی برسات کے دنوں میں اپنے بچوں کو (اس موسم کی بیماریوں سے بچانے کی خاطر) نرم نرم گھاس تلاش کرکے کھلاتی ہے۔ بندر کو ’’جلدی‘‘ بیماریوں میں نیم کی کونپلیں توڑ توڑ کر کھاتے دیکھا گیا ہے۔
جب جنگلی جانور بخار میں مبتلا ہوتے ہیں تو ایسی جگہ ڈیرہ ڈالتے ہیں جو نہ صرف سایہ دار ہوتی ہے بلکہ وہاں کی ہوا صاف اور پانی بھی قریب ہوتا ہے۔ بخار کی شدت کم ہونے یا بخار ٹوٹنے تک وہ صرف پانی پیتے ہیں اورکچھ کھاتے نہیں۔ اسی طرح جس جانور کو جوڑوں یا عضلات کی تکلیف ہوتی ہے وہ ایسی جگہ رہائش اختیار کرتے ہیں جہاں سورج کی روشنی براہ راست اثر انداز ہوتی ہے۔
آخری عمر میں یعنی بڑھاپے میں ریچھ اور دوسرے کئی جانور گرم چشمے تلاش کرتے ہیں اور روز باقاعدگی سے وہاں جاکر غسل کرتے ہیں۔ جن جانوروں کو جوئیں یا پسو پڑجاتے ہیں وہ مٹی میں لوٹنیاں لگاتے دیکھے گئے ہیں۔ آپ اس عمل کو ’’غسل خاکی‘‘ بھی کہہ سکتے ہیں۔ماہرین کے مشاہدے کے مطابق جانور موسمی تبدیلیوں کے ساتھ اپنی غذائیں بھی تبدیل کرتے ہیں۔ انڈے دینے والی چڑیاں کیلشیم کی کمی پوری کرنے کی غرض سے ساحل سمندر پر جاکر گھونگھے چن چن کر کھاتی ہیں اور ہرنیاں میلوں دور تک ایسے پانی کی تلاش میں جاتی ہیں جس میں کیلشیم کی مقدار زیادہ ہو۔
جب کسی زخمی عضو کے ٹھیک ہونے کا امکان صفر ہوجائے تو ڈاکٹر مجبوراً اسے کاٹ دیتے ہیں تاکہ دوسرے جسمانی حصے خطرے سے محفوظ رہیں۔ آپ کو یہ جان کر یقیناً حیرت ہوگی کہ جانور بھی اس آخری طریقہ علاج کی شُدبُد رکھتے ہیں۔ جب وہ ایسی صورتحال سے دوچار ہوتے ہیں تو اپنے ناقابل علاج عضو کو مختلف طریقوں سے جسم سے علیحدہ کردیتے ہیں۔ جب کسی جانور یا پرندے کا کوئی عضو جال میں پھنس جاتا ہے تو وہ اسے دانتوں یا چونچ کی مدد سے کاٹ کر آزاد ہوجاتا ہے کیونکہ یہ بے زبان بھی جانتے ہیں کہ زندگی ایک عضو سے زیادہ قیمتی ہے۔
اللہ حکمت والا رب ہے جو کاٸنات کے نظام کو بڑے احسن طریقے سے چلا رہا ہے۔

09/01/2023

مالٹا۔
ایک مالٹے سے جسم کو روزانہ درکار وٹامن سی کی 70 فیصد مقدار مل جاتی ہے جو مدافعتی نظام کو مضبوط بنانے کے لیے اہم وٹامن ہے۔

یہ وٹامن آئرن کو جذب کرنے کے لیے بھی اہم ہوتا ہے جبکہ جسم کو خون کی شریانوں اور مسلز کی تشکیل کے لیے بھی اس کی ضرورت ہوتی ہے۔

معدے کے لیے بہترین
ایک مالٹے میں 3 گرام غذائی فائبر موجود ہوتا ہے۔

فائبر سے نہ صرف قبض سے بچنے یا اس سے ریلیف میں مدد ملتی ہے بلکہ یہ غذائی جز آنتوں کو بھی صحت مند رکھتا ہے۔

5 منٹ کے اندر نیند کو یقینی بنانے میں مددگار طریقے

اسی طرح فائبر سے کولیسٹرول اور بلڈ شوگر کی سطح بھی کم ہوتی ہے۔

مالٹوں میں موجود فائبر سے پیٹ بھرنے کا احساس زیادہ دیر تک برقرار رہتا ہے جس سے جسمانی وزن کو کنٹرول کرنا بھی آسان ہوجاتا ہے۔

ورم کش
ہر مالٹے میں 170 phytochemicals اور 60 فلیونوئڈز ہوتے ہیں، یعنی یہ ورم کش پھل ہے۔

اینٹی آکسائیڈنٹس سے بھرپور یہ پھل طویل المعیاد ورم سے لڑنے میں ادویات سے زیادہ بہتر ثابت ہوسکتا ہے۔
کم از کم ایک مالٹا روز ضرور کھاٸیں

Azam Health Care Center

26/11/2025

22/11/2025

22/11/2025

30/08/2023

19/07/2023

24/06/2023

23/03/2023

09/01/2023

09/01/2023

09/01/2023

09/01/2023

09/01/2023

Address

Telephone

Website

Alerts

Contact The Practice

Shortcuts

Share

Category